Borgarafundur á Ísafirði.

Var að horfa á borgarafundinn frá Ísafirði rétt núna áðan.  Spyrlarnir stóðu sig fantavel að mínu mati.  Og flestir frambjóðendur voru bara góðir.  Bestir voru reyndar Gunnar Sigurðsson, Sigurjón minn maður og svo Jón Bjarnason.   Vorkenndi reyndar dálítið þessum Ása frá Rifi sem reyndi allt hvað hann mátti að koma skilaboðunum til skila frá sjöllum, sem reyndar höfðu plantað sér á fremsta bekk eins og þeirra er siður, svona klappilið Halelúja sátu þar skælbrosandi í beinni, flott fólk reyndar en með vondan málstað.

Veðrið er fallegt á Ísafirði eins og reyndar alltaf.

Allt klárt hjá sjónvarpinu. Reyndar lentu þau í erfiðleikum því það þurfti afréttingu á bílnum ( eins gott að það var ekki hjá starfsfólkinu hehehe) svo mínir menn þurftu að bregðast við og rétta þá af, svo halli væri ekki á útsendingunni, nóg er nú samt  Bílstjórinn þurfti reyndar að leita okkar ásjár með að þrífa bílinn og fékk að þvo hann inn í áhaldahúsi og kom svo í kaffi og spjall.

Hér eru svo mínir menn fyrir fundinn með flottustu málefnaskrána, og Guðjón Arnar las fyrir okkur upp úr loforðalistanum fyrir síðustu kosningar.  það hefði bara þurft að skipta um mynd, því allt hitt stóð hreint og klárt.  Við erum flottust í prinsippinu.

Flokkurinn minn mun blómstra against all odds segi og skrifa. 

Þetta er náttúrulega bara forsmekkurinn.  En ég get alveg lofað ykkur mín kæru að eins og ég er, þá stendur málefnaskrá Frjálslynda flokksins algjörlega á traustum grunni.  Og mínir menn hafa hvergi kvikað frá málefnasáttmálanum, af því er ég hreykin og vil að komi fram hér. Ef þið eruð í efasemdum um hvað skal kjósa og viljið ekki veita okkur atkvæði ykkar, langar mig til að biðja ykkur um að skoða Borgarahreyfinguna.  Þau hafa mjög svo sömu sjónarmið og við. Og eru í raun og veru framhald af okkar skoðunum.  Þess vegna vil ég biðja um að þið virkilega skoðið hvað þessir tveir flokkar hafi fram að færa svo svo Vinstri græn.  Mér finnst svolítið skorta á tiltrú á Samfylkinguna, þó mér þyki vænt um fullt af fólki þar.  Þá finnst mér eins og það sé ekki alveg hægt að treysta á þau, vegna þess að í prinsippinu eru þau dálítið laus í rásinni og hafi skoðanakannanir of mikið til hliðsjónar, en þar er líka frábært fólk innanborðs.  Nema ef til vill það frábæra fólk hefur ekki tögl og haldir..... eða þannig.

Athugasemdir

[Hanna Birna Jóhannsdóttir, 6.4.2009 kl. 22:14]

Okkar stefna stenst tímans tönn það er þó meira en hinir flokkarnir geta stælt sig af.

[Sigrún Jónsdóttir, 6.4.2009 kl. 23:23]

Mér fannst nú Gutti komast best frá þessu ásamt Gunnari.  Ég sá ekkert flott við Jón  Bjarnason og hefði viljað hafa Lilju Rafney í hans sæti....Svona getur maður nú verið, heyrir alltaf best í þeim, sem maður þekkir persónulega

Svo hefði ég viljað hafa stærri hluta útsendingarinnar með fyrirspurnum frá heimamönnum

[Ásthildur Cesil Þórðardóttir, 7.4.2009 kl. 09:20]

Hanna Birna það er rétt Guðjón Arnar dró upp bæklinginn frá því fyrir tveimur árum og þar var allt sem við erum með í dag það hefði aðeins þurft að skipta um mynd.  Mikið verk eftir óunnið, sumt eru menn að taka undir núna eins og afnám verðtryggingar, en það var eitt af okkar kosningaloforðum þá, ekki var gert neitt í því þessi tvö ár af þeim sem ráða og vilja afnema hana núna.

Sigrún mér fannst Guðbjartur aftur á móti ekki alveg í stuði.  Lilja Rafney hefði sómt sér vel þarna í sætinu hans Jóns Bjarnasona.  Ég get alveg tekið undir það.

[Kristín Katla Árnadóttir, 7.4.2009 kl. 10:02]

[Lilja Guðrún Þorvaldsdóttir, 7.4.2009 kl. 14:18]

Ég verð nú að segja það að mér fannst Gutti (einsog Sigrún kallar hann) flottur, og langbestur. -    Mér finnst bara Sigurjón ekki spennandi þingmannsefni, hann er ekki málefnalegur,  og hefur enga útgeislun.  -  Ég er jafn lítið hrifin af Sigurjóni, eins og ég er mikið hrifin af Guðjóni Arnari. -

Annars fannst mé uppstilling sjónvarpsins á frambjóðendum, spyrlum  og fundarmönnum alveg fáránleg. Það sköpuðust engin tengsl milli sviðs og salar, sem er bagalegt á framboðsfundi þar sem frambjóðendur leggja allt undir, að þeir hafi ekki möguleika á að skapa tengsl, við fundarmenn og sjónvarpsáhorfendur.

[Sigurður Þórðarson, 7.4.2009 kl. 20:02]

hver er Gutti?  Er það vatnsgreiddi framsóknarmaðurinn sem vildi endurskoða sjávarútveginn en engu breyta, hvort heldur í landbúnaði né sjávarútvegi?

[Lilja Guðrún Þorvaldsdóttir, 7.4.2009 kl. 22:39]

Gutti er Guðbjartur Hannesson forseti Alþingis og fyrsti maður á lista Samfylkingarinnar í kjördæminu hennar Ásthildar.

[Sigurður Þórðarson, 8.4.2009 kl. 00:14]

Takk

[Sigrún Þorbjörnsdóttir, 8.4.2009 kl. 00:35]

Ásthildur mín, ertu ekki til í að lána okkur kallana þína til að rétta af þjóðarskútuna, hljóta að geta það eftir að hafa rétt af hallann á Rúv  

Mér finnst alveg frábært að flokkurinn standi fast á sínu og hviki hvergi frá upphaflegum málefnasamning. Ekki það að það megi ekki skipta um skoðun, heldur að mönnum sé ekki "mútað" til að skipta um skoðun..

Knús á þig yndislega Vestfjarðamær.

[Ásthildur Cesil Þórðardóttir, 8.4.2009 kl. 08:46]

Takk Sigrún mín.  Málið er að við höfum aldrei farið á flakk með málefnin okkar.  Stjórnmálasáttmálinn hefur ómað í öllum málflutningi, nema örfárra sem nú hafa yfirgefið okkur ef til vill einmitt út af því. 

Lilja mín varstu eitthvað reið í gær  mín kæra .  AUðvitað máttu hafa þína skoðun á Sigurjóni, en ég get sagt þér að pilturinn sá hefur góða nærveru og er mjög þægilegur í umgengni.  Ég held líka að hann hafi góða útgeislun.   En sem betur fer höfum við ólika sýn á menn og málefni.  Sammála þér líka með formið á þessum umræðum og þó ég hrósaði spyrlum hér í upphafi, þá verð ég að segja að mér ofbauð hvernig kvenspyrillinn kom fram við Sigurjón í umræðum um sjávarútvegsmál, fór að rífast við hann um málefni sem hann þekkir eins og handarbakið á sér.  Hún varð þar sér til minnkunnar reyndar, að öðru leyti stóðu þau sig vel í erfiðu hlutverki.

Knús á þig Katla mín.

Siggi þetta er sennilega sá eini sanni Gutti.

Sögu vil ég segja stutta og svo framvegis  Nei annars þessi virkar rólegri en óknyttastrákurinn Gutti.

[Kidda (IP-tala skráð) 8.4.2009 kl. 10:59]

Get lofað þér upp á æru og trú að S, D eða B fá ekki exið mitt.

Knús í kærleiks og blómakúluna

[Ásthildur Cesil Þórðardóttir, 8.4.2009 kl. 12:22]

Hehehe knús á þig Kidda mín.

[Jakob Falur Kristinsson, 9.4.2009 kl. 17:38]

Mér fannst Sigurjón Þórðarson góður á þessum fundi og Frjálslyndi flokkurinn þarf ekki að prenta nýja stefnuskrá því sú gamla er í fullu gildi og það sem meira er að allt það sem flokkurinn spáði fyrir síðustu kosningar, hefur því miður rætast.  Ásbjörn Óttarsson var með sömu gömlu rulluna og mér fannst hann einna verstur af þeim sem þarna voru.  Hefur sennilega kjaftað af Einari K. Guðfinnssyni þingsætið.  Því nú njóta þeir ekki hins mikla persónufylgis Einars Odds heitins.  Sem átti fylgi langt út fyrir raðir Sjálfstæðisflokks.