Myndir úr kúlunni.

Það er frekar vetrarlegt um að litast í dag.  En veðrið er að lagast.  Eins gott því við ætlum að gefa ísfirðingum fisk í soðið í dag Frjálslyndi flokkurinn, eins og við höfum alltaf gert fyrir kosningar. 

Á morgun ætlum við svo að skemmta okkur og bæjarbúum ásamt Vinstri grænum og Samfylkingu.  Við ætlum að elda fiskisúpu og Vinstri grænir eru með músikatriði og svo ætlar Samfylkingin að grilla.  Auðvitað eiga menn að standa saman um að skemmta sér og öðrum.  Það getum við ágætlega.

En hér koma nokkrar myndir síðan í gær og fyrradag.

Leikskólinn bíður.

Það er orðið ansi vorlegt, þó hretið komi á morgun. (í dag).

Þá er sólin ekki langt undan. 

Vorverkin auðvitað hafin 

Stóri "Bróðir" lítur eftir þeim litlu.  Hann er stundum mjög duglegur.

Já það er margt sem þarf að moldast svona á vorin.

Miður geðslegar, en vorboðar engu að síður.  Ég er að fá ránmaura í dag, sem munu eiga veislu framundan.

Sigurjón mættur á svæðið.

Og alltaf er það tjörnin sem heillar.

Já þetta er ljúft líf.

Svo er hægt að renna sér á þotu.

Já sulla sulla sulla!!!

ÚBBS!!! þetta var ekki meiningi.

 

Æ Æ Æ

Já lognið er mjög oft hér fyrir vestan.

Og svo er það leikskólinn.

Og svona til að hnykkja á því að vorið er á sama tíma í kúlu og í Vín. Þá er þetta zakúrakirstuberjatré hjá mér.

Og hér á sama tíma út í Vín.

Hvað svo með smáreiðtúr.  Ef til vill á kjörstað. 

Eigið góðan dag elskurnar mínar.   Öll hvað sem þið ætlið að kjósa á laugardaginn.  Sem betur fer ríkir frelsi einstaklingsins til athafna í orði allavega, þó stundum skorti á að það sé á borði.  En vonandi lagast það eftir þennan hrunadans. 

Athugasemdir

[Haukur Nikulásson, 23.4.2009 kl. 14:08]

Takk fyrir skemmtilegar myndir eina ferðina enn! - Gleðilegt sumar og takk fyrir samskiptin í gegnum tíðina.

[Sigrún Jónsdóttir, 23.4.2009 kl. 14:19]

Gleðilegt sumar kæra Ásthildur og kærleiksknús í kúluhús

[Kidda (IP-tala skráð) 23.4.2009 kl. 15:15]

Gleðilegt sumar

Guð hvað kirsuberjatréð er fallegt. Innan árs verð ég vonandi komin með garðskála í líkingu við þinn

Knús í kirsuberjakúluna

[Ólöf Jóhanna Pálsdóttir, 23.4.2009 kl. 16:51]

Öll dýrin í skóginum eiga að vera vinir. Gleðilegt sumar og takk fyrir myndasýninguna.

[Ásthildur Cesil Þórðardóttir, 23.4.2009 kl. 17:01]

Takk öll fyrir innlitið og gleðilegt sumar.

[Helga Magnúsdóttir, 23.4.2009 kl. 17:32]

Alltaf jafngaman að skoða mydirnar hjá þér. Gleðilegt sumar.

[Helga Magnúsdóttir, 23.4.2009 kl. 17:33]

myndirnar meina ég

[Kidda (IP-tala skráð) 23.4.2009 kl. 18:15]

Ránmaurar, finnst eins og það sé gleðiefni að fá þá í skálann sem við viðbót vit skotturnar (stelpurnar) eða er það rangt hjá mér?

[Ásthildur Cesil Þórðardóttir, 23.4.2009 kl. 20:07]

Kidda mín ránmaurar og önnur rándýr lifa á afætunum lúsinni og spunamaurnum.  Í staðin fyrir að eitra skálann og drepa þar með dýr eins og kóngulær, járnsmiði og önnur eðaldýr þá fær maður sér rándýr sem halda þessum óværum niðri.  Það er besta lausnin.

Takk Helga mín.