Mýrarbolti, golfmót, Queen Elisabet og gott veður á Ísafirði.

4.8.2008 | 21:03

Mýrarbolti, golfmót, Queen Elisabet og gott veður á Ísafirði.

Ég verð enn og aftur að þakka ykkur fyrir hlý orð í mín garð og föður míns. Ég lofaði að setja inn mynd af orðunni.

á henni er mynd af erni, og aftan á stendur, Arnarorðan 4. ágúst 2008.

Þetta er sko alvöru.

Litlu skotturnar mínar fóru heim í gærkvöldi, en þær voru mikið að athafna sig, allan tímann. Ég mun hitta þær aftur 16. ágúst, þegar við förum öll saman í sumarbústað, fjölskyldan.

Hér er afi á kajak, þeim gula, og Kaj sá í rauða, hann er frá Austurríki, og kom með Báru minni til landsins, og hefur verið duglegur við að hjálpa henni með börnin.

Þjóðverjarnir vinir okkar eru komnir til landsins, og við fengum okkur morgunverð saman í gær.

Vatnaliljurnar mínar í skemmtilegu sólarljósi.

Svo er það Mýrarboltinn. Það var hvergi minnst á það í neinum fréttum, að þessi árlegi boltaslagur fór fram hér.

http://www.bb.is/?PageID=26&NewsID=119177

En þetta er gífurlega skemmtileg keppni, og eins og segir fjölmörg lið sem keppa.

Það þarf mikinn undirbúning til að gera keppnisvellina hæfa í drulluna.

Margir eru ansi skrautlegir. Ég veit að einn keppandinn var í danska landsliðinu fyrir nokkrum árum. og annar hermaður úr danska hernum, svo keppendur komu víða að.

Já það voru margir ansi drullugir upp fyrir haus. En veðrið var gott eins og allir sjá.

Hér er í gangi úrslitaleikur karlaliða, og allt lagt í slaginn. En það var gífurleg stemning og baráttan hörð.

Þetta hlýtur að taka vel á.

Hér er hitt markið. Spennan í hámarki.

Og fagnaðarlætinn mikil, þegar gerð voru mörk.

Já hér blífur drullann, drulludómarar og drulluleikmenn LoL

Svo þarf að skola af sér í lækjarsprænum,

Nú eða bara í ánni.

Já ég hef grun um að keppendur hafi verið víða að.

Þarna var líka kominn saman múgur og marmenni, og stemningin eins og best verður á kosið. Gleðin mikil, og allir í góðu skapi. Enda sólskin og gott veður.

Sumarbústaðaeigendur eru örugglega flestir í sínum húsum í skóginum, grilla og hafa það gott, kvöldið áður var mesta skemmtunin hjá þeim, eða skógarbrennan, þar sem þeir koma saman við brennu og skemmta sér við leik og söng.

Það var líka golfmót í gangi, Birgir Jónsson kokkur, átti sextugsafmæli, og bauð til þriggja daga golfveislu, þar sem allir voru velkomnir. Enda var fjölmennt á golfvellinum.

Já það þarf að hreinsa af sér ýmislegt í svona leik hehehehe...

Og sumir ekki háir í loftinu, þessir eru spilamenn framtíðarinnar.

Gleðin hefur örugglega sumstaðar farið úr skorðum. En það var ekkert vesen samt eða leiðindi.

Og svo þarf að labba heim. Mikið held ég samt að sumir hafi verið glaðir að komast heim til sín í bað.

Þó þessar tvær íþróttir hafi verið hlið við hlið þarna í Tunguskógi, þá held ég að himin og haf skilji þær að, hér allt svo fínt og flott, snyrtilegt, meðan hitt er ekkert nema drulla.

Já sveiflan tekinn.

Með tilþrifum.

Hér er svo afmælisbarnið, í köflóttu peysunni.

Með vinum sínum. Innilega til hamingju með sextíu árin Birgir. Wizard

Í morgun kom svo Queen Elísabeth, hún breytti áætlun sinni og kom við hér. Talandi um viðmið, ég var að ræða það um daginn, með stóru húsin á Eyrinni, en þessi bátur slær öllu við. Hér eru það fjöllin sem blikna við stærð hennar. Þetta er hennar síðasta ferð, hún hefur verið seld einhverjum olíufursta held ég, sem ætlar að nota hana sem hótel.

Eins og þið sjáið hér, þá hefur ýmislegt verið að gerast hér þessa helgi. En ekki eitt orð heyrði ég um það í útvarpi eða fjölmiðlum. Heldur ekki um góða veðrið, samt voru taldar upp allar samkomur landsins, og tíundaðar vel og vendilega. En ekki orð um Mýrarbolta, golfmót, skógarbrennu, né neitt annað. Sennilega eru Vestfirðir best geymda leyndarmál landsins. Það er allavega þagað vel og vendilega um það sem þar gerist, að öllu jöfnu.

ein mynd í lokin af litlu Hönnu Sólinni minni. En hér getið þið allavega séð að eitthvað hefur nú verið gert hér á þessu krummaskuði, sem alveg væri vert að minnast á. Knús á ykkur öll elskulegust.

Flokkur: Bloggar | Facebook

Athugasemdir

Ég er drullufeimin en LANGAR að senda árnaðaróskir með vestfirskum hreimi í tilefni afmælis föður þíns,þakka allar myndirnar sem ég hef aðgang að, með guðsblessun.

Helga Kristjánsdóttir, 4.8.2008 kl. 21:58

Takk innilega fyrir það Helga mín.

Ásthildur Cesil Þórðardóttir, 4.8.2008 kl. 22:00

Aftur til lukku með pápa þinn, gæzkan, pabbi þinn er náttúrlega ungvinn fálki, þannig að 'arnarorðan' er að öllu leyti heppilegri.

Mar þarf greinilega að prufa þennann ~mýrarbolta~, við tækifæri.

Steingrímur Helgason, 4.8.2008 kl. 22:25

Jú, jú þetta kom allt í fréttum, bæði mýrarboltinn og skemmtiferðaskipið. Fallegar vatnaliljurnar þínar. Hvar er þessi fallegi skógur? er hann nálægt bænum? Takk fyrir ýtarlegri myndir úr boltanum þetta er örugglega rosalega gaman fyrir þá sem geta. Kveðja inn í nóttina

Ásdís Sigurðardóttir, 4.8.2008 kl. 22:29

Innilegar hamingju óskir með pabba þinn var að skoða allar myndirnar þetta hefur verið yndislegt hjá ykkur og falleg ræðan þín og orðan Líka rosalega gaman að sjá allar myndirnar úr mýraboltanum og fallegar myndir úr ykkar fallega túnguskógi líf og fjör allstaðar hafðu það ljúft Elskuleg

Brynja skordal, 4.8.2008 kl. 23:30

Sæl Ásthildur ég má til að senda pabba þinum hamingjuóskir sem þú færir honum frá mér Við erum gamlir vinir siðan ég vann hjá honum á Uppsölum 15 ára gömul það þurfti að sækja um leifi hjá Sýslumanni þar sem ég var of ung til að vinna á veitingastað þeir bræðurnir sýndu mér mikið umburðarlyndi svo þetta gekk allt saman Gaman að sjá hvað hann ber árin vel þrátt fyrir mikla vinnu Myndirnar voru flottar og ég tala nú ekki um ræðan þin Vilt spyrja pabba þinn eftir hverjum hún systir hans heitir Friðrikka gaman að vita það kv sigr

sigriður aðalsteins (IP-tala skráð) 5.8.2008 kl. 00:05

Það er greinilega engu logið um fegurðina í Tunguskógi.

OMG

Jenný Anna Baldursdóttir, 5.8.2008 kl. 00:32

Sæl Ásthildur mín.

Frábært að sjá hvað hann faðir þinn er ERN. Ótrúlegt.

Flottar myndir eins og fyrri daginn.

Bið að heilsa öllum.

Þórarinn Þ Gíslason (IP-tala skráð) 5.8.2008 kl. 01:15

Mýrarbolti er drulluerfiður en fyrst og miklu fremur skemmtilegur. Ég mætti með lið 3ja árið í röð og var í marki þetta árið, hef ekki prófað það áður en það er aðal drulludjobbið því að maður þarf mikið að fleygja sér til þess að verja.

Ég vil benda þeim á sem ætla að vera með í framtíðinni að vera með lágmark 12 til 15 manna lið því að það þarf að skipta ört inná. Þetta er erfiðara en fólk heldur.

Gló Magnaða, 5.8.2008 kl. 09:06

Ynnilegar hamingjuóskir með pabbann

Gaman að lesa pistilinn þinn um það sem gerst hefur fyrir VESTAN um helgina. Skilaðu kveðju til hennar Báru frá mér, hef ekki séð hana svo lengi en sá mynd af henni hjá þér, gangi henni vel í sínu.

Kveðja úr sólinni á Skaganum

Anna Bja (IP-tala skráð) 5.8.2008 kl. 10:53

Hjartanlegar hamingjuóskir! Og mikið finnst mér þessi Arnarorða flott. Það vita allir að örn er mikilfenglegri og stærri en fálki sko. Þú ert sko BARA yndisleg

Ragnhildur Jónsdóttir, 5.8.2008 kl. 11:07

Arnarorðan er flott hugmynd og pabbi þinn alveg örugglega vel að henni komin.

Takk fyrir fréttir og myndir af viðburðum helgar. Þú færir okkur svo nálægt þessu. Knús í Kærleikskúlu.

Sigrún Jónsdóttir, 5.8.2008 kl. 11:53

Ásthildur mín til hamingju með pabba þinn, og mjög skemmtilegar myndir að skoða.

Kristín Katla Árnadóttir, 5.8.2008 kl. 12:17

Sæl og blessuð Ásthildur mín.

Alltaf jafn gaman að skoða myndirnar. Ég held að vera í drulluboltakeppnin hljóti að vera svaka erfitt. Gaman að sjá fullorðið fólk njóta sín í þessu. Það er alveg yndislegt að vera inní Tunguskógi í góðu veðri.

Guð veri með þér og þínum.

Kær kveðja/Rósa

Rósa Aðalsteinsdóttir, 5.8.2008 kl. 16:08

.. æðislegar myndir

Jóhanna Magnúsar- og Völudóttir , 5.8.2008 kl. 19:33

Fín myndin af ykkur pabba þínum og orðan flott..

Dísa (IP-tala skráð) 5.8.2008 kl. 22:07

Innilegar hamingjuóskir með hann pabba þinn. Hann er stórglæsilegur maður. Þið eruð voða sæt saman á myndinni. Flott hjá ykkur að veita honum orðu. Hann hefur verið vel að henni kominn.

Það er ljóst öllum þeim sem kíkja hingað inn, að það er alltaf eitthvað um að vera á Vestfjörðum. Það ætti kannski að senda þeim hjá rúv linkinn þinn, þá geta þeir fylgst með svo þeir geti sagt fréttir

Gaman að sjá skottumyndir aftur. Þær eru svo líflegar og skemmtilegar stelpur. Flottar með húfurnar. Ég sá reyndar að Hanna Sól var með Ásthildar húfu og öfugt, allavega miðað við hvernig ég hugsaði stærðirnar, en þær hafa kannski verið að prófa báðar.. Knús í hamingjukúlu

Sigrún Þorbjörnsdóttir, 5.8.2008 kl. 23:45

Huld S. Ringsted, 6.8.2008 kl. 00:37

Knús Huld mín og takk fyrir innlitið. Anna svartfugl kom svo inn úr dyrunum í gær, það var rosalega gaman að spjalla við hana.

Sigrún veistu, að þetta var einmitt svona, ég hafði sett vitlausa húfur á þær. Þegar mamma þeirra kom sá hún strax að svo var, og Hanna Sól var fljót að segjast heldur vilja myndina. Þannig að þetta small allt saman svo vel. Pabbi minn er sko vel að þessari orðu kominn.

Takk Dísa mín, vildi að þú hefðir verið þarna og heyrt ræðuna hans Adda um samfélagið Stakkanes, og síðan hvert Stór Stakkanesið náði. Hann taldi upp allar fjölskyldurnar. Ég sagði að ég myndi gjarnan vilja fá þessa ræðu svo við gætum bætt inn í hana fleiri, söguna um Stakkanespúkana.

Takk Jóhanna mín.

Takk Rósa mín, já þessi bolti reynir mikið á. Eins og Gló segir, þá þarf oft að skipta út, ef menn vilja ná árangri. En það er gaman að upplifa stemninguna og þetta káta og fjöruga fólk, sem þarna er.

Takk Katla mín.

Takk og knús á þig til baka Sigrún mín.

Takk elsku Ragnheiður mín.

Anna mín já ég skal skila kveðju til Báru minnar. Takk og knús

Gló mín, þú ert rosalega dugleg við þetta. Var of sein að sjá þig, var með gesti. En þið voruð vígalegar konurnar ekkert síður en strákarnir. TIl lukku með þetta flotta framtak.

Já Arna mín, þetta var þrælskemmtilegt að kíkja við og finna stemninguna.

Takk Þói minn, já hann er ern hann pabbi minn.

Einmitt Jenný mín, þar er engu logið

Já ég skal spyrja hann pabba að þessu, og skila kveðju til hans Sigríður mín. Alveg sjálfsagt. Takk innilega fyrir þetta innlegg.

Takk Brynja mín. Já þetta var skemmtileg helgi og mikið um að vera, þó ekki færi hátt. Knús á þig.

Ásdís mín Tunguskógur er í Tungudal, þar sem skíðasvæðið er líka núorðið, eftir snjóflóðin á Seljalandsdag. Tunguskógur er staðurinn sem fólk fer á sumrin, til að tjalda, eiga sumarbústað, sumir búa þar allt sumarið, þeir sem eiga heima niður í miðbæ og vilja vera í friði. Þar er líka vinsælt tjaldstæði, goflvöllur, og ég veit ekki hvað. Sum sé okkar aðalútivistarstaður. Hann er svona 4. km frá miðbæ Ísafjarðar.

Þú verður náttúrulega endilega að prufa þennan Mýrarbolta Steingrímur minn. Það er algjört must fyrir ærslabelgi eins og þig. Annars knús þig kappinn, og auðvitað kom ekkert annað til greina en arnarorðan til hans pápa míns.

Ásthildur Cesil Þórðardóttir, 6.8.2008 kl. 08:44