Ferð á Patró og fertugsafmæli með stæl.

Eins og ég sagði ykkur held ég í gær þá var ég að fara í fertugsafmæli til elskulegrar stúlku, sem er bæði vinkona mín og svo barnsmóðir sonar míns og mamma ömmubarnsins míns hans Sigurjóns Dags dúllu.

en við byrjum í morgun, dagurinn í dag var fagur eins og aðrir, heitur sólríkur og dásemdin ein.

en Elli minn brá sér af bæ í gær, skrapp til Patreksfjarðar, þar er verið að vinna að lóð grunnskólans af miklum myndarskap og framsýni.  Gott hjá Patreksfirðingum.  Þetta minnir nu mest á aðaltorgið á Akureyri svei mér þá, nema ef til vill aðeins minna í sniðum.

Og mér sýnist unglingarnir á Patró, vera í svipuðum gír og börnin hér, gera lifið skemmtilegra fyrir bæinn sinn.

Þarna er líka trúður á ferð.   Patreksfirðingar upplifðu í fyrra að einhver skrifaði falleg bréf og setti hér og þar um bæinn.  Skemmtileg uppákoma.  Þeir hafa líka etið Refakjöt, og hafa ekki orðið samir síðan hehehehe... dálítið villtir held ég.

Skemmtileg hleðsla og tröppur.

Hér er svo yngsti sonur minn (örverpið) sá sem stýrir framkvæmdum þarna fyrir vestan.  Duglegur er hann blessaður.  En það er reyndar mikill hugur í Vesturbyggð, og þeir eru að græða upp  og gera góða hluti þar vestra.  Ég vildi bara að það væru betra vegasamband okkar í milli, svo við gætum átt meiri samskipti.  Það er gott fólk sem þarna býr.  Okkar fólk.

Hér kúrir Patreksfjörður, og eins og sjá má er sama lognið þar og hér. 

Fjöllin eru tignarleg hér vestra, það verður ekki af þeim skafið.

Lítið kúrir þorp undir fjallakögri.

Dulúð vestfirskra fjalla og samspil fjallanna, hafsins mikla og himinsins er óræð eins og tímans tönn, maður hlýtur að fyllast lotningu við slíka sjón.

En hér erum við komin í afmæli.  Elli minn stoltur milli tveggja barnsmæðra sona okkar, önnur gift sínum, hin í góðu vinasambandi.

Já það var nefnilega Júlli minn sem eldaði sína frægu fiskisúpu fyrir veisluna.

Undir tuttugulítra súpupott þarf sterklega undirmottu, þessi er ekki af verri endanum, enda frá honum sjálfum komin.

Já allt tilbúið til að skenkja gestunum, sem sumir höfðu komið alla leið frá Reykjavík í veisluna.

Út um eldhúsgluggan má sjá eina hlið bókasafnsins, eða gamla sjúkrahússins, og eins og sjá má, er aðeins innlögn þarna um sex leytið, en þegar á kvöldið leið, lagðist fáninn að stönginni, eins og til að bjóða henni innilegt faðmlag og góða nótt.

Og hér er súpan skenkt í þar til gerð brauðform, sem eru alveg frábær, og enginn þörf á diskum eða uppvaski. 

Flestir kusu að sitja úti af því að veðrið var svo gott.

Hér er að hefjast baráttan um brauðið, lítill stubbur og hundspott, sem báðir höfðu mikinn áhuga á súpubrauðinu hehehe.

Hann tók brauðið, ætlarðu ekki að hjálpa mér að ná því ??

Nei ég vil fá brauðið. 

Jamm það er ýmislegt að bralla fyrir litla stubba.

Og stubbur ef út í það er farið.  Evíta Cesil var þarna líka.

en það var mikið hlegið og mikið gaman í afmælinu í gærkvöldi.  Enda veðrið alveg dásamlegt.

Maður er nú ekki fertugur nema einu sinni. 

Sigga mín gerir aldrei neitt til hálfs, heldur fer hún alltaf alla leið.  Auðvitað réði hún hljómsveit til að leika fyrir gestina.  Og þeir voru bara góðir get ég sagt ykkur. 

Halló amma heyrðist svo kallað úr næsta garði, og ójú, þarna ég ég nokkur krýli, og afi greinilega búin að finna þau. 

Hér er svo afmælisbarnið að slá í gegn, hún söng lög með Bubba, og strákarnir kláruðu sig fínt með það.  Hér tekur hún Fjöllin hafa staðið hér í þúsund ár, eða what ever.  Og hún söng af innlifum og krafti sem margir mættu öfunda hana af. 

Hér tekur hún annað Bubbalag ef ég man rétt var það serbin með frænku sinni.

Auðvitað leiddist gamla brýnið út í að taka lagið, hér erum við að syngja eitthvað sem allir kunna, fjöldasöng eða þannig.  ég og mamma hennar Siggu.

Þessi er ótrúlega fyndinn þarna tókum við Cotton Fields hehehehehe.. sjáði innlifunnia

svo var auðvitað sungið Hvað er svo glatt, svona þegar ákveðnu stigi var náð, eins og gengur, annars værum við nú ekki íslendingar

Hér erum við svo afmælisbarnið og ég eitthvað að syngja saman. Samt ekki Bubba, því ég kann ekkert eftir hann

endum svo þennan afmælispistil á mynd sem var tekin í morgunn. 

Elsku Sigga mín, þetta var meiriháttar afmæli hjá þér í gærkvöldi.  Og vel heppnað.  Það var yndilegt að sjá alla ættingjana sem lögðu leið sína hingað frá Reykjavík til að eiga með þér góða stund.  Og svo voru nágrannarnir þarna líka.  Innilega til hamingju með öll þín 40 ár.  Þú ert gull og gersemi, sem margir mættu læra mikið af. Því þú ert heilsteypt manneskja,  ef til vill á of mikill ferð gegnum lífið, eða eins og þú sagði í gær, þegar einhver benti á einhvern sem væri jafngamall og þú, já ég veit, sagði þú, en ég hef örugglega farið langt fram úr honum á hlaupunum um árin

En gull af manni, og þeir sem eiga þig að, geta gengið að því vísu.  Í dag er það raunar sífellt að verða sjaldgæfari eiginleiki því miður.  Knús á þig elskulegust og enn og aftur takk fyrir mig. 

Athugasemdir

[Ásthildur Cesil Þórðardóttir, 27.7.2008 kl. 18:06]

Knúsíknú Búkolla mín. 

[Jóhann Elíasson, 27.7.2008 kl. 18:11]

Ég held bara að maður verði betri maður af að umgangast þig og fari að sjá lífið í öðru ljósi.  Þetta hefur verið stórkostlegur dagur.  Ég er alltaf að verða hrifnari af fiskunum hans Júlla.

[Ásthildur Cesil Þórðardóttir, 27.7.2008 kl. 18:26]

Jóhann minn takk fyrir þessi orð.   Já þetta var bráðskemmtilegt kvöld hjá henni Siggu dýra, eins og við köllum hana, því hún er jú dýralæknir sem sinnir öllum kjálkanum eins og hann leggur sig, og bara fjandi góð sem slík.  Og nú á að leggja embættið niður.  Fólk á bara að hringja í Borgarnes ef dýrin þeirra veikjast.  Sniðugt ekki satt  ? það er jú sparnaður fyrir ríkið. 

En jamm fiskarnir hans Júlla eru bara rosalega flottir, þó ég segi sjálf frá   Þessi fiskar hefðu aldrei litið dagsins ljós ef líf hans hefði ekki umbreyst fyrir góðra manna hjálp, Krýsuvíkin var upphafið, og svo brotthvarf sýslumannsins sem nú situr á Selfossi.  Og tilkoma annars yndislegt sýslumanns, konu sem var manneskja með hjartað á réttum stað.  Og svo nokkrir aðrir sem eiga heiðurinn af hans upprisu.  Hún er skráð á himnum, að öðru leyti. 

[Steinunn Helga Sigurðardóttir, 27.7.2008 kl. 18:33]

frábærar myndir, þvílík innlifun í söngnum !

Kærleikur til þín flotta kona

steina 

[Ásthildur Cesil Þórðardóttir, 27.7.2008 kl. 18:39]

Hehehehe Steina mín, jamm það má segja það  Knús á þig elskuleg mín.

[Kristín Katla Árnadóttir, 27.7.2008 kl. 18:47]

Flottar myndir og þvílík innlifun, það hefur veri mikið fjör hjá ykkur.

[Rósa Aðalsteinsdóttir, 27.7.2008 kl. 19:04]

Sæl og blessuð Ásthildur mín.

Búin að kíkja á færslurnar hér fyrir neðan. Evíta Cesil var flott þar sem hún var að hjálpa til við grillið. Til hamingju með afmælisbarnið og ferðina til hennar á Patró. Alveg sammála að það þarf að laga vegina á Vestfjörðum og það strax 

Guð veri með þér dugnaðarkona.

Kær kveðja/Rósa

[Sigga (IP-tala skráð) 27.7.2008 kl. 19:07]

Hæ hæ elsku Ásthildur mín. Takk fyrir allt í gær . Það var alveg geggjað fjör.

[Jenný Anna Baldursdóttir, 27.7.2008 kl. 19:35]

Djö... töffarar eruð þið kjéddlur í Bómullarökrunum.  Úje.

Flott fólk.

Er Björk Vilhelms einn af gestunum eða einhver sem líkist henni?

Knús.

[Magnús Geir Guðmundsson, 27.7.2008 kl. 21:21]

Kýs þig Myndasmið ársins, eða Bloggsins númer 1! Allavega óvíða fleiri!

En mín kæra, torgið hér í bæ er alltaf nefnt Ráðhústorg.

[Huld S. Ringsted, 27.7.2008 kl. 21:22]

Haha Þið eruð ekkert smá flottar þarna í söngnum, mikil innlifun í gangi!

Knús

[Ásthildur Cesil Þórðardóttir, 27.7.2008 kl. 21:27]

Jamms Huld mín, við erum náttlega flottastar

Takk Magnús minn, ókey ókey ráðhústorg hvorki meira né minna. Knús á þig.

Veistu Jenný mín að ég hef ekki glóru um gestina þarna.   

Jamms Sigga mín, þetta var algjörlega geggjað.

Takk Rósa mín,  Knús á þig elskuleg mín

Takk katla mín hehehehe

[Heiða Þórðar, 27.7.2008 kl. 22:02]

hjarta inn í nóttina

[Ásthildur Cesil Þórðardóttir, 27.7.2008 kl. 23:25]

Anna mín jamm ég viðurkenni að ég tók ekki þessar myndir, það gerði minn heitt elskaði.   það er því alveg eitthvað sem ég get sætt mig við að vera leiðrétt með myndirnar.  Bara hafðu hjartans þökk fyrir.

[Ásdís Sigurðardóttir, 27.7.2008 kl. 23:40]

Líf og fjör að vanda þar sem þú ert á ferð mín kæra   þið hafið aldeilis átt góða helgi.  Góða veðrið hefur greinilega verið hjá ykkur lika.  Hafðu það gott elsku Ásthildur

[Þórarinn Þ Gíslason (IP-tala skráð) 27.7.2008 kl. 23:54]

 Sæl Ásthildur mín

Já, en og aftur er myndasagan mikil inlifun og ekkert mél að færa sig sunnar á kjálkann. Mér fannst alltaf svoldið skrýtið að spila á Patró í den. Minningin lifir.

Takk fyrir Ásthildur,og hafi allir það sem best.

[Steingrímur Helgason, 28.7.2008 kl. 00:50]

Ég lýg því lítt að ég táraðist af hlátri, við lestur & sjónhrif þezzarar færzlu,

[Helga skjol, 28.7.2008 kl. 08:50]

Snilldarmyndir og engin smá innlifun þarna á ferð þegar sungið var

Knús á þig

[Ásthildur Cesil Þórðardóttir, 28.7.2008 kl. 08:57]

Sömuleiðis Ásdís mín.  Og knús á hann pabba þinn með von um góðan bata.

Já Þói minn, þó það sé langt að fara þetta núna, þá var það ennþá lengra hér áður. 

hehehe Steingrímur minn. 

Knús á þig á móti Helga mín. 

[Hrönn Sigurðardóttir, 28.7.2008 kl. 09:02]

Mér finnst vanta þarna mynd af yfirkrúttinu!! ;) Annars bara nokkuð sátt við þessar myndir hjá þér

Ég er skotin í þessum steinaplöttum! Hver veit nema ég leggi inn pöntun...? 

[Ásthildur Cesil Þórðardóttir, 28.7.2008 kl. 09:13]

Yfirkrúttið var fjarri góðu gamni.  Var sendur í sveit yfir nóttina   Þessir plattar virðar hafa fallið í góðan jarðveg. 

[Kidda (IP-tala skráð) 28.7.2008 kl. 09:23]

Hefði viljað vera í nálægð og hlusta á sönginn.

Vestfirðirnir eru alls staðar jafnfallegir, minn uppáhalds landshluti þrátt fyrir sumar heiðarnar. En vegirnir og heiðarnar hafa lagast mikið síðan ég kom fyrst vestur.

Knús

[Sigrún Jónsdóttir, 28.7.2008 kl. 09:47]

Lifandi myndir að venju frá þér Ásthildur mín.  Knús á þig inn í daginn.

[Ásthildur Cesil Þórðardóttir, 28.7.2008 kl. 09:51]

Já einmitt Kidda mín, vegirnir hafa skánað.  En það mættu vera fleiri göng og brýr til að stytta leiðirnar.  Já söngurinn hann var örugglega spes

Knús á þig líka Sigrún mín inn í þennan dýrðardag. 

[Helga Magnúsdóttir, 28.7.2008 kl. 10:28]

Þetta hefur verið meiriháttar afmæli. Rosalega er hann myndarlegur hann yngsti sonur þinn, fær miðaldra konur eins og mig til að staldra vel við myndina af honum.

[Ásthildur Cesil Þórðardóttir, 28.7.2008 kl. 10:56]

Hehehe Helga mín.  Já hann er flottur strákurinn.

[Margrét St Hafsteinsdóttir, 28.7.2008 kl. 12:25]

Þetta var sko skemmtilegt afmælisblogg og myndirnar óborganlegar  Það er gott að sjá fólk lifa sig inn í það sem það gerir  Flottir strákarnir þínir

[Lilja Guðrún Þorvaldsdóttir, 28.7.2008 kl. 12:42]

Skemmtilegar myndir, og aldeilis frábært að sjá svona magnaða tjáningu skína út úr andlitum og fasi söngvaranna. - En steinplatan undir pottinum er eitthvað sem ég mundi vilja eiga.-

[Sigrún Þorbjörnsdóttir, 28.7.2008 kl. 14:43]

Sannarlega flott veisla, og mmm..namminamm..ég finn alveg lykt af fiskisúpunni. Plattarnir hans Júlla eru mjög fallegir, get vel hugsað mér að eignast platta eftir hann. Þið eruð algjör listafjölskylda, rosaflott sem Elli er að gera. Og þú náttla laaangflottust að syngja  

[Ragnheiður , 28.7.2008 kl. 15:04]

Kyrrðin í myndunum er einstök.

Ég las í FB eitthvað um risahvönn, áttu nokkuð í safni þínu mynd að þessum óþægðaranga, ég er með grun um að þetta sé hér hjá mér.

[Ásthildur Cesil Þórðardóttir, 28.7.2008 kl. 17:10]

Já Ragnheiður mín, ég er með myndir. 

Takk SIgrún mín. Já þeir eru flottir plattarnir hans Júlla míns.

Hehehe Lilja mín, jamm maður gerir þetta af innlifun

Takk Margrét mín.

[Bjarni Kjartansson, 29.7.2008 kl. 15:17]

Veistu hvað er sameiginlegt með Patró, bíldudal og kvenmannslærum????

Ha?

Veistu það?

Að vera á milli þeirra

Það sögðum við í það minnsta á Tálknó í denn.

[Marta Jónsd. (IP-tala skráð) 30.7.2008 kl. 01:06]

Gaman að sjá myndir frá Hlíðarveginum. Þegar ég var lítil stóð ég oft í þessum eldhúsglugga og horfið á sjúkrahúsið eða stóð með afa þar sem hann gáði til veðurs. Flestar minningar mínar frá því ég var lítil hverfast á einhvern hátt í kringum þetta stóra hús.

Ég labbaði einmitt þarna fram hjá um helgina og glápti á húsið og hugsaði um gamla tíma og reyndi að ímynda mér hvernig væri umhorfs þarna núna.

Vona að þau njóti hússins vel.

Kveðja.