Dýrðar Ísafjarðardagar.

Já dagurinn í dag og dagurinn í gær voru bara eins og maður hefði hoppað beint niður í miðevrópu, svei mér þá.  Og það voru tvö skemmtiferðaskip hér, og margt um manninn.  Vegna þess hve veðrið var gott vöppuðu ferðalangarnir um, settust á torgið eins og við hin, og létu sólina verma sig.

Annað skipið lá við kajann hitt var úti á sundum.

Fólkið vappaði um bæinn, og hafði það bara held ég notalegt.

eins og sjá má víða, var logn, meira að segja innlögninni tókst ekki að lyfta fánunum.

Hér er einn stubburinn í ættinni okkar.  Sætur eins og allir hinir.

Jamm þetta var bara svona eins og í útlöndum.

Og unga fólkið okkar uppáklætt í peysuföt.  Hér er líka þurrkaður saltfiskur á reitum. 

Ég er dálítið montin af að koma þvi á koppinn, ásamt annari konu sem var hér atvinnumálafulltrúi.  Hún átti hugmyndina, en ég framkvæmdi hana, fékk gamlan sjóhund til að kenna fyrstu krökkunum aðferðina, og að gera pækilinn, Síðan hefur þetta verið svona á hverju sumri, þau sólþurrka fiskinn og svo er hann seldur á sjóminjasafninu.  Og þykir algjört lostæti.

Hér má sjá fiskinn lagðan út til þerris, á reitunum alveg eins og í gömlu daga.

Þetta með peysufötin, er nú ekki allt sem sýnist held ég.  ég bara verð að fá að taka mynd af ykkur stelpur sagði ég.

Hehehehe ætli þetta sé ekki framtíðarbúningurinn okkar ?

Fólki sat og lét fara vel um sig á Silfurtorgi, alveg eins og innfæddir gera á góðum dögum.

Og á Langa Manga sátu líka margir, þarna má sjá Eirík Örn Norðdal.

en svona getur risahvönninn farið með fólk.  Það er því eins gott að fara varlega með hana.

Hér situr svo hann pápi minn, sem verður níræður næsta mánudag.  En ætlar að halda upp á það á laugardaginn.  Eða við systkinin erum að undirbúa samkvæmið. 

Hér voru í dag ærslafullir drengir, barnabörnin mín, og þeir eru hér reyndar ennþá, vildu fá að sofa.

Enda má segja að þeir séu í stubbalandi ekki satt ?

Þeir voru í vatnsslag, og voða gaman.

Náttúrulega rennandi blautir.

Svo var gott að koma og fá sér pylsur hjá afa.

Þessi er dálítið sérstök, hef ekki séð svona áður.  Ég sé líka fljúgandi maura  eða eru það fleiri skordýr en maurar sem eru með þrískiptan búk ? ég náði mynd af maur í fyrra hér í garðskálanum mínum.

eftir bíflugunum koma blóminn ekki satt?

Og börnin. Þessi skotta kom í kúluna í dag.  Daníel segir að ég sé stjúpamma hennar.  Hann er nefnilega bróðir hennar, og pabbi hans er því stjúppabbi hennar, segir hann, og þar af leiðandi ég stjúpamma hehehehe.... Það er allt í lagi, það er svo sem nóg rúm hér fyrir eina svona litla í viðbót.

 

Svo er það ein kvöldmynd, ég býð ykkur góða nótt.  Megi allir góðir vættir vaka með ykkur og vernda.  En ég er þreytt, það tekur á að reyna að gera eitthvað af viti í svona hita.  Knús á ykkur öll sömul, og ég ætla blogghringinn minn á morgun. 

Athugasemdir

[Gló Magnaða, 31.7.2008 kl. 01:12]

Já enn og aftur Íbísafjörður er flottastur.....

[Guðrún María Óskarsdóttir., 31.7.2008 kl. 01:28]

Já Cesil veðrið í dag varð ótrúlegt, flottar myndir af mannlífinu fyrir Vestan og gott hjá þér að vekja athygli á risahvönninni. Það veitir ekki af slíkum upplýsingum eins og með Gullregnið til dæmis.

góð kveðja.

gmaria.

[Þórarinn Þ Gíslason (IP-tala skráð) 31.7.2008 kl. 04:20]

Sæl Ásthildur mín.

Home sweet Ísafjörður.

Heyrumst.

[Linda Linnet Hilmarsdóttir, 31.7.2008 kl. 07:29]

[Jóhann Elíasson, 31.7.2008 kl. 09:14]

Bítlabolurinn er rosalega flottur og svo kemur aldrei fram hljómsveit sem á eftir að slá Bítlunum við.  Það er nú heldur betur veisla að sitja úti á Silfurtorginu á svona dögum.

[Þórdís Einarsdóttir, 31.7.2008 kl. 09:16]

Ibizafjörður já, þar er sko best að vera.

Kv

Þ 

[Kidda (IP-tala skráð) 31.7.2008 kl. 09:22]

Krakkarnir heppin að geta leikið sér á svo til allri lóðinni hjá ykkur, meira að segja á húsþakinu En þú segir rétt það var næstum því ógerlegt að vinna í hitanum í gær.

Knús

[Laufey B Waage, 31.7.2008 kl. 09:52]

Það er auðvitað miklu þægilegra að breyta peysufötum í bolaföt.

Afmæliskveðjur til pabba þíns. 

[Kristín Katla Árnadóttir, 31.7.2008 kl. 11:38]

Skemmtilegar myndir en ekki leist mér vel á höndina. Knús inn í daginn.

[Anna Ólafsdóttir (anno) (IP-tala skráð) 31.7.2008 kl. 13:33]

Ofboðslegar skemmtilegar myndir af fjölskrúðugu mannlífi  Ég fann myndir frá 2004 frá ferð í Grunnavík og VIgur og fékk algjört nostalgíukast. Bara verð að fara að komast vestur.

[Lilja Guðrún Þorvaldsdóttir, 31.7.2008 kl. 21:09]

Dásamlegar myndir og fagurt mannlíf. - Oh, hvað mig langar í svona saltfisk. - Ætli það sé hægt að fá svona saltfisk sendan suður?- Eða ég verð að komast vestur.

[Huld S. Ringsted, 31.7.2008 kl. 22:29]

Alltaf jafn gaman að skoða myndirnar þínar Ég verð á Ísafirði á sunnudaginn, gaman væri að kíkja í heimsókn til þín ef ég má?

Eigðu góða helgi 

[Karl Tómasson, 1.8.2008 kl. 00:10]

Myndirnar þínar eru gersemi kæra Ásthildur.

Bestu kveðjur frá Kalla Tomm úr Mosó.

[Margrét St Hafsteinsdóttir, 1.8.2008 kl. 00:15]

Alltaf gaman að kíkja við hjá þér og sjá skemmtilegu myndirnar og lesa góðu skrifin.  Góða helgi. Knús

[Ásdís Sigurðardóttir, 1.8.2008 kl. 01:44]

Alltf flott fyrir vestan,  húsið þitt minnir á stubbahúsið, (teletubbies) æðislegt 

[Martha Elena Laxdal (IP-tala skráð) 1.8.2008 kl. 08:54]

Hjartans þökk fyrir aðstoðina í gærkvöldi og guðslaun til ykkar beggja þið björguðuð okkur alveg!  Góða verslunarmannahelgi

kv. Martha 

[Steingrímur Helgason, 1.8.2008 kl. 15:04]

Gratjúlera með pabba þinn, það erum bara við tillitsama gæðafólkið sem að eigum ammæli um Verzlunarmannahelgina.

[Emma Agneta Björgvinsdóttir, 1.8.2008 kl. 16:05]

flottar myndir

[Jakob Falur Kristinsson, 1.8.2008 kl. 17:27]

Við fyrstu sýn gæti maður haldið að allar myndirnar væru teknar einhverstaðar í Mið-Evrópu á góðviðrisdegi.  Svo gamla kempan hann Þórður Júl. er að verða 90 ár ég óska honum til hamingju með daginn.  Ísafjörðu væri öðruvísi í dag ef þeir bræður frá Atlastöðum hefðu ekki framkvæmt allt það sem þeir gerðu.  Brutust úr sárri fátrækt til að verða stórútgerðarmenn.  Þetta voru og eru heiðursmenn sem allir eiga að bera virðingu fyrir.  En því miður er eins og sumt fólk viti ekki eða vilji ekki vita hvílíku grettistaki þessir menn unnu fyrir sitt byggðalag.  Og svo er alltaf stutt í abdskotans öfundina hjá mörgum.

[Margeir og fjölskylda Danmörku (IP-tala skráð) 1.8.2008 kl. 18:37]

Sæl Ásthildur Cesil.

Ég má til með að biðja þig að óska pabba þínum til hamingju með stórafmælið á morgunn(mánudaginn) frá okkur hér í Danmörku.

Við kíkjum svona annað slagið á síðuna hjá þér, sjá flottar myndir af landslagi og að sjálfsögðu að fylgjast með fjölskyldunni.

Kveðja frá Danmörku

Margeir, Hafdís og börn

[Dísa (IP-tala skráð) 1.8.2008 kl. 20:11]

Skemmtilegar myndir eins og vanalega. Skilaðu minni bestu kveðju til pabba þíns, ég vona að hann njóti dagsins. Það var nú oft gaman þegar við vorum að vinna hjá honum í draugahúsinu og við gátum fíflast þó við héldum áfram að vinna. Kveðja til systkinanna líka.

[Sigrún Jónsdóttir, 1.8.2008 kl. 21:39]

Til hamingju með pabba þinn og bestu kveðjur í Kærleikskúlu

[Rósa Aðalsteinsdóttir, 1.8.2008 kl. 23:29]

Sæl og blessuð Ásthildur mín.

Bloggið klikkaði og ég fór í leti á sama tíma. Búin að skoða bloggin þín. Þú ert dugnaðarkona og ekkert leti brauð á þínum borðum til að eta.

Myndirnar frá Ísafirði eru alveg magnaðar. Stelpurnar í þjóðbúningunum voru fyndnar. Er þetta nýjasta tíska eða þjóðbúningur Ísfirðinga?

Góða helgi og Guðs blessun

Kær kveðja/Rósa

[Ásthildur Cesil Þórðardóttir, 2.8.2008 kl. 09:21]

Takk öll, ég skila kveðjunum.  Lilja mín, það er örugglega hægt að fá salfisk sendan í póstkröfu.  En svo er hitt, það var bara vel til fundið hjá þér að skreppa hingað til að kaupa hann sjálf.  Þeir eru líka með hann í sérstkökum gjafaöskjum, sem eru vinsælar jólagjafir.  Og það er rétt hjá þér Jakob, það er allof stutt í öfundina.  Hehe Gló mín, Íbizafjörður er gott og vel við hæfi þessa dagana.  Og nú fer Mýrarboltinn á fullt.  Það er alltaf fjör þar.