Eru þetta bjargráðin okkar?

Jamm er það þetta sem við viljum sjá í nánustu framtíð?

Skotar gætu veitt við Ísland

Skotar hugsa sér gott til glóðarinnar og nú þegar Íslendingar séu skrefi nær Evrópusambandinu. Þetta kemur fram í skoska dagblaðinu Press and Journal í dag. Fjallað er möguleikann fyrir Skota að komast í ríkuleg fiskimiðin við Ísland, fari svo að Íslendingar samþykki aðild að Evrópusambandinu.

Vitnað er í orð Jóhönnu Sigurðardóttur forsætisráðherra um að Evrópusambandið og Evran væru nú besta leiðin til að bjarga efnahag Íslands. Tekið er fram að skoskir sjómenn gætu því verið skrefi nær í að snúa aftur til þorskveiða á Íslandsmiðum.

 

« Til baka

Og ætli það komi ekki fleiri á eftir skotum?  Hvað með spánverja, portúgala og fleiri þjóðir, sem munu  vilja veiða á hinum ríkulegu fiskimiðum okkar.

Erum við algjörlega heillum horfinn, að einblína eingöngu á að fara inn í þetta Evrópubákn?

Ég segi nei, ég vil ekki afsala rétti mínum sem íslenskur þegn.  Ég vil ekki að stórþjóðir Evrópu hirði allt það sem hægt er að hirða af okkur, og skammti okkur svo úr hnefa eitthvað sem við getum moðað úr.

Það kom fram hér í frétt um daginn, að það er smátt letur í samningnum um ESB, sem veitir sambandinu heimild til að taka eignarnámi náttúruauðlindir landanna, svo sem eins og orkuna.

Af hverju í ósköpunum halda menn eiginlega að þessu skrýmsli sé svo umhugað að koma okkur inn?

Það skyldi þó aldrei vera að þeir sjái ofsjónum yfir því sem landið okkar á, auðug fiskimið, heitt vatn, fossar og fljót sem hægt er að virkja þeim til hagsbóta í síversnandi árferði um raforku?  Hvað ætli þeim sé ekki sama um hreinleika landsins, ef þeir geta virkjað allt sem hægt er að virkja til að nota orkuna í að kynda húsin sín og handa sínum stóru fyrirtækjum.  Og hvað ætli við hefðum svo sem um það að segja, þegar við værum kominn undir "verndarvænginn"

Er fólk virkilega svo bláeygt að halda að það sé einhver góðmennska í frökkum, þjóðverjum og bretum okkur til handa?

Nei mér er alveg sama hvað hver segir.  Það sem þeir sækjast í eru okkar náttúruauðlindir og ekkert annað.  Við getum gleymt þessu öllu ef við glepjumst núna ínn í báknið eins og gapandi þroskar, í leit að betra lífi.  Við höfum allt sem við þurfum, við erum sennilega eina þjóðin í heiminum, sem höfum allt sem við þurfum.  Nægan mat, drykk, klæðnað og hvað sem nefna má. En nei það er ekki nóg, við viljum meira, við viljum hætta endanlega að hugsa og gefa frá okkur sjálfstæðið.  Hafa það gott, hætta að vinina kl. fimm og fara að grilla, af því að við erum svo heimóttarleg og miklar kveifar að við viljum bara sitja og opna kjaftinn og láta mata okkur eins og smáfuglana.

Æ á hvaða leið er þessi þjóð eiginlega?

Athugasemdir

[Helga Magnúsdóttir, 4.2.2009 kl. 18:48]

Já, það er stóra spurningin á hvaða leið þessi þjóð er. Áður en við vitum af verðum við ofurseld Alþjóðagjaldeyrissjóðnum og Evrópusambandinu.

[Kidda (IP-tala skráð) 4.2.2009 kl. 20:50]

Það er stóra spurningin hver þjóðin er að fara. Ég vil ekki í ESB, ég vil að kvótinn verði tekinn upp í skuldir og fari svo aldrei úr eigu ríkisins.

Það heyrist lítið um Landsvirkjun núna en var hún ekki á kúpunni um daginn. Svo heimta allir álver, er ekki hægt að nýta orkuna í eitthvað viturlegra en álver. Ég vil sjá hérna gróðurhús með grænmeti og ávöxtum sem væru lífrænt ræktuð. Fengjum að mínu mati mun meiri peninga í þjóðarbúið þannig en fyrir álverin sem borga ef ég man rétt hlut af heimsmarkaðsverði í rafmagnið. Þannig að Landsvirkjun er varla að að fá neitt fyrir rafmagnið. Af hverju standa öll húsin fyrir austan tóm sem var verið að byggja, er það að koma fram sem var vitað að álverið myndi ekki þurfa svona mikið vinnuafl og að áhugi væri lítill fyrir því að vinna í álveri.

Gætum ræktað gæsir sem myndu fá mun betri meðferð en þessar ungverku sem ég reyndar lagði ekki í að horfa á meðferðina á. Það ligggur við að ég hendi öllum sængunum okkar frá Rúmfatalagernum, veit reyndar ekkert hvort um var að ræða sængur frá þeim.

[Ásthildur Cesil Þórðardóttir, 4.2.2009 kl. 21:11]

Einn skólabróðir minn var með plön um að reisa 5000 fermetra gróður hús inn í Reykjanesi.  Hann sagði að við gætum ræktað allt grænmeti sjálf og flutt út líka. Hann hafði gert skýrslu um arðsemina og hagkvæmnina af þessu öllu saman, vildi fá bæinn í lið með sér og atvinnuþróunnarfélagið hér.  Skýrslan var vönduð og góð.  En það var bara enginn áhugi á þessu.  Þó er nægur hiti í borholum í Reykjanesi í eigu bæjarins.  Síðan var það allt smáaletrið hinar og þessar stofnanir voru með þröskulda allstaðar.  Það má nefnilega ekki hreyfa sig hér á Íslandi ef þú ert ekki réttur aðili.  Þá eru varnir allstaðar til að hindra þig í að framkvæma.  Sárt er það.  En svona er alvaran í dag.  Eintóm höft Jóns litla Jónssonar, en allt galopið fyrir hina sem mega éta af borðum alsnægtanna.  Vonandi var þetta bara skíturinn frá sjálfstæðisflokknum og að þessu verði blásið burtu núna, en einhvernveginn læðist nú að mér sá grunur að framsókn eigi sinn hluta í þessum höftum.  Gamla SÍS veldið sé nú ekki eins dautt og menn vilja vera láta, þegar kemur að því að útdeila gæðunum, þá er ekki hugsað um þjóðarhagkvæmni heldur hver fái að hirða brauðmolana.