Komnar heim.... og áfram skal halda.

Jæja þá vorum við útskrifaðar i morgunn ömmgurnar.  Sú stutta vaknaði á sínum tíma kl. 7 í morgun og bað um brauð með osti.  Svo horfði hún á sjónvarp og púslaði saman tveimur púslum, á stofugangi voru læknarnir svo ánægðir með hana að við fengum að fara heim. 

En það er dálítið spennandi að gerast fyrir utan eldhúsgluggann hjá okkur, þessi kónguló hefur ofið sinn vef beint þar fyrir utan og við getum fylgst með henni á sínum ferli. 

Líf Lóu Kóngulóar hehehehe....

Hér eru þessi tvö með blóm og rjóma.

En litla skottið var bara lasinn.

Hún var samt orðin bara ansi hress á sunnudagskvöldið.

Svo afi fór með hana á leikskólann á mánudagsmorguninn.

Brandi finnst mjög notalegt að láta Hönnu Sól dúlla við sig á morgnana.

En svo hringdu þær frá leikskólanum og sögðu að þeim litist ekkert á Ásthildi litlu svo ég fór með hana á sjúkrahúsið, og læknirinn sagði að það væri best að leggja hana inn og fylgjast með henni.

Á Sjúkrahúsinu á Ísafirði eru allir algjörlega frábærir, þau voru svo góð við okkur, og það var notalegt að dvelja þarna.  Og það var vel passað upp á að Ásthildur drykki og reyndi allavega að borða. 

Matta og Ingi komu í heimsókn og Matta hafði hugsun á að kaupa orkudrykk, sem ég gaf henni í pela.  Og hún hresstist ótrúlega fljótt.

Hér er mín farin að pússla.

Svo var hægt að horfa á sjónvarpið.

Og afi kom í heimsókn líka.

Hér er heimilislegt og notalegt, blóm á borðum og fallega útsaumuð listaverk á veggjum.

en mín vildi bara fara á leikskólann sinn.  Og hún var heppinn, þau voru einmitt að undirbúa ferð í sveitina til að skoða lömbin.

Fóstrurnar á kafi að undirbúa gönguferðina, því bóndabærinn er jú í göngufæri við leikskólann, eða upp í Hraun til Hjálmars bónda.

Og hin börnin fögnuðu litlu skottunni minni.

Þetta ævintýri endaði vel.  Og veðrið er gott.  Nú þarf ég að drífa mig út að gera eitthvað af viti.  En mikið er ég glöð yfir að allt fór vel.  Og innilega takk fyrir okkur starfsfólk sjúkrahússins á Ísafirði.  Þið eruð frábær öll sem eitt.

 

Athugasemdir

[Hrönn Sigurðardóttir, 27.5.2009 kl. 13:25]

æj.. hvað hún var glöð að sjá afa sinn

[Linda Linnet Hilmarsdóttir, 27.5.2009 kl. 14:44]

Svo falleg og yndisleg........mikil Ömmu og Afa stelpa.....:)

[Sigrún Þorbjörnsdóttir, 27.5.2009 kl. 15:36]

Æ skotta litla, ég fæ bara tárin í augun. En gott að allt fór vel  Brandur er heppinn að hafa svona snyrtidömu til að dúlla við sig  Það er flott að fylgjast með kóngulónum, en mér finnst bara spennandi að sjá þessar hlussur utandyra.. Bataknús í Kúlu

[Ásdís Sigurðardóttir, 27.5.2009 kl. 19:02]

Gott að allt fór vel. Kærleikskveðja til ykkar

[Ragnhildur Jónsdóttir, 27.5.2009 kl. 19:03]

Gott að heyra að litla stúlkan er orðin hressari þessar pestir geta verið ansi leiðinlegar.  Flottar myndir af Lóu könguló, þær eru þvílíkt flottir arkitektar og byggingameistarar. Gaman að fylgjast með þeim .... í gegnum gluggann

[Elín Helgadóttir, 27.5.2009 kl. 23:43]

  Það er munur að hafa alla þessa SJÚKRALIÐA, hjúkrunarfræðinga og lækna að þvælast um sjúkrahúsin og hjálpa fólki í leiðinni......

[Ragnheiður , 27.5.2009 kl. 23:56]

Myndin af henni hjá afa sínum er dásemd..gott að hún hresstist hratt.

[Jenný Anna Baldursdóttir, 28.5.2009 kl. 01:18]

Heyrðu, hvaða hlussu kafloðna könguló er þetta eiginega?

Ásthildur: Ertu farin að flytja þær inn frá Perú eða eitthvað?

Garg.

[Kidda (IP-tala skráð) 28.5.2009 kl. 10:58]

Gott að heyra að þið hafið verið útskrifaðar af sjúkrahúsinu. Köngulær eru í lagi fyrir utan óopnanlega glugga.

Knús í kúluna

ps. mannst að passa upp á blómin mín og selja þau ekki

[Lilja Guðrún Þorvaldsdóttir, 28.5.2009 kl. 14:04]

Er þetta þá einhver flensupest í litlu nöfnu þinni Ásthildur? Vonandi er þetta þá búið núna.  Ófrýnileg þessi könguló, en jafnframt forvitnilegt að hafa þær aðstæður að geta fylgst svona náið með lífi hennar.  

[Helga Magnúsdóttir, 28.5.2009 kl. 16:21]

Hvernig gastu gert mér það að setja inn myndir af þessari ógeðslegu kóngulóarhlussu? Munaði engu að ég ræki upp öskur og stykki upp frá tölvunni. Það hefði að öllum líkindum orðið erfitt að útskýra það fyrir vinnufélögunum.

[, 28.5.2009 kl. 22:20]

Æ litla skottið. Gott að henni er batnað. Og gott að spítalareynslan var svona góð. En kóngulóin fannst mér ekki falleg   

[Karl Tómasson, 29.5.2009 kl. 18:13]

Yndislegar myndir að vanda kæra Ásthildur. Myndin af skottunni með afa er einstaklega falleg og hugljúf.

Mikið er gott að allt gekk vel.

Bestu kveðjur úr Mosó mín kæra frá Kalla Tomm.

[Dísa (IP-tala skráð) 29.5.2009 kl. 21:03]

Við Ásthildur höfum þá átt það sameiginlegt að liggja á sjúkrahúsi í vikunni. Ég hef sömu sögu að segja, starfsfólk Landspítalans er líka einvala fólk. En mín niðurstaða eftir 4 sólarhringa dvöl var að kransæðarnar mínar eru í fínu lagi . Mér finnst kóngulóin allt í lagi utan við gluggann og vefurinn hennar er listaverk. Gott að litla nafna þín er orðin hress og heppin var hún að hafa ömmu með sér og fá afa og þau hin í heimsókn.

[Ásthildur Cesil Þórðardóttir, 30.5.2009 kl. 11:29]

Gott að fá góðar fréttir Dísa mín. 

Takk Kalli min.

Hehehe Helga mín, hún er voða flott hún Lóa.

Já Lilja mín, þetta er návígi, sem betur fer eins og Dísa segir, fyrir utan gluggan..

Lofa því Kidda mín.

Ef þessi Kónguló er frá Perú Jenný mín, þá hefur hún komið sér hingað alveg sjálf hehehe.

Takk Ragnheiður mín.

Segðu Elín mín.

Jamm Ragnhildur mín einmitt í gegnum gluggann.

Knús til þín líka Ásdís mín.

Takk og knús Sigrún mín.

Takk elsku Linda mín, þú ert ljós.

Já Hrönn mín afastelpa, afa og ömmustelpa þessi litla trítla.