Lognið er að flýta sér í dag.

Veðrið var kolvitlaust í morgun, þegar við fórum á leikskólann.  En það er orðið betra núna, hefur lægt heilmikið og steinhætt að rigna. 

Já himininn var dálítið ógnvænlegur í morgun ekki satt ?

Þessi var reyndar tekin seinnipartinn í gær, sjáið birtuna, hún er mjög sérstök.

Minnir mann hálfgert á tröllasögur.

En svona er náttúra íslands, óbeisluð, og óviðjafnanleg.

Ekki algeng sjón hér, hvítfryssandi haföldur.

Og allir fuglarnir komnir á land.  Eða að láta vindinn bera sig.  Einn sem ég mætti átti í erfiðleikum með að fljúga gegn vindinum frá bílnum mínum.  Ég varð að hægja á mér svo hann kæmist framhjá.

Já þeir eru allir sestir upp blessaðir.

En Hanna Sól og Ásthildur atidur, eins og hún segir sjálf, fóru til berja í gær, í yndælisveðri, og týndu nokkur krækiber.  Og svo var borðað, og Sigurjóni boðið að borða líka. 

Annars er góð saga að grallaranum Ásthildi frá leikskólanum.  Í gær þegar ég sótti þær, var forstöðukonan alveg miður sín, þá hafði sú stutta skriðið upp úr vagninum þegjandi og hljóðalaust, hún var bæði bundinn niður í vagninn og svo með hljóðtæki.  En allt í einu var hún bara komin út á tún.  Þær spurðu mig hvort ég vildi að hún svæfi inni til öryggis, en ég taldi það ekki þurfa.  Okkur fannst skrýtið hvernig hún gat losað sig úr vagninum, því það virtist ekkert hafa opnast. 

Í dag, sagði forstöðukonan mér að vegna roksins þá svaf hún inni, og þær horfðu á hvernig hún smokraði sér úr beltinu, án þess að opna það og án þess að gefa frá sér nokkurt hljóð.  Amma verður því annað hvort að kaupa nýtt beisli, eða láta hana sofa inni.  Hún  algjör prakkari.

Þessi var svo tekinn í morgun.  Ásthildur er ekki að gráta vegna þess að hún vilji ekki fara á leikskólan heldur á ég að halda á henni hehehe.... Hin er svo að pósa í prinsessukjólnum sem hún fékk að fara í í morgun á leikskólann.

En sum sé veðrið er orðið bara nokkuð gott hér.  Og vonandi allstaðar annarsstaðar.

Athugasemdir

[Bryndís, 29.8.2008 kl. 17:37]

Heheh, litli grallarinn hún Ásthildur  

[Ásthildur Cesil Þórðardóttir, 29.8.2008 kl. 17:44]

Já hún er alveg ótrúleg þessi stelpa

[Sunna Dóra Möller, 29.8.2008 kl. 19:33]

Magnaðar skýjamyndir og yndisleg börn

[Dísa (IP-tala skráð) 29.8.2008 kl. 19:55]

Flottar veðurmyndir. Og stelpurnar eru óborganlegar, virðast vera sín af hvorum pólnum, prinsessa og púki. Nafna þín verður einhvern tíma góð, dugir ekki einu sinni að binda hana. Hún er eins og Houdini töframaður, losar sig úr fjötrum.

[Sigrún Þorbjörnsdóttir, 29.8.2008 kl. 20:05]

Alveg finnst mér þetta vera eftir henni Ásthildi, hehe, lætur ekki setja sig í fjötra  Tignarlegar skýjamyndirnar, orkan sést flæða um! Góða helgi mín kæra.

[Jóhann Elíasson, 29.8.2008 kl. 20:18]

Myndirnar klikka ekki hjá þér frekar en fyrri daginn.

[Sigrún Jónsdóttir, 29.8.2008 kl. 20:39]

Þær eru yndislegar, prinsessan og grallarinn.  Knús á ykkur öll í Kærleikskúlu.

[Sigríður Inga Sigurjónsdóttir, 29.8.2008 kl. 21:28]

Já,þvílíka rokið sem hefur gengið yfir. Algjörar dúllur þessi börn.. Sjáumst.

[Brynja skordal, 29.8.2008 kl. 22:02]

Flottar eru veðurmyndirnar en krílin toppa þær Hafið ljufa helgi fyrir vestan knús í kúluna

[Guðborg Eyjólfsdóttir, 30.8.2008 kl. 00:55]

Flottar veðurmyndirnar og litlu dúllurnar þínar enn flottari, gaman að vera komin aftur á stjá hér

[Rósa Aðalsteinsdóttir, 30.8.2008 kl. 01:51]

Sæl og blessuð Ásthildur mín.

Flott himnagalleríið og úfinn sjórinn.

Myndirnar klikka ekki og börnin alltaf jafn flott.

Ásthildur flott að gera at í fóstrunum. Engin bönd binda hana.

Vertu Guði falin.

Kær kveðja/Rósa

[Jenný Anna Baldursdóttir, 30.8.2008 kl. 02:01]

[Ásthildur Cesil Þórðardóttir, 30.8.2008 kl. 09:52]

Knús á þig Jenný mín.

Takk Rósa mín.  Já það halda henni enginn bönd þessu barni

Alltaf velkomin Guðborg mín.

Takk Brynja mín og sömuleiðis.

Já Sigga mín, við sjáumst örugglega

Knús á þig líka Sigrún mín.

Takk Jóhann minn.

Takk sömuleiðis Sigrún mín, nei þessi stelpa lætur ekki binda sig niður.

Dísa mér datt einmitt Houdini í hug hehehe.. þegar fóstrurnar voru að spá í hvernig þetta hefði getað gerst, þær sýndu mér beislið, það lá bara allt bundið saman, en engin stelpa í því. 

Takk Sunna Dóra mín.

[Laufey B Waage, 30.8.2008 kl. 11:03]

Góða helgi mín kæra.

[Magnús Paul Korntop, 30.8.2008 kl. 11:20]

Hörkufallegar myndir hjá þér eins og alltaf,hefur þú aldrei spáð í að vera með sýningu á þeim?

[Ásthildur Cesil Þórðardóttir, 30.8.2008 kl. 13:27]

Takk Magnús minn, nei ég geri þetta mest mér til gamans.  Og ekki sakar að fá hrós frá ykkur vinum mínum.

Takk Laufey mín, sömuleiðis.