Taekwondo - ef einhver les....

þetta blogg og veit um málið, þætti mér vænt um að hann hefði samband.

En stubburinn minn gleymdi töskunni sinni í Holtaskóla í Keflavík, þegar við fórum heim.  Hann er alveg eyðilagður.  Hún gæti líka hafa þvælst með akureyringunum.  Allur búningurinn hans var í töskunni, sem lýtur svona út;

Ég vona að einhver viti um töskuna og annað hvort hringi í mig eða sendi hana í Kúluhúsið á Ísafirði.  Númerið er 861 1444.  Það er hægt að senda, með því að viðtakandi greiði kostnaðinn.

Ég var ansi þreytt í gærdag, og gerði ekki neitt nema dúlla við litlu stelpurnar mínar.  Sem voru rosalega glaðar að fá okkur heim aftur.  En afi stóð sig líka mjög vel í pössuninni. 

Hann sagði mér að Hanna Sól fór að ræða við hann um fjölskylduna, afa gamla, ömmu og afa, pabba og mömmu og svoleiðis, það er notalegt að ræðast við meðan maður ekur gönginn.  Svo spurði hún; afi hvar eru pabbi þinn og mamma? Þau eru bæði farin til Guðs, sagði afi.

Skaut þau einhver ? spurði barnið.  Hún er náttúrlega dóttir verðandi dýralæknis.

Annars er lífið að færast í sinn vanagang hjá mér.  Og vorið heldur áfram að lifna og sækja á vetur konung.  Sumar er ef til vill of mikið sagt  en vorið er örugglega komið.  Nú þarf að fara að huga að gróðrinum, hvernig hann hefur komið undan vetri og skipuleggja næstu skref í hreinsun og áburðargjöf.  Þetta kemur allt saman. 

En eigið góðan dag, elskurnar.  Ég ætla að setja meira inn um Taekwondomótið í kvöld.  Knús á ykkur öll, og takk fyrir að líta við og lesa það sem ég set frá mér.  Mér þykir vænt um það.

Athugasemdir

[Ásthildur Cesil Þórðardóttir, 29.4.2008 kl. 11:09]

Takk Búkolla mín, já ég vona svo sannarlega að þetta skili sér.

[Hrönn Sigurðardóttir, 29.4.2008 kl. 11:13]

Vona að taskan hans skili sér.

Beztu kveðjur vestur

[Dísa (IP-tala skráð) 29.4.2008 kl. 11:19]

Vonandi kemur taskan í ljós. Venjulega er mjög vel haldið utanum dót á svona mótum og allt reynt til að skila. Allir vita að auðvelt er að gleyma sér augnablik. En það hefur verið gaman að koma heim og sjá litlurnar og að allir voru saman aftur. Svo byrjar rútínan á ný með öllum sínum tilbrigðum til að krydda. Kær kveðja.

[Sunna Dóra Möller, 29.4.2008 kl. 11:20]

[Kristín Katla Árnadóttir, 29.4.2008 kl. 11:26]

Þetta er leitt að heyra ég vona svo sannarlega að taskan skili sér.

Kær kveðja Ásthildur mín

[Ásthildur Cesil Þórðardóttir, 29.4.2008 kl. 11:45]

Takk stelpur mínar, já ég vona svo sannarlega að taskan finnist.  Já Dísa mín, ég er viss um að það er haldið vel utan um svona hluti, svo er bara að vita hvert á að skila þeim.  Ég hef hringt í Holtaskóla, og vonandi er taskan þar.  Knús á ykkur allar inn í daginn.

[Elísabet Markúsdóttir (IP-tala skráð) 29.4.2008 kl. 11:55]

Ég skal renna við í skólanum í dag og gá hvort taskan er þar

[Jenný Anna Baldursdóttir, 29.4.2008 kl. 12:01]

Vona að taskan komi heil heim. 

Yndisleg sú stutta.  Pælingar barna eru dásamlegar.

[Ásthildur Cesil Þórðardóttir, 29.4.2008 kl. 12:11]

Takk elsku Elísabet mín.

Já Jenný mín ég vona það svo sannarlega.  Þessir búningar eru ekki gefins, og allt sem þeim tilheyra.  Þó er tilfinningatjónið meira hjá stubbnum, hann var svo hreykin af búningnum og ætlaði að passa svo vel upp á hann.

Já þessar elskur eru algjörar!!! eins og Hanna Sól segir með áherslum.  

[Linda litla, 29.4.2008 kl. 12:49]

æi... krúttið, skaut þau einhver ?? Þessi börn eru svo saklaus og að hlusta á þau og fá beint í æð hvað veltur upp úr þeim er alveg yndislegt.

Það er svo oft að eitthvað tínist á svona ferðalögum, vona svo sannarlega að taskan skilist til stubbsins, það er greinilega allt í henni.

Eigðu góðan dag Ásthildur mín.

[Huld S. Ringsted, 29.4.2008 kl. 12:51]

Æ strákgreyið, vonandi skilar taskan sér til hans!

[Ásthildur Cesil Þórðardóttir, 29.4.2008 kl. 13:47]

Já Linda min, það var allt hans helgasta í töskunni.  Búningurinn sem hann var svo hreykin af.  Já þau eru saklaus blessuð börnin.

Já ég vona það líka Huld mín takk.

[Sigrún Jónsdóttir, 29.4.2008 kl. 13:52]

Vona að taskan komist til skila.  Góðar kveðjur í Kúluparadís

[Herdís Alberta Jónsdóttir, 29.4.2008 kl. 13:53]

Gleðilegt sumar, rosalega ertu rík kona Ásthildur, þessir krakkar eru alveg frábær, bleikar stelpur með vængi og allt, líklega ljósálfar í fyrra lífi. Ég er að velta fyrir mér myndbirtingu á nöktum börnum og er verulega hugsi yfir þeim, en það fer í taugarnar á mér að þurfa að hugsa um það, nekt er eðlileg og mér finnst nauðsynlegt og heilbrigt að börnin læri að umgangast nekt sem slíka, ekki eitthvað ljótt sem þarf að fela.

[Solla Guðjóns, 29.4.2008 kl. 14:44]

[Hulda Bergrós Stefánsdóttir, 29.4.2008 kl. 16:19]

Svona fer stundum með stubba og töskur, en vonandi finnst hún.

Ég get sagt þér að klaufdýrið mitt skildi einu sinni útivistarjakka eftir þegar hann var í skólaferðalagi í Skagafirði og viti menn hann komst alla leiðina til skila í Hveró  

[Tiger, 29.4.2008 kl. 16:38]

Ussuss... það er nú bara skelfilegt þegar maður tapar persónulegum hlutum - og svona töskur með búning og allt, bara leitt. Vona að þetta finnist og skili sér alla leið til ykkar aftur. Ég mun eitthvað lítið vera á ferðinni hérna á netinu - allavega í athugasemdum - næstu daga vegna tölvukrasserís - er á lánstölvu frá árinu 1830 sem er að frjósa í öðru hvoru orði og hlutirnir hverfa líka hérna í henni ef ég er ekki fljótur að ýta á senda... en knús á þig gullið mitt og hafðu það yndislegt.

[Ásthildur Cesil Þórðardóttir, 29.4.2008 kl. 18:06]

Takk Sigrún mín.

Dísa mín ég er algjörlega sammála þér, það er ömurlegt að taka sakleysið frá börnunum með þessum hætti.  Takk fyrir að kíkja við. Alltaf gaman að hitta gamla kunningja

Knús á þig líka Solla mín.

Gott að heyra þetta Hulda mín, ég vona svo sannarlega að það gerist líka núna.  Ég er búin að hringja í bæði skólan og taekwandofélagið og þau ætla að leita að töskunni.

Elsku TíCí minn, vonandi færðu tölvuna þína sem fyrst í lag ljúfurinn minn. ég er með svona forngrip í vinnunni, og veit um hvað þú ert að tala.

Jóna Ingibjörg mín, ég held að ég þurfi svona mánuð til að sofa  en þá verð ég bara ennþá latari en ég er.  Maður er rifinn upp án miskunnar, og veistu maður lærir af þessu alveg allt upp á nýtt.  En Guð hvað ég elska þessi litlu kríli.

[Elísabet Markúsdóttir (IP-tala skráð) 29.4.2008 kl. 18:55]

Hæ Ásthildur mín, leitt að taskan var ekki í skólanum! Húsvörðurinn talaði um að einhver Kolla hefði farið yfir salinn, hún er eitthvað á vegum taekwando félagsins hér í Keflavík, vertu í sambandi ef ég get eitthvað hjálpað, knús

[Ásthildur Cesil Þórðardóttir, 29.4.2008 kl. 19:58]

Já takk Beta mín, ég hrindi í forsvarsmenn félagsins, og þau voru mjög elskuleg og ætla að gera allt til að finna töskuna.  Ef hún finnst ekki þar, berast böndin að akureyri.  En hún er allavega einhversstaðar þessi taska með öllu sínu dýrmæta innihaldi.

[Eyrún Gísladóttir, 29.4.2008 kl. 20:34]

ÆÆ leiðinlegt með töskuna vona að hún finnist.

en það er alveg dásamlegt hvað þessi börn setja út úr sér .vinkona mín var að segja ungum syni sínum að amma hans væri dáin þá sagði hann ha hver drap hana og svo eftir smá útskíringar með það þá sagði lillin og hvar verður hún gróðursett haha.

[Helga Magnúsdóttir, 29.4.2008 kl. 20:42]

Vesen að taskan skyldi týnast. Vona að hún komi í leitirnar.

[Ásthildur Cesil Þórðardóttir, 29.4.2008 kl. 20:50]

Eyrún hehehehe...

Takk Helga mín, vona það líka. 

[Elísabet Árný Árnadóttir. (IP-tala skráð) 29.4.2008 kl. 20:50]

Sæl Ásthildur .Ég var með akureyringunum á þessu móti og var viðstödd þegar það var tekið úr rútunni og það var því miður engin aukataska með en ég skal samt athuga það betur.

[Ásthildur Cesil Þórðardóttir, 29.4.2008 kl. 21:42]

Takk Elísabet mín.  Öll aðstoð vel þegin, en ég held að þið hafið verið farin með allt ykkar dót áður ein við fórum.  En það er auðvitað alltaf þessi möguleiki. 

[G Antonia, 29.4.2008 kl. 21:45]

aei ég vona ad hann fai toskuna tilbaka. Eg thekki thetta - ekki langt sidan madur var med drengina sina i svona ithrottaferdum ....  einnig var eg ad vinna i ithrottamidstod og nokkrar mommur sem hringdu eftir svona mot.   

Annars solarknus fra Spani **

[Elísabet Árný Árnadóttir. (IP-tala skráð) 29.4.2008 kl. 21:56]

Ég kannaði málið og það var engin auka taska.En vonandi finnst hún fljótt . Bestu kveðjur heim á vestfirðina     kv frá Akureyri.

[Ásthildur Cesil Þórðardóttir, 29.4.2008 kl. 22:06]

Knús á þig líka GAntonía mín.

Takk Elísabet mín. Þetta var aldeilis frábært mót, fannst þér ekki ? Bestu kveðjur líka til Akureyris. 

[Ásthildur Cesil Þórðardóttir, 29.4.2008 kl. 23:00]

Takk Gréta mín og knús á þig líka.