Rafmagn og tölvuvandræði.

Það var rafmagnslaust meiripartinn í gærkveldi svo það var kertaljós og eldhúsborðsumræður hjá okkur.  En það sem verra var, er að tölvan mín virðist hafa hlotið tjón af.  Það kviknar ekki á henni, ég var með heilmikið í henni, sem ég var að vinna með, meðal annars jólagjafir, og svo jólakortin, þetta næ ég ekki í því miður.  En síðan er allt myndefnið, ég vona samt að ég nái henni í lag, en meðan svona er, þá verður lítið um myndir, nema ég bjargi mér einhvernveginn öðruvísi.

Það var samt dásamlegt í morgun þegar ég kom út, mánabjört fjöllin, hvít og hrein, og það var yndislegt að aka niður Súgandafjörðin, baðaðan tungsljósi það glampaði á sjóinn og fjöllin gnæfðu yfir, og efst trónaði svo fullur máni.  Það var undursamleg sjón, jólalög á diski, værðarleg börnin í aftursætinu, Hanna Sól að vísu öll í spurningum; amma hvernig væri ég ef ég væri Kúlasta stelpan í heim?

Þú væri bara eins og þú ert elskan, frábær.

Nei amma þú skilur ekki, hvernig væri ég ef ég væri Kúlasta stelpan í heimi, óþolinmóð yfir skilningsleysi ömmu.

Ég held að þú værir alveg rosalega flott, sagði amma til bjarga sér fyrir horn, þetta samtal átti sér stað í göngunum.

Já og með galdrastaf fullyrti sú stutta, ákveðinni röddu.

Já auðvitað galdrastaf.  Sagði amma. 

En sem sagt við sjáum til hvort ég bjarga mér eða ekki.  þá verður bara að hafa það, ef ég get ekki sett inn myndir, eða yfirleitt verið í sambandi. 

En ég sendi ykkur bestu kveðjur inn í daginn. 

Athugasemdir

[Ásdís Sigurðardóttir, 12.12.2008 kl. 11:01]

Kúlust með galdrastaf, það toppar það ekkert í dag

[, 12.12.2008 kl. 11:06]

Úff. Vona að öll vinnan þín hafi ekki tapast  En hnáturnar standa fyrir sínu

[Guðrún Þóra Hjaltadóttir, 12.12.2008 kl. 11:51]

ÆÆÆÆÆ ! Það er þetta með að vista reglulega, þá tapar maður oftas litlu eða engu.

[Sigrún Jónsdóttir, 12.12.2008 kl. 11:53]

Úff....ég vona að Vestfirski fréttavefurinn minn komist fljótt í lag.  Ein eigingjörn

En það er alltaf jafn gott að lesa frá þér og knús á ykkur öll í Kærleikskúlu

Hanna Sól er auðvitað "kúlasta" stelpan í heiminum, af því hún á "kúlustu" ömmuna

[Anna Ragna Alexandersdóttir, 12.12.2008 kl. 12:07]

[Ásta Björk Solis, 12.12.2008 kl. 17:27]

Kulust med galdrastaf i kuluhusinu hennar ommu

[Sigrún Þorbjörnsdóttir, 12.12.2008 kl. 18:22]

Sammála henni nöfnu minni, þið eruð bara kúlastar  En leiðinlegt með gögnin þín  Ég vona að þú getir nálgast þau aftur. Knús í kúlustu kúlu

[Dísa (IP-tala skráð) 12.12.2008 kl. 18:34]

Ææ vona að þú náir gögnunum þínum aftur, ekki síst myndunum. Annars fer mikill fjársjóður í súginn. En ég get séð Hönnu Sól fyrir mér svífandi á galdrastafnum sínum að bjarga heiminum. Þá gæti hún skroppið og litið á mömmu og fylgst með öllu.

[Hrönn Sigurðardóttir, 12.12.2008 kl. 21:23]

[Kristín Katla Árnadóttir, 12.12.2008 kl. 23:30]

Til þín svona er tölvan mín líka alltaf að frjósa. Gleðileg jól elsku Ásthildur mín.

[Hulda Bergrós Stefánsdóttir, 13.12.2008 kl. 08:35]

Auðvitað er hún kúlasta kúlustelpan, en vona að þér takist að laga tölvuna

[Laufey B Waage, 13.12.2008 kl. 10:40]

Gott að þú skulir þó getað skrifað okkur. Þó þú sért góð í myndunum, - ertu ekki síður orðsins kúnstner. En vonandi gengur þetta upp með myndirnar, - ég keypti mína tölvu aðallega fyrir myndirnar, svo ég skil þig mjög vel.

[Linda Linnet Hilmarsdóttir, 13.12.2008 kl. 19:01]

Hún er bara flott hún Fröken Hanna Sólknús knús og ljúfar yndislegar kveðjur

[Heiða Þórðar, 13.12.2008 kl. 23:36]

[Gunnar Skúli Ármannsson, 13.12.2008 kl. 23:44]

Sæl Ásthildur,

þarna komstu með það, þetta þurfum við líka að fá í Reykjavík. Almennilegt rafmagnsleysi eins og í gamla daga. Þá stoppa tölvurnar og við förum kannski að tala saman, þá fyrst gerist eitthvað af viti.

[Helga Magnúsdóttir, 14.12.2008 kl. 15:46]

Hlakka til að fá myndir frá þér aftur. Barnið verður að eignast galdrastaf, það er deginum ljósara.

[Rósa Aðalsteinsdóttir, 14.12.2008 kl. 20:19]

Sæl og blessuð.

Vonandi getur einhver hjálpað þér að ná gögnunum. Ég þarf að læra að setja myndirnar mínar yfir á flakkarann ef eitthvað kemur fyrir. Þú þarft endilega að gera það líka. Þú ert svo dugleg að taka myndir af börnunum sem verða svo dýrmætar í framtíðinni.

Vertu Guði falin dugnaðarkona.

Kær kveðja/Rósa

[Ásthildur Cesil Þórðardóttir, 15.12.2008 kl. 10:41]

Takk öll sömul.  Jamm ég vona að ég nái gögnunum, það er líka erfitt að horfa á alla fegurðina í kring um mig, og vita að ég get ekki leyft ykkur að njóta hennar með mér.  Vonandi fær ég tölvuna í lag sem fyrst.