Komin aftur, takk fyrir mig.

Þúsund þakkir fyrir allar kveðjurnar sem ég var að lesa.  Ég kom heim seinnipartinn í dag, við komum til Íslands um miðnættið í gær, og gistum í borg óttans.  En ókum svo heim í dag.  Veðrið er hreinlega bara yndislegt, og mátulega hressandi, eftir molluna í Ungverjalandi.  En ég á eftir að segja ykkur ferðasögu.  Ungverjaland er skemmtilegt land, og að mörgu leyti svo líkt okkar.  Vissuð þið að þeir tala tungumál sem er ekki skylt neinu tungumáli í kring um þá, en er aftur á móti skylt finnsku ? En ég segi ykkur það seinna. 

Fyrst tvær myndir svona til gamans, en ég segi ykkur nánar frá þeim seinna.

Þessi mynd er tekin af svölunum á hótelherberginu mínu í Szeget, þar sem við dvöldum í tvo daga, en það kemur seinna.

ég mun líka segja ykkur nánar frá þessari mynd hehehehe...

Og þessari. 

en við erum sem sagt komin heim, og elskurnar okkar eru hér líka, mörg þeirra.

Það var aðeins kíkt við, til að heilsa upp á afa og ömmu í kúlu.

Það liggur við að börnin séu að hverfa í gróðrinum.

Það var líka búið að slá fyrir mig lóðina, þegar ég kom heim.

Og Jorga mín hafði útbúið þennan líka flotta blómvönd fyrir mig.

Og blómin brostu líka við mér. 

Já þau bralla við ýmislegt börnin mín.

Svo sem eins og að aka bíl.

Eða bara njóta sín í góða veðrinu.

Hvað skyldi vera inn í egginu ?

Það kom líka pakki í dag frá Austurríki, pakki frá mömmu, til Hönnu Sólar og Ásthildar.  Hún er ástin þín, sagði Hanna Sól við mig í dag, hún Áshildur, en ég er Sólin þín.

Já það var notalegt að sitja í sólinni, og mátulega ferskt, maður gleymir því stundum hvað það er gott að hafa þetta ferska loft.

Veiii það leyndist prinsessubúningur í pakkanum frá mömmu.

Með kórónu og öllu saman.  Mikið var mín stolt og glöð.

Sú stutta dundaði sér nú samt við allt annað, og sýndi prinessunni engan áhuga

Takk enn og aftur fyrir mig, þið eruð svo yndæl öll og það gladdi mig mikið að sjá allar kveðjurnar.  ég ætla mér að segja ykkur meira frá þessu frábæra landi, og þeim sem þar búa.  Það er margt áhugavert sem hægt er að segja frá, og svo tala myndirnar sínu máli. 

Bless á meðan, það þarf að gera ýmislegt, eftir langa fjarveru.  Taka upp úr töskum, vökva plöntur og knúsa alla í kring um sig.  Þið fáið líka risaknús frá mér öll sömul.

 

 

Athugasemdir

[Þórdís Einarsdóttir, 11.6.2008 kl. 22:07]

Heima er best að sjálfsögðu!

Velkomin aftur.

Þ

[Hrönn Sigurðardóttir, 11.6.2008 kl. 22:23]

Jamm - ég vissi þetta með tungumálið........

Velkomin heim

[Rannveig H, 11.6.2008 kl. 22:39]

Gott að fá þig aftur

[Huld S. Ringsted, 11.6.2008 kl. 22:43]

Velkomin heim Ásthildur, gott að fá þig aftur

[Kristín Katla Árnadóttir, 11.6.2008 kl. 22:52]

Velkomin heim elsku Ástildur mín það er svo gott að þú ert komini afturég hef sakna þín mikið kús á þig.

[Sigrún Jónsdóttir, 11.6.2008 kl. 22:56]

Velkomin heim Ásthildur, ég hef saknað þín og myndanna þinna.  Ég vona að ferðin hafi verið góð og að þú getað hvílt þig.

Yndislegt umhverfi Kærleikskúlu nú þegar sumarið er komið, hlakka til að sjá þetta með mínum eigin augum

[Jenný Anna Baldursdóttir, 11.6.2008 kl. 23:01]

Velkomin heim elsku Ásthildur.

[Linda Linnet Hilmarsdóttir, 11.6.2008 kl. 23:42]

Velkomin heim elsku Ásthildur mín.

[Katrín, 12.6.2008 kl. 00:17]

Gott að fá þig aftur í bloggheima

[Steingrímur Helgason, 12.6.2008 kl. 00:21]

Nú man ég af hverju ég hef verið áhugalaus um bloggeríið undanfarið.

Minnz vantaði Þinnz...

[Ásthildur Cesil Þórðardóttir, 12.6.2008 kl. 00:42]

Hahahah Szteingrímur minn, og þið öll, Takk fyrir mig.  Já ég er bara svo sæl að vera komin heim, búin að eiga svo góðan eftirmiðdag og kvöld með elsku fólkinu mínu, og svo finna endurvarp frá ykkur það er dýrðin ein.  Jorga er búin að koma skikki á stelpurnar mínar litlu með svefn og slíkt.  Hún er bara svona yndisleg babúska, sem veit nákvæmlega hvernig hún vill hafa hlutina og skipulagninguna á þessu öllu saman, en gerir það bara svo ljúfmannlega. Þvílíkur gullmoli sem hún er, og strákurinn virðist vera bara vel liðinn líka, og standa sig vel.  Litháar hvað????Gullmolar, og þau vilja verða hér og ala litla barnið hér.  Ef ég get aðstoðað þau með það, þá geri ég það, að sjálfsögðu.  Knús á ykkur öll inn í nóttina.

[Linda litla, 12.6.2008 kl. 00:54]

Elsku krúsídúllan mín..... mikið er ég búin að sakna þín og myndanna þinna. Vertu velkomin heim á frón.

[Elín Katrín Rúnarsdóttir. , 12.6.2008 kl. 01:18]

Gott að sjá þig aftur í bloggheimum. Ég var farin að sakna þín óskaplega mikið. Knús í kúlu

[G Antonia, 12.6.2008 kl. 01:59]

Velkomin heim á ný.!!! Og gaman allt gekk að óskum , hlakka til að heyra meira og sjá!!
knús á þig og "liðið" þitt *

[Tiger, 12.6.2008 kl. 03:47]

Æi, mikið er ljúft að sjá þig aftur mín kæra Ásthildur. Segi bara eins og Steini - áhuginn bara minnkar þegar þú ert ekki í bloggheimum. Var farinn að sakna þín heilmikið sko og myndanna þinna líka. Hlakka til að lesa eitthvað um ferðalagið og sjá myndir! Knús á þig mitt ljúfasta fljóð ... og velkomin heim.

[Dísa (IP-tala skráð) 12.6.2008 kl. 08:35]

Takk fyrir síðast og gaman að frétta frá þér aftur. Allir virðast heilir heima og ferðalangar vonandi allir komið heilir aftur og haft gaman. Hlakka til að frétta meira af ferðalaginu.

[Auður Kristín Matthíasdóttir, 12.6.2008 kl. 09:19]

Velkomin heim Ásthildur. Frétti að það var gaman hjá ykkur. Heyrði líka að aðeins væru 2 karlakórar í Ungverjalandi, þeir væru meira fyrir blandaða kóra. Það er gott að ykkur gekk vel. Gaman að sjá myndirnar. Hlakka til að sjá fleiri.

Kv. Auður

[Anna (IP-tala skráð) 12.6.2008 kl. 10:05]

Velkom heim ;-)

Já það var mynd af Úlf á www.sugandi.is, á myndasíðunni þar eru myndaalbúm og þar á meðal eitt frá Sjómannadeginum.

Mikið er nú fallegt fyrir vestan og maður sér allan kærleikann skína frá myndunum þínum.  Eru þetta dætur hennar Báru þær Hanna Sól og Áshildur? 

Kveðja úr sólinni á Skaganum 

[Laufey B Waage, 12.6.2008 kl. 10:42]

Velkomin heim mín kæra. Sé þig kannski um helgina.

[Aðalheiður Ámundadóttir, 12.6.2008 kl. 11:15]

Bara vestfirðingar eiga að fara til útlanda á sumrin! Aðrir landsmenn eiga að fara til vestfjarða

[Ragnhildur Jónsdóttir, 12.6.2008 kl. 11:52]

Velkomin heim Ásthildur. Ljúft og gott eins og endranær að kíkja á bloggið þitt. Alltaf hlýja og kærleikur sem skín í gegn um myndir og texta hjá þér. 

Bestu kveðjur  

[Helga Magnúsdóttir, 12.6.2008 kl. 12:58]

Velkomin heim og takk fyrir þessar flottu myndir. Hlakka til að lesa ferðasöguna.

[Elísabet Markúsdóttir (IP-tala skráð) 12.6.2008 kl. 13:54]

Velkomin heim Hefði viljað spjalla meira við þig á Ísafirði um daginn, geri betur næst. Knús á þig yndislega kona

[Ásthildur Cesil Þórðardóttir, 12.6.2008 kl. 14:28]

Takk öll, hvað þið eruð hreint út sagt yndisleg  ég ætla að reyna að koma fyrsta hlutanum af ferðasögunni inn í kvöld.  Alveg laukrétt Aðalheiður

Hanna Sól og Ásthildur eru dætur hennar Báru minnar, rétt er það. 

Knús á ykkur öll þið eruð svo frábær að ég á ekki orð.

Flottur TíCí minn, er þetta mynd af þér ?

Ég hef betri tíma í kvöld.  Knús á línuna.

[Guðrún Emilía Guðnadóttir, 12.6.2008 kl. 14:37]

Velkomin heim Ásthildur mín, myndirnar af fjölskyldu þinni eru yndislegar að vanda.
mundir þú vilja er þú hefur tíma að fara inn á síðuna hjá henni Áslaugu er hún að spyrja um heiti á blómunum sem springa ætíð fyrst út í garðinum hennar á sumrin. slóðin er http://aslaug.blog.is

                        Kveðja Milla

[Sigrún Þorbjörnsdóttir, 12.6.2008 kl. 15:38]

Velkomin heim Ásthildur mín. Ég segi eins og margir aðrir hér, að ég saknaði þín og myndanna þinna  Hlakka til að sjá og heyra ferðasöguna.

Stórt knús til þín

[Hulda Bergrós Stefánsdóttir, 12.6.2008 kl. 18:15]

Velkomin heim og gangi þér vel með ástina þína og sólina

Hlakka til að heyra meira af ferðinni

[Sigurlaug B. Gröndal, 12.6.2008 kl. 21:20]

Velkomin heim mín kæra. Mikið eru myndirnar alltaf skemmtilegar hjá þér. Litla "bleika" prinsessan er aldeilis lukkuleg. Hún er greinilega á "bleika" aldrinum. "Allt er vænt sem vel er bleikt" eins og ég sagði um mína dóttur á þessum aldri. Gaman að sjá þig aftur og ég hlakka til að heyra meira og sjá fleiri myndir. ´Knús og kveðjur frá mér.

[Ásthildur Cesil Þórðardóttir, 12.6.2008 kl. 23:23]

Takk öll sömul.  Milla mín, ég komst ekki inn á síðuna hennar Áslaugar, hún er ef til vill bara fyrir sérstaka aðila.

Takk fyrir góðar óskir, og hlýjar viðtökur.  Ég er rosalega ánægð að sjá kommentin ykkar.   Vona að þið fyrirgefið mér og sýnið biðlund, ég er bara svo mikið upptekinn, en það lagast fljótlega.  Mér finnst ég hafa misst af ykkur alltof lengi.