Svo er nú það. Blaðamannafundir hvað !!!

Jæja ekki gerist nú mikið á stjórnarheimilinu.  Það eru haldnir blaðamannafundir um ekkert, og það gerist voða lítið.  Ekkert sem hjálpar fólki.  Skilja þessir ágætu menn ekki, að hér þarf hraðar hendur með akútmálefni, eins og að frysta útgjöld og rukkanir, meðan allt er í lamasessi ?  Nei þeir halda blaðamannafund, og allt er leyndó, og lýðurinn logar sem aldrei fyrr.  Stíflan er að bresta, og það er bara eitt stykki blaðamannafundur um ekki neitt.  Ég get svo svarið það, hvar eru menn að hugsa.

  Það var sláandi kastljósið í kvöld, með öll ummælin og flottræfilsháttinn.  Gott framtak hjá þeim. Gefur fyrirheit um eitthvað bitastæðara, þó við vitum svo sem að það má ekki halla á stjórnvöld sjálf, nema bara í spaugstofunni.  En þessi Kastljósþáttur minnti mig óþægilega á þann ágæta sjónvarpsþátt.

Nei héðan af er sennilega best að stíflan springi og fólki streymi fram og krefjist afsagnar seðlabankastjóranna, en fólk mun ekki stoppa við það, trúið mér, skriðan mun svo taka ubeygju að stjórnarráðinu og hitta þar fyrir sökudólgana, sem stóðu að þessu öllu saman, ásamt seðlabankanum og eftirlitinu.  Auðkífingarnir hafa haft nægan tíma til að koma sínu vel fyrir borð og eru allir sem einn horfnir á braut.  Það stóð sennilega aldrei til neitt annað hjá þeim blessuðum.

En nóg um þetta, gat bara ekki stillt mig.  Því þetta vindur stöðugt upp á sig.  Og fólkið í fílabeinsturninum, situr bara og horfir yfir akurinn, og finnst það vera að bjarga heiminum, og við eigum öll að vera rosalega þakklát þeim fyrir.  En gleyma því að það voru þau sjálf sem kveiktu eldana í upphafi, og BER því að slökkva og minnka skaðan eins og hægt er. 

Leikskóli lífsins, ef allt væri eins saklaust og einfalt og hjá blessuðum börnunum, þá liði okkur betur.

Hanna Sól er dugleg að hengja sjálf upp kápuna sína og fara úr skónum, og koma sér inn í fjörið.

Hún er í kjöl og sokkabuxum sem hún fékk sendar frá ömmu á Hellu.

Skottið með ís, hún er beinlínis ísóð, þessi litli grallari. 

Hér er stóri frændi að plata hana til að borða sítrónu

Og afi alveg jafn mikill stríðipúki.

Neibb hún er ekki að væla, eða reið, þetta er sítrónufés  En henni fannst sítrónan samt góð.

Amma taktu mynd, segir prinsessan.

Og stubbur smakkar líka sítrónuna.

Skottið vill svo meira af súrinu

Hanna Sól talar við ömmu á Hellu í simann.  Hún er alvarleg og vandar sig að tala rétt.  En það gerir hún reyndar alltaf.

Já nú er nóttin komin og tími til að fara í holuna sína.  Þó ég hugsi stjórnvöldum þegjandi þörfina, þá líður mér samt vel.  Peningar eru ekki allt.  Það er aftur á móti fjölskyldan, börnin og kúlan og allt hér i kring um mig.  Það skiptir máli.  Og svo vinir og vandamenn, þið komið þar sterklega inn

Í svona krísum er gott að finna sálufélaga.  Og fólk sem er á sama róli og maður sjálfur.  Það eykur samkenndina, og maður finnur svo vel að maður er ekki eyland,  heldur félagsvera, eiginlega hjarðdýr, þó maður falli ekki alltaf inn í ramman sem samfélagið setur, þá raðast maður innan um hina. 

En ég sendi ykkur öllum knús og faðmlag, vona að þið hafið það öll sem best.  Og sendi hlýjar kveðjur til þeirra sem eru að missa vinnuna, og þeirra sem hafa tapað stórt, jafnvel með þung lán á herðunum.  Við skulum bara muna að stundum þegar manni finnst lífið leika mann grátt, þá er það oftar en ekki upphafið að einhverju ennþá betra.  Maður sér það bara ekki mitt í hringiðunni.  Þá er að bíða og sjá hvað gerist.  Knús og góða nótt

Athugasemdir

[Linda Linnet Hilmarsdóttir, 17.10.2008 kl. 00:17]

Knús á ykkur öll ....... Munið að knúsið kostar ekkert

       Kv frá mér, til ykkar........ 

Ég elska ykkur elsku vinkonur mínar þið eruð æði.

[Brynja skordal, 17.10.2008 kl. 01:38]

Knússs og góða nótt í kúluna ykkar

[Anna Benkovic Mikaelsdóttir, 17.10.2008 kl. 02:48]

Ég elska myndir þínar

[Jenný Anna Baldursdóttir, 17.10.2008 kl. 08:15]

Takk fyrir að vera til (væmnisjöfnun fer fram eftir hádegi, þá mun ég gefa skít í ríkisstjórnina)

[Dísa (IP-tala skráð) 17.10.2008 kl. 08:24]

Alltaf jafn sæt krúttin þín, líka með grettu. Það er svo satt sem þú segir síðast, maður veit ekki hvað breytingarnar boða, oft kemur einhver mikið betri niðurstaða á endanum. Betra að fresta áhyggjunum og taka þær ekki út fyrirfram. Höfum sjálfsagt flest lagt mikla orku í áhyggjur af einhverju sem við getum ekki breytt.

[Kristín Katla Árnadóttir, 17.10.2008 kl. 10:29]

Stórt knús elsku Ásthildur mín.

[Sigrún Jónsdóttir, 17.10.2008 kl. 11:04]

Þú ert frábær Ásthildur Cesil

[G Antonia, 17.10.2008 kl. 11:31]

Fráábær penni -!!!!  Takk fyrir þetta blogg m/myndum  Kær kveðja til þín

[Guðborg Eyjólfsdóttir, 17.10.2008 kl. 11:55]

Já, það er rétt hjá þér það þarf eitthvað mikið að fara að gerast áður en við verðum öll flúin úr landi, það er að segja ef við verðum velkomin í annað land

En myndirnar þínar lífga upp á daginn

[Ásthildur Cesil Þórðardóttir, 17.10.2008 kl. 12:44]

Takk Guðborg mín.  Já það þarf eitthvað bitastætt að gerast ekki seinna en strax.  Og já hvar erum við velkomin ? Í Færeyjum og Lúxemburg, held ég  En það er best að taka slaginn bara hér heima, og krefjast breytinga. Við getum gert allt sem við viljum, ef við stöndum saman.

Takk G.Antonía mín.  Kveðja til þín líka

Takk Sigrún mín, sömuleiðis

Knús til baka Katla mín

Sömuleiðis Helga mín, og knús

Góða helgi sömuleiðis Arna mín

Dísa mín, við ættum ekki að hafa áhyggjur fyrirfram, nóg  er það samt.

Ég ætla að gefa skít í þessa ríkisstjórn líka.

Takk Anna mín

Knús á móti Brynja mín

Rétt Linda mín knúsið kostar ekkert