Svona til umhugsunar.

Var að lesa 24 stundir frá því í gær í morgun.  Það stendur;

Síbrotamaður fær nýjan dóm.

Héraðsdómur Reykjavíkur dæmdi í gær 25 ára gamlan karlmann í 18 mánaða fangelsi fyrir fíkniefnalagabrot og umferðarlagabrot.  með brotum sínum rauf maðuirnn skilyrði reynslulausnar, en hann hefur áðurhlotið fjölda dóma.

Hann játaði skýlaust brot sín.  Maðurinn var nú dæmdur fyrir vösrlu á 31 gr af amferamíni, 2gr af marijúana og 14 gr af kókaíni, auk þess að hafa ekið bíl án þess að hafa endurnýjað ökuréttindi sín.

 

Ég heyrði þetta líka í útvarpinu. 
Það sem ég vil segja er þetta.  Er einhver til hér á landi sem er svo skyni skroppinn, að halda að svona dómar bjargi þessum unga manni frá síendurteknum brotum ? Er einhver sem ímyndar sér að hann fái einhverja aðstoð við að takast á við líf sitt í fangelsi ? 

Það þarf engra vitna við um að þessi blessaði maður er forfallinn fíkniefnaneytandi.  Og þetta sem hann var með, hefur hann útvegað sér til eigin neyslu eða til að selja öðrum.  Þessi maður er fórnarlamb.  Í stað þess að taka hann endalaust og færa í fangelsi, þá ætti hér nú að vera til staðar lokuð meðferðarstofnun, þar sem hann yrði dæmdur til að vera í 18 mánuðina.  Þar yrði tekið á hans fíkniefnavanda.  Hann fengi aðhlynningu, og kennslu í því að lifa reglulegu lífi hérna meginn við ógnarheim fíkniefnanna.  Mér þykir nefnilega nokkuð ljóst að þangað hefur hann ekki komið lengi.  Sennilega hefur hann lifað á innbrotum til kaupa á efnum. 

Hvað ætli hann sé búin að kosta ríkið og einstaklinga með athöfnum sínum, sem hann hefur enga stjórn á. 

Ég tek það fram að ég þekki þennan mann ekki neitt.  En ég þekki svona aðstæður, og ég þekki þá vanlíðan sem þeir sjáfir ganga í gegnum, en svo eiga þeir líka foreldra, og systkini, sem þjást.  Það getur orðið svo slæmt að aðstandendur þola ekki lengur álagið og útiloka einstaklinginn algjörlega, út úr neyð.  Aðrir þurfa róandi pillur til að lifa álagið af. 

Ég segi bara; það er ekkert vit í þessum dómi.  Og það er ekkert sem þar gerist nema að viðhalda ástandinu.   Það er ef til vill smávon, nú þegar Margrét Frímannsdóttir hefur breytt um aðferðir við fanga, sem er hið besta mál.  En það verður aldrei sami hluturinn og lokuð meðferðarstofnun.  Þangað sem hægt er að hreinlega dæma menn inn á, þegar allt um þrýtur, þegar allar dyr eru lokaðar, og enginn vill taka við einstaklingnum vegna neyslu hans.  Og enginn meðferðarstofnun getur haldið honum inni eins og ástandið er í dag.

Vaknið upp ráðamenn, og farið að gera eitthvað annað, hugsa dæmin öðruvísk.  Þið eruð að berja hausnum við steininn. 

Það er hægt að bjarga öllum, með réttu hugarfari og réttum útbótum.  Hvað haldið þið að séu margir þarna úti, sem eiga svona syni og dætur ?  Og hvernig haldiði að þeim líði, verandi aldrei viss hvað verður næsta skref.  Dauðinn liggur alltaf í leyni. 

Reynið að koma því inn í ykkar koll, að fangelsi eiga ekki að vera geymslustaðir fyrir fíkla.  Þau eiga að vera fyrri ofbeldismenn og menn sem vitandi vits eru ekki hæfir í mannlegu samfélagi.

Fíklar eru annarskonar fólk.  Fólk sem ekki getur lengur stjórnað lífi sínu, hvað þá ákveðið að fara í meðferð og standast hana, þegar svona er komið.  Hér þarf einhverja utanaðkomandi hjálp.  Og hún er einföld.  Húsnæði sem hægt er að setja þetta fólk inná, og sleppa þeim ekki út fyrr en þeir hafa hlotið sína endurhæfingu, og kennslu í mannlegum samskiptum.  Oftast er þetta yndælis fólk, sem hefur fallið ofan í helvíti, vegna lyga og áróðurs.  Það þ.e. lygararnir og áróðursmeistararnir, sölumennirnir og þeir sem fjármagna kaupinn er fólkið sem þið eigið að fylla fangelsin með.  Þar eru hinir raunverulegu glæpamenn. 

Þetta fólk er það ekki, heldur fórnarlömb. 

Athugasemdir

[Jóhann Elíasson, 27.7.2008 kl. 12:55]

MJÖG góður pistill ég er honum svo algjörlega sammála og það eru örugglega margir aðrir.

[Jenný Anna Baldursdóttir, 27.7.2008 kl. 13:33]

Sammála.

[Sigrún Jónsdóttir, 27.7.2008 kl. 14:17]

Þetta er góður pistill Ásthildur mín, eins og þín var von og vísa.  Ég bind miklar vonir við störf Margrétar Frímanns á Litla Hrauni, og vona að í framhaldi af þessu reynsluverkefni hennar verði komið á "betrunarstofnun" fyrir fíkla.

[Kristín Katla Árnadóttir, 27.7.2008 kl. 15:36]

Ég er 100%  sammála þér Áshildur mín.

[Heiða Þórðar, 27.7.2008 kl. 15:48]

Algjörlega sammála darlingur

[Ásthildur Cesil Þórðardóttir, 27.7.2008 kl. 16:24]

Takk öll.  Þegar maður hefur gengið í gegnum þetta frá A til Ö, og sem betur fer eru bjartari tímar framundan hjá mér, þó ég geti aldrei verið viss.  Þá upplifi ég allt þetta helvíti þegar ég sé svona fréttir.  Því sagan á bak við svona frétt, er lík minni sögu.  Og mín samúð liggur bæði hjá fíklinum og aðstandendum hans.  Og ég segi það er ÖLLUM fyrir bestu að reyna allt til að koma þessu ólánsfólki upp á fæturna á ný.  Glæpum fækkar í kjölfarið, löggan getur farið að einbeita sér að raunaverulegum glæpamönnum, og það þarf ekki endalaust að fjölga þar.  Hinn almenni borgari ætti að vera óhultari í borginni.  Vegna þess að flestar árásir eru af hendi fólks sem er út úr heiminum af fíkniefnum.  Það þarf að fara að skoða upphafið og sjá endinn í ljósi hans.  Við getum bara ekki lengur látið þetta reka á reiðanum endalaust.  Hér þarf að taka hlutina föstum tökum, í sameiginlegu átaki allra sem málið varða, og þeir eru ansi margir ef út í það er farið.  Lögreglan, dómara, lögmenn, fangelsisyfirvöld, félagsmálayfirvöld, meðferðarstofnanir, geðlæknar, sálfræðingar, tryggingafyrirtækin, aðstandendur, fíklarnir sjálfir og hinn almenni borgari sem verður fyrir árásum.  Vandamál fíkils kemur inn á öll þessi borð fyrr en seinna.   Og það er ekkert smáræði. Svo hér þarf að fara að skoða málin í stærra samhengi, en gert hefur verið hingað til. 

[Ásdís Sigurðardóttir, 27.7.2008 kl. 16:51]

Jess, ég er sko 100% sammála líka. Hvenær ætli þetta lagist??  Kveðja í vestrið 

[Maddý (IP-tala skráð) 27.7.2008 kl. 17:19]

Sammála!

[Kidda (IP-tala skráð) 27.7.2008 kl. 20:24]

Það þarf í rauninni að umbylta öllu í sambandi við fíklana okkar. Hraunið er ekki staðurinn fyrir þá flesta. Það gefur alveg auga leið að ef td löggan hirðir af þeim neysluskammtinn þá vantar þeim pening fyrir öðrum skammti. Og hver er auðveldasta leiðin? Það er þjófnaður sem er einfaldastur fyrir þá. Ég er samt alls ekki að afsaka þá á neinn hátt. Það þyrfti að vera meðferðarheimili þar sem þau eru dæmd til að vera á. Eins vantar nauðsynlega bráðainnlögn, en ekki eina nótt á 33a.

Margir þessarra einstaklinga eru orðnir svo skemmdir af neyslu og því að það vantar að auðveldara sé að svipta fíklana sjállfræði og hreinlega neyða þá í lokaða langa meðferð. 

Knús vestur

[Guðrún Vestfirðingur (IP-tala skráð) 27.7.2008 kl. 20:42]

Þessu hef ég haldið fram í mörg ár. Það er ekki dýrara fyrir þjóðfélagið að senda þetta bráðveika fólk í lokaða meðferð í 18 mánuði heldur en fangelsi í 18 mánuði. Stolt af þér Ásthildur

[Margrét St Hafsteinsdóttir, 28.7.2008 kl. 13:01]

Ég er algjörlega sammála þér Ásthildur mín og takk fyrir frábæran pistil.  Það er allt of mikið notað af fangelsisúrræðinu í staðinn fyrir að beyta öðrum aðferðum og uppbyggilegri.