Ungverjaland - Szeget.

Szeget er borg á landamærlum Serbiu og Rúmeníu.  Þar búa um 300.000 þúsund manns eða jafn margir og á Íslandi.  Þetta er falleg borg, og stundum nefnd Litla París, vegna þess að fyrir 100 árum lagðist borgin í rúst, þegar Tizsafljótið flæddi yfir bakka sína og það fóru meira en þriðjungur allra húsanna.  Þá komu nágrannaríki til hjálpar, og aðstoðuðu við uppbygginguna.  Þykir borgin því margt minna á um París.  Göturnar sumar hverjar bera þess líka merki, því þar er hægt að finna Parísargötu, Vínargötu og svo framvegis.  Tizsa skiptir borginni í tvennt, en á hinum bakkanum, sem stendur hærra, eru nýrri byggingar og flottari hús, meira um einbýlishús og slíkt.

Mörg falleg hús, en ég er hér að dáðst að blóðbeykinu sem setur fallegan rauðan svip á götuna.

Í Ungverjalandi má drekka vatnið úr krönunum, það er samt ekki mjög gott á bragðið.  Hér í hjarta bæjarins er þessi brunnur, sem er greinilega ennþá í notkun, svo ekki er nú rennandi vatn allstaðar eða hvað ?

Karlarnir áttu að halda tónleika síðar um daginn, en þurftu að mæta á æfingu fyrst.  Þeir komu með fötin með sér, eða klæddir þeim, því það yrði ekki farið heim á hótel fyrr en eftir tónleikana.

Við kerlurnar aftur á móti gengum niður í miðbæinn til að skoða okkur um.  Að vísu höfðu þeir í stóru rútunni sem hafði komið um það bil tveimur tímum á undan okkar farið á bæjarrölt, því þeir komust ekki inn í sín herbergi frekar en við, fyrr en við komum.

Þessi fallegi gosbrunnur spilar eftir músik.  Hann er flottur.

Kvensur á bæjarrölti.

Við settumst svo niður á veitingastað og sumar fengu sér kaffi aðrar ís, ein fekk sér rauðvínsglas, ég nefni enginn nöfn, en fyrsti stafurinn er Ásthildur.

Jamm þetta var ósköp notalegt.

Þessi mynd er svo tekin af svölum herbergisins míns.

Eftir að hafa haft okkur svolítið til, héldum við á tónleikana að hlýða á okkar elskulegu eiginmenn. Hljómburðurinn var ekki nógu góður í húsinu, svo þeir rúlluðu öllum teppum í burtu til að bæta úr því, og þetta hljómaði bara vel.  Þó varð það svo að eftir hlé, þá fór ég að heyra svona aukaslög, sem ég hafði ekki orðið vör við áður, en áttaði mig svo á því, að hér var um þrumur og eldingar að ræða.

Það er svo gaman að horfa á gestina, þegar þeir byrjuðu að syngja Ungversku lögin, sérstaklega lagið sem þeir syngja á Ungversku.  Hér eru þeir að syngja um lata sígaunan.   Eitt lagið var eftir mann sem býr í Szeget, og var hann á tónleikunum.  Hann var svo kallaður upp á eftir og fékk gjafir, og var vel fagnað.  Tek líka fram að lagið hans Muguson Gamli vinur sló líka alltaf í gegn, enda gríðarlega flott lag.

Morgunin eftir fóru nokkrir að versla í stóru molli sem þarna var nálægt, Cora, en hinir fóru í göngutúr um söguslóðir í bænum.

eins og áður sagði eru hér margar fagrar byggingar og mikið skreyttar.

Dómkirkjan þeirra til dæmis.

Gamalt borgarvirki.

Sæt saman

Þetta eru ekki svona íslenskir kumbaldar, kassar með götum á, hér kunna menn að skreyta.

Já hér er þessi glæsilega dómkirkja í hjarta bæjarins eins og vera ber.

Hinu meginn við hana er svo stærska útileikhús í Evrópu.

Eða á maður að segja tvö leikhús hvort andspænis öðru, önnur með sömu gömlu söguna, hitt nýrra í  tímanum eða svona fram og til baka í tíðinni.

Svona hlutum taka steinhleðslumenn eftir.  Enda gífurlega flott og vel gert.

Hér er safn.  Mig minnir náttúruminjasafn.  En það er svolítið farið að fenna í förin hjá mér, því það hefur liðið of langur tími.

Hér rennur Tiszkafljótið rólega í áttina til sjávar.  Þarna hinu meginn á bakkanum er sólbaðsstaðurinn þeirra.

Sést betur hér, líka hvernig þeir skreyta alla staura með hengipelargoníum, rosalega flott gert.

Hér má svo sjá varnarvegginn sem byggður hefur verið meðfram allri borginni þar sem hún liggur að Tiszka.  Þarna má sjá nokkurnveginn hve hátt áinn fór fyrir 100 árum síðan.

Hér eru rómverskar rústir og neðsti hluti grunnsins um 1000 ára gamall.

Hér má sjá ýmsa muni sem grafnir hafa verið þarna upp.

Falleg mynd af ánni.

Hér má sjá bút af uppstigi í varnarveggnum, þar sem hlerum er rennt inn í ef flóð kemur í ána.  Veit ekki hvaðan Che Che kemur þarna við sögu.

Hér sést þetta betur.

Og hér eins og annarsstaðar skera menn nafn elskunnar sinnar í tré.

Hér stendur svo minnisvarði um þessar hrikalegu náttúruhamfarir.

En við erum komin inn í garð hjá fjölskyldunni hennar Beötu Jo.  þar voru veitingar á boðstólum.  Þar var boðið upp á margt, meðal annars heimabruggaðan snafs.

Menn gæddu sér á bakkelsi og drykk, þar var nóg fyrir alla og veitt eins og hver gat í sig látið.

Hér er hún Jóna Guðvarðardóttir Keramiklistamaður.  Hún var annar fararstjórinn okkar.  En hún var einmitt með sýningu í Hafnarfirði, yndisleg manneskja.

Og svo tóku þeir nokkur lög í garði móður hennar Beötu.

Það hljómaði bara vel.

enda komu aðrir íbúar fjölbýlishússins út á svalir að hlýða á þennan kraftmikla söng.

Hér eru svo systurnar Agata og Beata Jó.  Þær eru báðar miklar tónlistarkonur og báðar giftar ísfirskum karlmönnum.  Og búa hér á landi, alla vega meira og minna.

Og mamma stendur og horfir yfir veislugesti, sannarlega rausnarleg veisla.

en það var komin tími til að kveðja, og nú átti að fara á notalegt veitingahús, og borða kvöldmat.

Á meðan húmið fellur yfir Tiszafljótið og Szeget.

Þar var mér sagt að hefði verið góður matur. 

ég veit líka að þeir heiðruðu Andrés, sem hefur unnið gífurlega gott starf innan kórsins, en það er af því að ég tók myndir af því.

Þetta er svo síðasta myndin sem ég tók þetta kvöld, hún sýnir ástandið á mér hehehehe bæði úr fókus og skökk.  Ég mundi lítið eftir kvöldinu daginn eftir, en þorði ekki að tala um það.  Svo frétti ég að ekki bara heima hjá mömmu Beötu hefði verið veitt um 60% sterkur snafs, heldur fengum við einn um 40% á veitingastaðnum sem fordrykk, það gerði útslagið með mig.  En þetta var ljómandi skemmtilegur dagur og kvöld eftir sem áður.´

Næst verður lokakaflinn í þessari ferðasögu.  Knús á ykkur.

Vonandi endist einhver til að skoða þessa langloku.  

Athugasemdir

[Kristín Katla Árnadóttir, 28.6.2008 kl. 18:00]

Þetta er falleg borg voða væri gaman að fara þangað, og auðvita hafa allir gaman af þessum myndum. Takk fyrir þetta Ásthildur mín.

[Jenný Anna Baldursdóttir, 28.6.2008 kl. 18:03]

Ég gjörsamlega kolféll fyrir Blóðbeykinu.  Er það nokkuð til hér á landi.  Ægifagurt.

Takk fyrir yndislegar myndir.

[Ásthildur Cesil Þórðardóttir, 28.6.2008 kl. 19:29]

Takk Katla mín.

Já Jenný mín, það ætti að vera hægt að fá blóðbeyki hér á landi.  Það verður auðvitað ekki svona hátt hér heima, en liturinn væri eins.

[Ásdís Sigurðardóttir, 28.6.2008 kl. 20:52]

Var einmitt að horfa á blóðbeykið í Danmörku en enginn gat sagt mér nafnið á því, nú veit ég það   skemmtilegar myndir, þetta hefur greinilega verið mögnuð ferð !! kveðja vestur

[Ólöf Jóhanna Pálsdóttir, 28.6.2008 kl. 21:29]

Takk fyrir að leiða mig um þessa fallegu borg og lofa mér að skoða alla þessa fallegu staði og fagrar byggingar.Þú ert frábær ljósmyndari. Takk fyrir yndislegar myndir.

[Ásthildur Cesil Þórðardóttir, 28.6.2008 kl. 23:08]

Kveðja til þín líka Ásdís mín.

Takk Ölöf mín

[Linda litla, 28.6.2008 kl. 23:41]

Æðislegar myndir, það hefur svo sannarlega verið gaman í þessari ferð.

Bestu kveðjur til þín Ásthildur mín.

[Rósa Aðalsteinsdóttir, 28.6.2008 kl. 23:42]

Sæl Ásthildur mín og takk fyrir innlitið og fallega kveðju á bloggið mitt.

Flott ferð greinilega og mjög skemmtilegt að sjá myndir frá löndum eins og Ungverjalandi. Sjá ólíkan byggingarstíl eins og t.d. á Dómkirkjunni. Flottur gróður og ferðafólkið er greinilega í góðum gír.

Kærar þakkir að leyfa okkur að ferðast aðeins með þér í huganum.

Takk fyrir mig

Guðs blessun og kær kveðja/Rósa

[Linda Linnet Hilmarsdóttir, 28.6.2008 kl. 23:51]

Takk fyrir þessar flottu myndir elsku Ásthildur mín,þær eru alltaf jafn flottar og skemmtilegar

[Guðrún María Óskarsdóttir., 29.6.2008 kl. 01:21]

Flottar myndir og menningarsýning í raun Cesil, kærar þakkir fyrir.

kv.gmaria.

[Ásthildur Cesil Þórðardóttir, 29.6.2008 kl. 12:59]

Bestu kveðjur til þín líka Linda mín.

Mín er ánægjan Rósa mín.

Takk Linda mín.

Hehehehe Hanna Birna mín.

Takk GMaría mín.

[Sigrún Jónsdóttir, 29.6.2008 kl. 13:19]

Takk fyrir frábæra ferðasögu og færslu um Suðureyrarheimsókn.  Nú fer að styttast í "heimkomu" mína og þá mun ég "hylla" Göltinn minn, knúsa og kyssa gamla og nýja vestfirska vini og vonandi verður þú ein af þeim sem ég hitti Ásthildur mín

[Ásthildur Cesil Þórðardóttir, 29.6.2008 kl. 21:03]

Já Sigrún mín það ætla ég líka að vona.

Þú verður ekki fyrir vonbrigðum Búkolla mín.

Litla stubban mín hún Ásthildur er búin að vera með mikinn hita nú í tvo daga, og ég hef bara setið með barnið á höndum, og ekkert komist eða getað gert.  Því hún vill bara ömmu sína þessi elska, hún er að taka allar fjórar vísdómstennurnar, eða vígtennurnar, og þess vegna er hún með svona mikinn hita, og hefur líka ælt.  Æ það er svo sárt að horfa upp á börnin sín svona lasinn og þjáð. 

[Dísa (IP-tala skráð) 29.6.2008 kl. 23:41]

Vona að litlu nöfnu þinni batni fljótt. Það er svo oft talað niður til veikinda barna, þau eru "bara" með vindverki, við kvörtum sáran ef við fáum þá, þau fá líka "bara" í eyrun, sem engum þykir gott. Hvernig þætti okkur að fá tannpínu í fjórar tennur í einu? Eina bótin að fyrst allar koma í einu gengur það fyrr yfir, en er erfiðara meðan það gengur yfir. En svo er gott að hafa ömmu til að taka þátt með sér. Góða nótt.

[Magnús Geir Guðmundsson, 30.6.2008 kl. 00:19]

Sumarkveðja vestur, svo er það bara Póllinn næst, þú færir létt með að lífga upp á hann svo stelpunum hérna langaði í snjúhúsagerðarferð þangað!

[Magnús Geir Guðmundsson, 30.6.2008 kl. 00:20]

Hehe, átti að vera Snjó.. en ekki snjú!

[Helga Magnúsdóttir, 30.6.2008 kl. 10:23]

Frábær ferðasaga og flottar myndir. Vonandi fer hún litla nafna þín að hressast.

[Sigrún Þorbjörnsdóttir, 30.6.2008 kl. 14:14]

Ég vona að Ásthildur litla sé að jafna sig. Það er svo erfitt að vera lítill og veikur. Hún þarf þá að grallarast tvöfalt til að ná upp þessum dögum, hehe

Skemmtilegar myndir af þessum fallegu byggingum. Ég vildi að það væri byggt svona hérna heima.

Við föttum ekki alltaf hvað við búum vel, ekki vildi ég þurfa að bera vatnið heim...  Ég man alltaf þegar amma mín sagði mér frá því að mestu framfarirnar í hennar búskap voru að fá kalt vatn inn í hús.

Knús og kærar þakkir fyrir ferðasöguna

[Eyrún Gísladóttir, 30.6.2008 kl. 18:00]

Fallegar myndir þetta hefur verið heljarinnar fjör.

[G Antonia, 30.6.2008 kl. 20:41]

Maður kemur aldrei að tómu bloggi hjá þér Ásthildur Cesil mín  Alltaf jafn skemmtilegar myndasyrpur og góður penni sem þú ert. Góða sumardaga  og hlý kveðja til þín og þinna í Kúlunni *

[Tiger, 1.7.2008 kl. 00:33]

Alveg yndislegar myndir Ásthildur mín. Ég er alveg dottinn í ferðaskapið eftir þessa skoðun mynda og lestur sem kemur okkur beint inn í atburðarásina. Nú fer ég á eftir að sofa - og ég mun líða beint inn í þennan glæsilega ævintýraheim sem þú gefur okkur hérna! Handviss um að þetta hefur verið virkilega gaman og hvað með það þó maður fái sér aðeins í aðra - hvora - tánna svona þegar maður er í fríi og á ferðalagi... ekkert sko - jafnvel ekki þó myndirnar verði aðeins eins og snúnar. Ætli steinahleðslumaðurinn hafi verið að fá sér dropa í tá þegar hann var að hlaða þarna í bogahleðslunni, þessari snúnu kippir í rauðvínið kannski ... Hux...

En, þakka kærlega fyrir mig hérna elsku Vestfjarðadrottning. Það var líkt og ætíð - alveg stórbrotið að kíkja á þig fyrir svefninn - fer glaður og uppfullur af ferðahugmyndum í bólið núna. Knús vestur í þitt ríki ljósið mitt ...

[Steinunn Helga Sigurðardóttir, 1.7.2008 kl. 12:37]

frábærar myndir ! skemmtileg síðasta myndin sem þú tókst hehehe.

hafðu fallegan dah ljúfa kona

steina 

[Jóhanna Magnúsar- og Völudóttir , 1.7.2008 kl. 16:06]

Haha.. ég renndi í gær niður þessar myndir og tók ekki eftir að ég var komin yfir í aðra færslu svo ég hélt að allar myndirnar væru í sömu færslunni.. sá svo þessa skiptingu hér. Alltaf gaman að sjá myndir og skoða lífið!

[Ásta Björk Solis, 1.7.2008 kl. 17:39]

Vodalega fallegar byggingar tharna,og takk fyrir sogu theirra  Jamm og allt i lagi ad fa ser nokkra snapsa.

[Huld S. Ringsted, 1.7.2008 kl. 22:32]

Flottar myndir og mikið svakalega eiga þeir fallegar byggingar þarna!

[Magnús Geir Guðmundsson, 1.7.2008 kl. 23:16]

Vildi svo bæta því við vegna þess að þú ert svo "boltavæn" Cesil mín, að frá þessari borg kemur eitt besta handboltaliðið í Evrópu, PIK Zecet og varð liðið t.d. sigurvegari í Meistaradeildinni held ég bara fyrir fáum árum!

[Ásthildur Cesil Þórðardóttir, 1.7.2008 kl. 23:56]

Takk öll mín elskuleg.  Ég hef bara ekki komist spönn frá rassi síðastliðna daga, vegna veikinda Ásthildar litlu.  Hún gengur fyrir litla skinnið hennar ömmu sinnar.  en ég þakka ykkur og á eftir að fara yfir bloggvinalistann minn, um leið og ég kemst til þess.  Þið eruð bestust.