Móðirin mikla og dulúðuga.

Það var rosalega flott birtan í morgun, og draumórum líkust.

Þessi sérkennilegi blámi, sem þýddi að sólin var um það bil að bræða af sér þokuna.

En hún lá inn með firðinum, eins og draumórar.

Það var eins og lýsti af fjöllunum.

Og allt var hljótt, nema fuglarnir sungu sinn morgunsöng.

Þetta er eins og maður sé milli svefns og vöku og sé horfinn inn í drauminn, sem mann dreymdi um nóttina.  Maður heyrir grasið vaxa, ánamaðkana skríða milli hola, og blómin springa út.  Söngur móður jarðar.

Þetta er vonandi ekki mengun frá skipinu  Nei reyndar ekki, en reykurinn frá strompnum stendur beint upp í loftið í þessu venjulega Ísafjarðar logni.

Svo fer að rofa til, maður byrjar að heyra í bílum, og umferðin vaknar til lífsins, maður er ekki lengur einn í draumaheimi, heldur hefur bæst annað fólk í hópinn.

Og bærinn fullur af ferðalöngum, sem hafa borgað stórfé fyrir að fá að koma og heimsækja okkur sveitavargana.

Já skýin gerast viltari, og gallerí himin opnast upp á gátt í allri sinni fegurð.

Hér er gyðjan góða að snúa skýjunum í kring um fjallið sitt, hún er sennilega að auka kraft sinn, sogar til sín orkuna, nýtir hana sjálf og gefur svo okkur ástvinum sínum stóran hluta af henni.

Ekki veitir af, því margir eru tilkallaðir.

Og það er ekki bara kajaknámskeið, goflnámskeið hér er líka gerfigrasvöllurinn nýttur í leikjanámskeið.  Bærin iðar af börnum í leik og starfi, og frábæru ungu fólki, sem stendur fyrir allskonar kennslu og þjálfun á ungviðinu.

en ég faðma mitt gullregn og fer svo að horfa á Frost.  Góða nótt elskurnar, friður sé með ykkur öllum, og ég sendi ykkur orkuna frá Gyðjunni í Kubbanum. 

Athugasemdir

[Hulda Bergrós Stefánsdóttir, 16.7.2008 kl. 20:20]

Takk fyrir daginn

[Kristín Katla Árnadóttir, 16.7.2008 kl. 20:27]

Dásamlegir draumar og fallegar myndir knús inn í nóttina elsku Ásthildur mín.

[Jóhann Elíasson, 16.7.2008 kl. 20:45]

Ég get ekki orða bundist myndirnar eru himneskar.  Góða nótt.

[Helga Magnúsdóttir, 16.7.2008 kl. 20:49]

Dásamlegar myndir og flott færsla. Þetta er eins og fallegt ljóð.

[Jenný Anna Baldursdóttir, 16.7.2008 kl. 21:08]

Yndislegar myndir, og ég féll fyrir "draumórunum" í loftinu.  Mikið skelfing gæfi ég mikið fyrir að hafa mína draumóra í skýjunum í staðinn fyrir á fullri ferð í hausnum á mér.

Góða nótt.

[Guðsteinn Haukur Barkarson, 16.7.2008 kl. 22:45]

Sæl Ásthildur mín,

Ég var að setja saman undirskriftarlista til stuðnings Ásmundar Jóhannssonar, sem ég mun svo afhenda stjórnvöldum þegar að því kemur.

Hann er að finna hér http://www.petitiononline.com/mod_perl/signed.cgi?asmundur 

Fyrrigefðu að þetta kemur greininni einni ekkert við, en ég veit að þú tekur vel í þetta. 

[Brynja skordal, 16.7.2008 kl. 22:57]

Fallegar eru myndirnar og Falleg kona sem stendur þarna og faðmar sitt Gullregn hafðu Góða nótt Elskuleg

[Sunna Dóra Möller, 16.7.2008 kl. 22:58]

Góða nótt

[Sigrún Jónsdóttir, 17.7.2008 kl. 00:15]

Það er ekki amalegt að koma heim úr vinnu en vera samt aðeins fyrir  vestan í smástund fyrir svefninn.  Takk fyrir mig kæra Ásthildur

[Anna Ólafsdóttir (anno) (IP-tala skráð) 17.7.2008 kl. 00:26]

Mikið geta ský verið heillandi myndefni. Kveðja til þín

[Þórarinn Þ Gíslason (IP-tala skráð) 17.7.2008 kl. 03:53]

Sæl Ásthildur mín.

Flott sýnishorn af veðraskiftum!

Þetta kannast ég svona mest við, nema ekki skemtiferðaskipið þar sem það  er.

Heldur átti sér stórratburður sér stað sem það  er á myndinni í den.----seinna!

Takk fyrir.

[Helga skjol, 17.7.2008 kl. 08:04]

Yndislegar myndir hjá þér eins og alltaf Ásthildur mín. Hafðu góðan dag mín kæra

[Rósa Aðalsteinsdóttir, 17.7.2008 kl. 08:59]

Sæl Ásthildur mín.

Hef verið í bloggleti. Búin að skoða og skoða færslurnar þínar. Flottar myndir og gaman að sjá fólkið og allt lífið á Ísafirðinum góða og í nágrenni.

Guð gefi þér góðan dag.

Kær kveðja/Rósa

[Ásthildur Cesil Þórðardóttir, 17.7.2008 kl. 09:38]

Góðan dag til þín líka Rósa mín.

Takk Helga mín.

Þói maður þarf að segja B á eftir A hvaða stóratburður ? maður verður forvitinn

Takk Anna mín.

Gaman að gleðja þig Sigrún mín.

Góðan dag Sunna Dóra mín.

Takk Brynja mín.

AUðvitað Haukur minn, þessi maður er hetja. 

Hehehe Jenný, þessir draumórar skila sér of í snilldarfærslum hjá þér.

Takk Helga mín.

Takk fyrir það Jóhann minn.

Hallgerður, ég lifi í draumi, hehehehe...

Knús á þig líka Katla mín.

Sömuleiðis Hulda mín.