Hversu lágt getur þetta lið lagst?

Mikið var ég hissa að heyra að Þorgerður Katrín telur það eina von Íslands að ganga í ESB.  Þar er hún sammála Ingibjörgu Sólrúnu.  Mér þykir það vont mál þegar ráðamenn þjóðarinnar sjá ekkert annað fyrir til bjargar en að koma sér undir yfirráð annara. 

'Eg skammast mín fyrir þessar tvær konur að tala svona ábyrgðarlaust.  Bara leggjast eins og mellur og láta stóra sterka aðilann taka sig með húð og hári.  Ef þið teljið þetta einu vonina, þá er greinilegt að þið ætlið ekkert að gera af viti til að koma okkur út úr þessum erfiðleikum, og þá er ekkert annað fyrir ykkur að gera en að segja af ykkur, koma ykkur burt og láta aðra um að hreinsa til.  Þeir sem gefast upp fyrirfram eiga ENGA VON UM SIGUR.   Ég vil ekki láta draga mig niður á þetta plan.  Ég vil að við að minnsta kosti reynum að bjarga okkur með það sem við eigum og höfum hér til þess.  Við eigum alla möguleika, ef við fáum fólk við stjórnvölin sem vill vinna með þjóðinni.  Þið hafi ekki traust fólksins til að leiða okkur áfram.  Þið ættuð að skilja það og virða óskir fólksins um að það vill breytingar. 

Ég hefði satt að segja átt von á því að þið þessar tvær sterku konur hefðuð meiri dug og djörfung í ykkur fyrir íslensku þjóðína.  En nei þið hafið báðar gefið upp hug ykkar með það.  Beint í stóra hlýja hjónarúm keisarans, verst að hann er nakinn og þar að auki einvörðungu að hugsa um heimamundinn og sinn eigin hag.  Eða dettur einhverjum í hug í alvörunni að Evrópusambandið hafi svona mikinn áhuga á að bjarga okkur?  Flýtimeðferð.... hægt að koma þessu við á undan öðrum umsækjendum.... Nei.  Ætli það séu nú ekki auðlindirnar okkar sem þeir vilja gjarnan festa klærnar í.  Málið er nefnilega, að þó við hér fávitarnir gerum okkur ekki grein fyrir því ennþá, þá eru þær auðalindir sem við eigum; gjöful fiskimið, að vísu í (herkví sægreifa) heitavatnið á leið í klær auðkífinga, ósnortin náttúra, á leið í klær álrisa.  Væntanleg olía, svo ekki sé talað um orkuna í fólkinu sjálfu, betra en gull og gersemar.  Auðlindir okkar, eru nefnilega einstakar.  Hreint vatn, ómengaður matur og alsnægtir gjöfuls lands.

Því miður þá sjáum við þetta ekki, eða þeir sem eiga að gæta hagsmuna okkar.  Það sem þeir einblína á er að mylja sem mest undir erlenda aðila.  Einhverskonar undirlægjuháttur og fall fyrir smjaðri, komast í klíkurnar, vera með fína fólkinu í útlöndum. 

Hver man ekki eftir gríninu um mussuliðið, hvort fólk ætlaði að lifa af að týna fjallagrös, ganga í lopapeysum og rækta rollur.  Málið er bara að öll þessi atriði eru þýðingarmikil fyrir íslensku þjóðina, og með réttri notkun allt saman eitthvað sem mun hjálpa til við að endurreisa hana.

Ef við viljum vera sjálfstæð þjóð, þá þurfum við að standa saman, standa vörð um það sem við höfum, sem þjóð.  En áður en við getum hafið uppbyggingu og tryggt réttlæti og betra líf handa öllum, þurfum við virkilega að taka til, kjósa burtu spillinguna, hreinsa til í kerfinu, forgangsraða öðru vísi.  Til dæmis get ég ekki tekið undir að það sé ekki til fjármagn til að búa sæmilega að öldruðum, meðan við rekum rándýr sendiráð í nokkrum löndum og erum með fleiri manns á launaskrá, sem eru titlaðir sendiherrar og erindrekar allskonar, en eru samt ekki að gera neitt.  Burtu með bruðlið í utanríkisráðuneytinu, helst að leggja það alveg niður, og sameina það einhverju öðru ráðuneyti, viðskiptaráðuneytinu til dæmis.  Það ráðuneyti virðist ekki þurfa mikið umhendis, allavega hefur núverandi viðskiptaráðherra verið upp á punt. 

En ég ætla ekki nánar út í útlistun á sparnaði.  Þar er nóg af að taka, áður en farið er að skera niður hjá þeim sem minna mega sín.   Málið er bara að það fólk sem nú höndlar með fjármál okkar og líf, hefur ekki skilning á sparnaði og ráðdeild.  Það er orðið spillt af valdinu og vill ekki fara frá.  Við þurfum að finna leið til að losna við slímsetu þess, svo hægt sé að byrja upp á nýtt, með fólki sem kann, veit og hefur hjarta og móralin ennþá til staðar, umhyggjuna fyrir lítilmagnanum og réttlætið í farteskinu. 
Það er nú eða aldrei!

Athugasemdir

[Þórarinn Þ Gíslason (IP-tala skráð) 16.12.2008 kl. 12:46]

Sæl Ásthildur.

Þetta er orðið eins  og inni í FRYSTIGEYMSLU, þar sem allir segja hver við annan     .En hvað þetta er fallegt sólarlag !Kveðja.

[Kidda (IP-tala skráð) 16.12.2008 kl. 13:00]

Sé engan veginn nokkurn tilgang í að ganga í ESB og hreinlega vil það ekki.

Eitt til dæmis, jeppamenn hafa ekki allir spáð í en það er að breytingar á bílunum okkar eins og við erum að gera verður bannað við inngöngu í ESB. Það eru fullt af smáatriðum sem leynast þar inni.

Knús í hamingjukúluna  

[Jenný Anna Baldursdóttir, 16.12.2008 kl. 13:18]

Ég veit ekki enn hvað mér finnst um inngöngu í ESB en ég vil láta á það reyna, taka umræðuna og kjósa svo.  Það er ekki hægt að hanga í þessu limbói endlaust.

[Martha Elena Laxdal (IP-tala skráð) 16.12.2008 kl. 13:28]

Já, ég vil líka þetta lið í burt. Eins og gott hjónaband getur ekki gengið nema það sé byggt á trausti svo er um samband ríkisstjórnar við þjóðina sem þeir þjóna. Traustið er hrunið, hvar sem ég les þá eru allir sammála um að stjórnin eigi að fara en hún er víst bæði heyrnarlaus og blind en "3ji apinn" gasprar og gasprar!.

[Katrín Snæhólm Baldursdóttir, 16.12.2008 kl. 13:45]

Tek undir hvert einasta orð hér..það þarf að skrúbba ísland út af þessari spillingu alveg frá botni og uppúr. Þetta spillingarlið er alls staðar með krumlurnar og það að bjóða upp á ráðherrahrókeringar breytir akkúrat engu og er bara einn einn jókurinn framan í þessa þjóð. Við verðum hreinlega að byrja upp á nýtt og byggja allt upp frá grunni þegar við höfum losað okkur við græðgispúkana og valdafíklana..finna almennilegt fólk og byggja á alvöru manngildum alla leið. Það er verkefnið sem bíður....

[Katrín Snæhólm Baldursdóttir, 16.12.2008 kl. 13:46]

æ..afsakið stærðina á letrinu í færslunni hér fyrir ofan..en þetta má alveg æpa yfir ráðamenn hátt og snjallt hvar sem því verður við komið

[Ásdís Sigurðardóttir, 16.12.2008 kl. 14:39]

Flottur pistill Ásthildur mín.  Hvernig endar þetta eiginlega allt saman?  Kærleikskveðja vestur.

[Kristín Katla Árnadóttir, 16.12.2008 kl. 20:26]

Ég er 100% sammála þér.Takk fyrir samtalið í morgunn og hafðu það gott

Þú ert mjög góður penni  Ásthildur mín.

[Sigurður Þórðarson, 16.12.2008 kl. 21:31]

 Þorgerður þrætti fyrir að hafa sagt þetta og því skrifaði ég til blaðamannsins Alf Skjeseth á Klassekampen, sem gaf mérr þetta svar:

"Hei Sigurdur. Det er ganske provoserende hvis Thorgerdur sier at hun "aldri har sagt" det sitatet som blir gjengitt, fordi dette er ordrett utdrag fra at intervju som jeg har på lydbånd. Det er helt riktig at hun også snakker om fiskerressursene og tar andre forbehold, og dette er også med i intervjuet.

mvh Alf Skjeseth"

Þarna segir hann að hann sé með segulbandsupptöku og fréttin ser skrifuð orðrétt eftir henni. 

[Ásthildur Cesil Þórðardóttir, 16.12.2008 kl. 21:59]

Gott að fá það á hreint Siggi minn.  Auðvitað hefur hún sagt þetta, blaðamenn leggja ekki í að ljúga til um það sem ráðherra segir, svo ég taldi það alveg víst.

Takk Katla mín, já takk fyrir skemmtilegt spjall í morgun.

Kærleikskveðja til þín líka Ásdís mín, já hvar endar þetta, því getur enginn svarað í dag, allra síst stjórnvöld, því miður

Sammála því Katrín mín, um að gera að æpa að þessu liði

Mín tilfinning líka Martha mín.

Það er mjög slítandi að vera í limbói Jenný mín.

Einmitt Kidda mín. 

Kærleikskveðja til þín þói minn

[, 16.12.2008 kl. 23:19]

Þarna er hvert orð satt, Ásthildur, undirlægjuháttur og spilling ráðandi. Siðblindan virðist vera eins og veirupest sem dreifir sér um þingsali. Burt með þetta lið og fáum nýja, "heilbrigða"stjórn með hraði.

[Linda Linnet Hilmarsdóttir, 16.12.2008 kl. 23:38]

knús á þig og góða ljúfa nóttina

[Rósa Aðalsteinsdóttir, 17.12.2008 kl. 17:47]

Sæl og blessuð Ásthildur mín.

Þetta er flott grein hjá þér. það þarf að spara og spara. Af nógu er að taka þó það sé ekki verið að ráðast á þá sem minna mega sín. Skera niður í Utanríkisráðuneytinu. Mér fannst Halldór Ásgrímsson bruðla og bruðla þar í bygginu nýrra sendiráða. Það er alltof dýr liður og svo má skera niður helling af snobbi. það þarf ekki alltaf að fara erlendis. Það er til tölvur og hægt að ræða saman þannig eins og almenningur gerir.Svo má nú alveg spara innkaup til Íslands. Við þurfum ekki fleiri, fleiri gáma af sælgæti svo ég taki eitthvað dæmi.

Vertu Guði falin.

Kær kveðja/Rósa