Dans Ófelíu, sjómennska og daglegt veður.

Dagarnir æða áfram bókstaflega.

Veðrið er ágætt, en mætti vera hlýrra.

Það er sama dagskipunin hér á bænum, vakna borða fara í skólann vinna og koma heim fá sér í gogginn, svo í sturtu og lesa og syngja smá og svo sofa aftur.

Það þarf stundum að flýta sér smá á morgnana, en það er allt í lagi, eins og Hanna Sól myndi segja.

Og Hanna Sól hefur eignast alvöru vinkonu sem býr í næst næsta húsi.  Þær eru glaðar saman og heimsækja hvor aðra.  Hanna Sól getur meira að segja farið alveg sjálf og bankað upp á hjá henni Snæfríði vinkonu sinni. En hér er verið að horfa á barnaefnið í sjónvarpinu.

Og það er komið kvöld.  Sólin rétt nær að senda sína síðustu geisla inn á flugvöll áður en hún fer að sofa.

 

Hér kemur dans Ófelíu.

Hanna Sól í aðalhlutverkinu.

Ég held að hún verði góður dansari þessi stúlka.

Ófelía hvílir sig undir átökin framundan.

Og svo listrænt Adjö!

 

Á sjó.

En Hafskip siglir um höfin blá fullhlaðið gámum.

Og svei mér þá ef það er ekki nýtt þorskastríð í uppsiglingu.

Bátarnir eru allavega að fiska vel.

Og sjómenn fagna.

Þeirra er framtíðin í hinu Nýja Íslandi frelsisins.

enda vinna menn hörðum höndum við að koma silfri hafsins í land og til vinnslu til að kaupa gjaldeyririnn sem við þörfnumst svo mjög.  Þannig og eingöngu þannig snýst gæfan okkur í hag, að nýta það sem við höfum, en ekki hlaupa eins og hérar undir pilsfald Evrópudrottingarfólkins og drottnaranna.

Íslands stolta þjóð á betra skilið. 

Reyndar eru þessar myndir teknar við pollinn á Flateyri, við Einars bryggju, sem væntanlega heitir eftir kempunni góðu Einari Oddi.  En þessi skemmtilegu skip eru smíðuð af ýmsum aðiljum hér fyrir vestan, og eru allt listasmíð.  Og ég verð að segja algjörlega frábær hugmynd, við erum nefnilega svo frjó í hugsun og sjálfbjarga, búandi hér á orkusvæðinu Vestfjörðum. 

Það breytir þó ekki því sem ég sagði áðan um dugnað sjómannanna okkar og björgina sem þeir munu veita okkur. 

Eigið góðan dag elskurnar.

Athugasemdir

[Helga Magnúsdóttir, 11.6.2009 kl. 17:48]

Eigðu líka góðan dag, Ásthildur mín. Annars virðast allir dagar frábærir í kúlunni.

[Steingrímur Helgason, 11.6.2009 kl. 20:22]

Flottar tátur & flottir bátar...

Þú viðheldur í okkur zumum Lángwerzdferðíngnum...

[Ásthildur Cesil Þórðardóttir, 11.6.2009 kl. 20:37]

Takk Helga mín, já hér ríkir yfirleitt mikil gleði og friður. 

Veistu Steingrímur minn, að svei mér þá, þá er það nú einmitt markmiðið hjá mér.  Að láta ykkur ekki gleyma Vestfjörðum. 

[Jóhann Elíasson, 11.6.2009 kl. 20:48]

Hver gerir þessi flottu skipsmódel?  Þarna sá ég ekki betur en "Gyllir" væri og svei mér þá þarna voru allir gilsar og stög til staðar, þessi módel eru listasmíð.

[Dísa (IP-tala skráð) 11.6.2009 kl. 20:50]

Meiriháttar dans , og bátarnir og skipin eru flott, líta mjög raunverulega út.

[Ásdís Sigurðardóttir, 11.6.2009 kl. 21:09]

Ófelía er fim og falleg. Bátarnir eru hrein listasmíð. Knús vestur 

[Lilja Guðrún Þorvaldsdóttir, 12.6.2009 kl. 00:41]

Flottir bátar! Rosalega flottar ömmustelpur með vinkonu! Og flottasta Ófelía sem ég hef séð á mynd!  Já, hún verður sko einhverntíma góður dansari þessi fallega bjarta stúlka.

[Hjördís Pétursdóttir (IP-tala skráð) 12.6.2009 kl. 09:39]

Yndislegar stelpur

[Magnús Geir Guðmundsson, 12.6.2009 kl. 09:45]

Vestfirðir gleymast nú tæpast og örugglega ekki meðan þú ungmeyjan heldur uppi merki þeirra!

En talandi um hafsins hetjur, sem sækja björg í bú. menn eru víst ekki beint glaðir þarna hjá þér vegna Sjómannadagsins, engin aldin kempa heiðruð í þetta sinn! Varla er þó skortur á slíkum orðin í sjávarplássinu góða, nema allir séu fallnir frá eða nú þegar komnir í heiðursflokkinn?

[Kidda (IP-tala skráð) 12.6.2009 kl. 10:35]

Varð á að hugsa, var hún í þyrlu við fyrstu myndina af skipunum

Knús í ömmukúlu

[Hrönn Sigurðardóttir, 12.6.2009 kl. 11:07]

Flott Ófelía :) Svona björt og falleg.

[Elín Helgadóttir, 12.6.2009 kl. 15:21]

snilld...  þessi bátar !

[, 12.6.2009 kl. 21:40]

Þær eru nú frábærar þessar snúllur í kúlunni og ægifögur hún Ófelía   Þessir bátar eru alger snilld - sýndust sko alveg vera í alvörunni  Þakka fyrir góða færslu sem endranær og sendi knús í kúluhús

[Sigrún Þorbjörnsdóttir, 12.6.2009 kl. 23:14]

Hanna Sól er greinilega með dansgenin í lagi. Æðisleg dansmær  Skipin eru flott! Knús á þig elskuleg

[Ásthildur Cesil Þórðardóttir, 13.6.2009 kl. 09:37]

Jóhann ég held að það séu ýmsir sem smíða, en mestan þáttinn á Úlfar Önundarson á Flateyri, ég veit að Grétar félagi minn Arnbergsson Grétar á gröfunni smíðaði a.m.k. einn af þessum bátum.  Gaman væri að fá upp fleiri nöfn.

Já Dísa mín þeir eru stórskemmtilegir bátarnir.  Ég hitti einmitt fólk í gær sem hafði lesið bloggið og var að fara að skoða þá

Knús á þig líka Ásdís mín.

Lilja mín mikið er gaman að heyra þetta, þú hefur örugglega séð þær margar Ófelíurnar á þínum glæsilega ferli.

Takk Hjördís mín.

Magnús ég hafði ekki tekið eftir því, en við eigum nóg af hafsins hetjum til að heiðra.  Fyrrnefndur Grétar Arnbergsson var reyndar heiðraður, þó hann væri ekki að flíka því við vinnufélaga sína

Hehe Kidda mín, já gettu hvort ég gæti setið í þyrlu eins og ekkert væri og tekið myndir

Takk Hrönn mín

Þeir eru flottir Elín mín.

Knús til baka Dagný mín.

Knús á þig líka elsku Sigrún mín.