Vor í kúlu og vor í Vín.

Dagurinn í dag var brjálaðri en hinir til samans.  Ég hefði þurft að vera á þremur stöðum í einu, og var eins og þeytispjald um allar trissur.  En einhvernveginn þá er ég samt í mjög góðu jafnvægi andlega, þó skrokkurinn sé þreyttur.  Ég skammast mín líka fyrir að vanrækja ykkur öll, sem eruð svona yndisleg við mig.   En þetta mun lagast.

Morgunin fallegur, og mildur, ég vona samt að það fari að rigna.  Það er allt að skrælna hér.

Ég skrapp m.a. á Flateyri, til að bera áburð á gróðursvæðin þar, og eitra smá.  Kvenfélagskonurnar voru að selja blóm, og ég kom þeim til þeirra, þar sem ég átti erindi vestur. 

Já það er gott að fá sér aðseins snabba svona síðdegis.

Og svo er gaman að leika við Jorgu.

Þarna var dótið hahahaha...

En blómin dafna vel prímúlur og anemónur njóta sín vel á vorin.

Fyllta hepatican mín, eða skógarbláminn er reglulegt augnayndi.

Og árieklurnar eru svo sannarlega skrautlegar.  Þessi gula ber nafnið Queen Alexandra.

Já svo voru hljómleikar um kvöldið.  Svo sannarlega mikill hávaði í litlum börnum.

Það eru tilþrif og upplifun sko!!

Svo má nota pottlokin hennar ömmu á ýmsan máta.

Tónleikarnir enduðu svo á tvíleik, tilbrigðaríu eftir AstHanniu.  Hahahahaha

Hún var bæði í dúr og moll, með tilbrigðum líka og allt.

Áheyrendur fögnuðu ákaft í lokin. 

En ég var að fá sendar myndir frá dýralæknanemanum í Vín.  þar er svo heitt núna, að erfitt er að lesa undir próf.  Þá er gott að bregða sér niður að Dóná,

Þetta eru Trölli og Golda, en þau eru bæði vinir og kærustupar, Trölli hefur samt þá annmarka að hann hugsar ekkert um afkvæmi, enda er sá möguleiki ekki fyrir hendi lengur.

Eins og sjá má, er vínviðurinn kominn vel á stað.

Hér sést yfir Vínarborg, í forgrunni er skorsteinninn á sorpbrennslunni, en hana hannaði meistarinn og furðufuglinn Hundertvasser.

Hér er svo dýralækna neminn minn í aðgerð.

Allt klárt í slaginn. 

En ég segi bara góða nótt elskurnar mínar og fyrirgefið mér hvað ég er upptekinn. Knús á ykkur inn í nóttina.

P.S. verð eiginlega að bæta þessu við, stjúpsonur minn, fór á kostum, þegar hann bað Sinnar heittelskuðu í bíó í Sex in the City.  Þetta er alveg eftir honum.  Frábært sjá hér; http://www.visir.is/apps/pbcs.dll/gallery?Site=XZ&Date=20080530&Category=LIFID01&ArtNo=85176054&Ref=PH&Params=Itemnr=3

Athugasemdir

[Huld S. Ringsted, 30.5.2008 kl. 23:13]

Það lá við að ég heyrði hávaðann í litlu skvísunum, á svona stundum óskaði maður þess að hægt væri að fá hljóðdeyfi á börnin 

[Kidda (IP-tala skráð) 30.5.2008 kl. 23:54]

Eitt skemmtilegasta bónorð sem ég hef heyrt um eða séð

En elsku besta, ekki hafa áhyggjur af okkur, það er okkur nóg að fá myndirnar þínar og frásagnir.  Og þær mega alveg vera færri á meðan það er svona mikið að gera hjá þér. Passaðu þig bara á að ofgera þér ekki.

Langar að biðja þig um að taka frá fyrir mig 6 hengifjólur þar til ég kem heim aftur í lok júní, sé ekki fram á að hafa tíma til þess að setja þær niður áður en ég fer eftir viku.

Knús og aukaorka handa þér mín kæra

[Jóhann Elíasson, 31.5.2008 kl. 00:03]

Þetta hefur sko ekki verið neitt "Sound Of Silence" þegar krakkarnir voru að Poppa sig.

[Magnús Geir Guðmundsson, 31.5.2008 kl. 00:17]

Um leið og ég sendi bara´ttukveðju vestur, þá get ég nú ekki annað en glott út í annað, því önnur SÚPERGELLA, Jenný Anna var einmitt að hella sér yfir þetta tiltæki stjúpsonar þíns!

En til gamans er að þessu tilefni hægt að rifja upp, að þulan Stefanía VAlgeirsdóttir (sem einmitt er nú mætt aftur eftir hlé á Útvarpið) fékk svona opinbert bónorð og það í formi tilkynningar sem hún fékk að lesa upp sjálf!

[Þórarinn Þ Gíslason (IP-tala skráð) 31.5.2008 kl. 04:52]

Sæl Ásthildur mín.

Alltaf jafngaman á síðunni þinni.

Kærar kveðjur.

[Solla Guðjóns, 31.5.2008 kl. 08:19]

Þegar ég kíki hér inn hugsa ég hvað skildu litlu skvísurnar vera að gera í dag.Svo skrítið sem það er þá brosi ég við þeim og glotti af prakkara og dúllulátunum.Þær eru næstun áþreifanlegar..svo lifandi á myndunum.

Svo er nú gaman að skygnast inn í líf móður þeirra líka .

Ekki ofgera þér kéllan mín.Láttu bara einhvern bíða eftir þér það er ómögulegt  að vera á þrem stöðum í einu.

Faðmlag frá mér

[Linda Linnet Hilmarsdóttir, 31.5.2008 kl. 09:29]

Innlitskvitt og Bestu kveðjur annars til þín frá mér

[Eyrún Gísladóttir, 31.5.2008 kl. 10:27]

Þú virðist hafa orku á við 5 stk mig ég skammast mín fyrir að vera þreitt eftir daginn þegar ég les bloggið þitt hehhehehhe.

[Sigurlaug B. Gröndal, 31.5.2008 kl. 11:15]

Það þarf sko kjark til að gera þetta. Flott hjá stráknum og til hamingju! Hún hefur örugglega sagt já! Alltaf er síðan þín jafn yndisleg og skemmtileg. Myndirnar af krökkunum og gróðrinum eru alltaf jafnyndislegar. Knús á þig Cesil mín.

[Ásthildur Cesil Þórðardóttir, 31.5.2008 kl. 12:47]

Huld that will be the day

Takk Kidda mín, og já ég skal geyma fyrir þig 6 hengifjólur, ekki málið, viltu þessar bláu eða hvítu ?

Einmitt Jóhann vel að orði komist

Hahaha gat ekki stillt mig í gær Magnús og fór inn á bloggið hennar Jennýjar.  En þetta er skemmtilegt tilbreyting frá hversdagsleikanum.  Hvernig ætli maður myndi bregðast við sjálfur, ef karlinn tæki upp á einhverju svona skemmtilegu

Takk minn kæri Þórarinn. 

Takk Solla mín, ég lofa að ofgera mér ekki.  En það er svo sannarlega gaman að þessum litlu kjánum.

Bestu kveðjur til þín líka Linda mín.

Hahahaha Eyrún, þú er örugglega rosalega dugleg og átt þreytuna inni Knús.

Takk Sigurlaug mín, já hún sagði já, enda elskar hún Bjössa sinn alveg út af lífinu, og hún er einmitt rétta konan fyrir hann, þau eiga svo vel saman. 

[G Antonia, 31.5.2008 kl. 12:54]

knús á þig úr "rigningunni" sem herjar á okkur hér á Spáni núna. Já, ég segi eins og þessi fyrir ofan, ég skammast mín bara þegar ég les bloggið þitt, og hugsa um þreytu. Þú ert ofurkona það sjá það allir, en það þarf líka að ná að slaka og hvíla sig. Vona þér takist það kæra bloggvinkona. Góða og rólega helgi sendi ég til ykka í Kúlunni. Alltaf jafn gaman að fylgjast með hér og sniðugt hjá þessum krökkum í dag hvernig þau fara að því að trúlofa sig heheh!!! Maður væri alveg til í að þetta hefði verið í "den" eða hva
helgarknús*

[Sigurður Þórðarson, 31.5.2008 kl. 14:53]

Sæl Ásthildur, það gleður alltaf augað að líta við hjá þér, geri það reyndar alltof sjaldan.

Til hamingju með daginn (á morgun)  

[Steinunn Helga Sigurðardóttir, 31.5.2008 kl. 15:12]

knús mín kæra

steina 

[Anna Ólafsdóttir (anno) (IP-tala skráð) 31.5.2008 kl. 17:48]

Skemmtilegar myndir. ég varð að vísu hálfhrædd þegar ég sá myndina af skurðarborðinu, hélt að næsta mynd myndi sýna blóð - hjúkket! Reddaðist fyrir horn  Hafðu það gott mín kæra

[Ásthildur Cesil Þórðardóttir, 31.5.2008 kl. 21:45]

Æ G.Antonía mín, er rigning úti á Spáni, vonandi hefur nú þegar stytt upp.  Það er ansi lítið sem hægt er að gera í þessum túrhestalöndum, þegar rignir, nema dunda sér við að lesa góða bók.  Takk mín kæra og knús á þig líka.

Sömuleiðis Siggi minn, ég er hress með okkar konur, sem ætla að fjölmenna og mótmæla kvótakerfinu, þar er vel til fundið hjá þeim.

Knús á þig á móti elsku Steina mín.

Takk elsku Sunna mín, ég hlakka líka til að hitta þig og litla prinsinn, hann er eflaust orðin risastór núna.  Jamm Bjössi er rómantískur og líka flottur.  Nýji meðlimurinn er í mallakútnum á henni Jorgu.  Hann er orðin 12 vikna núna, og farin að gera ýmislegt, eins og að sjúga putta og hreyfa sig. Þið hafið þá félagsskap hver af annari þú og Bára mín.  Knús á þig elskuleg mín.

Hahaha Anna mín, já það er ekkert blóð í þessum spilum.  Sömuleiðis bestu óskir til þín.