Veður og smá mömmukrúttfærsla.

Já það er ennþá kalt en fallegt veður.  Dálítið kuldalegt um að litast þó.

En fjöllin eru falleg svona svarthvít eins og tússlitamynd.

Hér er burstabær náttúrunnar.

Þið trúið mér ef til vill ekki.  En hér sést það betur, og hér sjást lika andlitsmyndir af vættunum, þær eru ef til vill ekki frýnilega, og sumar illúðlegar, en þær eru samt sem áður góðar.  Munið að útlitið segir ekki allt, ekkert frekar hér en hjá okkur.

eftir því sem ég ek oftar Súgandafjörðinn, þvi betur geri ég mér grein fyrir hve magnaður hann er.  Hér er aldeilis rosaleg orka, sem er á við stærstu virkjun, og sú orka er ókeypis.

Þess vegna eru Súfirðingar svona orkumikið fólk örugglega, og dálítið sérstök.

En hér er sólin við það að brjótast fram, komin núna reyndar.

Og ég þarf að fara að týna berin af trjánum, áður en fuglarnir gleypa þau öll.

Í gær var Úlfur í tölvunni, og Hanna Sól vildi horfa á.  þú mátt ekki horfa á, sagði Ulfur, þetta er ljótur leikur, það er blóð í honum.

En mig langar að horfa, sagði sú stutta og tók engum mótmælum.

Nú kemur blóð, nú verðuru að hætta að horfa, sagði Úlfur.....

Nei þetta er ekki nóg, sagði hann svo.

já svona þarf það að vera

Á meðan dundaði sú minnsta sér við ýmislegt.  Dúkkuna..

Hana þarf að hugga..

Skoða bók og svoleiðis.

En svo er líka gaman að púsla.

Segið svo að ég fái ekki hjálp við matseldina.  Var með steiktan fisk í fyrradag, setti hann í eldfast form, ástamt kartöflunum í gær, og svo stífþeyttar eggjahvítur ofan á og ost, þetta var bara mjög góður réttur úr afgöngum.  Nú þarf maður að fara að spara dálítið, og að búa til eitthvað gott úr afgöngum, er eitthvað sem ég þurfti að gera hér í denn, og get alveg ryfjað upp aftur.  Það er sparnaður sem maður þarf ekki að finna neitt fyrir, eða láta á móti sér.

En nú þarf að draga fram úlpur og svo þarf að kaupa vetrarskó á mannskapinn, og snjógalla. 

Afi fór með okkur á leikskólann í morgun..

Já þær hafa það gott á leikskólanum, það er alveg víst.

Eigið góðan dag elskurnar mínar.   

 

Athugasemdir

[Helga Magnúsdóttir, 2.10.2008 kl. 14:10]

Þegar ég sé svona frekar kuldalegar Vestfjarðamyndir verð ég afskaplega þakklát fyrir að foreldrar mínir fluttu frá Súðavík áður en ég fæddist.

[Brynja skordal, 2.10.2008 kl. 14:54]

umhverfið er nú alltaf fallegt þarna og flottu fjöllin þó allt sé komið í vetrarbúning vonandi verður samt blíða þegar ég bruna vestur Litlu skotturnar alltaf jafn yndislegar og úlfur líka hafðu það ljúft Elskuleg

[Sigrún Jónsdóttir, 2.10.2008 kl. 15:30]

Vildi að eitthvað af þessari Súgfirsku orku hefði fylgt manni suður, en það virðast allt önnur lögmál gilda hér sunnan heiða og maður rekst sífellt á stórfurðulegan þankagang (borið fram eins og það er skrifað), þeirra sem hér ráða ríkjum.

Kannski bara best að hætta öllu hugsi í bili.

Knús í Kærleikskúlu

[Linda Linnet Hilmarsdóttir, 2.10.2008 kl. 16:26]

knús á þig og eitt fallegt bros

[Jenný Anna Baldursdóttir, 2.10.2008 kl. 17:21]

Þetta eru vetrarmyndir.  Brrrrrr mér er kalt.  Það er ekki neitt sumarveður hér heldur.

En myndirnar af krökkunum hlýja mér alltaf um hjartaræturnar.

[Helga skjol, 2.10.2008 kl. 17:26]

Alltaf jafnfalleg fjöllinn og enn fallegri eru þessi yndislegu börn.

Knús á þig og þína í kúluni

[Laufey B Waage, 2.10.2008 kl. 19:15]

Já það er kyngimagnaður kraftur í vestfirsku fjöllunum og fjörðunum.

[Dísa (IP-tala skráð) 2.10.2008 kl. 21:21]

Frábærar myndirnar af fjallinu. Allar árstíðir eiga sína fegurð og meðan  snjórinn er bara föl setur hann svip á landslagið og undirstrikar svipbrigðin. Krakkarnir eru líka frábærir, en svo ólíkt hlýlegri og glaðlegri .

[Hrönn Sigurðardóttir, 2.10.2008 kl. 22:33]

Flottur fjallabærinn með burstirnar sínar