7. mótmælafundurinn á Austurvelli. Áfram nýja Ísland!

Hver á sér fegra föðurland,

með fjöll og dal og bláan sand,

með norðurljósa bjarmaband

og björk og lind í hlíð,

með friðsæl býli, ljós og ljóð,

svo langt frá heimsins vígaslóð ?

Geym drottinn, okkar dýra land,

er duna jarðarstríð.

 

Hver á sér meðal þjóða þjóð,

er þekkir hvorki sverð né blóð,

og lifir sæl við ást og óð

og auð, sem friðsæld gaf?

Við heita brunna, hreinan blæ

og hátign Jökla, bláan sæ

hún unir grandvör, farsæl, fróð

og fráls - við yzta haf.

Íslenska þjóð, þjóðin mín.  Í dag er enn einn fundurinn á Austurvelli í Reykjavík, og annar á Akureyri.  Þetta er sá sjöundi, sjö er heilög tala, alveg eins og tilgangur þessara mótmæla er heilagur.  Heilagur réttur okkar til að tjá vilja okkar.  Sumir hafa sagt að það sé ekki ljóst fyrir hvað mótmælin standa, en það kom alveg í ljós hjá Herði Torfa á síðasta fundi, sem var sjónvarpað.  

Viljum við stjórn seðlabankans burt!

viljum við stjórn fjármálaeftirlitsins burt!

viljum við breytta stjórnhætti!

Viljum við spillingaröflin burt!

Viljum við friðsamleg mótmæli!

viljum við ríkisstjórnina burt!

Viljum við kosningar í vor!

viljum við samstöðu gegn spillingaröflum landsins.

Svo mörg voru þau orð.

Ég verð með ykkur í anda, þið eruð hetjurnar mínar í dag, öll sem þarna verðið.  Þið eruð að berjast fyrir mig líka.  Mig, börnin mín og alla sem eru í sömu sporum. 

Við lifum á sérkennilegum tímum.  Og þið eruð í þeim hópi sem fær fremsta sætið í leikhúsi lífsins, við hin verðum að gera okkur að góðu að sitja í öftustu sætunum.  En við gerum það með gleði, og þökk til ykkar sem standið í fararbroddi, berið okkar óskir með ykkar, blandið okkar orðum í ykkar.  Því við mælum einum munni.  Við viljum breytingar, við viljum réttlæti og við viljum sjá nýtt Ísland rísa.  Allir góðir vættir blessi ykkur og verndi.

Heill þér nýja Ísland!

Athugasemdir

[Ólöf Jóhanna Pálsdóttir, 22.11.2008 kl. 17:01]

Sammála þér. Við viljum breytingar. Áfram Ísland.

[Laufey B Waage, 22.11.2008 kl. 17:10]

Takk fyrir samstöðuna að vestan. Ég hugsaði til þín þegar Hörður las kveðjur frá Ísfirðingum.

[Guðrún Þóra Hjaltadóttir, 22.11.2008 kl. 19:45]

Það var fjölmennt á fundinum, við vonum að þjóðin sé að vakna.

[Kidda (IP-tala skráð) 22.11.2008 kl. 20:38]

Er mjög stolt og ánægð fyrir mína hönd, ég mætti loksins á fundinn og mun mæta hér eftir.

Hins vega þótti mér leiðinlegt að sjá í fréttunum að eggjum var kastað að alþingi. Það lendir bara á okkur þjóðinni að borga brúsann fyrir þrifnað, en skiltið var nokkuð gott en ekki eggin.

Knús í kærleikskúluna

Ps. ég myndi vilja að aðstandendur mótmælana myndu hvetja fólk til þess að láta það vera að kasta td eggjum. 

[Katrín Snæhólm Baldursdóttir, 22.11.2008 kl. 21:58]

H-

[Katrín Snæhólm Baldursdóttir, 22.11.2008 kl. 21:59]

Hörður Torfason ítrekar stöðugt og alltaf að þetta séu friðsamleg mótmæli og allt eggjakast tengist öðrum hópum eða fólki.

[Ásta Björk Solis, 22.11.2008 kl. 22:30]

Amen.

[Tiger, 23.11.2008 kl. 00:49]

  Elsku Ásthildur mín. Gaman að sjá hvað þú ert þjóðblogglega sett - enda núna fullkomin ástæða til að vera með smá þjóðarstolt og læti ...

Sjálfur kíkti ég aðeins og tölti um bæinn á meðan mótmælin stóðu sem hæst, og var sáttur við allt nema þá sem reyndu að brjótast inn á lögreglustöðina við Hlemm. Er ekki mikið fyrir eggjakast, skyrkast og lögbrot - enda tel ég að slíkt skemmi fyrir raunverulegum og góðum mótmælafundum.

Flottar myndirnar þínar ljúfust - og gaman að sjá! Sendi ljúfar og hlýjar kveðjur á þig mín kæra og óska þér góðrar helgarrestar!

[Elín Helgadóttir, 23.11.2008 kl. 13:13]

JÁ,JÁ,JÁ.......... við viljum.

[Sigurður Þórðarson, 23.11.2008 kl. 16:20]

Flott hjá þér Ásthildur!

Áfram íslenska þjóð - burt með spillingarliðið!

(ég fékk þetta frábæra slagorð að láni hjá þér)

Gangi þér allt í haginn

[Helga Magnúsdóttir, 23.11.2008 kl. 17:15]

Þessir mótmælafundir eru frábærir og vitanlega erum við fulltrúar ykkar sem ekki komast vegna búsetu. Bara vonandi að það fari að koma eitthvað út út þessu því fólk verður bara reiðara og reiðara þegar ekkert er aðhafst og sömu kónarnir í valdastöðum og áður.

[Lilja Guðrún Þorvaldsdóttir, 23.11.2008 kl. 18:33]

Já, ÞAÐ VIL ÉG ! Er svar mitt við þeim spurningum sem Hörður spyr á fundinum.

Ég fór í "samstöðugönguna" og útifundinn á Ráðhústorginu, þar sem fluttar voru harðorðar og kjarnyrtar ræður hver annarri betri. -  Ég vona að um næstu helgi verði Herði Torfasyni að ósk sinni og "Samstöðuganga" og útifundur verði í öllum bæjum hringinn í kringum landið. -

Svo Ísland lifi.

[Linda Linnet Hilmarsdóttir, 24.11.2008 kl. 00:24]

Takk takk fyrir mig elsku Ásthildur Cesil mín  og góða nóttina mín kæra

[Sigrún Jónsdóttir, 24.11.2008 kl. 01:33]

[Ásthildur Cesil Þórðardóttir, 24.11.2008 kl. 11:54]

Knús á móti Sigrún mín.

Knús á þig Linda mín.

Já segi sama Lilja mín.  Vona að einhver fari af stað hér, þá mun ég örugglega mæta.

Takk Helga mín, já ég vona það líka.  Þetta er farið að verða all svakalegt svo ekki sé meira sagt, þá á ég við heyrnarleysi stjórnvalda.

Takk sömuleiðis Siggi minn.

Knús Elín mín.

Kveðja til þín líka TíCí minn, og hafðu það gott.  Já ég vona að við náum að fara fram með friði.

Knús Ruslana mín.

Knús Ásta Björk mín.

Einmitt Katrín mín, vonandi tekst þetta með friðsamlegum hætti.

Einmitt Jóna Ingibjörg mín.  Þannig á það líka að vera

Kidda mín, Hörður Torfa ítrekar í hvert skipti og oft að þetta séu friðsamleg mótmæli.  Gott að vita að þið fóruð

Já ég vona það Guðrún Þóra mín.

Takk Laulfey mín.  Gott að vita

Nákvæmlega Ólöf mín.

Já Áfram Ísland Búkolla mín.