Aldrei fór ég suður.

Aldrei fór ég suður var vel heppnað í alla staði eins og þeirra umsjónarmanna var von og vísa.  Steinsnar frá mér fengu þeir stóra skemmu í þetta skipti, en það heyrðist ekki múkk heim til mín, þó hávaðinn væri mikill.  Mikil traffik var að staðnum, en það truflaði mig ekki neitt.  Þessi nú orðið árvissa hátið er hreint til fyrirmyndar og gefur Skíðavikunni punkt yfir iið.  hafi þeir þökk fyrir.

Hátíð ungra og gamalla, hér er fólk á öllum aldri að hlusta á allskonar músikk.

Villi Valli lætur sig ekki vanta, Matta bloggvinkona Helga og Gummi okkar aðalmúsikant í yngri kantinum... eða segjum svona mið, þú ert nú ungur ennþá Gummi minn, en ekki sama smábarnið og fékk að taka lagið hjá mér á jólaböllunum forðum, þegar þú varst bara 6 ára.

Þessir verða einhverntímann góðir.  En þarna spila Þröstur og Þúfutittlingarnir og það var kántrífjör.

Salurinn var fullur af fólki, allt rólegt og eins og sést á öllum aldri.

Við misstum því miður af stjórsveitinni, en hér eru Fjallabræður að gera sig klára á sviðið, þ.e. hljómsveitin, þeim fylgir síðan allstór karlakór.

Þeir eru flestir frá Flateyri og eru rosalega flottir.  Fóru eða eru að fara til Færeyja, til að votta þeim virðingu sína vegna þess hve Færeyingjar stóðu vel við bakið á okkur í hruninu.  Flottir Flateyringar.

Mikið stuð í strákunum og mikið gaman.

Evíta Cesil fékk að fara með afa og ömmu á djammið.

Með fullan sal af fólki og drynjandi karlakórsraddir Fjallabræðra yfirgáfum við þennan skemmtilega stað, og hlökkum auðvitað til næstu hátíðar.

Flottur og skemmtilegur söluturn, sérhannaður fyrir eigendurna.  Hér er frumkrafturinn á fullu.  Ég held að það sé ekki bara fólkið, heldur líka orkan í fjöllunum og fjölskrúðið í náttúrunni sem blæs okkur í brjóst þeim frumleika sem alltaf er hér hjá okkur.

Ef til vill ekki bæjarins bestu, en héðan þarf enginn að fara svangur. 

Sumir koma þá aðrir fara, hér er Elvar Logi leikari og flotti leikhúsmaður með fjölskylduna að koma sér á tónleikana.  Og þið sjáið í bakið á Evítu og afa að fara heim.

En ég segi bara njótið kvöldsins og restarinnar af páskunum.  Dagurinn í dag var reyndar óskaplega fallegur og sólríkur.  En þær myndir fáið þið að sjá á morgun.

 

 

Athugasemdir

[Sigrún Jónsdóttir, 12.4.2009 kl. 20:46]

Frábært, vildi að ég hefði verið fyrir Westan þessa helgi

[Hrönn Sigurðardóttir, 12.4.2009 kl. 23:50]

[Rósa Aðalsteinsdóttir, 13.4.2009 kl. 13:05]

Christian Glitter by www.christianglitter.com

Sæl og blessuð

Evíta Cesil fékk að fara á djammið með afa og ömmu. Hún hefur örugglega verið ánægð með að eiga  afa og ömmu  út af fyrir sig áður en hinar prinsessurnar koma aftur heim. Flottar myndir. Ég sá í fréttum litla húsið sem hægt var að breyta í söluturn. Svaka flott. 

Set inn fallega mynd fyrir Evítu Cesil.

Gleðilega páskarest.

Vertu Guði falin

Kær kveðja/Rósa

[Guðrún Emilía Guðnadóttir, 13.4.2009 kl. 13:29]

Takk elskuleg fyrir myndirnar segi eins og Sigrún vildi að ég hefði verið fyrir vestan.

Kærleik til ykkar
Milla.

[Jenný Anna Baldursdóttir, 13.4.2009 kl. 14:00]

Frábært.

[Róbert Tómasson, 13.4.2009 kl. 17:27]

Til hamingju með glæsilega hátíð og takk fyrir myndirnar.

kveðja