Vorið beint í æð.

Vorið er komið.  Ég skal sýna ykkur það, svo ekki verður um villst.

Sonur minn tók þessar myndir.  Hér eru börnin mín í sveitinni og það er mikið að gerast þar.

Hér er Aron Máni með lambið sitt, og það er gimbur, hún hefur fengið nafnið Hanna Sól.

Hér er Hanna Sól, með Hönnu Sól og báðar kunna að sitja fyrir.

Já Aron Máni og Hanna Sól og Hanna Sól og Ásthildur.

Krakkar og kindur í jötu.

Þau undu sér vel innan um dýrin.

Þær voru ekki smeykar skotturnar mínar.

Já hér er ær að byrja fæðingu.  Líknarbelgurinn kominn.

Nýtt líf að fæðast, er það ekki dásamlegt?  Er það ekki einmitt vorið?

Þær eins og við upplifa sársaukan sem fylgir útvíkkun og hríðum.

Og Aron Máni togar í litla lambið sem er að koma í heiminn.

Úlfur fær að taka á móti því næsta.

Allt er þetta samt undir öruggri stjórn bóndans eða bændanna, hjónanna á staðnum ömmu og afa Arons og Kristjáns Loga.

Móðurástin er alltaf sú sama, hvað sem dýrið heitir, hvort sem það er maður eða maur.  Þannig erum við bara. 

Svo er ágætt að fara bara og gefa öndunum.  Þar er ekki erfið fæðing, eða þannig þar sem þær eignast egg og þurfa svo að liggja á, það krefst þolinmæði en ef til vill ekki sama sársauka.

En þetta elskurnar mínar er vorið beint í æð. 

Athugasemdir

[Ásdís Sigurðardóttir, 2.5.2009 kl. 22:44]

meeee mikið er gaman að þessu

[Lilja Guðrún Þorvaldsdóttir, 2.5.2009 kl. 23:11]

Já, vorið er komið og grundirnar gróa, gilin og lækirnir fossa á brún, ------ og lömbin,  blessuð litlu lömbin, - Hvernig finnst Hönnu Sól að lamb sé kallað nefnt hennar nafni?  Er hún alveg sátt við það? -

[Jens Sigurjónsson, 2.5.2009 kl. 23:27]

Skemmtilegar myndir úr sauðburðinum.

Bestu kveðjur  / Jenni

[Jens Guð, 2.5.2009 kl. 23:31]

  Gaman að sjá þessar myndir úr sveitinni.  Vorið er sannarlega komið.

[Ragna Birgisdóttir (IP-tala skráð) 2.5.2009 kl. 23:43]

[Sigrún Jónsdóttir, 2.5.2009 kl. 23:48]

Ymdislegt, takk fyrir

[Karl Tómasson, 3.5.2009 kl. 00:43]

 til þín kæra Ásthildur.

Talandi um gildi og aftur gildi. Ég sá þau öll hjá þér strax mín kæra vinkona og þau eru þar tilgerðarlaust.

Bestu kveðjur úr Mosó frá Kalla Tomm.

[Þórarinn Þ Gíslason (IP-tala skráð) 3.5.2009 kl. 00:57]

Sæl Ásthildur.

Alltaf jafn flott og fræðandi. Ég hef velt því fyrir mér hvað mikil ógæfa það er að fæðast á mölinni og tengjast ekki móðir náttúru nema að takmörkuðu leyti.

Kveðja á alla.

[Kidda (IP-tala skráð) 3.5.2009 kl. 08:46]

Myndirnar þínar ylja manni alltaf sama hvað myndefnið er. Man að ég gat ekki verið inni í fjárhúsi hjá afa og ömmu, lyktin var vond og ég ældi og ældi þegar lömbin fæddust.

Kærar þakkir fyrir að leyfa okkur hinum að eiga hlutdeild í ykkar lífi.

Knús í kærleikskúluna

[Dísa (IP-tala skráð) 3.5.2009 kl. 11:25]

Mikið var gaman að fá svona tvo skammta í einu. Ég hafði smááhyggjur af að eitthvað væri að þegar allt stóð óhreyft í svona marga daga. En það er gaman að sjá myndirnar úr suðurferðinni og ekki síður af sauðburðinum, það eru 50 á til baka. Rosa flott hjá Hönnu Sól að vera í svo miklu dálæti að fá lamb skírt í höfuðið á sér.. Það var líka gaman að sjá mynd af Gunnþórunni, mörg ár síðan ég hef séð hana, þó ég frétti reglulega af henni. Alltaf líf og fjör hjá þér. Á þessum degi fyrir 27 árum vorum við í Lúx með mömmu minni, pabba þínum, Ella og fleirum, yndislegu fólki á skemmtilegri ferð.

[Hulda Bergrós Stefánsdóttir, 3.5.2009 kl. 12:43]

vorknús, takk í dag

[Hlédís, 3.5.2009 kl. 13:30]

Takk fyrir

[Ásthildur Cesil Þórðardóttir, 3.5.2009 kl. 16:23]

Takk öll, já mér datt í hug að þið hefðuð gaman af að líta aðeins inn í fjárhúsin og upplifa vorið.

Dísa mín og þetta manstu upp á dag. Ég man eftir ferðalaginu, það var mjög skemmtilegt fyrri utan fararstjórann sem teymdi okkur á hverju mellubúlluna á fætur annari, þar sem hann átti vinkonur allstaðar hehehehe....

[Dísa (IP-tala skráð) 3.5.2009 kl. 21:02]

Það er ástæða til að ég man þann dag, hún mamma mín varð jafngömul þá og við á þessu ári og pabbi þinn bauð henni í mat í tilefni dagsins. En ég gleymi heldur aldrei fararstjóranum sem var ekki í þjónustu við fólkið heldur sjálfan sig.

[Rósa Aðalsteinsdóttir, 3.5.2009 kl. 21:21]

Sæl Ásthildur mín.

Ég er alveg hugfangin. Mikið var gaman fyrir börnin að sjá lambið fæðast. Mikið tóku þau sig vel út í fjárhúsinu.

Við vorum flottar hjá Jenna okkar. Hann er frá Vopnafirði eins og sumir  en býr í Kanada.

Vona að þú hafir fengið skilaboðin frá mér.

Guð veri með þér og þínum

Kær kveðja/Rósa

[Ásthildur Cesil Þórðardóttir, 3.5.2009 kl. 21:56]

Já einmitt ég fékk skilaboðin Rósa mín.  Takk fyrir þau.  Knús á þig elskuleg mín.