svona hitt og þetta með fallega litla fólkinu mínu.

Það er margt skemmtilegt að gerast í pólitíkinni, og skrýtið nokk þá er þátttaka almennings í þeirri tík algjörlega í lágmarki.  Annað hvort er fólk dofið af þem raunveruleika sem blasir við þeim, eða það er algjörlega búið að fá nóg af skrumi, óheiðarleika og innantómum loforðum frá frambjóðendum, sama gamla tuggann aftur og aftur. 

Við í Frjálslyndaflokknum hefðum svo sem ekki þurft að skrifa nýja bæklinga, þvi það sem við sögðum  og vöruðum við fyrir tveimur árum er það sama í fullu gildi enn i dag. Svona er þetta bara.

Það er líka fyndið hvernig Sjálfstæðismenn lenda endalaust í að þurfa að synda í skítnum sem þeir hafa sjálfir drullað upp, reyna að kenna einhverjum öðrum um og skilja svo ekkert í af hverju þeir hafa ekki hljómgrunn þjóðarinnar!!!.  Þeir eru nefnilega vanir því að þurfa ekkert að hafa fyrir velgengninni, sauðirnir hafa alltaf skilað sér vel af fjalli.  En þeim hefur heldur betur fækkað, og nú eru bara einstaka sauðir eftir sem trúa blint á almættið.  Allir hinir hafa snúið sér eitthvað annað í sinni leit að betra þjóðfélagi, loksins búnir að átta sig á því að það er líf eftir Sjálfstæðisflokkinn.  Og farið hefur fé betra, segir og skrifa.

En ég ætlaði að senda nokkrar myndir.

Amma taktu mynd af mér og Brandi, sagði skottan mín í morgun.  þau eru bestu vinir og hann kemur alltaf upp til hennar að fá smástrjúk og aðdáun á morgnanna. Nautnadýr þessi köttur.

Skrýmslið litla hræðir hann svo burt.... skil ekki hversvegna

síðasti leikskóladagur fyrir Páska.

Þannig er það bara, gleðin ein.

Það var bara þrítekið í veðurfregnum sjónvarpsins hve versta veðrið yrði á Vestfjörðum yfir páskana, við skulum nú sjá til með það.... Haraldur Ólafsson eða hvað sá ágæti maður annars heitir, gat þess í upphafi veðurfrétta, um miðbik þeirra og svona í restina, svo það færi nú ekki fram hjá neinum að það yrði gott veður um allt land nema á vestfjörðum.  Ætli hann sé á prósendum einhversstaðar? segi nú bara svona.  En við skulum sjá til, hér skal ég senda út veðurfréttirnar daglega til að sjá hvort það verður svona hræðilegt veður eins og hann þurfti að þrítaka.

en það var sundsýning hjá Hönnu Sól og félögum í gær.  Þar voru margri foreldrar ömmu og afar, þessi mynd er tekinn frekar snemma og ekki margir komnir.

Vissuð þið að bringusundið sem við öll þessi eldri þruftum að læra número unó, er erfiðasta sundið.  Í dag læra þau það síðast.  Hver man ekki að þurfa að vera á hrollköldum laugarbakkanum heillengi til að læra hreyfingarnar?  Núna er þeim kennt allt hitt á undan, því bringusundið þarf rosalega samhæfingu líkamans.

Hér eru framtíðar sunddrottningar og kóngar Ísafjarðar.

Og þau stóðust prófið öll.

 

Fengu ekki bara aðdáun mömmu pabba afa og ömmu heldur líka viðurkenningu fyrir vel unnin störf.

Þau eru okkar framtíð.

Kúlan hefur verið full af yndislegum barnabörnum síðan páskafríið

Reyndar eru þessar elskur botnlausar enda von, þau eru að vaxa og þroskast.  Þeirra er framtíðin, og við eigum að hafa það í huga þegar við göngum að kjörborðinu þann 25 apríl.  Við eigum ekki að hugsa aðeins um okkar eigin hag eða að það sé svo gaman að vera með í flotta liðinu, þeim sem hafa alltaf ráðið og komið okkur á kaldan klaka.  Við eigum að hugsa um hvað verður um börnin og barnabörnin, hvar er þeirra hag best borgið.  Þó það sé rosagaman að vera með í Valhallartöffaraslag með flotta fólkinu, þá nær það ekkert lengra en að veita þeim brautargengi til áframhaldandi rústunar, einkavæðingar og klíkuskapar.  Hvað eruð þið að hugsa sem veitið þeim þetta vald, en eruð ekki í klíkunni?  Mér er það hulin ráðgáta og endilega ekki vera svekkt yfir því að við hin skulum hugsa svona.  Þið eruð hvort sem ykku líkar betur eða verr að viðhalda valdastrúktor sem að mínu mati er algjörlega ólíðandi, og mér þætti vænt um að þið útskýrður af hverju þið veljið einmitt það.  Ég bara skil það ekki.

En svo býð ég ykkur öllum góða nótt elskurnar.

Athugasemdir

[Karl Tómasson, 9.4.2009 kl. 00:18]

Allt það sem þú gerir með þínu fallega fólki stendur upp úr hjá þér og þínum og mun alltaf gera mín kæra. Það veist þú allra manna best.

Bestu kveðjur úr Mosó frá Kalla Tomm.

[Ásthildur Cesil Þórðardóttir, 9.4.2009 kl. 01:04]

Minn elskulegi Karl takk fyrir þessi hlýlegu orð.

[Hulda Bergrós Stefánsdóttir, 9.4.2009 kl. 08:41]

Gleðilega páska í kúluna til þín og þinna, þar verður líf og fjör að vanda hlakka til að fylgjast með

[Dísa (IP-tala skráð) 9.4.2009 kl. 10:57]

Takk fyrir að leyfa okkur hinum að fylgjast með hjá ykkur. Flott hjá krökkunum í sundinu, allt næstum óbreytt í Sundhöllinni, líklega full þörf á nýrri og stærri. Krakkarnir ljúfir eins og oftast  og Brandur nýtur sín við strokurnar. Gleðilega páska öll saman. . Manstu þegar þú renndir þér sitjandi niður Múlann á skiðunum hans Nonna? . Ógleymanlegt þegar bílar hægðu á sér til að gá hvaða furðuverk þetta væri.

[Sigrún Þorbjörnsdóttir, 9.4.2009 kl. 16:37]

Mér finnst ekki og hefur aldrei fundist, neitt eftirsóknarvert að tilheyra Valhallarklíkunni eða þotuliðinu svokallaða.

Gulli og perlum að safna sér

Sumir endalaust reyna 

Vita ekki að vináttan er

Verðmætust eðalsteina

Duglegir krakkarnir í sundinu. Brandur útséður hvernig hann nær sér í klapp. Þeir kunna þetta best kettirnir  Ég er ekkert hissa á að krakkarnir þyrpist í Kúluna í páskafríinu, í kærleikskúluna til ömmu og afa  

Gleðilega páskahátíð til ykkar

[Ásthildur Cesil Þórðardóttir, 9.4.2009 kl. 17:10]

Takk Sigrún mín.   Flott vísa og sönn.  Nei það er ekki neitt spennandi við að tilheyra þessu Valhallarliði, segin nú ekki margt.

Dísa mín ég var búin að gleyma þessu með skíðin  Svona er maður alltaf eitthvað að fikta. 

Gleðilega páska til ykkar allra