Vetur konungur, og kúlulíf.

Vetur konungur lét á sér kræla í nótt.  Vonandi víkur hann samt smátíma, meðan ég kem niður túlípönunum, ég hef ekki tímt að skemma sumarblómabeðin, því þau hafa verið svo flott núna í allt haust. 

En tignarleg eru fjöllin svona í tússlitunum.

Ekki satt ?

Og gróðurinn að komast í vetrarhaminn sinn.

Og litlar skottur á kreiki.

Hún er að fara í heimsókn til Tinnu frænku, amma skutlaði henni meðan Alejandra og Júlíana tóku til í kúluheimilinu.  Strákarnir Úlfur, Daníel og Andri voru svo í feluleik. 

Kúlan í vetrarham.

En Júlli minn er að opna sýningu í Edinborgarhúsinu n.k. fimmtudag.  Hann hefur lagt nótt við dag að vinna listaverk úr fjörugrjóti, hér er karl sem hann var að leggja lokahönd á.  Þetta verður örugglega stórkostleg sýning hjá honum.

Manni dettur helst í hug Hulk.

Ásthildur var voða spennt fyrir karlinum.

Hér er verið að taka til í því allra heilagasta hjá ömmu, tölvuherberginu og raða öllum myndunum ofan í skúffur. 

Ásthildur er mikil skapmanneskja, og verður einhverntímann góð í baráttunni. 

Hehehe hún veit alveg hvað hún vill. Og gefur ekki tommu eftir, þó við ofurefli sé að etja.

Þá hefur maður sigur.

Rís þú unga Íslandsmerki !!

Upp með þúsund radda brag. 

Með þeim orðum segi ég bara góða nótt elskurnar, megi allir góðir vættir vaka með ykkur og vernda.  Munið að við viljum réttlæti og sanngirni, látum engan ljúga að okkur, enga kosningamaskínu eða áróðursvél koma okkur út af sporinu, það sem okkur finnst í hjartanu er rétt, það sem verið er að reyna koma lævíslega inn hjá okkur er rangt.  Það er ekkert rangt við að vera reiður, sorgmæddur, eða pirraður yfir lygi og ódrengskap.  Látum hjartað og skynsemina ráða, hverju við trúum, og hvað okkur finnst.  Knús á ykkur öll inn í nóttina.

Athugasemdir

[Sigurlaug B. Gröndal, 20.10.2008 kl. 21:43]

Já, það er ansi vetrarlegt hjá ykkur fyrir vestan. En alltaf sömu yndislegheitin í kúlunni. Þær eru svo yndislegar báðar tvær Hanna Sól og Ásthildur. Sú stutta veit greinilega hvað hún vill! Knús og kveðjur til ykkar allra.

[Linda Linnet Hilmarsdóttir, 20.10.2008 kl. 21:44]

 Ásthildur mín þú ert yndislegog þitt litla fólk er dásamlegt og svo bara einstökknús til ykkar allra inn í ljúfu góða nóttina

[Hallgrímur Óli Helgason, 20.10.2008 kl. 21:50]

[Hulda Bergrós Stefánsdóttir, 20.10.2008 kl. 22:04]

nótt nótt

[Rósa Aðalsteinsdóttir, 20.10.2008 kl. 22:33]

Sæl og blessuð.

Fallegar myndir að vanda.

Tek heilshugar undir með þér að við viljum réttlæti og sanngirni.

Guð veri með ykkur

Kær kveðja/Rósa

[Sigrún Þorbjörnsdóttir, 20.10.2008 kl. 23:06]

Dýfa kallinum bara í eitthvað grænt, þá er Hulk mættur! Það er gott að hafa skap og láta ekki troða á sér  Falleg kúlan í vetrarbúning. Knús í nóttina.

[Brynja skordal, 20.10.2008 kl. 23:23]

Fallegar myndir og fjöllin tignarleg í þessum hvítu klæðum já það er best að hafa vetrarfatnaðin með vestur á Fimmtudag vona bara að spáin verði ekki svo slæm að við komust ekki annars er maður nú vanur að keyra þetta eftir margra ára búsetu þarna Erum voða spennt að koma vestur hafðu Góða nótt í vetrarkúlunni ykkar

[Sigrún Jónsdóttir, 20.10.2008 kl. 23:55]

Knús á ykkur öll yndislega fólk í "snjó"Kúlunni

[Helga skjol, 21.10.2008 kl. 06:34]

[Guðborg Eyjólfsdóttir, 21.10.2008 kl. 09:04]

Knús á ykkur, það verður fjör að renna sér á kúlunni í vetur

[Jóhanna Magnúsar- og Völudóttir , 21.10.2008 kl. 10:27]

  Knús í kúlu!

[Ásthildur Cesil Þórðardóttir, 21.10.2008 kl. 11:06]

Knús á móti Jóhanna mín, flotta kona

Já einmitt Guðborg mín, það verður fjör

Knús á þig Helga mín.

Knús Sigrún mín, Súgandafjörðurinn var fallegur í morgun

Bara hafa skóflu með í skottinu Brynja mín.  Þá verður ekkert mál að moka sig út úr sköflunum.

Jamm Sigrún mín, skít þessu að stráknum, grænt skal það vera.  Það var reyndar Skafti sem elskaði Hulk, átti svona actionman Hulk lengi þegar hann var lítill.

Kíki við á eftir elskuleg mín.

Það er gott að hafa baráttukonu eins og þig á sínu bandi Rósa mín.

Góðan dag Hulda mín.

Knús á þig Hallgrímur minn

Takk sömuleiðis elsku Linda mín.

Sigurlaug mín, já litla skrímslið veit alveg hvað hún vill, en hún er líka rosalega blíð og innileg.  Knúsar mann í spað, þessi elska.  Hin er ljúf líka, en miklu settlegri.

Takk Búkolla mín, já við erum sko bestastar.  Hvar væri heimurinn ef við værum ekki hér bloggvinirnir allir  Við myndum gott samfélag, sem hefur eitthvað að segja. 

[Herdís Alberta Jónsdóttir, 21.10.2008 kl. 12:04]

Takk fyrir myndirnar af fjöllunum "mínum" þau eru alltaf falleg og gaman að sjá myndir af þeim. Þú ríka kona... þessir krakkar eru rosalega flott og til hamingju með listamanninn, ekki veitir af sköpunargleði og krafti í dag. Ástarkveðjur vestur.

[Sigrún Þorbjörnsdóttir, 21.10.2008 kl. 12:12]

Ásthildur, heldurðu að mig hafi ekki bara dreymt þig í nótt! Þú stóðst á túni fyrir vestan sem var fullt af skít, og þú kastaðir honum í allar áttir. Svo kom líka við sögu einhver há bygging sem var ókláruð...og fiskflök...???

Ætli pistlarnir þínir séu að hafa þessi áhrif?? Það hefur oft verið sagt að skítur í draumi tákni peninga...

[Tiger, 21.10.2008 kl. 13:40]

Yndislegar myndir eins og alltaf elsku Ásthildur mín. Vetrarmyndirnar eru gullfallegar - svona póst/jólakorta myndir! Þau eru gullmolar - ungarnir þínir - og krafturinn í þeirri yngstu verður vonandi nýttur í framtíðinni í vestfirzkum baráttumálum, veit að hún yrði góð þar sko!

Vonandi hefur þú það gott mín ljúfasta og vonandi kreppir ekki að þarna í vetrarnepjunni. Endalaust gaman að kíkja á þig og fylgjast með og ég vona að sýningin hjá Júlla heppnist vel. Myndi örugglega skoða hana ef ég væri þarna fyrir vestan!

Knús og kreist á þig elsku Ásthildur mín .. kveðja að sunnan!

[Brynja skordal, 21.10.2008 kl. 13:51]

Líst nú ekkert voða vel á spánna fyrir fimmtudag enn allt í skoðun jájá höfum nú nokkru sinnum þurft að moka okkur í gegnum skaflana í þessum vetrarferðum vestur og suður vonum það besta bara

[Huld S. Ringsted, 21.10.2008 kl. 19:33]

[Linda litla, 21.10.2008 kl. 20:32]

Er sammála þér, þetta er eiginlega grár HULK.

Segðu mér Ásthildur, hver er amma á Hellu ??

Ég er frá Hellu, væri gaman að vita hver amma á Hellu er.

[Eyrún Gísladóttir, 21.10.2008 kl. 21:35]

Bara allt hvítt hjá ykkur veturinn bara skollinn á flottar myndir.

[Ásthildur Cesil Þórðardóttir, 21.10.2008 kl. 22:58]

Já Eyrún mín, veturinn skollin á fyrir vestan.

Linda mín amma á Hellu er Hanna bréfberi, kona Jóns Inga Guðmundssonar.  Kannast örugglega við þau sómahjón.

Knús á þig Huld mín.

Brynja það spáir kolvitlausu veðri á fimmtudaginn, þú ættir ef til vill að skoða að flýta ferðinni um einn dag eða svo.

Takk TíCí minn, já ég hef það fínt hér í snjónum.  Reyndar er ekki svo mjög kallt, og það var bjart veður í dag, en þó syrti af og til.  Gaman þegar þú kíkir við.  Knús á þig minn kæri.

Jú Sigrún mín, að dreyma skít er fyrir peningum.  Ætli ég fái bara ekki eitthvað af þessum útrásarpeningum, finn þá ef til vill á öskuhaugunum, þ.e. einhverja þúsundkalla  Knús á þig elskulegust mín

Takk Herdís mín, og gaman að þú skyldir kíkja inn.  Já fjöllin okkar eru frábær.  Knús á þig norður yfir heiðar

[Linda litla, 22.10.2008 kl. 08:15]

Gaman að heyra þetta. Jú þau Hanna og Jón eru sko sómafólk og þekki ég hana Hönnu bara nokkuð vel.

Forvitnin var svo mikil af því að mér finnst ég þekkja þig og stelpurnar svo mikið í gegnum bloggið hjá þér.