Mömmublogg.

Þetta er svona mömmublogg, svo mamman fái nú ekki fráhvarfseinkenni, þegar hún kemur, og sér að litlu börnin sem hún skildi eftir, hafa stækkað heilan helling hjá ömmu sinni.

Ef þið haldið að hún sé í pilsi, þá er það misskilninur.

Hún náði sér nefnilega í naríur af stóra frænda sínum

Amma sjáðu hvað dúkkan mín er fín.

Já en af hverju er hárið á henni svona snubbótt ?

Ég var að klippa hana, er hún ekki Kúl ?

Stundum þarf maður að máta skó, eða stígvél.

Og auðvitað þurfa svo aðrir að reyna líka.

Jamm það tókst.

Maður er náttúrulega rosalega töff sko!!!

Best að reyna líka með hinn fótinn.

Þetta er sullukolla númer eitt, hér hefur hún difið húfunni ofan í tjörnina og svo beint á hausinn á sér.

Ég á nammi, sem amma gaf mér.

Það' er ekki hægt að gefa þér nammi Ásthildur, þú ert öll svo blaut.

Já nefnilega sko.

en það er gaman að leika sér úti.

Hlaupa um og þykjast detta.

Alveg niður!

Og litla systir þarf að gera alveg eins.

Eða þannig!!

Og Jorga búin að skreyta styttuna í tjörninni.

Svona eru morgnarnir.

Og skemmtiferðaskipin farin að sýna sig.  Stelpurnar í vinnunni sögðu mér í dag, að einn þjóðverjinn hefði spurt þær hver hefði teiknað snjóinn í fjöllinn.  Hann vildi ekki trúa því að þetta væri ekta snjór svona í endaðan júní

Ísafjarðarlognið.

Svona eru svo kvöldin.

stelpur úr unglingavinnunni, sem hafa hjálpað mér undanfarna daga.  En ég er líka með duglegar stelpur sem vinna hjá mér. 

Ísafjörður bara svona. 

Athugasemdir

[Hrönn Sigurðardóttir, 25.6.2008 kl. 22:35]

Yndislegar myndir

[Ásthildur Cesil Þórðardóttir, 25.6.2008 kl. 22:45]

Takk Hrönn mín.

[Hulda Bergrós Stefánsdóttir, 25.6.2008 kl. 23:01]

Takk fyrir, eins undarlega og það hljómar, þá sá ég í síðustu færslu hvar þú afsakar að geta ekki farið bloggvinarúntinn, en mig sem aldrei dreymir nokkurn skapaðan hlut hvað þá að ég muni það, ert ekki bara þú sjálf í draumi mínum síðustu nótt, reyndar var ég í heimsókn í kúlunni þinni !!!

Svo ég kvarta ekki yfir heimsóknarleysi frá þér bloggvinkona góð

[Sigrún Jónsdóttir, 25.6.2008 kl. 23:15]

Þetta eru yndislegar myndir, mamman er örugglega með tárin niður í bros.

Knús á ykkur í Kærleikskúlu

[Jenný Anna Baldursdóttir, 25.6.2008 kl. 23:37]

Hún Ásthildur er algjör göslari.  Dúllan og Hanna Sól svo pen og fín.  Krúttkast.

[Ásthildur Cesil Þórðardóttir, 25.6.2008 kl. 23:59]

Knús á þig Búkolla mín

Hulda mín, þetta er sennilega eini tímin sem ég hef, það er nóttin, en gaman að heyra að þú varst hér í heimsókn, þú hefur vonandi fengið góðar móttökur.  ég lofa að sinna ykkur tvöfalt meira þegar þessari törn líkur.

Æ já Sígrún mín, hún hefur svo sannarlega eitthvað til að hlakka til að koma heim og hitta þessar tvær elskur.

Jenný mín, já Ásthildur er sko göslari fram í litlu fingurgómana sína, og hin svo settleg. Þegar maður skammar þá litlu, þá segir Hanna Sól, ertu að meina mig ?, nei ég er að tala við Ásthildi.  Já segir Hanna Sól, hún er óþekk.  en ég er góð.

Annars þarf ég að fara að passa á mér munninn, eg fattaði það núna fyrir nokkrum morgnum, að ég hefði ekki verið nógu orðvör, þegar við lágum saman á laugardagsmorgni allar þrjár, og Ásthildur var eitthvað að brasa  yfir til systur sinnar, þá glumdi í þeirri stóru; Andskotin!  Ásthildur !!

[Rósa Aðalsteinsdóttir, 26.6.2008 kl. 00:42]

Sæl og blessuð

Frábærar myndir að vanda. Skil ekki hvernig þú kemst yfir svona mikið.

Þjóðverjinn fyndinn. Hann ætti að koma hingað þar sem snjórinn sem kom 18. og 19. júní er ennþá að þrjóskast efst í fjöllunum.

Kær kveðja/Rósa

[Ásthildur Cesil Þórðardóttir, 26.6.2008 kl. 01:03]

Takk Rósa mín, ætli það sé ekki bara þrjóskan og svo þið bloggvinir mínir sem alltaf bregðist svo vel við, og gefið mér svo mikið.  Það skiptir öllu máli.  Og þegar ég tala um bloggvini, þá á ég líka við æskuvinkonu mína Dísu og fleiri sem hér koma inn og leggja sitt af mörkum. 

[Þórdís Einarsdóttir, 26.6.2008 kl. 19:56]

Finnst sú eldri líkjast Báru í útliti en líklega er sú yngri líkari henni í hegðun. Man allavega ekki til að Bára hafi verið að dúllast í prinsessukjólum!

Kveðja í kúluna.

Þ