Mikið var gaman að því .....

Ég átti yndislegan dag í gær.  Er hálf rykug ennþá hehehe... en mikið rosalega skemmti ég mér vel í gær.

Þurfti náttúrulega að byrja á að koma börnunum í pössun.   Börnin mín, pössuðu fyrir mig barnabörnin.  Já þannig er það hjá mér.  Ég á svo yndæl börn og tengdabörn, sem vilja allt fyrir mig gera.

Við hittumst í gamal sjúkrahúsinu, sem nú er Safnahús.  Ein fallegasta bygging landsins, teiknuð af Guðjóni Samúelssyni.

Það voru fagnaðarfundir hjá okkur fermingarsystkinum.

Skemmtilegt málverk málaf af stúlku sem lá á spítalanum, meðan Úlfur Gunnarssona, Gunnarssonar skálds var hér yfirlæknir, hún sagði að hann hefði alltaf kallað sig Rauðhettu, svo úlfsmyndin er þarna í tvöföldum skilningi. 

ein svona rúmfjöl var til á mínu heimili, þegar ég var að alast upp, við Nonni bróðir minn notuðum hana sem rennibraut, settum hana upp á rúmbríkina og renndum okkur svo niður eftir henni.  Hún var svo að lokum sett á byggðasafnið, og gæti verið ein af þessum, ég man ekki hvernig hún leit út. 

Set þessa inn hér í gamni, Vilmundur var hér yfirlæknir á spítalanum, og konan hans Kristín, var læknir og frumkvöðull, kvenhetja. 

Mætti hugsa sér að tengja hana ljósmæðrum í dag, og hvetja þær til að halda sínu striki. 

'eg ætlaði svo að taka mynd af hópnum hér á sjúkrahúströppunum, eins og svo oft er gert, en þessir krakkar, þau eru alltaf að flýta sér, og hluti hópsins, var þegar lagður af stað niður í kirkju, sem var næsti áfangastaður.

en veðrið var afskaplega fallegt og hlýtt, og okkur hlýtt í hjörtum.

Það þurfti margt að ræða, get ég sagt ykkur, sumir höfðu ekki sést í nokkra áratugi.

Svo sungum við Jesúbróðir besti saman í kirkjunni.  Við stöndum sennilega á svipuðum stað og kirkjukórinn var í gömlu kirkjunni.  En því miður var hún rifinn, og byggð þessi nýja.  En það er góður hljómburður í henni.

Svo var haldið niður í skólann okkar.  Á móti okkur þar tók skólastjórinn Olga Veturliðadóttir, en svo skemmtilega vill til að faðir hennar var skólabróðir okkar og fermingarbróðir.

Við fundum gömlu skólastofurnar okkar, og það var mikið rifjað upp, frá barnaskóla árunum.  Einhvernveginn fannst okkur stofurnar hafa minnkað.  En það var greinilegt að borðum hefur fækkað, svo meira rými er um hvern og einn nemanda. 

Og við fórum alla leið aftur í fyrstu bekkina, gamla barnaskólann, sem ennþá er varðveittur að hluta   til.

Já við höfðum margs að minnast.

Skoðuðum líka nýjan hluta skólans glæsibyggingu, sem tengir saman gamla skólann og nýrri byggingar.

Hér erum við svo komin niður í Ísfirðingshús, Háskólasetrið okkar. 

Ólafur Halldórsson skólabróðir og forstjóri leiddi okkur í allan sannleikan um hið umfangsmikla menningarstarf sem unnið er í þessu húsi. 

Hér erum við komin niður í aðstöðu Ólafs, Meleyri, hér er flottur skrúðgarður í miðju hússins.

Og þá var nikkan dregin fram, og sungið af hjartans lyst.

eins og sjá má var alveg rosalega gaman hjá okkur.

Og skólasystkin drekka dús.

Þeir voru forsöngvaranir þessir föngulegu menn.

Og við tókum nú lagið líka, en höfðum mikið gaman af tilþrifunum hjá þeim.

Enginn smá tilþrif þar á ferð.

Þetta eru líka flott tilþrif hjá Gísla frænda mínum.

Hahahahah!!!

Ásgeir tók svo nokkur lög á nikkuna.

Svo var haldið niður í Tjöruhús, til að borða saman.

Veðrið var dýrðlegt og svo hlýtt.

Og Júlli minn var að útbúa borðskreytingarnar, og fékk blómin úr garði móður sinnar.

Flott fermingarsystkin.

Og hér er verið að skoða stækkaða myndina, frá barnaskólanum.

Hlegið og gantast.

Myndarlegir ekki satt?

Maturinn var líka frábær, ég er næstum viss um að Júlli bjó til fiskisúpuna, hún var æði.

Og svo voru fiskiréttir, bæði saltfirkur, pönnusteiktur steinbítur, og margt og margt.

Öllu þessu gerðum við góð skil.

Þetta er svona múraratal

Sæt saman.

Og nikkan og söngurinn ómaði.

Sumir eru og verða alltaf töffarar

Þeir voru eiginlega allir töffarar, strákarnir í okkar hópi.

Og enn er sungið.

Hér erum við örugglega komnar á trúnóstigið

En ég held að allir hafi farið glaðir heim á leið.

Mikið rosalega var gaman, og mikið er gott að hitta gamla skólafélaga, og maka þeirra, því það hefur alltaf verið þannig hjá okkur, að makar eru teknir inn í hópinn.  Þau eru hluti af okkur, og við viljum hafa þá með. 

Ég er nú eiginlega hálf þunn ennþá, glöð og ánægð með hvað allt tókst vel.   Og hve allir voru samtaka og samstæðir um að skemmta sér, og láta sér líða vel.  Og allt hjálpaðist að, að gera daginn sem eftirminnilegastan. 

Kæru skóla- og fermingarsystkin, mikið vil ég þakka ykkur vel fyrir þessa samverustund, og ég er viss um að við munum öll mæta á næsta hitting, og þá koma ennþá fleiri. 

Knús og kram til ykkar allra frá mér.

Athugasemdir

[Sigrún Jónsdóttir, 14.9.2008 kl. 16:25]

Yndislegt.  Ég sé að ég þekki slatta af fólki þarna.  Kristján og Sóley Halla, Súgfirðingur og æskuvinkona, Hildur og Kalli Súgfirðingur og Nanna og Valdi Súgfirðingur.

Þetta hefur örugglega verið mjög gaman, myndirnar þínar staðfesta það.

Takk fyrir

[Helga Magnúsdóttir, 14.9.2008 kl. 16:34]

Gaman að sjá þetta um Kristínu og Vilmund. Pabbi minn fæddist á Ísafirði í desember 1919 og Vilmundur og Kristín björguðu lífi hans og ömmu. Pabbi hefði átt að vera tvíburi en hinn dó og olli það alvarlegri fóstureitrun hjá ömmu og munaði minnstu að hún og pabbi dæju. En þetta varð til þess að pabbi minn var einkabarn. Við fjölskyldan eigum þessu góða fólki tilveru okkar að þakka.

[Ásthildur Cesil Þórðardóttir, 14.9.2008 kl. 17:04]

Já Sigrún mín, þeir eru víða Súgfirðingar, enda besta fólk í heimi,  Svona fyrir utan ísfirðinga

Gaman að heyra þetta Helga mín, ég ætla að setja inn meira um þau hjón, seinna, það eru heilmiklar upplýsingar um þau hjónin í Safnahúsinu. 

[Laufey B Waage, 14.9.2008 kl. 17:06]

[Sigrún Þorbjörnsdóttir, 14.9.2008 kl. 17:12]

Það hefur greinilega verið mikið fjör hjá ykkur unglingunum  Alltaf langar mig í fiskisúpu þegar ég heyri minnst á Júlla og fiskisúpu í sömu setningunni  Hef ekki smakkað hana, en alltaf þegar minnst er á hana er hún þvílíkt dásömuð  

[Kristín Katla Árnadóttir, 14.9.2008 kl. 19:04]

Mikið var gaman að sjá myndirnar  mikið hefur verið gaman hjá ykkur.

[Rannveig H, 14.9.2008 kl. 19:36]

Frábærar myndir,og málverkið hennar Söru er snilld. Gísli Skarp fer þarna á kostum og allir einhvað svo hressir.Gott að þið skemmtið ykkur vel

[Elísabet Markúsdóttir (IP-tala skráð) 14.9.2008 kl. 20:33]

Frábærar myndir, gaman að heyra hvað það var mikið fjör, knús

[Solla Guðjóns, 14.9.2008 kl. 20:41]

Vó því líkt og annað eins......ég lifði mig sko alveg inn í þetta.Ég veit fátt skemmtilegra en að hitta fermingar og bekkjarsystkini mín...

[Ásthildur Cesil Þórðardóttir, 14.9.2008 kl. 20:59]

Solla mín já það er algjörlega frábært.

Elísabet, já það var sko fjör, og takk fyrir kveðjuna og knúsið sem ég fékk

Takk Rannveig mín, Gísli fór á kostum, og allir hreinlega.

já katla mín, það var fjör

Sara mín, ég hefði átt að þekkja handbragðið, en ég leitaði að höfundi verksins, en fann ekki, ef það hefur eitthvað misfarist, þá ætla ég að láta setja það þarna með.  Það getur vel verið að höfundar hafi ekki verið getið, vegna þess að það sé hreinlega ekki vitað.  En nú er það sum sé komið á hreint.  Flott mynd.  Og það þarf líka að fylgja með í kynningunni hverjir þarna eru, sum sé Úlfur, Sara, Rosen og Jana gamla.  Gott að vita.

Sigrún ég heiti þér því, ef þú kemur í heimsókn til mín, þá býð ég þér í fiskisúpu ala Júlíus, og læt strákin elda fyrir okkur.  Hann er snillingur.

Knús Laufey mín.  

[Sigrún Þorbjörnsdóttir, 14.9.2008 kl. 22:47]

Mmm..nammi namm  Þá hef ég ennþá meira til að hlakka til að koma vestur næst  Ég held bara að ég þurfi að fara að huga að skipulagningu... Knús á þig og þína.

[Dísa (IP-tala skráð) 14.9.2008 kl. 22:52]

Takk fyrir síðast dúllan mín, Addi kom mér heim heilli á húfi, og ég fattaði það heimkomin að ég hafði ekki bremsað einu sinni eins og ég gjarna geri í bíl með öðrum. Svo allar sögur um glannakeyrslu hans eru orðum auknar. Ástarþakkir fyrir yndislegan dag. Fjórtán klukkutíma af fjöri og gleði. Þetta var æðislegur hópur.

[Ásthildur Cesil Þórðardóttir, 14.9.2008 kl. 23:10]

einmitt elsku Sigrún mín, hér áttu alltaf þitt athvarf, eins og hér áður og fyrr.  Hjá okkur Ella.

Gott elsku Dísa mín að þú komst heil heim, Addi er bara flottur, og mikið var gaman að þið skyldu líta við og kveðja í dag.  Knús á ykkur bæði.  við erum eiginlega í þessari stórfjölskyldu sem Stakkanespúkar, og spurning hvenær við tökum okkur saman og höldum Stakkanespúkamót, og þá verður Rannveig H, auðvitað með og allir hinir.  Og Dísa við erum bara æðisleg

[Rannveig Þorvaldsdóttir, 14.9.2008 kl. 23:37]

Frábærar myndir! Það hefur greinilega verið gaman hjá ykkur  

[Karl Tómasson, 15.9.2008 kl. 00:00]

Það er gaman að vera til og ef einhverjum tekst að koma þeim skilaboðum á framfæri í tíma og ótíma, þá er það þér kæra Áthildur.

Bestu kveðjur frá Kalla Tomm úr Mosó.

[Hulda Bergrós Stefánsdóttir, 15.9.2008 kl. 17:38]

Gaman að þessu

[Ásthildur Cesil Þórðardóttir, 16.9.2008 kl. 10:43]

Takk Hulda mín.

Sniðug hugmynd Hallgerður mín, ég segi  nú bara góða skemmtun, þetta er frábært alveg.

Takk Kalli minn, og knús á þig líka.

Já Rannveig mín og ég skilaði kveðjunni, og átti að skila sömu til þín til baka.

[Rannveig Þorvaldsdóttir, 16.9.2008 kl. 22:15]

 takk. Máttur bloggsins er mikill

[Linda litla, 17.9.2008 kl. 09:22]

Frábærar og skemmtilegar myndir af endurfundinum hjá ykkur. Mikið ofsalega held ég að þið hafið skemmt ykkur.

Bestu kveðjur í kúluna til þín og þinna Ásthildur mín.