Knúsídúllur og 1. maí.

1. maí 2008.  Dagur verkalýðsins, og einnig uppstigningardagur sem tilheyrir kirkjunni.  En hefur sennilega tilheyrt fornum trúarbrögðum, þar sem kirkjan tók yfir flesta helgidaga heiðinna manna, meðan þeir voru að ná fótfestu.  Nóg um það.  Þetta er allavega fallegur dagur.  Elli minn er bæði að spila í lúðrasveitinni og syngja með Karlakórnum, en ég kemst ekki til að hlusta, þar sem ég er nú þriggja barna móðir og kemst ekki fet  En það er furðulegt hvað maður er fljótur að gleyma öllu svona stússi, þegar börnin stækka og fara að heiman.  En það rifjast svo allt upp aftur, þegar maður kemst í sömu spor aftur.  En eins og Elli minn segir, ætli þetta sé nú ekki enn eitt yngingarmeðalið.  Heldur manni allavega á tánum.

Ég var nú bara að spá í hvort ég ætti ekki að fara út í dyr og berja pottana mína með sleif, til að mótmæla þessu háa matvælaverði.  Eins og konurnar gerðu í Chile á sínum tíma.  Ætli það væri ekki áhrifaríkara en allar göngur og mómæli, ef við tækjum okkur saman húsmæður og herrar og sameinuðums um að slá taktinn með pottum og pönnum hver við sínar útidyr.

Svona var veðrið í gærmorgunn, dálítið hráslagalegt svona snemma morguns, en birti til, þegar á daginn leið.

Sólin gægist á kubbann.

Systurnar bjuggu sig á leikskólann, og þetta er systraknús.

 

Skáparnir hennar ömmu eru mjög áhugaverðir, og þetta gula teppi er ómissandi hjá Ásthildi litlu.

Hún druslast með það um allt hús, og getur ekki farið að sofa án þess að knúsa það.

Haha amma BUUU!

Þessi skápur er alveg mátulegur fyrir mig.

Og svo er hann fullur matar líka.

Og Hanna Sól hjálpar ömmu að leggja á borðið.

Svo er það hann Brandur.  Hann týndist í viku, og það kom í ljós að hann hafði lokast inn í gámi sem við geymum ýmislegt í.  Hann hafði þvælst þangað inn þegar Elli var að ná í eitthvað, forvitnin drap köttinn, samt ekki Brand, því hann hefur sennilega lifað á músum í þessa viku.  Hann var vel haldinn kattarkvikindið, en mikið var hann samt feginn að komast heim aftur  Þó hann þurfi að þola heilmikið knús.

Kvöldið er fagurt.  Það var flogið langt fram eftir kvöldi í gær, hér er að fara fram blakmót öldunga, hingað koma um 700 manns hef ég heyrt, svo nóg er um að vera.  Svo hér er margt um manninn. 

Hanna Sól er komin í 1. maí fötin sín, og stillir sér upp fyrir ömmu að taka mynd.

Sú stutta er líka búin að klæða sig upp á, eins og hennar er von og vísa

Júlli og Sigurjón Dagur eru í heimsókn, og Sóley Ebba gisti í nótt.  Þau hafa það bara notalegt.

Prinsessan mín.

Athugasemdir

[Sigrún Jónsdóttir, 1.5.2008 kl. 12:29]

Það er hægt að fara með potta og sleifar í kröfugöngur dagsins.  Baráttukveðjur í Kúluhús

[Ásthildur Cesil Þórðardóttir, 1.5.2008 kl. 12:52]

Það er alveg hárrétt hjá þér Sigrún mín.  Við hefðum átt að fatta þetta fyrr.  Það hefði nú verið táknrænt ekki satt.

Búkolla það er gaman að því hvað þarf oft lítið til að barn festi trúnað við eitthvað.  Krakkarnir mínir áttu hann Óla, hann var tuskudúkka, prjónaður, og þegar annar fóturinn datt af og týndist, var saumaður á hann ullarsokkur öðrumeginn.  Þegar Júlli minn lærbrotnaði sennilega um 9 ára aldur, og þurfti að liggja í margar vikur í strekk, þá var það hann Óli sem var beðið um að fá á sjúkrahúsið.  Og Óli lá með honum allan tímann á sjúkrahúsinu.   Knús á þig líka Búkolla mín.

[Jenný Anna Baldursdóttir, 1.5.2008 kl. 13:05]

[Katrín Snæhólm Baldursdóttir, 1.5.2008 kl. 13:40]

Mikið væri æþað flott að fara út í dyr með pottana og pönnurnar og gera ærlegan húsmæðrahávaða

Skemmtilegar myndirnar eins og alltaf..ég er líka heima að passa barnabarnið sem nú býr hjá ömmu og afa ásamt mömmu sinni meðan mamman safnar peningum fyrir íbúð og kjarki til að takast á við snarklikkaðan húsðismarkað. Mamma litla...mamma barnabarnsins... átti líka hana Stínu dúkku þegar hún var lítil. Á hana vantaði tvær hendur, einn fót og hausinn.. en það breytti engu um ást stelpunnar litlu á Stínu sinni....Móðurástin sér bara allt það fallega í sínum

[Ásthildur Cesil Þórðardóttir, 1.5.2008 kl. 14:01]

Svo satt Katrín mín, útlitið skiptir engu máli, það er ástin sem skiptir máli

Það er annars ekki svo vitlaus hugmynd að berja í potta og pönnur, þó við séum orðnar of seinar núna 1. maí, þá má miða við næstu verðhækkanir.  Við ættum að láta verða af þessu einn góðan veðurdag.  Ég mæli allavega með því.

[Helga skjol, 1.5.2008 kl. 14:10]

[Steinunn Helga Sigurðardóttir, 1.5.2008 kl. 17:37]

rosalega er mikið fjör hjá þér !!

sætar stelpu í bleiku með fullt af slefi.

hérna hækkar líka verðið á mat, en ég heyri engan mótmæla, ekki enn

Bless

steina

[Ásthildur Cesil Þórðardóttir, 1.5.2008 kl. 17:40]

Knús Helga mín

Spáum í það, ef allar húsmæður kven-og karlkyns myndu berja pottana sína um heiminn, ætli það myndi heyrast frá einum stað til annars? Knús á þig Steinunn mín.

[Huld S. Ringsted, 1.5.2008 kl. 20:29]

[Auður Matthíasdóttir (IP-tala skráð) 1.5.2008 kl. 21:39]

 "En eins og Elli minn segir, ætli þetta sé nú ekki enn eitt yngingarmeðalið."   Þetta er algjör snilld hjá Ella manni þínum að skilgreina þessa ofurgóðmennsku svona.  Það er meira en að segja það að taka þrjú lítil börn að sér í nokkra mánuði ,  já þó það séu barnabörnin yndislegu.  Þú ert nú meiri súperamman, Ásthildur mín!  Og Elli þinn ekki síðri í afahlutverkinu.  Og takk fyrir fallegar myndir.  Kær kveðja.  Auður

[Kristín Katla Árnadóttir, 1.5.2008 kl. 21:59]

Knús á þig elsku Ásthildur mín

[Eyrún Gísladóttir, 1.5.2008 kl. 22:01]

Ég sé fyrir mér endalausa ást og hlýju í kúluni.
Knús á ykkur öll dúllur

[Þórdís Einarsdóttir, 1.5.2008 kl. 22:37]

Sonur minn fer um allt með koddann sinn. Það má náttúrulega ekki vera hvaða koddi sem er og alls ekki hvaða koddaver sem er. Mjúki bíbíkoddinn skal það vera. Sem betur fer á ég tvö koddaver sem eru eins svo það er hægt að skipta reglulega til að þvo. En það fer allt í voða ef koddinn gleymist heima.

Knús í kúluna.

Þ 

[Guðborg Eyjólfsdóttir, 2.5.2008 kl. 00:10]

Pottar og pönnur líst vel á það, mótmæli með þér  Fallegar myndir að vanda hjá þér og gaman að sjá hvernig þetta lítur út á Ísafirði núna foreldrar mínir voru einmitt að koma þangað í kvöld til að vera við jarðarförina hennar Helgu Maju sem er systir hans pabba

[Karl Tómasson, 2.5.2008 kl. 00:14]

Taskan komin og kisan og öll fallegu börnin þín eru svo falleg og fín.

Getur þetta verið betra.

Bestu kveðjur frá Kalla Tomm úr Mosó.

[Tiger, 2.5.2008 kl. 02:55]

Já, ég er sammála húsbandinu þínu um að börnin blessuð séu bara yngingarmeðöl. Og svo eru náttúrulega blásturshljóðfæri og söngfuglakórar líka yngjandi og ótrúlega skemmtilegt að stunda. Þú ert endalaus uppspretta af gleði og ástúð mín kæra Ásthildur!

Ég styð sannarlega þessa frábæru hugmynd þína um að berja í potta og pönnur til að mótmæla, ef það virkar ekki - þá notum við bara pottana og pönnurnar tli að berja á ráðamönnum þjóðarinnar. Knús á þig ljúfust og eigðu yndislegan föstudag.

[Ásthildur Cesil Þórðardóttir, 2.5.2008 kl. 12:43]

Takk öll sömul mín kæru

Knús Huld mín

Takk Auður mín, ég verð alltaf glöð þegar ég sé að þú kíkir við

Knús á þig Katla mín.

Takk Eyrún mín, já það var fljótt um hana Helgu Maju blessaða.  Knús á þig

Já Þordís min, koddar, sængur eða teppi, og svo bangsar og dúkkur, það væri gaman að setja upp svoleiðis þráð um hvaða dýr og muni börnin okkar og barnabörnin taka ástfóstri við.

Hanna Birna, við þurfum bara að samræma stundina, og svo öll sem eitt gera alls herjar hávaða.

Nei Kalli minn það getur ekki betra verið svei mér þá

Takk TíCí minn, ef þetta er svona þá hallar á mig og manninn, annað hvort verður hann að hætta að syngja og spila eða ég að fara af stað

Við förum öll út að slá potta og pönnur, og jamm lýst vel á þetta síðara, það er gott að nota pönnurnar í það

Yndislegan föstudag til þín líka með von um að Tölvan þín komist sem fyrst í lag.