Nokkrar myndir.

Til hamingju með Valentínusardaginn.  Hann er sérstakur í mínum huga vegna þess sem gerðist fyrir nákvæmlega tveimur árum, þegar lítil stúlka kom í heiminn.  Mamma hennar hafði rembst við í um 18 klst. og svo þegar ákveðið var að skera keisara, var lyftan á sjúkrahúsinu biluð, svo hún þurfti að labba sig niður á næstu hæð fyrir neðan með allar slöngur og dót í sér niður á skurðstofuna. 

En þessi litla hnáta er hún Evíta litla Cesil. 

Einn af ljósgeislunum mínum.  Til hamingju með afmælið Evíta mín, þú fæddist á degi Valentínusar með ljósmóður sem ber nafnið Ásthildur og ömmu við hlið þér sem líka ber nafnið Ásthildur Cesil, svo þinn dagur var fullur af ást.

Dóttir mín fór með pabba sínum á kajak í dag, og Halldór Sveinbjarnarson tók þessa mynd af þeim, Valentínusarmynd. 

Veðrið var eins og best verður á kosið.  Milt og sólskin.

Þessir herramenn gengu á vatninu, það var svo vel frosið þarna úti á pollinum að það var manngengt.  Sá ágæti ljósmyndari Halldór Sveinbjarnarson tók allar þessar kajakmyndir í morgun.

Birtan var falleg í dag.

Þessi er síðan í fyrradag.

Þessi er síðan í gær.

Kvöldmynd.

En stelpurnar fengu lánaða naggrísi hjá vinkonu Báru, og það er þvílíkt gaman að leika sér með þessi litlu grey.

Brandur er líka voða spenntur fyrir þeim, en það er af öðrum ástæðum.

Það var svo skíðadagur í skólanum á fimmtudaginn var, og hér er Úlfur á leið á dalinn.

Brandi finnst líka gaman að lesa, í milli þess sem hann skoðar naggrísina.

Júlli og Sigurjón skoða fiskana hans "pabba"

Mamma tilbúin á kajakinn.

Naggrís í góðum höndum.

Prakkarinn.

Sólin skín glatt á alla ísfirðinga í dag.

En ég ætla að setja myndir úr afmælinu hennar Evítu litlu inn hér seinna í kvöld, ég er reynar að fara í leikhúsið í kvöld, við heimtum aukavinnu í leikstjórn Elvars Loga bloggvinar míns,  ætli ég megi ekki taka myndir i frammklappinu, sjáum til með það. 

En svo er ein tilkynning.  Ef einhverjir þarna úti hafa áhuga á að koma til leiks við Frjálslynda flokkinn, og reyna að hafa sín áhrif í beinni, þá getið þið haft samband við mig í einkapósti.  Ég skal koma þeim á framfæri sem hafa áhuga.  Það er alltaf hægt að hafa áhrif í litlum flokki og koma sínum áhugamálum fram.  Það er samt best að kynna sér stefnuskrána, og sjá hvort eitthvað er þar sem fólk vill, við erum með mjög góða stefnuskrá, og höfum haldið henni til streitu allan tímann.  Það er hægt að skoða það á www.sf.is  Endilega skoðið þar og gáið hvort ykkur hugnast það sem þar er sett fram.  Eins og er er allt opið, og landsþing verður haldið í Stykkishólmi dagana 23 og 24 marz.  Þar er aðstaðan til að koma sínum málum áfram í málefnavinnu. 

Það hefur skapast svigrúm núna undanfarið, þar sem fólk sem ekki vildi stefnu okkar hefur yfirgefið flokkinn.  En knús á ykkur og eigið góða helgi. 

 

Athugasemdir

[Guðrún Emilía Guðnadóttir, 14.2.2009 kl. 18:44]

Ásthildur mín til hamingju með þessa yndislegu nöfnu þína og reyndar öll þín börn sem eru svo náttúruleg og við vitum báðar að það er vegna þess að það er ekki alltaf verið að slá á putta og bæla niður athafnaþrá þeirra.
Yndislegar myndirnar að vanda og feðginin eru flott.
Kærleik til ykkar allra
Milla.

[Ásthildur Cesil Þórðardóttir, 14.2.2009 kl. 18:55]

Takk elsku Milla mín.

[Auður Proppé, 14.2.2009 kl. 19:14]

Innilegar hamingjuóskir með litla ljósgeislann þinn og nöfnu  Yndislegar  myndir og sérstaklega falleg þessi síðasta.

[Ásthildur Cesil Þórðardóttir, 14.2.2009 kl. 19:33]

Takk Auður mín.

[Helga skjol, 14.2.2009 kl. 19:33]

Innilega til hamingju með fallegu dömuna þína og nöfnu

[Hrönn Sigurðardóttir, 14.2.2009 kl. 19:37]

Flottar myndir og til hamingju með ástarengilinn

[Dísa (IP-tala skráð) 14.2.2009 kl. 20:16]

Hjartanlega til hamingju með Evítu litlu Cesil. . Gaman að sjá myndirnar af þeim feðginum á kajak. Bára tekur sig vel út. skilaðu kveðju til hennar, ég gleymdi því um daginn, ég talaði svo mikið að ég komst ekki að fyrir sjálfri mér. Mennirnir sem gengu á vatninu, fyrir margt löngu var verið að segja nemendum í skóla frá þegar Kristur gekk á vatninu. Það varð þögn smástund og svo sagði ein stúlkan, "ég veit, spýta undir". Það er ekki vandi að ganga á frosnu vatni.

[Ásdís Sigurðardóttir, 14.2.2009 kl. 20:57]

Innilega til hamingju með skottuna og takk fyrir fallegar myndir.

[Jenný Anna Baldursdóttir, 14.2.2009 kl. 22:14]

Takk fyrir þína daglegu gleðigjöf mér til handa.

Sjá hana Ásthildi villingabarn í glugganum.  Hún gengur af mér dauðri þessi krúttmoli.

[Jenný Anna Baldursdóttir, 14.2.2009 kl. 22:15]

Og jésús minn, til hamingju með lilluna.

[Jóhann Elíasson, 15.2.2009 kl. 09:12]

Þetta er erfitt líf fyrir Brand greyið, það er allt fullt af freistingum, það getur verið erfitt líf að vera heimilisköttur!

[Sigrún Jónsdóttir, 15.2.2009 kl. 09:19]

Til hamingju með tveggja ára gullmolann þinn Ásthildum mín...og takk fyrir myndasýningu - frábærar myndir, sem gleðja mann að morgni dags

[Kidda (IP-tala skráð) 15.2.2009 kl. 10:05]

Til hamingju með ömmustelpuna, þú ert rík af yndislegum ömmubörnum.

Knús í kærleikskúluna

[Sigríður Ásdís Karlsdóttir, 15.2.2009 kl. 12:02]

Flottar myndir hjá þér Ásthildur, og kunnuleg andlit, sem ég þó ekki kem fyrir mig hvaðan enda alveg ferlega ómannglögg. Til hamngju með ömmubarnið kv Sirrý

[, 15.2.2009 kl. 12:26]

Til hamingju með snúlluna hana Evítu . Passið naggrísina vel - kisan mín lék sér einu sinni aðeins of fast við hamsturinn okkar og hann reis ekki upp aftur

[Ásthildur Cesil Þórðardóttir, 15.2.2009 kl. 22:15]

Takk Auður mín .

Jamm Jóhann minn, þetta er afar erfitt líf fyrir hann brand

Takk fyrir mig Sigrún mín

Takk Kidda mín

Sirrý mín Bára mín bjó á Hellu þegar Hanna Sól fæddist og hún var með hana í ungbarnasundi á Selfossi, þú hefur örugglega séð henni bregða fyrir þar einhverstaðar.

Ó Dagný ekki gott mál með vesalings hamsturinn.