Sumardagurinn fyrsti. Varúð fyrir viðkvæma.

Sumardagurinn fyrsti bjartur og fagur hér eins og sjá má!!!

Við erum bara heima börnin og ég.  Elli minn fór í kórferðalag til Borgarness.  Svo við höfum það bara huggó.  Gat ekki farið niður á torg til að gefa fisk í soðið, en þar var örtröð af fólki sem fékk sér glænýjan fisk í soðið.  Verði ykkur að góðu elskurnar.

En þó það sé kalt úti, þá er litríkt og hlýtt inni.

Vorblómin mín vaxa og dafna, og bráðum bætar tvö glæný í hópinn.

Þetta gæti verið sónarmynd hehehehe

 

Sagði ekki einhver einhverntíman að maður ætti að uppfylla jörðina, og hvað er heppilegri tími en einmitt núna þegar útlit er fyrir að fólk flýji af hómi hundruðum saman, sem vonandi verður ekki.  En allur er varinn góður.

Ég ætla allavega að gera mitt til að þessi krýli eigi góða ævi hér á okkar fallega gjöfula landi, og helst án þess að setja okkur í slaverí í Evrópusambandinu, þar sem auðlindirnar okkar verða nýttar í þágu heildarinnar en ekki þjóðarinnar.

Þess vegna mun minn kjörseðil líta svona út.  En ég kom ekki nálægt þessu, get svarið það.  Tók ekki einu sinni myndina  En samt sem áður tel ég mér og mínum best borgið með því að leggja þessu afli lið.  Það hefur sýnt mér s.l. tíu ár að þar fara heiðarlegt raunsætt fólk sem virkilega vill gera vel. Það er sjaldgæft á þessum síðustu og verstu tímum.

Já þetta sést betur svona

XF fyrir framtíðina, fjölskylduna, frumkraft æskunnar og Frumkvöðla landsins.

Æ meiddi sig!!!

Litli málarinn minn.

En ég segi gleðilegt sumar og megi þetta sumar verða okkur þrátt fyrir allt gjöfult og gott.  Heitt notalegt og hamingjuríkt.  Og umfram allt ÁN SKRIÐNINGU INN Í EVRÓPUSAMBANDIÐ.  þAR EIGUM VIÐ EKKERT ERINDI INN.

 

Athugasemdir

[Elín Helgadóttir, 23.4.2009 kl. 20:50]

Gleðilegt sumar !!!

[Sigríður Ásdís Karlsdóttir, 23.4.2009 kl. 21:29]

Gleðilegt sumar

[Auður M (IP-tala skráð) 23.4.2009 kl. 23:09]

Gleðilegt sumar

Við erum á sama máli hvað varðar ESB get ég sagt þér.  Við, þessi örþjóð, eigum alls ekki erindi í það stórbokkabandalag.  Reglugerða-  og sálarlaust lénsskipulag með aðsetur í Belgíu. Þar situr fólk sem heldur sig vera næst guði í kerfinu. Og er gjörsamlega úr takti við fólkið, sem þó borgar brúsann fyrir þetta lið. Nei takk!

Takk fyrir fallegar myndir og góðar pælingar í pistlunum þínum.

[Sigrún Þorbjörnsdóttir, 24.4.2009 kl. 00:38]

Gleðilegt sumar Ásthildur mín og takk fyrir alla skemmtilegu "samveruna" í vetur  

Ég var alltaf að bíða eftir einhverju rosalegu í færslunni þinni, en ég hlýt þá bara að vera ekkert viðkvæm.. 

Þú verður alltaf ríkari og ríkari. Skottin þín eru alltaf jafn dásamleg, hehe, og einhver prakkari hefur "aðstoðað" með penslinum

[Ásthildur Cesil Þórðardóttir, 24.4.2009 kl. 00:51]

Jamm hehehe Sigrún mín þú kannast vel við það prakkara

Velkomin Auður mín takk fyrir þitt innlegg.

gleðilegt sumar Sirrý mín

Gleðilegt sumar Ella mín. 

[Steinunn Helga Sigurðardóttir, 24.4.2009 kl. 06:22]

kærleiksljós til þín kæra cesil

[Kidda (IP-tala skráð) 24.4.2009 kl. 11:21]

Gleðilegt sumar mín kæra

Ef það væri persónukjör þá eru 2 af 3 efstu sem ég myndi kjósa í þínum flokki en ekki í mínu kjördæmi svo það er aldrei að vita hvað ég geri á morgunn En í ESB vil ég ekki punktur og pasta. 

Það er orðinn nauðsynlegur partur af lífinu að kíkja á lífið í kúlunni 

Knús í sumarkúluna

[Ásthildur Cesil Þórðardóttir, 24.4.2009 kl. 12:16]

Gleðilegt sumar til þín Steina mín og kærleikskveðja.

Kjóstu með hjartanu Kidda mín  Málið er líka að greitt atkvæði á einum stað getur gagnast á öðrum vegna uppbótarþingmanna.  Fyrst og fremst þurfum við að kjósa það sem við teljum vera rétt.  Þá getum við horft djarft fram á veginn.  Knús á þig elskuleg mín.