Tónlistardagurinn mikli á Ísafirði, og smá krúttfærsla.

Lognið er eitthvað mikið að flýta sér í dag, og veðrið er frekar rysjótt, synd eiginlega, því það er mikið um að vera hjá okkur í dag.  Ekkert minna en stóri tónlistardagurinn.  Dagskrá út um allan bæ, svona einskona fiskisúpuveisla Dalvíkur, nema hér verður boðið upp á tónlist, heil dagskrá, og fjöldi heimila sem stendur opinn gestum og gangandi.  Því miður kemst ég ekki í neitt slíkt, þar sem ég er upptekin, tvö afmæli sem þarf að fara í í dag.  En ég vona að veðrið lagist, svo dagurinn verði góður, og margir notfæri sér þessa prýðis skemmtun.

Thema dagsins er svo Abbalagið thank you for the musik, með texta eftir hina frábæru Dr.  Ólínu Þorvarðardóttur.  Ég er eiginlega afar stolt af bænum mínum og þessu frábæra tónlistarfólki, og öllum sem lagt hafa vinnu í uppákomuna. 

Á vængjum söngsins;

Og syngið nú öll með, á þessum yndæla laugardagsmorgni til heiðurs Ísafirði.

Ég virðist látlaus, ég verð sjaldan æst eða reið.

Ef ég segi sögu, syfjar þig trúlega'um leið.

En leynivopn á ég, eitt dásemdarþing

því kliðurinn þagnar þegar ég syng.

Það er hamingjugjöf,

og mig langar til að hrópa'yfir höf;

 

Á vængjum söngsins

hef ég svifið í sorg og gleði.

Sungið dátt með glöðu geði.

Án þess væri lífið

svo laust við lit og róm,

innihaldstóm

væri þá ævi tilveran öll.

Á vængjum söngsins hef ég svifið

um lífsins tonahöll.

 

Dálítil snót var ég dansandi'af lífi og sál.

Ég dreymandi söng - því söngur var mitt eina mál.

Já oft hef ég hugsað hvers virði það er

að heyra og finna í brjóstinu á sér

þessa hljómkviðu slá.

Hjarta strengina samhljómi ná.

 

Á vængjum söngsins

hef ég svifið í sorg og gleði.

Sungið dátt með glöðu geði.

Án þess væri lífið

svo laust við lit og róm.

Innihaldstóm

væri þá ævi tilveran öll.

Á vængjum söngsins hef ég svifið

um lífsins tónahöll.

 

Þakklæti finn ég

þegar ég syng af hjartan lyst.

Rödd mína þen ég hátt, svo allir heyri;

Þenna tón, þennan róm, þennan hljóm:

 

 Söngs á vængjum svíf ég í sorg og gleði.

Syng eg dátt með glöðu geði.

Án þess væri lífið

svo laust við lit og róm.

Innihaldstóm

væri þá ævi tilveran öll.

Á vængjum söngsins hef ég svifið

um lífsins tónahöll.

Hreinlega frábær texti.

Já þó vindar blási, sólin gægist, og regnið falli, þá fara ísfirðingar inn í þennan laugardag með músik í hjarta, láta ekki veðrið stoppa sig, heldur ganga milli húsa í bænum og hlýða á söng og hljóðfæraslátt.  Húrra !!!

 

Þetta geta alveg eins verið vængir söngvanna.  en þessa mynd tók ég í fyrradag.  Himnagalleríið.

Þann dag borðuðum við lika lyfrapylsu og slátur hehehe... þessi svipur á Sigurjóni Dag er kostulegur, en hann borðaði nefnilega slátur en ekki lyfrarpylsu.

Úlfur og pabbi hans gerðu slátrinu líka góð skil. 

Þetta er nýji ljósmyndasvipurinn á Ásthildi.... nýtt lúkk hehehehe.

Og ekki er þessi fyrirsætusvipur síðri

Og prinsessan mín, er hér komin í einn kjólinn, ef þið haldið að ég ýti undir þetta, þá er það misskilningur ég leyfi henni bara að vera til á sínum forsendum.

Systurnar að togast á um nýju sokkabuxurnar hennar Hönnu Sólar, en hún er vaxin upp úr öllum sínum sokkabuxum, og þá fær litla systir að klára þær alveg

Svo er gaman að púsla saman, og Aron Máni lítur til með þeim. 

Já það er margt sem hægt er að gera, það var nefnilega lokað á leikskólanum í gær, svo við fengum heilan aukadag saman.

Svona pósar Hanna Sól, og nú er hún búin að greiða hárið líka.

Sæt og fín.

ein í lokin knúsírófan mín Evíta Cesil.

Athugasemdir

[Ásthildur Cesil Þórðardóttir, 20.9.2008 kl. 12:16]

Takk og gaman að sjá þig aftur Jóna Ingibjörg mín.  Þú hefur aldeilis verið upptekin uppfyrir haus í risaráðsstefnustjórnun.

[Jenný Anna Baldursdóttir, 20.9.2008 kl. 12:17]

Textin hennar Ólínu er brilljant.  Algjörlega beint í mark.

Hún Jenný er svona eins og Sólin.  Í morgun þegar mamma hennar náði í hana til að fara með hana í klippingu og svo í afmæli var hér heilmikil valdabarátta því Jenný Una var ákveðin í að fara í "Jarðaberjapilsinu" en ekki í "Hjartakjólinn".  Mamma hennar segir að þetta sé svona á hverjum morgni.

Yfirleitt fær hún að ráða nema þegar valið er alveg út úr kú.

Hehe.

[Sigrún Jónsdóttir, 20.9.2008 kl. 13:30]

Þau eru yndisleg gullmolarnir þínir Ásthildur mín og ég er ekki hissa, því þau fá að njóta sín hjá yfirgullmolanum

[Ásthildur Cesil Þórðardóttir, 20.9.2008 kl. 14:00]

Jenný það væri gaman ef þessir tveir gullmolar hittust einhverntíman, ég held að þær myndu una sér vel saman.

Takk Sigrún mín.

[Linda Linnet Hilmarsdóttir, 20.9.2008 kl. 16:19]

Innlitskvitt og góða ljúfa helgi

[Karl Tómasson, 20.9.2008 kl. 20:35]

Til lukku með daginn Ásthildur mín og Ísfirðingar.

Ég á mjög margar og góðar minningar þaðan frá því að Gildran var upp á sitt besta. Alltaf trobbi á Ísó.

Bestu kveðjur frá Kalla Tomm úr Mosó.

[Rósa Aðalsteinsdóttir, 20.9.2008 kl. 20:51]

Sæl og blessuð Ásthildur mín.

Textinn eftir Ólínu er virkilega flottur.

Gaman af myndunum þínum. Flott himnagalleríið. Ég verð svo þakklát þegar ég sé Úlf og pabba hans. Mikið er ég fegin að ákveðin kafli í lífi sonar þíns er búinn. Stelpurnar standa alltaf fyrir sínu og er Hanna Sól algjör pæja.

Ég bý í lítilli íbúð núna í 5 vikur. Þar búa tvær stelpur sem eru systur. Það er svo gaman af þeim. Einn morguninn heyrði ég í þeim úr forstofunni. Sú eldri sagði örugglega tíu sinnum við þá yngi. "Þetta er bannað." Sú yngri var eitthvað að koma við ofninn í forstofunni. Ég hló og hló og ekki var það leiðinlegra næsta morgunn.  Þá var sú eldri ein í forstofunni og þá heyrði ég: " Oh my God, ég bíð bara í forstofunni." ég bíð bara í forstofunni var skilaboð til mömmu hennar en að setja þetta í sömu setningu. Alveg milljón.  Ég varð að fara fram og tala við hana. Ég spurði hana hvort hún vissi hvað þetta þýddi. Hún bara horfði á mig. Ég sagði henni hvað þetta þýddi. Mamma hennar sagði mér að þær lærðu ýmislegt á leikskólanum og hefur sjálfsagt einhver fóstran stundið upp: "Oh my God." Þær eru yndislegar eins og öll börn.

Oh my Gold.

Guð veri með þér í öllu sem þú tekur þér fyrir hendur duglega kona.

Kær kveðja/Rósa

[Huld S. Ringsted, 20.9.2008 kl. 22:26]

Þær eru nú meiri krúttfyrirsæturnar þessar litlu dúllur þínar

[Þórarinn Þ Gíslason (IP-tala skráð) 20.9.2008 kl. 22:44]

Sæl Ásthildur mín.

Já, stóri Tónlistardagurinn þar sem ég ætlaði að vera og taka þátt í með ykkur.

En lasleiki minn stóð þar í vegi. En einn góðan veðurdag birtist ég og þá renni ég mér í kaffi til þín.

Takk fyrir myndirnar og allt.

[Katrín Snæhólm Baldursdóttir, 20.9.2008 kl. 23:15]

Oh my god hvað himnagallerísmyndin er mögnuð!!!!!!!!  Vá hvað það er alltaf allt fallegt í kringum þig kona...en það stafar líklega af því hvað þú sendir og dregur til þín með hjartaorkunni þinni

[Magný Kristín Jónsdóttir, 20.9.2008 kl. 23:26]

Takk elsku vinkona fyrir allar Ísafjarðarmyndirnar þínar, þau eru öll yndisleg börnin þín (og barnabörn)

ástarkveðjur Magný

[Karl Tómasson, 21.9.2008 kl. 00:04]

Ég vil taka undir orð Katrínar Snæhólm og hef reyndar sagt það áður kæra Ásthildur. Það er allt svo fallegt í kringum þig.

Þú gerir svo margt fallegt og gott og miðlar því til okkar allra hér í netheimum af mikilli einlægni. Takk fyrir það mín kæra.

Bestu kveðjur frá Kalla Tomm úr Mosó.

[Ásthildur Cesil Þórðardóttir, 21.9.2008 kl. 10:52]

Takk fyrir þessi orð Kalli minn, þau gleðja  

Gildran var náttúrulega toppurinn. 

Gaman að sjá þig hér elsku Magný mín.   Takk fyrir síðast.

Takk Katrín mín.

Þói minn, það verður gaman.

Segðu Huld mín

Skemmtileg saga af litlu telpunum tveimur Rósa mín.  Vonandi gengur allt vel hjá pabba þínum, bestu kveðjur til ykkar.

Takk sömuleiðis Ditta mín.

Knús á þig Linda mín.

[Laufey B Waage, 22.9.2008 kl. 08:31]

Já þessi tónlistardagur var frábært afmælisframtak. Einn af þeim dögum sem ég hefði alveg verið til í að vera á Ísafirði.