Annríki og hið daglega veður á Ísó.

Vil byrja á að segja að í augnablikinu er allt brjálað að gera hjá mér.  Ég velt í rúmið á kvöldin og skondrast upp á lappirnar á morgnana.  En það er bara eins og það er alltaf á þessum tíma, nema núna er ég orðin þriggja barna móðir svona óforvarendis.  Ég þakka því daglega góðum vættum fyrir hana Jorgu mína, og að stelpurnar eru svo þægar, þó þær séu prakkarar, þá eru þær samt sem áður yndælar, og ég elska þær svo mikið.  Og auðvitað stubbinn minn, þau komu heim í dag, hann og Sóley Ebba og Eva Rut.  Þau fengu svo leyfi til að baka vöfflur, jamm, þau bökuðu vöfflur, og sitthvað fleira  Einhvernveginn komst deigið út á stétt, og svo þurfti að sprauta vatni úr garðslöngunni og sona, það var held ég mjög gaman hjá þeim. 

Það var sólskin í morgun, en svo komu smáský eftir hádegið, en það var samt hlýtt og gott veður.

Greinilegt að gallerí himin er búin að opna aftur eftir vetrar hlé.

Prinsessur þurfa líka að slaka á aðeins, þá er gott að geyma kórónuna svona baksviðs

Afi fór út, og litla skottið vildi endilega komast út líka.... en hurðin var lokuð.

Stóra systir kom þá til bjargar, málið var bara að hún átti ekkert að komast út í þetta skipti, enda á sokkaleistunum.

Pepsíið hennar Jorgu, það er gaman að sjá einbeitningarsvipinn á stelpuskottinu að reyna að opna.

Gengur ef til vill betur svona !

Ef til vill besta bara að biðja Jorgu að opna hehehehe..

 Annars fórum við á Thai Koon í kvöld að borða, ég nennti ómögulega að elda mat, þegar ég kom inn.  Það er gott og notalegt að borða þar. 

En nú er komið nóg hjá mér, ég sé rúmið mitt í hillingum, það er rosalega notalegt að skríða í ból, þegar maður er svona þreyttur. 

Ég segi bara knús á ykkur mín kæru, og endilega ekki gefast upp á mér, þó ég sé ekki mikið við.  Ég les svörin ykkar og þau veita mér orku og gleði.

Ég segi bara góða nótt á ykkur öll  Lofa að fara blogghringinn minn eftir helgi, kemst að öllum likindum ekki mikið í svoleiðis lúxus fyrr. 

 

Athugasemdir

[Lilja Guðrún Þorvaldsdóttir, 22.5.2008 kl. 01:00]

Það er gaman af framtakssömum og duglegum börnum.  - En það sem maður getur nú samt verið þreyttur eftir annasaman dag, með þessum krílum.

[Steingrímur Helgason, 22.5.2008 kl. 01:09]

Daglegur skammtur af alvöru manngildi í mali & myndum móttekinn með gleði.

Takk fyrir mig Ást. Cecil.

[Jóhann Elíasson, 22.5.2008 kl. 07:08]

Það er sko í mörg "horn" að lýta í kúlunni!

[Dísa (IP-tala skráð) 22.5.2008 kl. 07:42]

Þig vantar fleiri klukkutíma í sólarhringinn eins og er. Kosturinn er að maður rúllar í rúmið og sofnar um leið, en gallinn er að ekki gefst nægur tími til að sofa áður en taka þarf til aftur. Guði sé lof fyrir Jorgu. En svo er líka yndislegt að eiga framtakssöm börn sem geta hjálpað til og bakað vöfflur. Við þekkjum að þær koma ekki sjálfar þó við óskum eftir þeim. Vonandi hefurðu tíma til að lúlla örlítið legnur og slaka á í Ungverjalandi og safna orku fyrir næstu törn. Unga fólkinu finnst líka gott að gera hluti sem eru metnir. Manstu eftir gólfunum sem voru orðin hrein þegar amma þín kom frá Reykjavík. Það gaf henni gleði og þér orkupúst að finna gleðina af að gera gagn.

[Jenný Anna Baldursdóttir, 22.5.2008 kl. 08:11]

[Linda litla, 22.5.2008 kl. 08:28]

Krúttfærsla...

[Brynja skordal, 22.5.2008 kl. 11:08]

Mikið að gera á stóru heimili Ásthildur mín en allt þess virði með allt þetta fallega fólk í kringum þig hafðu það ljúft Elskuleg

[Laufey B Waage, 22.5.2008 kl. 11:09]

Njóttu vorsins, þrátt fyrir annir.

[Anna Ólafsdóttir (anno) (IP-tala skráð) 22.5.2008 kl. 11:33]

Það er alltaf jafnnærandi fyrir hjartað að fara inn á síðuna þína og upplifa fegurð Vestfjarða og svo þessar fallegu barnssálir sem prýða síðuna þína.

[Linda Linnet Hilmarsdóttir, 22.5.2008 kl. 11:40]

Innlitskvitt og bestu kveðjur

[Sigrún Þorbjörnsdóttir, 22.5.2008 kl. 11:42]

Gaman að fá að fylgjast með þrátt fyrir annir hjá þér. Þú getur vonandi slappað af í ferðinni. Sendi þér orku

[Ásthildur Cesil Þórðardóttir, 22.5.2008 kl. 12:09]

Takk öll sömul.

Segðu! Lilja mín.

Takk Steingrímur minn.

Jóhann þar er til brandari um fólki sem getur ekki pissað í hornin á kúluhúsum haha.

Takk ekki veitir mér af Búkolla mín.

Dísa það sem þú manst eftir hahahaha.... annars er það rétt að mig vantar sko meira en nokkra klukkutíma í sólarhringinn.

Knún Jenný mín.

Takk Linda mín.

Takk sömuleiðis Guðlaug mín.

Jamm Brynja mín, takk og sömuleiðis.

Reyni Laufey mín.

Takk Anna mín.

Smuleiðis Linda Linnet mín.

Takk Sigrún mín, orkan er vel þeginn mín kæra.

 

[Rósa Aðalsteinsdóttir, 22.5.2008 kl. 12:22]

Sæl Ásthildur mín.

Farðu varlega. Við vitum að þú ert vinkona okkar þó að þú getir ekki kíkt á okkur öllum tímum. Allavega vil ég líkja þessu hjá þér eins og bullandi síldarvertíð hér í denn.

Frábært að hafa Jorgu.

Guð veri með þér kæra vinkona.

Mundu að fara vel með þig.

Kær kveðja/Rósa

[Linda litla, 22.5.2008 kl. 12:27]

Það er víst í nýjasta tölublaði af "sumarhúsið og garðurinn" heljarinnar viðtal við hana Gerðu í kúluhúsinu sínu Auðkúlu við Hellu.

[Ásthildur Cesil Þórðardóttir, 22.5.2008 kl. 12:46]

Takk elsku Rósa mín.

Linda ég þarf að lesa það.  Gerður er frábær kona, og mikil ræktunarmanneskja.  Gaman að heyra þetta.

[Kristín Katla Árnadóttir, 22.5.2008 kl. 13:39]

Þú ert dásamleg Ásthildur mín. Knús

[Helga Magnúsdóttir, 22.5.2008 kl. 14:14]

Færslurnar og myndirnar hjá þér eru svo flottar að mann langar bara að flytja á Ísafjörð. Er mikill skortur á prófarkalesurum hjá ykkur?

[Huld S. Ringsted, 22.5.2008 kl. 16:33]

[Steinunn Helga Sigurðardóttir, 22.5.2008 kl. 17:07]

sendu blómadívunum hugarkærleik frá mér kæra cesil, þér líka.

knús inn í kvöldið

steina

[Eyrún Gísladóttir, 22.5.2008 kl. 19:43]

ææ ert þú alveg að ganga framm af þér Ásthildur mín reyndu að ná í kraft úr þessu undurfagra umkverfi hjá þér.

Knús

[Ásthildur Cesil Þórðardóttir, 22.5.2008 kl. 23:10]

Takk elskurnar mínar, ég er reyndar ansi þreytt og lúin.  En þetta er bara tímabundið, svo lagast þetta aftur og hlutirnir fara í ákveðin farveg sem betur fer.  Takk fyrir mig