Geturu bara ekki syngt heima?

30.11.2008 | 17:23

Afi var að fara að syngja á aðventukvöldi í kirkjunni, með karlakórnum Erni. Hanna Sól vildi fá hann til að spila veiðimann.
NEi ég get það ekki elskan mín, sagði afi, ég er að fara að syngja í kirkjunni.

Nú, sagði barnið; geturðu ekki bara syngt heima? LoL

Í fyrsta skipti slökkti ég á rás tvö á þættinum hans Óla Palla, mér finnst Palli flottur. En með Þorgerði Katrínu í stjörnuviðtali, þar sem hún mærði Rúv og Pál Magnússon, finnst mér sorrý tú muts. Þvílíkt og annað eins, hefur þetta fólk enga sómatilfinningu?

Nei sennilega ekki. Og auðvitað þurfa þáttastjórnendur að spila með, annars???? hvað, er ekki verið að fækka stórkostlega hjá Útvarpinu. Ég vil komast í viðtal, svona tjatta og vera sæt og kúl. Þú getur náttúrulega ekki neitað, ég ræð hér öllu og við erum að segja upp fólki!!!

Vitiði hvað, ég geri bara eins og Jenný Anna, hendi mér á næsta vegg, og ÆLI.

Burt með spillingarliðið, þetta er ekki það sem við viljum sá í Nýju Íslandi: fokking farið að skilja það, hvort sem þið heitið, Ingibjörg Sólrún, Geir H. Haarde eða Þorgerður Katrín, þið tilheyrið spillingarliðinu. Og við viljum ykkur burt.

Fór þetta annars nokkuð fram hjá ykkur? Ég hef hvergi heyrt um æðibunugang eða hneykslun trúarhópa yfir þessum dæmalausa siðferðisglæp hehehehe.. En það á sennilega ekki við um útdauð dýr, bara um það sem næst okkur er, eins og Dollý blessunin var. Við eigum ef til vill eftir að upplifa loðfíla gangandi um Síberíu aftur.

En sum sé, nokkrar myndir ætla ég að setja hér inn.

Evíta knúsírófa, hér með pabba sínum.

Töffarin Sóley Ebba, sem er að fara að æfa TaiKwonDo. Eða hugur, hönd og fótur.

Stubburinn náði nefnilega beltaprófinu, hann er núna með gula beltið. góður árangur hjá honum.

Hann tók nokkra takta fyrir ömmu sína.

Ekki árennilegur!

Bara nokkuð hátt spark, þeir eru venjulega berfættir, eða í táhlífum, en þetta er nú bara svona heima.

Flottur!

til hamingju með gula beltir ömmustrákur. Ég vil ráðleggja foreldrum að kynna þessa íþrótt fyrir börnunum sínum. Því þetta er bæði sjálfsvarnaríþrótt, en líka með heiðarleika, hreysti og kurteisi í fyrirrúmi. Það er því hverju barni góð lexía að æfa TaiKwondo.

Flokkur: Bloggar | Facebook

Athugasemdir

Til hamingju með strákinn, hann er aldeilis duglegur hvaðan skildi hann nú hafa það?

Ásdís Sigurðardóttir, 30.11.2008 kl. 17:42

Ég var bara að spá í þegar við erum búin að vera útdauð í 2 milljónir ára hvort einhver skepna finni uppá að klóna okkur?

Annars eru sprotarnir þínir flottir og greinilega miklir gleðigjafar.

Sigurður Þórðarson, 30.11.2008 kl. 17:54

Hahaha, þessi börn. Hanna Sól góð.

Flottur með gula beltið til hamingju með strákinn.

Jenný Anna Baldursdóttir, 30.11.2008 kl. 17:55

Flottur hjá þér strákurinn og hvað er þetta með afann að geta ekki bara syngt heima?

Helga Magnúsdóttir, 30.11.2008 kl. 17:58

Til hamingju með strákinn þinn. Flott hjá honum. Það er margt sem krakkarnir læra í íþróttunum og ættu allir að stuðla að því að finna eitthvað fyrir sín börn.

Sigrún Þorbjörnsdóttir, 30.11.2008 kl. 19:01

Til hamingju með strákinn

Huld S. Ringsted, 30.11.2008 kl. 20:18

Flottur hann Úlfur - til hamingju strákur Og já Ásthildur mín hvað þarf til að þetta fólk þarna í alþingishúsinu skilji að nærveru þeirra er ekki óskað

, 30.11.2008 kl. 20:29

Innlitskvitt og ljúfar kveðjur

Linda Linnet Hilmarsdóttir, 30.11.2008 kl. 23:04

Sæl og blessuð

Flott hjá Hönnu Sól að biðja afa að syngja heima. flott beyging.

Úlfurinn þinn er flottastur.

Vertu Guði falin

Kær kveðja/Rósa

Rósa Aðalsteinsdóttir, 30.11.2008 kl. 23:09

Úlfur er flottur, til hamingju með hann og knús á ykkur öll í Kærleikskúlu

Sammála með pólitíkusana, þeir ná alls staðar að "plögga" sér inn

Sigrún Jónsdóttir, 1.12.2008 kl. 00:13

"syngt" heima góóóð!!!! kvitt og knús *

G Antonia, 1.12.2008 kl. 02:46

Sæl Ásthildur.

Ætti ekki Þorgerður Katrín að vera afsögð eftir elemenntinu sem tengir hana kaupþingsvitleysunni.................af og frá.

það ná engin lög yfir svona smá yfirsjón.500 milljónir á milli vina,, Hvað er það ?

Kær kveðja.

Þórarinn Þ Gíslason (IP-tala skráð) 1.12.2008 kl. 03:26

Svo var Þorgerður Katrín í Drottningarviðtali hjá Bubba um daginn og hann heldur áfram að plögga hana hist og hér eða hvar sem i hann næst. Mér er í avlöru óglatt bæði í magnum og í geðinu vegna alls þess sem maður verður vitni að þessar vikurnar. Og það sem veldur mér mestum áhyggjum er að það er enn svo sofandi fólkið sjálft að það mærir þetta spillingarpakk sem hefur haft af þeim aleiguna, æruna og jafnvel lífslöngunina. Ætla að bíða róleg eftir að þau leysi málin og allt verði aftur gott..gefa þeim "starfsfrið" svo þau geti enn betur hnýtt samtryggingar og spillingarhnútana sín á milli.

Ég er núna að byrja að skilja hvaða tilfinning það er sem hvetur fólk til átaka..hvaðan hún sprettur og af hverju. Mig langar hreinlega að lemja suma í hausinn eins fast og ég get. Er þetta ekki bilað???

Ef það verða ekki tugþúsundir á Arnarhóli í dag og gera allt viitlaust þá er þessari þjóð ekki viðbjargandi eins sorglegt og það nú er. Ekki viðbjargandi.

Katrín Snæhólm Baldursdóttir, 1.12.2008 kl. 09:39

Og núna er hluterk Rúv algerlega ljóst...vinnustaður pólitískra viðrina og viðtala við þau þegar þeim hentar að snúa viðhorfum almennings á sveif með þeim sjálfum. Það hefur vakið athygli hversu mikil þöggun hefur griðpið alla fjölmiðla undanfarna viku..eftir stóru mótmælin og fundinn í háskólabíói..einhver lét út boð ganga og nú þorir enginn að halda uppi vörnum fyrir fólkið í landinu. Meira að segja Dv sem var farið að standa sig svo vel flýtti sér aftur í perrafréttirnar. Og Reynir sem ætlaði að gera grein um Bildenburg regluna sem Geir og Davíð sækja reglulega fundi hjá...hvaða rosalega leyndarmál er þar á ferðinni sem ENGINN má tala um??? Og Enginn þorir að nefna?? Maður spyr sig.

Katrín Snæhólm Baldursdóttir, 1.12.2008 kl. 09:45

Flott hjá þér

Anna Ragna Alexandersdóttir, 1.12.2008 kl. 13:10

Flottur Úlfur!

Hrönn Sigurðardóttir, 1.12.2008 kl. 14:30

Takk Hrönn mín, já hann er flottur strákurinn, eins og sumir aðrir sem ég hitti nú nýverið

Takk Annar Ragna mín.

Katrín mín ég tek undir allt sem þú segir hér. Hvað þarf til að vekja þessa þjóð, allir í kring um mig, og ég meina hver einasti maður sem ég tala við, deilir þessum skoðunum með okkur. En það er allt gert til að reyna að tala mótmælin niður, hér inni er fólk sem sennilega hefur einhvern hag af því, eða er að koma sér í mjúkin hjá yfirvöldum, með því hátterni. Það væri ágætt að punktera niður hjá sér, hverjir þar gagna harðast fram, svona til að vara sig á þeim í framtíðinni. Smaður er eitt af hættulegustu fylgifiskum mannkyns. En við höfum þetta, ég hef þá trú.

Þói minn þetta kaupþingsfiasko virðist ætla að daga uppi, með þögguninni, þessi kona er samkvæmt skoðanakönnunum önnur vinsælasti ráðherra landsins, á eftir Jóhönnu hinni góðu, og á undan hrokagikknum Ingibjörgu Sólrúnu, þetta segir sennilega allt um siðferði þjóðarinnar því miður.

Já hehehe G.Antonía mín.

Ég vona bara að fólk sjái í gegnum þetta plögg Sigrún mín. Margir gera það allavega.

Takk Rósa mín.

Knús og kveðja til þín líka Linda mín

Knús Ruslana mín

Góð spurning Dagný mín, ég skil það eiginlega ekki. En eitt er ljóst; við erum ekki þjóðin.

Takk Huld mín

Sammála þér Sigrún mín ég held að það skipti miklu máli að börnin finni íþróttir við hæfi.

Segi nú ekki margt Helga mín hehehe... en hann hefur spilað heima á klarinettinn. Eðs sko hann hefur spillt heima.

Takk Jenný mín.

Takk Siggi minn, já ætli einhverjir apar verði ekki til þess að klóna okkur

Takk og knús Ásdís mín.