Góða nótt og sofið rótt.

Nú er aftur komin föstudagur, eða laugardagsnótt.  Það er ótrúlegt hvað tíminn líður, og það er brjálað að gera, meðan ég er að koma niður sumarblómunum, og taka upp túlípanana.

Fyrst kemur sumarnótt, næstum því jónsmessa.

Svo kemur dagurinn.

Vilt þú líka pússla ?

Já það er vinsælt,

Já þetta er svona fjölnota kerra

Svo þarf að leita að meiddi og fá prinsessuplástur ef það sést skráma.

Já það þarf að spekulera í ýmsu, og þá er nú gott að hafa afa til að spyrja.

Þetta er nýjasta leikfimin, vatna-leikfimi á tjarnarbakka

Var ég nokkuð búin að tala um veðrið

Fjölskylda á matmálstíma.

Blómarós og rósablóm.

Þau eru yndisleg svona sofandi og friðsæl.

Já það er best að fara að halla sér.  Þegar þessi tími er komin, þá dreymir mann um holuna sína.  og ég segi bara góða nótt öll sömul nær og fjær.

Athugasemdir

[Þórarinn Þ Gíslason (IP-tala skráð) 21.6.2008 kl. 02:40]

Sæl Ásthildur.

Ekki er ég hissa að littu kropparnir séu úrvinda úr þreytu eftir efiðan dag í stúdíunu hjá ömmu . Allar þessar uppstillingar. ÚFFAUFF!

[Ásthildur Cesil Þórðardóttir, 21.6.2008 kl. 02:49]

Hahahaha Þói minn

[Hrönn Sigurðardóttir, 21.6.2008 kl. 08:23]

Nóg að gera hjá þér sé ég. Vona að þú hafir sofið vel og náð að hvíla þig fyrir komandi dag

[Jóhann Elíasson, 21.6.2008 kl. 08:34]

Ofboðslega sem hefur verið kyrrt og gott veðrið hjá ykkur undanfarið og fjallasýnin er engu lík.  Já dagarnir eru örugglega erfiðir hjá smáfólkinu.  Það er nokkuð öruggt, eins og þú segir, að sú stutta á eftir að lenda í tjörninni, alla vega sýnist mér hún vinna vel að því.

[Ásthildur Cesil Þórðardóttir, 21.6.2008 kl. 09:20]

Takk Hrönn mín, já ég svaf vel í nótt.  var reyndar vakinn um hálf átta, það er tíminn hennar fröken Ásthildar yngri En ég er vel úthvíld.

Já Jóhann minn hún vinnur vel að því að vera á brúninni  Málið er reyndar að mig vantar rigningu, það er svo erfitt að vera að gróðursetja, og það er sumstaðar langt í vatnið.  En það er líka rosalega gott að hafa sólina dag eftir dag.

[Sigrún Jónsdóttir, 21.6.2008 kl. 09:28]

Knús inn í daginn Ásthildur mín

[Ásthildur Cesil Þórðardóttir, 21.6.2008 kl. 11:07]

Knús á þig sömuleiðis Sigrún mín.

[Rósa Aðalsteinsdóttir, 21.6.2008 kl. 11:27]

Sæl Ásthildur mín.

Gaman af þessum myndum. Börnin eru svo uppátækjasöm og ég óttaðist bara að Ásthildur yngri væri að stinga sér til sunds í tjörnina.

Guð gefi ykkur góðan dag.

Kær kveðja/Rósa

[Anna Ólafsdóttir (anno) (IP-tala skráð) 21.6.2008 kl. 12:02]

Skemmtilegar myndir að vanda. þegar ég sé þessar myndir þínar að vestan kemur alltaf: Nú verð ég að fara að drífa mig vestur!

[Anna Ragna Alexandersdóttir, 21.6.2008 kl. 14:47]

Flottar myndir og njóttu helgarinnar

[Dísa (IP-tala skráð) 21.6.2008 kl. 20:00]

Þeir sem hafa nóg að gera sjá hvað tíminn líður hratt, það er bara ef maður bíður sem hann virðist stoppa.

Nafna þín er efni í fimleikakonu eða ballerínu. En mikið kannast ég við "meiddileitina" svo hægt sé að setja plástur og helst sem flottastan. Aldís mín datt á hjólinu í dag en hvorttveggja var að við mamma hennar gátum griðið í hjólið til að taka af mesta fallið og svo varð hún svo hissa því amma var nýbúin að segja að hún gæti ekki dottið með hjálpardekkin að hún fattaði ekki að hún hefði getað meiðst. En mér virðist að 2004 kynslóðin sé prinsessuárgangur, ég þekki fleiri og það er ekki hægt að fara út nema fínt klædd. Annað en við í den. . Góða helgi.

[Kristín Katla Árnadóttir, 21.6.2008 kl. 20:11]

Alltaf nóg að gera hjá þér Ásthildur mín. Gaman af myndunum.

[Linda Linnet Hilmarsdóttir, 21.6.2008 kl. 20:45]

Flottar myndirnar hjá þér og njóttu helgarinnar elsku Ásthildur mín

[Ásthildur Cesil Þórðardóttir, 22.6.2008 kl. 11:06]

Takk

Einmitt Búkolla mín

Rósa hún er búin að detta einu sinni og vinnur að því að það endurtaki sig.

Anna mín, það er nú einmitt lóðið, það er komin tími til.

Sömuleiðis Anna Ragna mín.

Já Dísa mín, það voru ekki prinsessuföt eða kórónur í okkar huga  En þetta með meiddideildina, gott að litlan þín slapp vel, við eigum nú alveg örugglega alltaf svona prinsessuplástra til ráðstöfunar, því það finnast mörg meiddinn

Knús á þig

Takk Katla mín.

Sömuleiðis Linda mín.

Mín er ánægjan Guðlaug mín.