Mýrarbolti - taka tvö.

Ég lenti í smáævintýri í gær, alveg óvænt.  Ég heyrði sum sé í fréttum að fólk var hvatt til að mæta inn í Tunguskóg, til að vera statistar í mynd sem bretar eru að gera um mýrarbolta.  Ég hugsaði með mér að það væri gaman að taka nokkrar myndir á bloggið mitt, Ásthildur var nýsofnuð, og ég bað Úlf að hlusta eftir henni fyrir mig, meðan ég skryppi smástund inn í skóg.

En þegar ég mætti á svæðið, voru ekki margir komnir, ísfirðingar eru oft dálítið seinir á sér, og sumir feimnir, það var til dæmis fullt af fólki í berjamó hinumegin við ána, þar sem sást vel yfir  En sum sé, þar sem svona fátt var, og mikið stóð til, endaði með því að ég slóst í hópinn, og tók þátt í öllu saman. 

Það var reyndar alveg rosalega gaman.

Það fyrsta sem ég sá voru tveir slökkviliðsbílar á bólakafi í grasinu.  Þeir höfðu verið kallaðir til, til að sprauta vatni yfir mýrarboltasvæðið.  Eins gott að ekki kviknaði í einhversstaðar nákvæmlega þarna.

Strákarnir við pollinn voru svo að heilgrilla læri ofan í mannskapinn. nammi namm.

Bílliinn á kafi, byssan spennt, og auðvitað er þarna gott útsýni til myndatöku.

Klappstýrur voru þarna auðvitað, og svo Hálfdán Bjarki sem var einn af aðalkörlunum þarna, enda er hann upplysingafulltrúi bæjarins og þar að auki vanur mýrarboltamaður.

Skólabróðir minn hann Magni mættur líka í stígvélum, vanur maður.

Hér átti að fara fram heimsmeistaramót í Mýrarbolta, milli Íslendinga og Tékka, hér eru tékkarnir, einhver gárunginn sagði að hluti af þeim væru gúmmítékkar, því þeir fengu lánaða þrjá ísfirðinga

Það liggur mikil vinna á bak við svona mynd.  Ég held að þetta sé stuttmynd, og verði sýnd á BBC world.

Það þarf að huga að ýmsu, og mikið um að vera hjá leikstjóra og framleiðanda.

ég held samt að þeir hafi gleymt að tala við álfana og huldufólki í dalnum, því marg gekk á afturfótunum til að byrja með.

Hér er tékkneskaliðið komið í búningana sína.

Málið er að við áttum að ganga á eftir leikmönnunum að leikvangnum, en fyrst átti að sprauta í fallegum boga vatni yfir leikvanginn.  hehehehe... en málið var að úðinn fór yfir okkur öll hin, hér eru menn að forða sér undan vatninu.

En það tókst svo að lokum að sprauta á leiksvæðið en ekki fólkið.

Her er myndin svona í þverskurði.  Það er maður sá sem þarna tekur myndina, sem vinnur verðlaun í ljósmyndasamkeppni á mýrarbolta. 

Jæja þá fer að koma að því að fara ofan í drulluna.

Bæði liðin komin á sinn stað.

en fyrst var boðið í hádegismat. 

Og fólk var orðið svangt.  Þetta var ævintýri út af fyrir sig.

Og svo þurfti að koma bílunum í burtu, það var minna mál, þegar þeir höfðu tæmt 2000 lítra af vatni.

Og gekk bara nokkuð vel.

Áhorfendahópurinn var líka fjölþjóðlegur.  Og það var reyndar komin ágætis stemning í mannskapinn  þegar hér var komið sögu. Allirsem einn maður, bæði leikarar, leikumsjónarmenn og ´horfendur.

Það hafði líka fjölgað í áhorfendaskaranum.

Veðrið var líka gott hlýtt og logn.  Hér er verið að instructera mannskapnum.

Og dómarinn komin út í drulluna  Þetta er reyndar yfirmaður tæknideildar bæjarins.

Sómir sér vel þarna í drullunni.

Og hefst þá leikurinn, ég held að þeir hafi bara átt að leika smástund, en það voruallir svo spenntir, bæði leikendur og áhorfendur, að þeir léku fullan leiktíma, ótrúlegt alveg.

Það þarf endalaust að vera að skoða og athuga, næsta skref er svo sjálfur leikurinn.

Þeir voru ekki með neitt stíft prógramm eða handrit, hvað eigum við að gera næst, sögðu þeir.  En í staðin fá þeir örugglega skemmtilegri og líflegri myndskot.

Hér er svo einn af leikendum framtíðarinnar.  Pabbi hans var ansi vel liðtækur í slagnum.

Já svona á að gera þetta !

Og þá er drullann á fullu.

Slagurinn byrjaður.

Viðbúnir tilbúnir nú.

Íslendingarnir.

Fyrsta markið varið.

Og spenna komin í leikinn.

Hér er varið hjá tékkunum.

Og eins og sjá má, er hiti í mönnum.

Oh boy!

Örtröð við markið.

Maður og bolti.

Stundum var erfitt að greina boltan

Og smátt og smátt runnu jafnvel leikmennirnir saman við drulluna.

Ótrúlegt að horfa á þetta.

Og ef maður spáir í orkuna sem fer í þetta.  Það er ekki nema fyrir fílhrausta menn og konur að spila þennan mýrarbolta.

enda var farið að draga af mannskapnum undir það síðasta.

Þetta er sko ekki auðveldasta sport í heimi.

Enn og aftur maður og bolti

Og maður á mann

Leikurinn endað svo 1x1, jafntefli.  Og mennirnir gjörsamlega uppgefnir, því í mýrarbolta, skipta menn út reglulega í liðunum, þar sem þetta reynir svon mikið á.  En hér var engu sliku til að dreyfa.

Svo ef til vill hefur hér verið slegið heimsmet í úthaldi í íþróttiinni, hver veit?

 

Leiknum lokið, og mennirnir komnir á land.  Pása fyrir tökulið og leikendur, áhorfendur farnir að mjaka sér heim, og tími á mig að koma mér heim til minna unga.  En mikið var þetta annars skemmtilegt, ef ég hefði vitað að ég ætti eftir að standa framan við myndavélar, hefði ég örugglega sett á mig smá málningu og allavega greitt á mér hárið  en auðvitað þarf líka skessur í svona viltar myndir.   Annars takk fyrir mig og takk fyrir skemmtilegan dag.

Athugasemdir

[Kristín Katla Árnadóttir, 31.8.2008 kl. 16:02]

Mikið hefur verið gaman að vera þarna en þvílík drulla hehe hafðu það gott Ásthildur mín.

[Þórdís Einarsdóttir, 31.8.2008 kl. 16:23]

Maður fær nú bara harðsperrur í fæturnar við að skoða myndirnar, þetta er svo hrikalega erfitt!

Kveðjur í kúluna.

Þ 

[Ólöf Jóhanna Pálsdóttir, 31.8.2008 kl. 16:59]

Takk fyrir sýninguna á Mýrarboltanum. Ég held ég mundi ekki vilja stunda þessa íþrótt, ég hallast meira að einhverju þrifalegu.

[Ásthildur Cesil Þórðardóttir, 31.8.2008 kl. 17:46]

Sömuleiðis Katla mín.

Kveðja til þín líka Þórdís mín, jamm ég myndi ekki vilja spila svona.  En þau sem hafa gert það, segja að þetta sé rosalega gaman.

Hehehe Ólöf mín, já ætli það ekki.  Veit satt að segja ekki alveg hvernig fólki fer svo heim til sín eftir leikinn, svo sannarlega eru þau ekki bíltæk

[Sigrún Jónsdóttir, 31.8.2008 kl. 18:21]

Ég sé hana nöfnu þína fyrir mér sem framtíðarspilara í Mýrarboltanum

[Dísa (IP-tala skráð) 31.8.2008 kl. 18:33]

Frábærar myndir úr drullunni. Fara þau ekki bara í ána og keyra svo nakin heim? Sannfærð um að nafna þín væri til í að prófa, en ekki stóra systir virðist ekki prinsessuvænt.

Mamma Mia finnst mér eins og fleirum frábær, leikararnir virðast skemmta sér frábærlega og hafa ekki ahyggjur af að vera hallærisleg. Mér finnst gaman að sjá fólk sem tekur sjálft sig mátulega hátíðlega. sýnir líka að þau eru fullgild ennþá.

[Kolbrún Baldursdóttir, 31.8.2008 kl. 20:04]

Segi sama, fengi mikla útrás í svona drulluíþrótt.

[Linda Linnet Hilmarsdóttir, 31.8.2008 kl. 20:20]

Innlitskvitt og knús kveðjur

[Huld S. Ringsted, 31.8.2008 kl. 20:56]

Gaman að þessu en þetta hlýtur að vera skelfilegt púl! mig verkjar nú bara í fótleggi við að skoða myndirnar

[Ásthildur Cesil Þórðardóttir, 31.8.2008 kl. 21:37]

Sigrún mín ég held bara að þú hafir rétt fyrir þér þarna með hana Ásthildi yngri

Í mýrarboltanum, þá fóru þau í ána, en sumir löbbuðu heim, veit ekki hvernig þar er þarna, þar sem þeir voru jú að leika í kvikmynd.  Ef til vill fóru þeir í eitthvert skottið hehehehe.... naktir eða ekki.  en það er nefnilega málið með Mamma Mía, leikararnir virtust algjörlega sleppa sér og bara vera að gera eitthvað sem þeim fannst skemmtilegt.

Kolbrún mín, ég vildi gjarnan sjá þig hér í drullubolta næstu verslunarmannahelgi

Knús á þig líka Linda mín.

Já Huld mín, ég held að þetta sé rosalegt púl, en þeir sem taka þátt, segja að þetta sé rosalega gefandi og skemmtilegt.

[Laufey B Waage, 31.8.2008 kl. 23:06]

Takk fyrir þessar skemmtilegu myndir af prinsinum mínum og hinum drullusokkunum. Auðvitað er minn aðal.

[Ásdís Sigurðardóttir, 31.8.2008 kl. 23:17]

Magnaðar myndir að vanda. Allt of langt síðan ég hef kíkt á þig er svo busy með hundinn.  Kærleikskveðja vestur  og hafðu það sem best

[Jenný Anna Baldursdóttir, 1.9.2008 kl. 00:11]

Rosalegur subbugangur er þetta í ykkur.  Hehe.

[alva (IP-tala skráð) 1.9.2008 kl. 09:33]

alveg frábært, ég væri til í smá útrás þarna!

[Ásthildur Cesil Þórðardóttir, 1.9.2008 kl. 10:23]

Já Laufey mín, strákurinn stóð sig vel, var bæði túlkur, aðstoðarstjórnandi og leikari, og ég veit ekki hvað. 

Kærleikskveðja til þín líka Ásdís mín, og mundu að fara vel með þig.

Jamm Jenný, þetta er sko subbugangur og drullumall

Já er það ekki Alva mín.

[Sigrún Þorbjörnsdóttir, 1.9.2008 kl. 12:16]

Þetta hlýtur að vera ofsalega gaman þótt erfitt sé. Frábærar myndir sem þú hefur tekið þarna. Máluð eða ekki máluð, ég held þú sért bara flottust orginal, þeir hafa haft þarna alvöru víkingakonu

[Ásthildur Cesil Þórðardóttir, 1.9.2008 kl. 12:35]

Hahahaha takk Sigrún mín.