Hin forvitnilega Flatey.

Já við fórum með Baldri yfir til Flateyjar, ég hafði aldrei komið þangað áður, en hafði lengi haft áhuga á að skoða þessa eyju.  Hún er sérstök fyrir margra hluta sakir.  Í dag eru þar tveir ábúendur, bændur  örugglega sjálfþurftarbændur, með kindur og hænsni.  En þarna erum mörg falleg hús og vel við haldið.  Miklu meiri byggð en ég bjóst við.  Þarna eiga menn sumarhús, og margir dvelja þarna sumarlangt.  Mér var sagt að þegar kvikmynd Baltasar var gerð þarna var gengið í að fá Gemsasamband þangað, en íbúar voru víst ekki hrifnir af slíku.  Og ekki vel séð að menn tali í þau tól í miðbænum.

Hér er verið að fara um borð.  Vestfirðingar fá sérkjör á bátinn.

Hér eru unglingarnir okkar.  Þetta var síðasta ferð sumarsins, þar sem báturinn siglir tvisvar yfir Breiðafjörðin, það voru því síðustu forvöð að dvelja þarna milli ferða.

Það þarf að fylgjast með fuglum og svoleiðis.

Okkar erlendu vinir, Kaj frá Austurríki og Leon frá Þýskalandi.  Þeir skemmtu sér ekki síðu en hin börnin.

Það er gott að sitja hjá mömmu, þar er öryggið.

Þúsund eyja klasi, sem ekki er hægt að telja.  En fallegt er hér.

Sumir voru nú samt dálítið sjóveikir.

Og svo var komið í Flatey og nú var bara að ganga á land.

Aðalgatan í átt að þorpinu. 

Læknishús stóð utan á þessu húsi, og þarna má greina sultukrukkur sem voru örugglega til sölu.

Hér eru engir malbikaðir breiðvegir, heldur svona slóðar, alveg eins og fólkið hér vill hafa það.

Íslenskar hænur á vappi.  Allt svo frjálslegt og notalegt hér.

Sumir eru einfaldlega prinsessur, og prinsessur þurfa að halda uppi kjólfaldinum, þegar þær vaða yfir polla  Það er örugglega meðfætt.

Og meðan sumir príla...

Vilja aðrir sulla.

Og nóg um að vera fyrir ærslafulla krakka.

En prinsessur eru líka alltaf settlegri...

Já það var margt um að vera.

Og börn eru alltaf svöng á ferðalögum ekki satt?

Ömmur líka

Svo er gott að leggja sig aðeins eftir matinn.

Hún er alveg eins og amma sín, öll í grjótinu.

Það eru mörg falleg hús hér eins og ég sagði áðan, og öllum vel við haldið.

Hér er hótelið þeirra kaffihúsið og barinn.

Það var líka farið í kirkjuskoðun.

Bátar eru auðvitað lífsnauðsyn í Flatey.

Og heimurinn getur virkað ógnarsmár, meira að segja miðað við lítið kríli.

Kirkjan er fallega skreytt af Baltazar Samper.

Bæði altarið og kirkjuskipið.

Trú von og kærleikur heita þessir bátar.

Og ekki fer maður svo í Flatey að maður skoði ekki bókhlöðuna.

Og Flateyjarbók.

Hér er líka teikning af eyjunni frá árinu 1906.

Safnahúsið er eins og sjá má, risasmátt. 

Það er komin tími til að halda af stað niður á bryggju.

Farartækin hér eru af ýmsum stærðum og gerðum.

Eins og sjá má.

Já þau eru líka mis afkastamikil.

En það er nú bara eins og það er.

Hér er meira að segja bíll.

ég hugsa að þessi skreiðarhjallur og fiskurinn á honum, sé bara mjög stór á Flateyskan mælikvarða.  Þ.e. miðað við höfðatölu.

Og svo er komið niður á bryggju.

Hér er beðið eftir bátnum.

Og sumir orðnir lúnir.

Það var múgur og margmenni á bryggjunni, þegar skipið kom.

Flatey kvödd með virktum.

Og gamli vitinn lýsir leið.

Og það er notalegt að setjast niður og fá sér eitthvað í gogginn eða bara horfa á barnaefnið í sjónvarpinu.  En sumarbústaðarlífið heldur áfram.

Þessi er fyrir Kiddu mína.

Athugasemdir

[Bóbó (IP-tala skráð) 25.8.2008 kl. 20:41]

Takk fyrir að leyfa okkur að njóta þessara fallegu mynda með þér. Flatey er glæsileg og fólkið þitt líka!

[Ásthildur Cesil Þórðardóttir, 25.8.2008 kl. 20:47]

Takk Bóbó

[Hrönn Sigurðardóttir, 25.8.2008 kl. 21:00]

Frábær mynd af prinsessunni í pollinum

[Sigrún Jónsdóttir, 25.8.2008 kl. 21:40]

Það er yndislegt að koma út í Flatey.  Takk fyrir myndræna ferðasögu, þú bregst ekki kæra Ásthildur

[Steingrímur Helgason, 25.8.2008 kl. 21:41]

Þú ert í alvöru fyrsti ísfirðíngurinn sem ég þekki til sem að hafði ekki komið í Flatey áður.  Ég held að ég hafi farið þarna á milli með gamla Baldri fyrzt fyrir rúmum fjórum áratugum síðan, vegna samgöngubótanna fyrst & fremzt.

Nú stúmmaðir þú mig vinkona, en glæsimyndir eins & venjulega.

[Kidda (IP-tala skráð) 25.8.2008 kl. 21:44]

Ekki man ég eftir að hafa heyrt að húsið sem vinkona mín ólst upp í, heiti Læknishúsið en efa það ekkert. Sonur hennar er sölumaðurinn á söluborðinu og selur allskonar varning sem hann tínir hér og þar um eyjuna og í öðrum eyjum. Sultukrukkurnar eru verk vinkonu minnar.

Alltaf gaman að sjá myndirnar þínar af fólkinu þínu

[Ásthildur Cesil Þórðardóttir, 25.8.2008 kl. 21:57]

Þarna stendur það Kidda mín hehehehe.. En gaman að þú skulir þekkja fólkið. 

Jamm Steingrímur minn, ætli þetta sé ekki bara rétt hjá þér

Takk Sigrún mín.

Hehehe Hrönn mín, já þetta var fyndið, af því að þetta kom alveg ósjálfrátt.

[Hulda Bergrós Stefánsdóttir, 25.8.2008 kl. 22:21]

Flatey er yndislegur staður  var svo heppin að eyða heilum degi þar f.gsm  og enduðum á saltfiskhlaðborði á hótelinu, hef ekki fengið betri saltfisk en í Flatey

En takk fyrir myndirnar af þér og þínum

[Heiða Þórðar, 25.8.2008 kl. 22:33]

[Sigurður Þórðarson, 25.8.2008 kl. 23:08]

Það er fallegt þarna en Flatey og eyjarnar í kring voru lengi í eigu Þingeyrarklausturs og eiga sér mjög merkilega sögu. Flatey var matarkista en áður fyrr var farið með þurfamenn "ómaga" út í sker eigi allangt frá eynni þar sem þeir fengu að veslast upp án þess að neyðaróp þeirra trufluðu virðulegri þegna. 

[Sigrún Þorbjörnsdóttir, 25.8.2008 kl. 23:12]

Frábær myndin af prinsessunni með pilsfaldinn, greinilega með blátt blóð í æðum  Og litlu grallararnir, greinilega alltaf á útopnu  Skreiðarhjallurinn er svaka flottur! Ég hef ekki komið á Flatey ennþá, bara stoppað þar með Baldri. Takk fyrir þessa skemmtilegu myndrænu ferðasögu. Knús á ykkur.

[Ásdís Sigurðardóttir, 26.8.2008 kl. 01:12]

Yndislegar myndir, þetta á ég allt eftir. Takk fyrir að leyfa okkur að gægjast á gluga með þér.  GN.

[Helga skjol, 26.8.2008 kl. 06:24]

Yndislegar myndir eins og alltaf hjá þér mín kæra

[Jenný Anna Baldursdóttir, 26.8.2008 kl. 08:17]

Yndislegar myndir.  Takk fyrir mig.

[Ásthildur Cesil Þórðardóttir, 26.8.2008 kl. 08:37]

Takk elskurnar. 

Takk Jenný mín.

Takk Helga mín

Ekki málið Ásdís mín.  Þú ættir endilega að fara þarna, það er sniðugt að fara milli ferða, og stoppa meðan skipið fer að Brjánslæk, svo er hægt að gista þarna eða tjalda. Góðan daginn.

Knús á þig líka Sigrún mín.  Já hún Hanna Sól er sko prinsessa, og hún fékk sitt eigið herbergi í kúlunni í gær.  Mamma hennar og Tinna frænka tóku sig til og gerðu prinessuherbergi þar sem var geymsla, og hún er svo sæl og glöð.

Já og litlu grallararnir, þær eru aldeilis frábærar litlar manneskjur.  Mæli með Flatey.

Ertu að meina þetta Sigurður, var þetta virkilega svona ?  En takk annars fyrir skemmtilega viðbót við söguna mína.

Knús á þig Heiða mín.

Já þetta er sennilega rétt Hulga mín fyrir og eftir GSM hehehe...  Mitt fólk var að tala um að næst myndu þau gista þarna.  Það er spes að vera þarna. 

[Rósa Aðalsteinsdóttir, 26.8.2008 kl. 09:37]

Sæl Ásthildur mín.

Gaman að fara með þér í ferðaleg út í Flatey. Hef farið þangað svo þetta var enn skemmtilegra fyrir vikið. Kom mér á óvart að þú hafir aldrei farið þangað. En því miður er þetta líkt hérna megin. Hef aldrei komið í Mjóafjörð eystra en ótal sinnum í Mjóafjörð v/Djúp.

Gaman af myndunum. Börnin bregðast aldrei. Þau eru svo gefandi og fyndnar myndir og textinn gerir þær ennþá meira lifandi.

Takk fyrir ferðalagið með þér út í Flatey hér á blogginu. 

Vertu Guði falin.

Kær kveðja/Rósa

[Ásthildur Cesil Þórðardóttir, 26.8.2008 kl. 10:14]

Mín er ánægjan elsku Rósa mín.  Já svona er þetta.  Ég er oftast á hraðferð þegar ég fer milli staða á landinu okkar.  En þess vegna er virkilega gaman að gefa sér tíma til að njóta þess sem fyrir augun ber. 

[Sigurður Þórðarson, 26.8.2008 kl. 12:02]

Já þetta var víst svona. Það eru til ítarlegar frásagnir af þessu í annálum sem geymdir eru úti í Flatey og fólk sem er þaðan þekkir til. Stundum var farið með svo marga í einu að það komust ekki allir í bátinn og voru þeir þá dregnir í snæri eftir bátum.  Þetta var ekki beinlínis aftaka því fólkið gat fundið sjódauðan fugl á reki. Tíðarandinn var víst svona og á þessum tíma svalt stór hluti þjóðarinnar til bana og ekki var nóg til skiptanna.  Mig grunar að fæstir hafi hlutfallslega farist úr hungri í N-Ísafjarðarsýslu og Breiðafarðareyjum.

[Kidda (IP-tala skráð) 26.8.2008 kl. 12:56]

Takk Cesil fyrir myndina Það er hægt að fá meðal annars gistingu í Læknishúsinu og í litlu húsi sem þau leigja út. Það er yndilegt að vera þarna út í Flatey. Og ekki hef ég reynslu að því að gsm samband náist þangað. Einhvern tímann minnir mig að hafa heyrt að það stæði til að hætta siglingum út í Flatey, það yrði algjör skömm.

Knús

[Sigurður Þórðarson, 26.8.2008 kl. 13:47]

Það má aldrei gerast að þessar siglingar leggist af. Það er yndislegt að sigla til Flateyjar í góðu veðri en toppurinn er að gefa sér góðan tíma til að skoða eyjarnar og skerin sem eru þarna í hundraða tali og hafa hvert um sig sinn sjarma.

[Anna Ragna Alexandersdóttir, 1.9.2008 kl. 09:26]

Dásamlegar myndir.

 Takk fyrir mig