Sextán skrokkar - 45 fiskar !!!! Hvar er réttlætið ?

Já röggsemin er til í kerfinu, víst er um það;

Lögreglan tók sextán skrokka

 

Ólöglegt er að selja heimaslátrað kjöt. Það hefur þó aukist að mati lögreglunnar á Hvolsvelli.

Lögreglan á Hvolsvelli lagði á miðvikudagskvöld hald á sextán lamba­skrokka, 300 kíló, á leið til Reykjavíkur til sölu.

Heimilt er að slátra dýrum á bóndabýlum en eingöngu til eigin neyslu. Dreifing á heimaslátruðu kjöti hefur hins vegar aukist að mati lögreglunnar á Hvolsvelli. Fjöldi tilkynninga um slíkt hafi aukist og lögreglan farin að fylgjast betur með þeim.

Bóndinn sem á í hlut á yfir höfði sér sektir og allt að tveggja ára fangelsi, verði hann fundinn sekur og brot hans talið alvarlegt. - hhs

En án þess að ég vilji hvetja til lögbrota, þá vil ég spyrja; er þetta nú mesti glæpurinn í dag ?  Væri ekki betra að snúa blinda auganu að því þegar menn vilja bjarga sér á þessum síðustu og verstu tímum.  Það er verið að vinna að því að gera heimaslátrun almennari og losa um höft og reglur, enda er enginn skynsemi í því að banna mönnum að selja heimaslátrað kjöt.  Þar er bara verið að vernda sláturleyfishafa, og ekkert annað sem það liggur að baki.  Það hefur aldrei neinn dáið af því að eta heimaslátrað kjöt.  Svo hver er þá forsendan fyrir banni, ef það er ekki til að vernda þá sem græða á því að vera milliliðir milli bænda og neytenda ?

Reynið að einbeita ykkur að aðalatriðum lífsins stjórnvöld, og látið okkur í friði með að lifa af þessar hremmingar, hvort sem það er að selja heimaslátrað kjöt, eða róa til fiskjar.  Við viljum fá að bjarga okkur út úr vandanum.  Ef þið ætlið endalaust að vera að verja vini og vandamenn, þá snáfið bara úr stólunum ykkar, og þangað sem þið eyðileggið ekki meira en þið hafið gert nú þegar.  Svei ykkur bara.  Það er hingað og ekki lengra.  Vonandi verður fundurinn fjölmennur í dag í miðborginni.  Svo þið virkilega sjáið að fólk er búið að fá nóg.

Athugasemdir

[Jenný Anna Baldursdóttir, 17.10.2008 kl. 13:26]

Segðu, þetta er auðvitað fáránleikinn eins og hann gerist verstur.

Er þetta aðal áhyggjuefnið.

Ég myndi kaupa svona kjöt ef ég kæmi höndum yfir það.

Ætli ég lendi ekki í fangelsi fyrir einbeittan brotavilja?

Knús.

[Ásthildur Cesil Þórðardóttir, 17.10.2008 kl. 13:44]

Jú örugglega, eins og útgerðarmaðurinn sem var gerður gjaldþrota fyrir að veiða 45 fiska án heimildar.  Ég held að það væri réttast að moka þessu ráðadrasli út úr stjórnarráðinu og fara að leyfa fólki að lifa á því sem landið býður upp á, þar með talið lambaket af heimaslátruðu, nýveiddan fisk af handfærum eða línu.  Reka sérfræðingana úr Hafró.  Ég bara verð svo reið, þegar ég horfi upp á svona tilgangslaust óréttlæti, að ég á ekki orð.  Bylting er eitthvað sem mér fer að hugnast hvað úr hverju.  Ég fer að skilja almenning í Frakklandi hér fyrir nokkrum árum  Maður getur látið taka sig endalaust ósmurt í rass***** meðan maður á í sig og á, en þegar kreppir að, og þeir sem eiga að stjórna eru ekki í neinum takti við þjóðina, þá er hætt við að illa fari.

Ég vil aðlokum hvetja alla sem vettlingi geta valdið að fara á mótmælafundinn í dag, þið sem eruð fyrir sunnan, þurfið að mæta fyrir okkur hin.  Látið því fara mikið fyrir ykkur okkur til heiðurs. 

[Guðrún Vestfirðingur (IP-tala skráð) 17.10.2008 kl. 13:52]

Við ættum að þakka fyrir hugmyndina. Nú bregð ég mér í næstu sveit og a.t.h. hvort hægt sé að fá einn skrokk eða svo og mun ekki skammast mín fyrir það

[Bara Steini, 17.10.2008 kl. 13:52]

Er þá í lagi að stela úr verslun. Bara afþví að ástandið er svona þá eigum við nú ekki að leggjast það lágt að brjóta lög er það???

'Eg er nú bara að spá þó að ég sé þér fullkomlega sammála með þessa færslu.

Ég leita eftir bændum til að versla við frekar en annað....

[Ásthildur Cesil Þórðardóttir, 17.10.2008 kl. 14:15]

Nei Steini minn, þú ert að bera saman epli og appelsínur.  Í stjórnarskránni er stjórnarskrárvarinn réttur hvers til að bjarga sér, með því að auðlindir þjóðarinnar séu þjóðareign, þetta er svo svikið af stjórnvöldum, til að hygla höndinni sem fæðir(gefur í kosningasjóðina þeirra)  Bóndinn er að selja kjöt sem hann sjálfur á, og ætti að hafa fullt umboð til að selja hverjum sem er.  Til að geta hyglað höndinni sem elur Stjórnvöld, (gefur í kosningasjóðina) þá er fundið upp heilbrigðiseitthvað sem á að setja fyrir þennan loka.  Og bent á samþykktir frá ESB, nema það stenst ekki skoðun, því allstaðar á hinum norðurlöndunum tíðkast heimaslátrun í meira mæli en hér.  Og hingað til hefur enginn dáið af að éta heimaslátrað kjöt, svo þessi kljásúla á ekki við rök að styðjast.  Þetta tvennt er dæmigert, þar sem stjórnvöld nota sér leið til að hygla einum á kostnað annars og raunar allrar þjóðarinnar. 

[Bara Steini, 17.10.2008 kl. 14:20]

Auðvitað er þetta satt og rétt hjá þér Ásthildur. Og styð ég þetta alfarið, ég var bara að spá í þessum undarlegu lögum og hverning fólk lítur á það að mega ekki bjarga sér. Kannski undarlegt hjá mér að bera bændasölu saman við búðarþjófnað en það er víst bannað að selja ket á opnum markaði. Þanning að maður er víst að brjóta lögin með svona verknaði.

Og verri dóm fær maður fyrir þetta en búðarþjófnað.

En ég einmitt var að spá í að leita alfarið til bænda og styrkja uppbyggingu þeirra því það er það eina sem ég sé að geti virkilega gert gott í þessari stöðu okkar.

[Ásthildur Cesil Þórðardóttir, 17.10.2008 kl. 14:31]

Mér lýst vel á það Steini.  Ég held að ég geri það bara líka.  Hingað kom árlega í nokkur ár kartöflubóndi frá Þykkvabænum og seldi fólki poka af kartöflum.   Ég held að það hafi ekki verið bannað, enda eru sennilega engir karföflusöluleyfishafar til á spena ríkisins, sem geta stjórnað með harðri hendi hverjir mega selja kartöflur og hverjir ekki.

[Jóhann Elíasson, 17.10.2008 kl. 16:41]

Þetta er einhver "fáránlegasta" frétt sem ég hef lesið lengi að það skuli vera gert svona mikið mál út af sextán rolluskrokkum og því að manngreyið er bara að bjarga sér og sínum um nokkra þúsundkalla en svo virðist ekkert vera "hægt" að hreifa við mönnum sem "stálu" milljörðum af landsmönnum.

[Ásthildur Cesil Þórðardóttir, 17.10.2008 kl. 18:07]

Nákvæmlega Jóhann, þetta er þyngra en tárum taki, og alveg sama ógeðið og þegar Hafró réðist á útgerðarbóndann fyrir vestan og setti hann í gjaldþrot fyrir 45 fiska.  Þetta eru þvílík ólög að það er ekki hægt að fara eftir þeim.  Við eigum að standa upp öll sem eitt og mótmæla þessari aðför að hinu frjálsa Íslandi.

Knús á þig til baka Helga mín

[Katrín Snæhólm Baldursdóttir, 17.10.2008 kl. 21:06]

Mætum á morgun...eru mótmælin ekki örugglega á laugardaginn klukkan 3??

Vá hvað ég vona að þarna verði fleiri en fiskafjöldinn og rolluskrokkarnir.... vildi sjá svona a.m.k 10.000 manns!!!! Ég er á við 5000 þegar mér er heitt í hamsi..og mæti fyrir ykkur öll á landsbyggðinni sem vilduð vera á staðnum í eigin persónu

[Ásthildur Cesil Þórðardóttir, 17.10.2008 kl. 21:23]

Takk Katrín mín, ég verð með í anda.  Ekki veitir nú af, og ég vona líka að þarna verði ekki færri en 15.000 manns, sætti mig ekki við minna. 

[Rósa Aðalsteinsdóttir, 17.10.2008 kl. 21:57]

Sæl mín kæra.

Mér líkar dugnaðurinn hjá þér. Pistillinn er góður og hnitmiðaður og HANANÚ.

Guð veri með þér og þínum á draumastaðnum Ísafirði

Kær kveðja/Rósa frænka

[JEG, 18.10.2008 kl. 22:58]

Heir heir.

Held að þessir asnar ættu að passa betur uppá fíkniefni og þessháttar.  Nú eða gengið og krónuna.

Ég ét heimaslátað og er svooo sprelllifandi.  Og veit um fólk sem vill ekki stimplað kjöt því það er vont.

Kveðja úr sveitinni.

[Ásthildur Cesil Þórðardóttir, 19.10.2008 kl. 10:25]

Já Takk fyrir innlitið JEG, heimaslátað kjöt, vel hanterað og hangið, er auðvitað herramannsmatur. Og ég er viss um að það myndi aukast fjöllbreytnin, því  bændur myndu örugglega taka sig saman um að slátra fé, og hantera það eftir kúnstarinnar reglum.  Umsvif bændanna myndu aukast, og þeir fengju meira til sín, af afurðunum.  Dýrin fengju að deyja í túnfætinum heima, en ekki vera flutt nauðungafluttningum yfir landið þvert og endilangt.  Það yrði svo margt miklu betra með þessu fyrirkomulagi.

Takk Rósa mín, sömuleiðis.