Á köldum Ísafjarðardegi er notalegt að fara í smá hugarferðalag. Má bjóða ykkur með?

Maður súnkar niður þegar veðrið lætur svona við mann.  Hundleiðinlegt, en svo er Hanna Sólin mín lasin svo við verðum að vera heima í dag.  Amma það er hundleiðinlegt að vera alein heima, ég má ekki fara í sund ekki fara út.  Ég veit elskan, viltu lita, ég skal finna litabók og liti.  Já!!!

En amma fór að garfa í gömlum myndum og minnast liðinna stunda.

Þegar veðrið er svona leiðinlegt þarf maður annað hvort að muna að aðrir hafa haft það verra, eða endurupplifa góða hlýja daga.

Ekki vildi ég hafa upplifað austurþýskaland á þessum tíma.

Hvað getur maður eiginlega sagt?

Það er alveg með ólíkindum.

Ef þið samt sem áður farið í þessar hryllilegu útrýmingarbúðir, á skuluð þið fá með ykkur túlk.  Þá kemst sagan betur til skila.

Maður getur líka farið inn á pöbb í litlu smáþorpi.  Hér í Lubbenå banka menn þrisvar í borðið og þá er verið að bjóða gesti velkomna.  Þessi maður fyrir endann hér nær er hann Ziegfrid, hann hafði lesið allar sögurnar eftir Laxnes.

Þarna getur maður líka farið í siglingu um síkin á gondólum.  Friðsælt og ljúft.  Það er hægt að velja um tveggja - fjagratíma eða dagsferð.  Bjór og snafs um borð.

Það má skoða stórkostlegar hallir og kirkjur í Köln til dæmis.

Fara á garðyrkjusýningu í Danmörku.

Nú eða eyða tímanum í sumarbústað í danskri sveit með ættingjum og vinum.

Eða fá sér öllara með skólasystkinum á góðum dönskum degi.

Síðan má fara vestur um haf og heimsækja vinkonur.

Fara með henni upp í sögufræg smáþorp þau finnast líka í Ameríku.

Og skoða sig um.

Allt hægt að sjá í BNA

Þar eru líka stærstu lágmyndirnar.

Svo má líka fara aðeins sunnar.

Kúpu til dæmis.  Havanna er skemmtileg borg að skoða, bara gæta sín á stelpunum.  Þær eru allsvæsnar við að reyna við karlana án þess að við tökum eftir því.  Halda fastar í þá en veskin.

Svo syngja þeir svo ljómandi vel á ströndinni.

Svo má fara út að sigla.

Eða bara út í sjóinn.

Pálmar, vindlar og romm.

svo má fara ennþá sunnar til Belize, Cayman islands.

Aldrei hret þar.

Bara ósköp notalegt að vera.  

Já Ísland er land andstæðnanna.  von að við finnum okkur allt til að rífast um og hamast.

Þessi mynd er svona 20 ára gömul.  Það er ekki mikill gróður í kring um mig þá.

En ég vona að þið hafið notið þessa ferðalags með mér í minningalandi.  Þar er svo sem af nógu að taka.  En þetta nægir í dag.   

Athugasemdir

[Ragna Birgisdóttir (IP-tala skráð) 8.5.2009 kl. 14:05]

Heima er best.Knús úr norðangarranum í Eyjum vestur til ykkar.

[Sigrún Jónsdóttir, 8.5.2009 kl. 15:09]

Takk fyrir mig

[Ragnheiður , 8.5.2009 kl. 15:44]

[Kidda (IP-tala skráð) 8.5.2009 kl. 15:52]

Naut ferðalagins í botn og lét mig dreyma um suðrænar slóðir. Flott næst neðsta myndin, miklar andstæður. Vona samt að sumarið fari að koma vestur og norður.

Knús í blómakúluna

[Guðrún Emilía Guðnadóttir, 8.5.2009 kl. 16:00]

Takk yndislegust, víða hefur þú farið og notið þess í botn.
Ljós til þín
Milla

[Ásthildur Cesil Þórðardóttir, 8.5.2009 kl. 16:24]

Takk elskurnar.  Það er gaman að deila þessum minningum með yndælum manneskjum. 

Já Milla mín ég hef farið víða, og í sumar er meiningin að fara til Eistlands, og þvælast þaðan niður Evrópu og enda í Serbíu en þangað ætla ég að fara í brúðkaup.  Kem að öllum líkindum við á ýmsum stöðum í Þýskalandi eins og Berlín og Dietlingen.

Vona það líka Kidda mín, það er allavega góð spá.

Knús Ragnheiður mín.

Takk sömuleiðis Sigrún mín.

Já Ragna mín heima er best.  Knús á móti.

[Arndís Ásta Gestsdóttir (IP-tala skráð) 8.5.2009 kl. 16:44]

Sæl og takk fyrir yndislegt hugarflug. Við erum nýbúin að taka nagladekkin undan bílnum og komin í sumarfrí. Við höfum hugsað okkur að taka hring um blessaða vestfirðina og þá verður nú örugglega kíkt í kúluna ykkar í blómaskrúðið.

[Sigríður Ásdís Karlsdóttir, 8.5.2009 kl. 17:27]

[Jenný Anna Baldursdóttir, 8.5.2009 kl. 17:53]

Takk kærlega fyrir þetta ferðalag, lyfti mér upp.

Þú ert heldur betur víðförul.

[Dísa (IP-tala skráð) 8.5.2009 kl. 19:59]

Takk, gott að fara í svona sumar úr rokinu, hann hékk þó þurr í dag.

[Linda Linnet Hilmarsdóttir, 8.5.2009 kl. 20:44]

Innlitskvitt og ljúfar kveðjur

[Hrönn Sigurðardóttir, 8.5.2009 kl. 21:27]

Ég tók andköf yfir arkitektúr í Köln sem og í Auschwitz/Birkenau! Hrikalegar andstæður!

[Rósa Aðalsteinsdóttir, 8.5.2009 kl. 21:41]

Hæ og hó

[Rósa Aðalsteinsdóttir, 8.5.2009 kl. 21:43]

Hæ og hó.

Fyndið en eitthvað gerðist og innleggið droppaði inn áður en ég var búin að kvitta.

Læknirinn hérna hefur ekki við að hjálpa fólki sem er með sólsting eða illa sólbrennt. Það er sko slydda og flutningabíllinn var fastur uppá heiði og því mjólkurlaust í búðinni.

Guð veri með þér og þínum

Kær kveðja/Rósa

Kær kveðja/Rósa

[, 8.5.2009 kl. 22:11]

Aldeilis að konan er víðförul  Skemmtilegt hugarferðalag - takk fyrir

[Ásthildur Cesil Þórðardóttir, 9.5.2009 kl. 00:15]

Takk fyrir innlitið Dísa mín og svo sannarlega eruð þið Steini alltaf velkomin í kúluna.  Gott hjá ykkur að ferðast um Vestfirði í sumar.

Knúsí knús Sirrý mín.

Jenný mín, já ég hef verið á ýmsum stöðum mín kæra.  Gleður mig að geta kætt þig aðeins ljúfust mín.

Hehehe Dísa mín, hann hékk sko ekki þurr hér í dag, það var slydda með meiru.

Knús Linda mín.

Hrönn já ég skoðaði líka kúluförin í Dresten og fór upp á manngert fjall í Phorsheim þar sem leifunum af bænum hafði verið skóflað saman í fjall, þegar bandamenn drápu um 18 þúsund manns eftir að stríðinu lauk, af því að það voru verksmiðjur þar sem framleiddu varahluti í stríðstól.  Átjánþúsund konur börn og menn sem voru bara manneskjur.  Sumt af því sem Bandamenn gerðu er ekki fallegt ekki frekar en Nasistar, fasistar, kommúnistar, kapítalistar, þetta fjandans listakjaftæði er öllum til ills ef út í það er farið.

Virðist vera sólríkt hjá þér mín ljúfa Rósa.

KNús Dagný mín.

[Solla Guðjóns, 9.5.2009 kl. 17:10]

Nú var margt að skoðahef ekki komið hér svo lengi,maður er alltaf á facebook.