Tónleikar hjá Karlakórnum Erni og stúdentaveisla.

Sæta stelpan mín hún Tinna tengdadóttir varð stúdent í gær.  Og auðvitað hélt hún smá veislu fyrir vini og vandamenn.

Hér eru þrjár sætar saman, Ásthildur Tinna og Pálína stolt móðir.

Skafti og Óðinn Freyr tóku auðvitað þátt í að gleðjast með mömmu sinni og eiginkonu.

Innilega til hamingju með hvítu húfuna þína og prófið Tinna mín

Ásthildur glaðleg í veislu.

En svo fór ég á konsert hjá Karlakórnum Erni.  Þeir hafa haldið þrjá tónleika, fyrst í Bolungarvík, svo á Þingeyri og í gær var það í Ísafjarðarkirkju.  Kirkjan var troðfull, það var talið að um 500 manns væru þar í gær, og þurftu einhverjir að hverfa frá, svo mikill var mannskapurinn.  Óskar Pétursson Álftagerðisbróðir söng einsöng með þeim. 

Hann var hversmanns hugljúfi og mikill grallari að þeirra sögn.  Enda í veislu á eftir sagði hann nokkrar skemmtilegar sögur, og fór með vísukorn.

En honum sagðist svo frá að þegar bróðurdóttir hans dóttir Gísla, varð þrítug, þá sagði konan hans að hann yrði að setja saman vísu í tilefni þess.  Hann samdi þá þessa;

Í lífi þínu er brotið blað

berð þrjátíu ár á bakinu.

Það var meira lánið það,

að þú lentir ekki í lakinu. 

En konstertinn var svo tekinn upp, það var Mugison sem sá um þá hlið.

Upptaka á fullu.

Hér er kórstjórinn Margrét, þeir eru náttúrulega flottastir karlarnir.

Dagskráin var hátíðleg og falleg.  Ég kom út í jólaskapi.

Óskar söng meðal annars lag við ljóð eftir vin minn Úlf Ragnarsson lækni, og föður bloggvinkonu minnar Grétu Betlehemstjarnan.

Að síðustu sungu þeir svo Heims um ból, og allir stóðu upp og sungu með.  Það var mjög áhrifaríkt.  Innilega takk fyrir mig drengir mínir fyrir frábæra tónleika.   

 

 

Athugasemdir

[Steinunn Helga Sigurðardóttir, 20.12.2008 kl. 20:40]

yndisleg að skoða lífið þitt kæra kona

Jólakram frá mér

Steina

[Jenný Anna Baldursdóttir, 20.12.2008 kl. 21:39]

Alltaf jafn fallegar myndir með stemmingunni beint í æð.

Til hamingju með Tinnu.

[Lilja Guðrún Þorvaldsdóttir, 20.12.2008 kl. 22:03]

Hjartanlega til hamingju með Tinnu. - Mikið eru þetta fallegar myndir, ég elska að fara á aðventutónleika hjá karlakórum held mikið upp á Karlakór Reykjavíkur, mér finnst jólin ekki koma nema að ég hafi komist á aðventutónleika í Hallgrímskirkju.

[Sigrún Jónsdóttir, 20.12.2008 kl. 22:20]

Flott hjá Tinnu, óskaðu henni til hamingju frá mér

Þetta hefur verið ljúf og jólaleg stund í fallegu kirkjunni ykkar

[Linda Linnet Hilmarsdóttir, 20.12.2008 kl. 23:10]

Knús í hús og ljúfar kveðjur

[Laufey B Waage, 20.12.2008 kl. 23:47]

Til hamingju með hana. Þér líkt að halda veislu fyrir hana.

[, 21.12.2008 kl. 11:15]

Sendi Tinnu hamingjuóskir og ykkur ættingjunum líka. Flottur þessi karlakór - hefði viljað heyra hann syngja.

[Ásthildur Cesil Þórðardóttir, 21.12.2008 kl. 12:15]

Takk öll elskuleg mín.  Ég hef ekki nákvæmlega tíma núna til að fara hringinn minn, en geri það seinna í dag.

[Helga Magnúsdóttir, 21.12.2008 kl. 17:57]

Ég sit bara hérna í vinnunni og það hljóma jólalög í huganum á mér með góðum karlakór. Verst að vinnufélagarnir fái ekki að njóta þess þar sem það er bara í hausnum á mér eftir að hafa skoðað myndirnar. 

[Rósa Aðalsteinsdóttir, 21.12.2008 kl. 21:04]

Sæl og blessuð Ásthildur mín

Til hamingju með hana Tinnu.

Strákarnir í karlakórnum eru svaka flottir

Skoðaði myndirnar þínar í síðustu færslum líka. Mikið að gera á stóru heimili. 

Mundu að fara vel með þig.

Guð gefi þér og þínum gleðileg Jól og farsælt komandi ár.

Vertu Guði falin.

Kær kveðja/Rósa

[Sigrún Þorbjörnsdóttir, 21.12.2008 kl. 21:05]

Til hamingju með tengdadóttur þína. Þetta hafa verið notalegir tónleikar, með þessum flotta kór. Takk fyrir myndir.

[Linda Linnet Hilmarsdóttir, 23.12.2008 kl. 00:48]

Ég og mín kæra fjölskylda viljum óska ykkur öllum gleðilegra jóla og farsældar á komandi ári og þökkum árið sem er að líða.....Jólakveðja

 Linda og Fjölskylda :):):):)

[Þórarinn Þ Gíslason (IP-tala skráð) 23.12.2008 kl. 03:44]

Sæl Ásthildur mín.

Falleg færsla eins og alltaf.

Farðu vel með þig þetta eru erfiðir dagar hjá stórri fjölskyldu.