Veður, náttfatadagur og listasmiðja.

22.11.2008 | 02:51

Veður, náttfatadagur og listasmiðja.

Já ég tók nokkrar myndir í dag. Þessar fyrstu sýna svo ekki verður um villst að birtan er með ólíkindum á þessum árstíma.

Og hún var tekin í morgun.

Birtan dofnar dag frá degi. Erfitt fyrir þunglynda að takast á við það.

En ég fór í smáheimsókn í vinnuaðstöðu sonar míns í dag. Þessi elska býr ekki við bestu kosti sem til eru, þó víðar væri leitað. En þetta er eitt af verkunum sem hann vinnur að.

Þessi er líka í vinnslu, Hulkarnir fjölga sér hratt.

Ýsa og þorsur drengurinn er sífellt að fullkomna verkin sín.

Þessi á lengra í land, en það er augljóst að hér er á ferð smábátur í smíðum.

Annað vinnuborð af tveimur, þetta er inn í gróðurhúsi móðurinnar.

Hér er verið að skapa.

Aðalvinnusvæðið. Úti upp á lóð hjá mömmu sinni. Þessi aðstaða er náttúrulega ótrúleg miðað við hæfileikana sem hér eru sýndir. En strákurinn minn lætur sér þetta líka, af því að hann hefur ekki í önnur hús að vernda. Getið þið ímyndað ykkur hvað gæti komið út úr þessu við fyrsta flokks aðstæður? Say no more.

Hér erum við aftur á móti komin í leikskólann. Ásthildur og Pálina, bestu vinir og amma kominn.

Það var nefnilega náttfataveisla í leikskólanum í dag. Þau áttu að koma í náttfötunum. Og nutu þess í botn.

Svo er að koma sér heim.

Pálína vinkona Ásthildar er líka mamma tengdadóttur minnar, og við Pálína eigum þar von á barnabarni heheheh eitt í viðbót þar, og svo annað á leiðinni hjá Inga mínum og Möttu, en Matthildur er nefnilega líka frá Suðureyri. Svo ég á miklu meira að sækja þangað en bara leikskóla. Heart

Svo er náttúrlega smá afaknús, sem er must.

Það er meiri háttar að knúsast með afa.

Afa finnst það líka rosalega gaman.

Og náttúrulega ömmu líka, sem tekur smátíma frá matseldinni til að taka myndir af prökkurum.

ég get svo svarið það að ég náði svipnum á dýrinu. Ef þessi stelpa verður ekki leikkona þá veit ég ekki hvað. Hvað heldur þú Lilja Guðrún mín ? To be or not to be...

Og svo prinsessan, þau afi voru að lesa saman prinsessan á bauninni, og Hanna Sól sagði strax að hún myndi aldrei vilja sofa á baun, það væri bara of sárt. Og afi sagði auðvitað, því hún væri ekta prinsessa Heart

Ætla ekki að segja neitt um pólitík hér, en kem með svoleiðis á morgun pottþétt. Því nú sýður á fólki. Bara segi MUNIÐ FUNDINN Á AUSTURVELLI REYKJAVÍK Á MORGUN, OG NÚ ER LAG AÐ MÆTA. Knús á ykkur öll fyrir svefninn.

Flokkur: Bloggar | Facebook

Athugasemdir

Júlli lætur ekki lélega aðstöðu á sig fá, heldur sínu striki eins og sannur listamaður,eins og hann er myndi gera, enda er aðstaðan hluti af listinni. Það er alltaf kátt í kúlunni. Hann Elli, maðurinn þinn, virðist vera alveg einstakur maður. Mikið eigið þið hjónin gott að hafa litlu fjörkálfana hjá ykkur og ekki má gleyma Úlfi því hann er nú alveg punkturinn yfir i ið.

Jóhann Elíasson, 22.11.2008 kl. 09:29

Góðan dag í Kærleikskúlu.

Nú spyr ég eins og öldungi einum sæmir.......hvurra manna er Matthildur tengdadóttir þín. Er það ekki rétt hjá mér að Pálína er kona Óðins Gests?

Takk fyrir myndir og frásögn

Sigrún Jónsdóttir, 22.11.2008 kl. 09:33

Ég man svo vel frá Ísafjarðarárunum mínum hvað nóvember var rosalega dimmur. Ekki lesbjart í hádeginu. En birtan er samt falleg á þessum tíma þegar ekki er alskýjað, - og hún er ennþá dýrmætari þessa stuttu stund sem hún varir.

Að sjálfsögðu mæti ég á Austurvöll. Góða helgi mín kæra.

Laufey B Waage, 22.11.2008 kl. 10:35

Yndislegar myndir Ásthildur mín, það er svo mikil ást og kærleikur á heimilinu þínu. Alltaf svo mikil hamingja í myndunum.

Knús í kúluna þína.

Linda litla, 22.11.2008 kl. 10:39

Takk Linda mín. Knús til þín líka.

Já Laufey mín, birtan er falleg núna. Ég verð með þér í huganum á Austurvelli.

Takk Ruslana mín, knús á þig líka.

Sömuleiðis mín kæra Búkolla.

Matthildur er dóttir séra Valdimars Hreiðarssonar Sigrun mín. Tinna tengdó er svo aftur dóttir Pálínu, sem er þarna á myndunum.

Takk Jóhann minn. Já ég var einmitt að hugsa það í gær, með Júlla minn, að vera að gera þessa fallegu hluti úti í gaddi. En það herðir hann ef til vill. Hann vinnur allavega mikið þessa dagana af áhuganum einum saman.

Ásthildur Cesil Þórðardóttir, 22.11.2008 kl. 11:34

Ok, takk, tengingin komin...Sóley Ebba, stórsöngvari