Smámyndir.

Hér er komin norðanhríð og snjókoma.  Vá hugsa ég, það verður ekki auðvelt að komast með börnin á Suðureyri á morgun, en við sjáum nú til.  Ég ætla að setja inn nokkrar myndir fyrir svefninn.

Systur að búa sig undir leikskólann í morgun.

Veðrið var fallegt í dag, en maður hugsaði um það sem koma skyldi, spáin er ekki góð.

En fjöllin mín standa samt alltaf fyrir sínu.

Hér er verið að vinna í SIMS, í kreppunni er gaman að leika sér, í SIMS er hægt að kaupa allt og innrétta á flottasta máta.

Í SIMS má láta drauminn rætast  En rétt eins og útrásin, þá hverfur þetta allt um leið og þú slekkur á tölvunni.

En knúsírófan mín, horfir á Lababæ eða bababa... bababa eru múmínálfarnir.

Ef maður er svangur fyrir háttatíma, er bara gott að fá jógúrt, ekki verra að hún sé frá Húsavík heilnæm og góð, og ekki innflutt, sem betur fer.

Ég er búin að vera að dást að þessari elsku núna um langa hríð, sjáið bara hún er gul, en ein rósin er rauð.  Er þetta ekki undur náttúrunnar ? Það er bara ein rós í pottinum.

Svo leit ég út elskurnar áður en ég fór að halla mér, og þetta blasti við mér, norðan áhlaup með snjókomu. 

En ég segi góða nótt um leið og ég hjúfra mig niðru í rúmið mitt.

 

Athugasemdir

[Dísa (IP-tala skráð) 27.11.2008 kl. 08:15]

Vonandi þurfið þið ekki að fara með litlurnar út í veðrið. Svona veður á helst að bíða af sér við kertaljós og kakó, skemmir ekki að hafa smákökur með.

[Guðborg Eyjólfsdóttir, 27.11.2008 kl. 09:25]

Fallegar myndir, allar nema þessi neðsta maður fær bara hroll. Knús á þig mín kæra bið að heilsa á Ísafjörð

[Rannveig H, 27.11.2008 kl. 09:31]

Manstu þegar þú og Dísa löbbuðu í klofsnjó frá Stakkanesi í og úr skóla í svona veðri. úff bara.

[, 27.11.2008 kl. 09:48]

Kveðjur í óveðrið  Þegar viðrar svona á maður helst að halda sig innan dyra með kakó og jólabók  Mæli með Astrid Lindgren

[Jenný Anna Baldursdóttir, 27.11.2008 kl. 10:36]

Nú er um að gera að láta fara vel um sig.

[Ásdís Sigurðardóttir, 27.11.2008 kl. 11:31]

Yndislegt að vanda, vona að vel hafi gengið í morgun.

[Sigrún Jónsdóttir, 27.11.2008 kl. 15:01]

Knús á ykkur öll í stórhríðinni

[Kristín Katla Árnadóttir, 27.11.2008 kl. 16:21]

Já látið þið ykkur líða vel Ásthildur mín.

[Ásthildur Cesil Þórðardóttir, 27.11.2008 kl. 18:21]

Elskurnar mínar ég ætla að svara ykkur í kvöld, og kíka í heimsókn.  Við fórum með telpurnar í morgun, fórum bæði hjónin, og það var þvílíkt kóf og leiðindi, svo við ákváðum að fara snemma að sækja þær, fórum um þrjú leitið af stað, og vorum komin til Suðureyriar korter í fjögur. Við þurftum að stoppa oft á leiðinn, þar sem ekki sást á milli staura.  En við erum komin í hús heil á húfi öll sömul. Er á fullu núna, knús og sjáumst á eftir.  þegar ég er búin að elda, gefa mat og svæfa hehehehehe.

[Sigrún Þorbjörnsdóttir, 28.11.2008 kl. 00:26]

Ég vona að veðrið sé orðið betra hjá ykkur. Það er ekki gott að þurfa að þvælast með lítil börn í slæmu veðri.

[Laufey B Waage, 28.11.2008 kl. 08:59]

Rauða rósin minnir á söguna um litla ljóta andarungann. Mér sýnist sú rauða vera á góðri leið með að verða að ægifögrum "svani".