Góður dagur á Suðureyri, sundsýning, lambaganga og gróðursetning.

Við fórum til Suðureyrar í dag.  Í fyrsta lagi til að gróðursetja sumarblóm, en svo skemmtilega vildi til að á sama degi var svona hátíðisdagur í Leikskólanum Tjarnarbæ, íslenskudagur, og svo sundsýning, þar sem amma mátti koma og horfa á börnin sín, sýna það sem þau hafa verið að læra að synda.

Ætli þær verði ekki bara báðar garðyrkjukonur.

Það er allavega tekið til hendinni

Svo þarf aðeins að spjalla við afa.

Og máta skó

Líka mikilvægt að tala við mömmu í símann.

Amma hún er búin að tala allof lengi !

Góðan daginn frú, eigum við að rölta aðeins ?

Já ég var einmitt að hugsa um að fá mér smálabbitúr.

Og sundsprett á eftir.

Ömmustelpa bak við rimla.

En nú bar skrýtið við.  Það var íslenskudagur í leikskólanum, og allir máttu taka með sér eitthvað íslenskt, þessi ungi maður tók með sér lambið sitt, hvað er íslenskara en það?

ég skal halda á því fyrir þig!

Þetta er leikskólinn minn, hann er svo flottur.

En nú er komin tími til að sýna sundkunnáttuna.

Óðinn Freyr var líka á sundnámskeiði.

Allt að verða klárt segir Sundkennarinn, sem er enginn önnur en skíðadrottningin okkar hún Stella Hjalta.

Þá er hún komin ofaní.

Og Óðinn Freyr líka.

Þá þarf að raða sér upp og hlusta á kennarann, það reyndist dálítið erfitt hjá sumum.

Allir að fljóta!

Synda þvert yfir stóru laugina.

Það er nú ekki mikið mál.

Komin yfir.

Og synda á bakinu.  Ekki neinn vandi þar heldur.

Og ekki spillt veðrið fyrir, yndislegur sólardagu svo hlýr.

Og nú eru þau búin að synda upp í stjörnurnar hehehehe.

Og svo mátti leika sér í stórfiskaleik.

Þessi heitir drengur í vatni.

Úlfur og Daníel fengu að koma með í leikskólan af því að það var líka fjölskyldudagur.

Og þau fóru í göngutúr um þorpið með fána sem þau höfðu gert sjálf.

Og lambið fékk að fara með.  Þau sömdu líka lag um lambið, lambalagið, sem þau sungu svo með hárri raust.

Hér býr hópurinn sig undir að syngja lambalagið fyrir mig.

Ef þið haldið að lambið hafi verið eitthvað óánægt, þá er það rangt, lambið fylgdist nefnilega vel með.

Eins og sjá má

Svo var haldið aftur heim á leikskólann.

en stelpurnar mínar voru að gróðusetja og hreinsa beðin.

Það var töluverð vinna, en þær eru dugnaðarforkar.

Þessa tók ég fyrir Sigrúnu.  Gölturinn segir HÆ Sigrún mín !

Við fórum svo í mat hjá honum Ella Guðmunds, að vísu ekki á þessa restaurant, heldur á Essósjoppuna N1.

Á meðan gerðu þjóðverjarnir sig klára að fara að sigla út og veiða.

Máni gamli lét sig heldur ekki vanta, þó hann væri nú ekki fullur á þessum degi.

Krúttlegt þegar húsin hafa nafn.  Húsið sem ég ólst upp í heitir Vinaminni.  Einu sinni hétu flest hús hér sínum nöfnum.  Það er dálítið að gleymast, en það er synd, við eigum að halda þessum fallega sið.

Við ákváðum að sitja úti í blíðunni og borða.

Ég er ekki viss en ég held að þessi gata heiti Hjallavegur, eða eitthvað svoleiðis, hún ætti allavega að heita það, eða jafnvel stallagata hehehehe..

En svo kvöddum við Suðureyri í blíðunni eftir yndislegan vinnudag, og sundsýningu sem stendur upp úr.

Sigurjón Dagur kom í heimsókn með mömmu sinni og hinni ömmunni.

Þau eru góðir vinir hann og Hanna Sól.

Og hún fékk svo að fara með þeim heim og borða þar.

En við kveðjum hér úr kúlunni.

Athugasemdir

[Huld S. Ringsted, 27.6.2008 kl. 22:44]

[Jenný Anna Baldursdóttir, 27.6.2008 kl. 23:42]

[Hulda Bergrós Stefánsdóttir, 28.6.2008 kl. 00:02]

Sem betur fer er sum staðar haldið í gömlu húsanöfnin, ég er ekkert sérlega gömul og er alin upp í Litlagerði í Mosfellssveit, og þar býr hún mamma enn

Eins hér í Hveragerði er til dæmis verið að rifja upp gömlu húsanöfnin, eins og sjá má við skáldagötuna hér í bæ.

En eitt stórt knús á þig og þína inn í helgina

[Steingrímur Helgason, 28.6.2008 kl. 00:03]

Takk fyrir 'zkammtinn' ..

[Anna Bja (IP-tala skráð) 28.6.2008 kl. 01:55]

Yndislegt að sjá allar þessar góðu myndir frá Suðureyri, eins og maður sé komin heim, svo lifandi myndir.

Fór hvern einasta dag er ég var fyrir vestan í sundlaugina og fylgdist einmitt með sundkennslunni þá.  Gölturinn alltaf flottur hvaðan sem maður horfir á hann.  Gatan heitir Hjallavegur það er rétt hjá þér.  Helgahúsið er nefnt eftir þeim sem byggði það, Helgi Sigurðsson, sem er/var eða hvað maður nú segir langafi sonar míns, þó svo að þeir hafi aldrei sést.  Það er Súgfirðingahátið á Laugarvatni þessa helgina og við Sigrún ætlum að kíkja þangað og gleðjast með sveitungum okkar.

Kveðja úr blíðunni á Skaganum 

[Guðrún María Óskarsdóttir., 28.6.2008 kl. 02:12]

Flottar myndir mín kæra, kveðjur vestur.

kv.gmaria.

[Steinunn Helga Sigurðardóttir, 28.6.2008 kl. 09:50]

frábært að sjá þessi litlu börn á sundnámskeiði, hérna í danmörku er engin sundkennsla í skólum, en það er hægt að skrifa sig á námskeið hjá íþróttafélögum. við höfum sjálf veri nokkuð dugleg að fara í sund með sólina um helgar. það er hetjulegt af okkur því sundlaugarnar eru svo KALDAR hérna í DK.

Kærleikur til þín héðan

steina 

[Jóhann Elíasson, 28.6.2008 kl. 10:41]

Alltaf ert þú nú jafn "glúrin" við að sjá út skemmtileg myndefni úr því sem öðrum þykir hversdagslegt.

[Sigurlaug B. Gröndal, 28.6.2008 kl. 11:17]

Heil og sæl mín kæra. Alltaf er gaman að sjá myndirnar þínar. Ég bíð hreinlega alltaf spennt eftir nýju myndefni. Það er aldeilis í nógu að stússast hjá þér, kelli mín. Mér finnst yndislegt að sjá þann stutta með lambið sitt í leikskólanum! Hvar gerist þetta nema fyrir vestan! Þetta er alveg stórkostlegt! Gaman að sjá svo alla krakkana í sundi. Frábærar myndir! Svo er nú alltaf jafnyndislegt að sjá litlu skvísurnar hennar ömmu sinnar að bardúsa í kúlunni og fleiru. Knús og kveðjur til ykkar allra héðan úr Þorlákshöfn.

[Ásthildur Cesil Þórðardóttir, 28.6.2008 kl. 13:10]

Takk öll sömul.

Já Hulda mín, það þarf að hlú að þessum húsanöfnum.

Verði þér að góðu Steingrímur minn.

Gaman að þessu Anna mín, vonandi skemmtið þið Sigrún ykkur vel með Súgfirðingum, þetta er svo skemmtilegt og glaðlegt fólk upp til hópa.  Gaman að fá tenginguna við Helgahús.

Takk G.María mín.

Steinunn min kveðja til þín líka.  Það er gott að þau fá kennslu í sundi þessi litlu krýli, svo er mikið um ungbarnasund líka hér.

Takk Jóhann minn.

Takk Sigurlaug mín. 

[Dísa (IP-tala skráð) 28.6.2008 kl. 16:34]

Þetta hefur verið skemmtilegur dagur, leikskólinn og sundið. Það er svo gaman að sjá hvað þessi litlu eru dugleg að spjara sig í sundinu. Mín barnabörn fóru á ungbarnanámskeið þegar þau voru lítil og Svava sagðist hafa verið öfunduð þegar hún kom aftur með Andra til Svíþjóðar, því þar var svo kalt í laugunum að ekki var hægt að fara með smábörn. En þau hafa svo gaman af að sulla og verða óhrædd að busla sjálf þegar þau finna sig örugg. Laugin í Súganda er líka svo hlý og frábær. Yakk fyrir að leyfa mér að vera með. Góða helgi.

[Ásthildur Cesil Þórðardóttir, 28.6.2008 kl. 16:37]

Góða helgi Dísa mín til þín líka.  Já það munar miklu um ungbarnasundið.  Og að laugarnar séu hlýjar og notalegar. 

[Dísa (IP-tala skráð) 28.6.2008 kl. 16:38]

Þetta átti að sjálfsögðu að vera takk. Ekki gott að flýta sér of. Skemmtilegt að taka lambið með í bandi.

[Elísabet Sigmarsdóttir, 28.6.2008 kl. 16:47]

Flower Glitter Graphics

Blóm til þín Ía mín,

Þín Elísabet

[Kristín Katla Árnadóttir, 28.6.2008 kl. 17:21]

Fallegar myndir af börnunum og kær kveðja til þín elsku Ásthildur mín.

[Ásthildur Cesil Þórðardóttir, 28.6.2008 kl. 17:47]

Takk fyrir þennan fallega blómvönd Elísabet mín.

Knús á þig Katla mín.

[Rósa Aðalsteinsdóttir, 29.6.2008 kl. 00:11]

Sæl Ásthildur mín.

Við Elísabet frænka vorum að tala saman í símanum í dag og ég var að aðstoða hana að senda myndir. Við vorum búnar að æfa þetta saman á meðan ég var í Reykjavík en svo gleymdi hún einu atriði og þá klikkaði allt. Hún valdi frábæran blómavönd fyrir þig enda passaði hann við þessa færslu sem er svo blómleg.

Ég er svo hreykin af henni Elísabet. Hún er svo lífsglöð og létt þó að hún hafi mætt meira andstreymi en flestir. Ég þarf að læra að líkjast henni.

Guð veri með þér og þínum.

Kær kveðja/Rósa

[Rósa Aðalsteinsdóttir, 29.6.2008 kl. 00:13]

Flower Glitter Pictures

Sæl aftur. Meira af blómum fyrir blómakonu.

Kær kveðja og Guðs blessun/Rósa

[Ásthildur Cesil Þórðardóttir, 29.6.2008 kl. 12:56]

Já ég er sammála þér með hana Elísabetu, þar er kjarnakona á fer.  Takk fyrir þennan flotta blómvönd og hlýjar kveðjur Rósa mín.

[Jóhanna Magnúsar- og Völudóttir , 29.6.2008 kl. 23:34]

Váts ..margar myndir og skemmtilegar.