Dýrafjarðardagar.

Það fór fyrir mér eins og kerlingunni, sem fór út í búð til að kaupa brauð, og kom svo heim með allt nema brauðið.

Ég fór á Þingeyri, til að sjá einleik, það var fólk að bíða við félgsheimilið, og þegar ég leit inn, voru menn að gera klárt fyrir sýninguna.

Og fólkið beið fyrir utan eftir sýningunni.

Þar á meðal einn flottur víkingur

Í fullu skrúða. 

En svo ætlaði ég rétt að skjótast niður í bæ til að drepa, eyða, klára, vinna tímann hehehehehe, og þegar ég kom til baka, var bara allt yfirstaðið.  Ég vona að mér fyrirgefist það.  En ég er ákveðnari nú en nokkru sinni að fylgjast betur með þessu frábæra fyrirbæri Act alone á næsta ári. 

Svona var veðrið í morgun, dálítið dularfullt og þoka.

Hitinn dregur þokuna inn til landsins, og svo er spurning um hve duglegt sólin er að hrekja þokuna burtu.

Þessi prinsessa kom til mín í gær að kaupa blóm, hún var einmitt að dansa á Act alone hátíðinni. Náttúrubarnið Anna Sigga.

Flottust, og í prinsessukjól, þar sem hún kom beint úr dansinum, til mín.

Og lyngrósin mín, Catavbiens Grandiflora er að blómstra, ég get svo svarið það, hún er líka flott og fíin.

Brandur er líka svona í einleik.  Elvar Logi heldurðu að hann fái ekki hlutverk í næstu hátíð ?

Þetta gerir náttúrulega endanlega út um hve mikill skapgerðarleikari hann Brandur er sko

En skemmtiferðaskipin eru byrjuð að koma, og ég hugsa að farþegar og áhöfn á þessu skipi, nálgist að var sama tala og íbúarnir hér.

Svona var útlitið fyrst í morgun.

Og hér liggur óvættur yfir húsunum á Ísafirði, hann breiðir út sína köldu vængi, og þyrmir yfir íbúana.  Svona þarf að særa í burtu sem fyrst.

Sjáið svo hvað er að gerast hér í Hnífsdal, þarna eiga göngin að koma til Bolungarvíkur, og það er bókstaflega verið að ryðja niður öllum jarðvegi á svæðinu, þetta eru hrikalegar gjörðir.

Ekki kæmi mér það neitt á óvart, þó þessi bíll stæði í beinu sambandi við Act alone hátíðina.  Flottur er hann.

Hér blasa vestfirsku alparni við.  Hrikaleg fegurð, og þarna kúrir Þingeyri undir Sandafellinu.

Já við erum nefnilega komin á Dýrafjarðardaga.

Þar er náttúrlega mikið um dýrðir og hoppikastalar fyrir börnin, sem ekki létu sitt eftir liggja.

Og hér erum við komin í Víkingabúðir.  En hér eru þeir staðsettir.

Best að fara að þeim með gát.  Reyndar eru þeir elskulegt fólk, þegar nánar er að gáð.

Hér er verið að baka klatta upp á gamla móðinn.

Og járnsmiður að berja til járn, með fýsibelg, þessi ungi maður var til þess ráðinn að pumpa belginn.

Margir fallegir gripir voru hér á boðstólum, meðal annar rúnir og verndargripir.  Allt heimagert og fallegt.

Svo og prjónales og slíkt.

Mitt í öllu þessu frábæra íslenska efni, var svona suðræn rós, með ljúfan blæ frá fjarlægu landi.

Flott stelpa, með flottar peysur.

Allt heimagert og handskorið.  Maður fyllist aðdáun á verklagni og listfengi þessara ágætu kvenna, sem hér voru með sínar vörur.

Alveg sama hvar borið er niður.  Það er virkilega gaman að þessu.

Hér var sko verið að baka vöfflur, og ekki var betur séð en að menn kynnu vel að meta afturðirnar.  Þær eru flottastar..

Og svo kvenfélagið að selja kökur.

Já Dýrfirðingar tóku allir þátt, og það var virkilega gaman að koma þarna við og skoða það sem á boðstólum var.  Ég sá lika fullt af ísfirðingum, sem þarna voru að sækja heim Dýrafjörð, og upplifa skemmtunina með heimafólki.

Varð að setja þessa mynd inn, eitthvað svo þríeykisleg.

Ef mér skjátlast ekki því meir, ætti margir að kannast við þessa fallegu stúlku.

Og sumir vildu einfaldlega bara fara á hestbak, það er gott að riða út á þessu svæði.  Enda nóg um reiðleiðir.

Þá var komin tími til að yfirgefa Þingeyri og Dýrfirðinga.  Það var virkilega gaman að líta við. Kæra þakkir fyrir mig elskulega fólk.  Og til hamingju með þessa Dýrafjarðardaga.

Og maran hvílir ennþá yfir Ísafirði, svei mér þá.

Mitt í allri þenslunni og erfiðleikunum, er hér að rísa stórbyggð.  Þar ríkir stórhugur og enga áhyggjur af lánum, eða vaxtavöxtum.  Hér ríkir gleðin ein.  Bara að við lærðum að lifa eins og börnin, að láta hverjum degi nægja sína þjáningu.  Segir ekki einhversstaðar; verið eins og fuglar himinsins, ekki safna í kornhlöður, heldur látið hverjum degi nægja sína þjáningu.  Allt það sem þið eigið hér á jörðínni getið þið ekki farið með ykkur yfir á hinar endalausu veiðilendur. Þangað farið þið bara með ykkur sjálf....... eða þannig var inntakið, og hugsunin.  Elskuleg mín, ég átti yndislegan dag, og það var svo gaman að fara og sjá og upplifa þetta frábæra fólk og það sem það var að gera.  Ég segi bara takk fyrir mig.  Það er svo margt sem er að gerast allstaðar kring um landið, hugvit, verksvit, kærleikur og samfélög sem virka.  Það gefur manni trú á mannkynið að upplifa það.  Takk fyrir mig.

Athugasemdir

[Linda Linnet Hilmarsdóttir, 7.7.2008 kl. 00:41]

Takk takk fyrir mig elsku ljúfa,alltaf jafn skemmtilegar myndirnar hjá þérknús inn í nóttina og bestu kveðjur

[Ragnhildur Jónsdóttir, 7.7.2008 kl. 00:44]

Það er aldeilis alltaf nóg um að vera hjá ykkur. Mann langar alltaf vestur þegar maður les bloggið þitt Ásthildur

[Laufey B Waage, 7.7.2008 kl. 00:50]

Þú verður greinilega að gera aðra tilraun til að sjá þessa sýningu.

[Rósa Aðalsteinsdóttir, 7.7.2008 kl. 01:12]

Sæl og blessuð.

Flottar myndir frá Dýrafirði. Það var svo gaman að sjá fréttir frá þeim. Engin barlómur þarna.  Glæsilegt framtak.

Þokan er duglegri hér en sólin og ég sé á myndunum frá þér að þið sleppið vel miðað við okkur og vonandi verður þokan grá ekki að bögga ykkur.

Guð veri með ykkur.

Kær kveðja/Rósa

[Jóhann Elíasson, 7.7.2008 kl. 03:20]

Það er auðséð að ekki líður Brandur neinn skort.  Alltaf eru myndirnar þínar frábærar og segja meira en þúsund orð og frábær texti sem þú setur með þeim.

[Helga Kristjánsdóttir, 7.7.2008 kl. 03:40]

Er búin að eyða2tímum í að skoðamyndirnar að vestan þótt ég sé ekki sérstaklega á skrá hjá þér verð ég að gera mig heimakomna og þakka fyrir þetta afbragðs efni.ER fædd og alin upp í Dýrafirði það skýrir ákafann vilja minn að ´segja þér að þetta gladdi gamalt hró!!!

[Jenný Anna Baldursdóttir, 7.7.2008 kl. 07:32]

[Kristín Katla Árnadóttir, 7.7.2008 kl. 09:39]

[Sigrún Jónsdóttir, 7.7.2008 kl. 11:29]

Þá get ég sleppt Dýrafirðinum, nei segi bara sisvona, átti 3 yndislega vetur á Núpi hér í den, ógleymanlegar minningar, svo ég hef sterkar taugar til þessa gamla nágrannafjarðar og fólksins þar.

Legg sennilega íann á morgun ef skipulagið hjá stóru systur nær fram að ganga

Knús á þig Áthildur mín

[Ásthildur Cesil Þórðardóttir, 7.7.2008 kl. 12:33]

Knús á þig líka Sigrún mín,  Já það ætti allt að vera á fullu við undirbúning Sæluhelgarinnar. 

Knús á þig Katla mín.

Og Jenný

Vertu bara velomin hingað Helga mín. 

Takk Jóhann minn, jamm Brandur er flottur. 

Rósa mín, nú er drunginn komin hingað.  Vonandi nær sólin samt að þoka þessu burtu. 

Laufey mín, já ég þarf örugglega að gera aðra tilraun til þess.

Þú ert velkomin Ragnhildur mín.

Takk Linda mín.  

[Magnús Geir Guðmundsson, 7.7.2008 kl. 16:41]

Landið allt nánast í þoku, eða hennar gætt víðast hvar á því.

Minna varð hins vegar út hitabylgjunni sem átti víst að gleðja margan landsmanninn líka.

[Helga Magnúsdóttir, 7.7.2008 kl. 19:55]

Glæsilegar myndir hjá þér og þér hefur greinilega ekki leiðst um helgina. Knús á þig.

[Hulda Bergrós Stefánsdóttir, 7.7.2008 kl. 22:50]

Mér dettur bara lítill lagstúfur í hug: Það vantar spýtur og það vantar sög það vantar málningu og fjörug lög

En greinilega ekki fyrir vestan

[Sigrún Þorbjörnsdóttir, 7.7.2008 kl. 23:27]

Mér finnst eins og það sé að aukast svona alls konar menningarviðburðir um allt land (nema ég sé kannski bara nýbúin að fatta það...) og þá er um að gera fyrir fólk að taka þátt í því svo þetta verði áfram. Þetta var nú samt ekki meint sem sneið til þín fyrir að gleyma þér, hahaha, það gengur bara betur næst

Takk fyrir skemmtilega myndasögu. Knús á þig

[Solla Guðjóns, 8.7.2008 kl. 00:36]

Það er alltaf af nógu að taka hér hjá þér.Virkilega gaman að skoða þetta

[Þórarinn Þ Gíslason (IP-tala skráð) 8.7.2008 kl. 04:59]

Sæl Ásthildur mín.

Frábærar myndir ,enn  eina ferðina og lýsingin þín á lífinu og börnunum getur ekki verið sannari.

Góðar stundir.

[Steinunn Helga Sigurðardóttir, 8.7.2008 kl. 10:20]

flott mannlíf á vestfjörðum !!!

Kærleikur yfir á mitt landið gamla

steina

[Ásthildur Cesil Þórðardóttir, 8.7.2008 kl. 11:46]

Já Magnús minn, þessi hitabylgja kom og fór. 

Nei Helga mín, mér leiddist ekki.

Nei Hulda mín.  það vantar víst hvorki sög né hamar hjá þessu unga fólki.

Takk Solla mín.

Takk Þói minn.

Já takk fyrir það Steinunn mín.   ekki veitir okkur af kærleiksóskum á þessum síðustu og verstu...

[Tiger, 8.7.2008 kl. 17:35]

 Það er endalaust gaman að skoða myndirnar þínar elsku Ásthildur mín! Þú nærð alltaf að fanga svo lifandi og eðlilegar stundir - svo maður bara dettur inn í það sem er að gerast hverju sinni.

Knús á þig mín ljúfasta og takk fyrir mig!

[Matthilda M. Eyvindsd Tórshamar, 8.7.2008 kl. 21:08]

Það er altaf gaman að koma hingað inn að skoða myndirnar hjá þér, myndin af Brandi í stólnum er þó lang flottust að mínu mati, enda mikil kattar kona með tvær kisur.

[Ásthildur Cesil Þórðardóttir, 8.7.2008 kl. 21:10]

Takk elsku TíCí minn.  Ljúfur eins og alltaf

Hehehehe já þetta er flott mynd af höfðingjanum sjálfum, letidýrinu mikla, og félagsverunni Brandi.