Kajak og kvöldverður með góðum vinum.

Þrettándin var í gær, það er síðasti dagur jóla hér hjá okkur allavega. 

Svona var veðrið í þá, en það rigndi heilan helling í dag svo nú er allur snjór á burt.

Hnífdsdælingarnir vinir okkar frá Svartaskógi fóru með Ella á kajak í gær, enda var veður til þess.

Fyrst var að velja sér kajak.

Það verður svo skemmtiferð í Reykjanes um mánaðarmótin, þar sem við munum eyða helginni saman.

En því miður gat ég ekki beðið eftir að þau færu á flot, því ég þurfti að fara og sækja stelpurnar.

Okkur var svo boðið í mat í notalega heimilið þeirra í Hnífsdal, sem þau hafa nú dvalið yfir jól og áramót.

Þessi líka fína steikta rauðspretta.

Og svo var spilað og leikið.

Það var virkilega notalegt.

Og Úlfur brá smá á leik.

Birgit og Ásthildur skoða myndir.

Þau ætla sko að fara heim með bæði fisk og kjöt, sennilega harðfisk líka, svo er konfektið gott.  En fiskur og kjöt frá Vestfjörðum er það besta sem til er.

Svo var farið að leita að álfabrennunni, hún var svo í Bolungarvík svo við misstum af henni.

En þetta var samt frábært kvöld..

Athugasemdir

[Guðrún Emilía Guðnadóttir, 7.1.2009 kl. 21:17]

Knús til þín Ásthildur mín, flottar myndir að vanda.
Kveðja
Milla

[Helga Magnúsdóttir, 7.1.2009 kl. 21:51]

Það er alltaf svo gaman að kíkja inn hjá þér. Ég held að það sé alveg rosalega gaman að vera þú, það er alltaf svo mikið líf og fjör í kringum þig.

[Ásthildur Cesil Þórðardóttir, 7.1.2009 kl. 21:52]

Takk Milla mín

Takk Helga mín.  Það er rosalega gaman að vera ég.  Mér finnst það allavega

[Sigrún Þorbjörnsdóttir, 7.1.2009 kl. 22:13]

Það er ekki bara gaman að vera þú, heldur líka að vera í kringum þig. Alltaf sama lífið og fjörið í kringum þig og kærleikurinn þar fremstur.

[Elín Helgadóttir, 7.1.2009 kl. 23:08]

Spennandi.  En afhverju ferð þú ekki á kajak?

[Sigrún Jónsdóttir, 7.1.2009 kl. 23:09]

Knús á alla í Kúluhúsi

Það var víst þrettándabrenna á Suðureyri hjá Þóru Þórðar

[Kristín Katla Árnadóttir, 8.1.2009 kl. 07:53]

Knús á þig og alla það er nú ekki slæmt að borða rauðsprettu.Gaman af myndunum. 

[Jóhanna Magnúsar- og Völudóttir , 8.1.2009 kl. 09:24]

Gleðilegt ár Ásthildur og kær kveðja í kúluna.

[Ásthildur Cesil Þórðardóttir, 8.1.2009 kl. 10:19]

Takk Sigrún mín, það er orðið langt síðan þú bjóst hér í kúlunni

Ella mín ég hugsa að ef ég kæmist ofan í kajakinn, myndi sennilega ekki duga minna er tveir fílefldir karlmenn til að toga mig upp aftur  Ég er hálf léleg í löppunum vegna gigtar.

Já auðvitað hafa Súgfirðingar haft sína brennu Sigrún mín.   Hefði átt að fara beint þangað.

Nei Katla mín rauðsprettan var rosalega góð.  Knús á þig.

Kærleikskveðja til þín líka Jóhanna mín.

[Halla Rut , 8.1.2009 kl. 12:31]

Er ég sá myndina af þessum dökkhærða dreng á myndunum hélt ég fyrst að um elsta son minn væri að ræða. Sláandi líkir við fyrstu sýn.

Bestu kveðjur til þín og gleðilegt ár (eða var ég búin að því?)

[Ásthildur Cesil Þórðardóttir, 8.1.2009 kl. 12:55]

Takk Halla mín, þessi dökkhærði drengur heitir Leon Abrecht og er þýskur, en þau eru eiginlega íslendingar í sér, búa í Dietlingen í Svartaskógi, en eiga hús í Hnifsdal og eyða hér öllum sínum fríum.  Hann er líka búin að fá loforð fyrir sjálfboðavinnu á Sjúkrahúsinu á Ísafirði í sumar, en í Þyskalandi þurfa nemendur að sinna samfélgasþjónustu á sjúkrahúsi eða elliheimili  í mánuð, og hann vildi fá að vinna hér.