Myndir undir svefninn.

Færsla undir svefninn.  Það er föstudagskvöld og allt í rólegheitum.  Ég get samt ekki sofið út af nokkrum ástæðum hehehe... ég á tvær yndislegar vekjaraklukkur sem eru komnar á full upp úr sjö.  Og svo ætla ég að mæta á námskeiðið í fyrramálið og vonast til að hitta þar sem flesta námfúsa vestfirðinga sem vilja læra klippingar.

Veðrið var fallegt í dag eins og sjá má.

Grænahlíðin er hvít núna.

Þarna inn milli fjalla er Arnardalurinn. 

Það létti til um hádegið eins og sjá má.

Eins og Þói segir endalaust fallegt skýjafarið.

Óshlíðargöngin eru í fullum sving.

Og það má sjá vegagerðina fyrir neðan meðfram fjörunni.  ég verð alltaf dálitið sorgmædd við að sjá það, vegna þýsku vina minna sem eiga sumarbústað þarna niður við sjóinn.  Þau eru frá Svartaskógi langt frá sjó, þess vegna kusu þau þennan stað.  Stefan stóð gjarnan í fjöruborðinu og veiddi fisk í soðið.  Stundum veiddi hann meira að segja bleikju.

Vinnufélögum mínum er margt til lista lagt, hér hefur einn þeirra Guðni Borgars smíðað þetta líkan af Gunnari Friðrikssyni, gamla björgunarbátnum okkar og hefur gert það listavel.

Jamm best að máta sig við að skipta um dekk, ef á þyrfti að halda

Hún komst loks í leikskólann í dag.

Já þau eru eins og farfuglarnir blessuð, fara að koma á vorin.

Þeim finnst þetta góður djús.

Það fer að verða hlýlegra í garðskálanum eftir því sem vorar meira.

Og stubbur sýndi okkur nýtt Pons sem hann var að æfa í kvöld.

Eins gott að æfa sig fyrir beltaprófið.

Þetta er bara nokkuð gott.

Hann er með fallegar hreyfingar strákurinn. Hnitmiðaður það er mitt mat allavega. Og amma náttlega stolt af sínum strák.

En ég segi góða nótt á ykkur öll.

 

Athugasemdir

[Ragnhildur Jónsdóttir, 27.3.2009 kl. 21:29]

Alltaf fallegar hjá þér myndirnar af fjöllunum þínum og fjörðunum.

Flottur drengurinn, greinilega efnilegur!

[Steingrímur Helgason, 27.3.2009 kl. 21:41]

Takk fyrir myndarlega hrezzíngu !

[Hulda Bergrós Stefánsdóttir, 28.3.2009 kl. 08:38]

Alltaf gaman að koma í heimsókn til þín  takk takk

[Jenný Anna Baldursdóttir, 28.3.2009 kl. 11:26]

Takk.

[Dísa (IP-tala skráð) 28.3.2009 kl. 17:48]

Mér hefur sýnst sf þínum skrifum og því sem ég hef séð að þú megir alveg vera stolt af stráksa, hann er bæði duglegur og hugulsamur . Þú ert ekki heldur á flæðiskeri stödd ef springur, eftir tilburðunum að dæma, og ef ekki tækist gæti hún bara hringt í Ella afa. Gaman að sjá andstæðurnar í útimyndunum af snjónum og vetrinum og innimyndunum og vorinu. Og ekki síður að sjá ungviðið njóta vorsins í garðskálanum. . Flott líkan hjá Guðna, ég man eftir honum eins og fleirum sem smápolla. Alltaf er ég jafnhissa hvað tíminn líður hratt hjá öðrum, þó við séum alltaf eins.

[Rósa Aðalsteinsdóttir, 29.3.2009 kl. 00:04]

Sæl Ásthildur mín

Flottar myndir, ég skrollaði líka aðeins niður og sá myndirnar frá Austurríki. Mjög sérstakt að sjá blokkina sem var skellt upp við gamalt hús. Mætti halda að það vantaði lóðir í Austurríki. 

Úlfurinn þinn er flottur og einnig vekjaraklukkurnar. Vona að þær verði til friðs í fyrramáli. 

Guð veri með þér og þínum.

Kær kveðja/Rósa

[Sigrún Jónsdóttir, 29.3.2009 kl. 10:26]

Góðan daginn Ásthildur mín, vona að þið haldið ykkur í Kúlu í dag ef veðrið er eins og fréttir herma

Hélt ég hefði verið búin að þakka fyrir þessa myndasýningu, en svo var ekki og geri ég það hér með