Af prinsessum og öðru fyrirfólki.

20.1.2009 | 00:16

Eftir þessa framsóknaryfirhalningu er ekki úr vegi að setja inn smá prinsessumyndir og af öðru góðu fólki.

Prinsessur eru vanmetnar í dag allavega mínar þær hafa sterkan persónuleika, og þó þær séu ungar að árum þá hafa þær stálvilja allavega þessar sem hér eru kúluprinsessurnar mínar.

Sjáið bara, þær eru til í hvað sem er.

Og flottar eru þær.

Þessi prinsessa átti langt samtal við afa sinn um daginn, þar sem hann útskýrði fyrir henni að þeir fyrstu yrðu siðastir og hinir síðustu fyrstir. Hún vill nefnilega alltaf vera fyrst, inn í bílinn, út úr bílnum, og núna síðast vakna fyrst af öllum. Og eftir þetta samtal, sagði hún við ömmu, ég vil vera fyrst, og þess vegna má Ásthildur fara fyrst út úr bílnum, af því að þeir sem eru fyrstir verða síðastir og þeir sem eru síðastir verða fyrstir. Og þannig er það bara núna.

Málið er að börn eru miklu eftirtektarsamari en fullorðnir. Og þau fylgjast miklu betur með því sem er að gerast í kring um þau en fullorðið fólk, og þessi litla dama var farin að íhuga málin, sá að sú stærri var alltaf á undan, og svo kom að því að það gerðist sem ég vissi að myndi gerast, hún sagði É fytt!

Já málið er að hún er ekki alveg búin að ná þessu með síðastir og fyrstir, svo ennþá er allt í jafnvægi LoL Heart

Amma sagði Úlfur, þú setur aldrei inn myndir af þér, þessi fer á netið sagði hann um leið og hann smellti af. Og auðvitað er það netið....

Hér er svona pabbaprinsessa, en nýtur athygli frá föðurbróður líka.

Og svo er dundað sér við eitt og annað þar sem tvær prinsessur koma saman.

Skipst á ýmsum hlutum og svona. Einhverju sem skiptir máli og svoleiðis.

Og samningar hafa náðst, enda hvað er peli eða afaskyr á milli vina.

Og maður er manns gaman.

Og alltaf gaman að fara í smáreiðtúr, þó bykkjan sé bara rugguhestur.

Og svo er haldið heim á leið.

Þó sumir dundi sér við að horfa á videó.

Svo blundar alltaf þessi modelismi í manni frá unga aldri heheheh

Já það er hægt að vera ansi frumlegur þó maður sé ekki orðin tveggja ennþá.

ég verð að fara að gefa mér tíma til að þrífa þennan spegil. En einhvernveginn þá hleypur draslið ekki frá manni. Allt hitt tekur meiri tíma, og gefur manni meira. InLove

Þetta er veðrið í gær.

Veðrið í dag kemur örugglega á morgun hér. Ein eigið góða nótt elskurnar mínar.

Flokkur: Bloggar | Facebook

Athugasemdir

Huld S. Ringsted, 20.1.2009 kl. 07:53

Yndislegar myndir. Og hjá litla fólkinu eru að byggjast upp minningar um hvað er gaman og friðsælt hjá ömmu og afa og þær endast endalaust og má nota síðar til að slaka á og láta sér líða vel. ástarkveðjur til allra sem búa og koma í Kúlu.. Snjórinn gerir svo mikla birtu og ekki veitir af.

Dísa (IP-tala skráð) 20.1.2009 kl. 08:23

Takk Dísa mín Kærleikskveðjur til þín líka. Já Snjórinn birtir allt upp, og nú er sólin að smokra sér niður fjallið náði niðurfyrir Gleiðarhjallan í gær.

Knús Huld mín

Ásthildur Cesil Þórðardóttir, 20.1.2009 kl. 08:31

Kannast mjög svo við þetta. Ég á eina 4ra ára prinsessu hér í næsta hverfi.

Laufey B Waage, 20.1.2009 kl. 09:04

Óborganlegar litlu skvísurnar og allir kúlubúar

Solla Guðjóns, 20.1.2009 kl. 09:22

Góðan daginn, takk fyrir Ásthildur, ég er svo löt að blogga þessa dagana en pistillinn þinn um Framsókn var algjörlega frábær og nákvæmlega það sem ég var að hugsa.... Kögun hringir einhverjum bjöllum.... Það var eitthvað svo lítið spennandi að sjá myndina á forsíðu Fréttablaðsins í gær af forystu Framsóknar, nýrri og feskri.....þrír menn í dökkum jakkafötum..... allir eins ...... En prinsessurnar og annað fyrirfólk í kúlunni er gaman að sjá, fallegir litir og gleði. Knús til ykkar allra.

Herdís Alberta Jónsdóttir, 20.1.2009 kl. 09:25

Þvílík krútt þessi börn. Sjá smástelpurnar á trúnó. Drepur mig.

Jenný Anna Baldursdóttir, 20.1.2009 kl. 10:50

Já þær eru skondnar þessar litlu prinsessur fullar af kærleika og prakkaraskap Jenní mín.

Dísa mín, já þetta slær mann óneitanlega. EKki held ég að það haldi vatni eða vindi þessi nýja ferska framsókn þegar farið verður að kafa ofan í hlutina. en það er bara mín tilfinning.

Takk Solla mín

Laufey mín hvar værum við á þeirra ?

Ásthildur Cesil Þórðardóttir, 20.1.2009 kl. 11:58

Þar sem tvær prinsessur koma saman, þar er höll Iss, ég mundi bara rétta Hönnu Sól eða Ásthildi speglatusku og leyfa þeim að bjástra við spegilinn. Hann mun þá örugglega verða gljáfægður á næstunni