Amma eru Heilu jól?

Spurði Hanna Sól, á leiðinni frá Suðureyri í gær, ég var annars hugar og sagði já já, hélt að hún ætti við heilög jól, svona eins og gengur.  En eru þá til hálf jól? spurði barnið

Magnaður Súgandafjörður.

Myndirnar teknar um hálf fjögur í gær.

Hanna Sól með viðurkenningu frá slökkviliðinu, þeir komu í leikskólann og ræddu um brunavarnir.

Skottið að fá sér "nammi"

Jólasteikurnar að bíða eftir nammi.  Þessar sluppu reyndar við að verða jólasteikur.

Og Súgfirðingar búnir að kveikja á jólatrénu.

Þessi grallari harðneitaði að fara að sofa í gærkveldi,  hún sofnaði mjööööög seint.

endaði með því að stubburinn minn stóri fór að sofa á undan henni.   Ég held að ég verði að biðja fóstrurnar að hætta að láta hana sofa í vagninum á daginn.  Greinilega.

Það er ekki einu sinni hægt að vera reið við þetta kríli.  Því hún er svo ánægð.

Hún er algjör grallari.

eigið góðan dag.

Athugasemdir

[Ásdís Sigurðardóttir, 9.12.2008 kl. 13:35]

Það er svo falleg birtan í útimyndunum.  Kveðja vestur  litli grallarinn er yndisleg.

[Guðrún Þóra Hjaltadóttir, 9.12.2008 kl. 14:14]

Það verða trúlega "hálf jól" hjá sumum í ár. Minni umsvif.

Ég þekki þetta með barnabanið Ásthildur, tíminn sem við vitum ekki alveg hvort þau eigi að sofa lúr á daginn eða ekki.

Ætli jólaundirbúningur trufli ekki eitthvað líka. Ég hafði einn í gær sem hljóp hring eftir hring og lét eins og hann ætti alla heimsins orku.

[Dísa (IP-tala skráð) 9.12.2008 kl. 15:23]

Það er svo yndislegt að spjalla við þau litlu, heyra hvernig rökin þeirra eru allt öðruvísi en okkar, en samt svo rökrétt. Finnst litla nafna þín minna á mömmu þína á neðstu myndinni. Það er rétt sem segir hér fyrir ofan, bitan í myndunum er svo falleg.

[Dísa (IP-tala skráð) 9.12.2008 kl. 15:30]

Átti auðvitað að vera birtan

[Solla Guðjóns, 9.12.2008 kl. 15:35]

Það er svo gaman að þessari barnaeinlægni

Grallaraskottið þarf líklega minni svefn.

knús í falllegu birtuna fyrir vestan

[Sigrún Jónsdóttir, 9.12.2008 kl. 15:54]

Ég þurfti að stoppa vel og lengi við vetrarmyndirnar af Súgandafirðinum og hugsaði að sennilega hefur þú séð fjörðinn minn oftar, já miklu oftar í þessum búning frá þessu sjónarhorni.  Maður var nú ekkert að þvælast upp í heiði á þessum árstíma í den, því ferðalögin voru farin með Djúpbátnum Fagranesi....og þá í hina áttina.

Takk fyrir Ásthildur að sýna mér "heim" svona reglulega

[, 9.12.2008 kl. 17:56]

Sennilega orðinn tími á minni dagsvefn  Annars ruglast nú sólarhringurinn hjá mörgum á þessum árstíma  Ungviðið þitt er svo fallegt og auðvitað getur maður ekki verið reiður við svona grallaraskott

[Ragnhildur Jónsdóttir, 9.12.2008 kl. 18:03]

En hvað birtan er falleg í fjöllunum "þínum" Ásthildur. Birtan á þessum stystu dögum ársins er dálítið sérstök í snjónum, sérstaklega auðvitað svona norðarlega en þú ert lánsöm að hafa þessa yndislegu birtugjafa í börnunum þvílík krútt.

[Helga Magnúsdóttir, 9.12.2008 kl. 21:35]

Margur er misskilningurinn. Ég hélt alltaf að ég ætti jólin: Helgu eru jól.

[Hrönn Sigurðardóttir, 9.12.2008 kl. 22:25]

Falleg þessi bláa birta :)

[Sigrún Þorbjörnsdóttir, 9.12.2008 kl. 22:55]

Mikið skil ég þig vel að geta ekki orðið reið við þennan grallara  Það er bara ekki hægt að skemma mómentin með svoleiðis. Mér sýnist nú hún Ásthildur vera gott efni í fimleikastelpu  Gaman fyrir Hönnu Sól að fá svona viðurkenningu og sniðugt að fara með börnin og kynna þau fyrir alls konar stofnunum og fyrirtækjum. Knús í Kúluna og fallegu fjöllin þín.

[Ásthildur Cesil Þórðardóttir, 10.12.2008 kl. 09:28]

Knús Ruslana mín.

Knús á þig Sigrún mín, já þær eru yndælar báðar tvær, hvor á sinn mátann

Já Hrönn mín, birtan getur verið svona blá, lillableik og allt þar á milli, á þessum tíma.

Helga þetta er alveg rökrétt, Helgu eru jól

Takk Ragnheiður mín, já þær eru gleði mín þessa dagana og svo Úlfurinn minn.

Dagný mín, já það er eitthvað, þau skynja að það er eitthvað að nálgast, þetta eru í raun og veru fyrstu jólin hennar Ásthildar, því hún var svo lítil í fyrra, þannig að hún á eftir að njóta þeirra vel.

Elsku Sigrún mín, mín er ánægjan að geta leyft þér að fá smá nasasjón af kraftmiklum fjöllunum við Súgandafjörð. 

Kærleiksknús til þín Solla mín.

Það er satt Dísa mín, hún minnir dálítið á mömmu sína þarna, en hún er sami grallarinn og strákastelpan og mamma hennar var.

Það er örugglega rétt hjá þér Guðrún Þóra mín, að það verða hálf jól á mörgum heimilum.  En þá dettur mér í hug viðtalið við amerísku konuna sem tekið var viðtal um jólaundirbúninginn.  Hún sagði að hennar fjölskylda ætlaði ekki að kaupa neinar gjafir, það yrði bara kærleiksknús og ást hjá þeim þessi jólin.  Og ætli það sé nú ekki betra en allar heimsins gjafir.

Kærleiksknús á þig Ásdís mín

[Linda Linnet Hilmarsdóttir, 10.12.2008 kl. 14:29]

Innlitskvitt og ljúfar kveðjur

[Jóhann Elíasson, 10.12.2008 kl. 21:29]

Það er mikill spenningur í smáfólkinu út af jólunum.  Svefninn kemst í samt horf fyrstu vikuna í janúar á nýju ári.  Hafið það gott í kúlunni.

[Sigurður Þórðarson, 13.12.2008 kl. 01:44]

Börnin eru dýrgripir.

Ég hlakka til að fá smáfólkið mitt yfir jólin.