Héraðsdýralæknum fækkað um helming eða meira - hvar eru mótmælin ?

Ég er dálítið hissa hvað lítið heyrist í dýralæknum og bændum í sambandi við fyrirhugað frumvarp svokallaðs sjávar- og landbúnaðarráðherra, þá á ég við þann hluta að kútta héraðsdýralæknum úr 16 niður í 6, eða var það 8 ?  Allavega niður um helming eða meira.  Á sama tíma og hann er að boða innflutning á hráu hormónakjöti erlendis frá, þá fækkar hann eftirlitsaðilum.  Eða maður hefði haldið að dýralæknar væru best til þess fallnir að fylgjast með heilbrigði kjötsins.

 Það heyrist ekkert í Vestfirðingum, en eftir því sem ég hef heyrt, þá á að leggja niður embætti dýralæknis á Vestfjörðum, hann verður sum sé staðsettur í Borgarnesi.  Mjög svo viturleg ákvörðun eða þannig. 

Það veruð gaman fyrir bónda á Tröð í Önundarfirði, þegar kind verður í erfiðleikum með burð.  Hann hringir náttúrlega til Borgarness; geturðu komið og aðstoðað mig ? Ég er með kind sem á í erfiðleikum að bera. 

Nei ég get ekki komið, segir Dýralæknirinn, enda er það ekki mitt verk, ég á bara að vera yfir svæðinu.

Nú segir bóndinn, hvert á ég þá að leita ?

Nú ég held að það sé kona þarna fyrir vestan sem er dýralæknir, hún var þarna allavega.

Já en hún flutti auðvitað í burtu, þegar embætti hennar var lagt niður.

Nú hverslags er þetta eiginlega, gat hún ekki bara verið kyrr, og praktiserað ?

Praktiserað ? spyr bóndinn dolfallinn, heldur þú virkilega að hér séu svo mörg gæludýr að það sé viðurværi fyrir dýralækni ?  Nei hér er enginn á svæðinu til að aðstoða okkur.

Þú verður bara að lóga kindinni segir dýralæknirinn.

 

Hverslags bölvar rugl er þetta eiginlega.  Það er ekki nóg með að þessi mannvera hafi átt sinn stóra þátt í að rústa landsbyggðinni með því að skera niður þoskveiðiheimildir, heldur ætlar hann núna að ganga á milli bols og höfuðs á bændum líka. 

Mér er spurn, ætla bændur á Vestfjörðum að láta þetta yfir sig ganga mótþróalaust.  Er virkilega búið að draga allar tennur úr Vestfirðingum, svo þeir geta ekki hreyft sig meir ?

Maður var að vona að átakið frá Haga til maga, eða eins og sagt var frá Hafi og Haga til Maga, myndi skjóta styrkari stoðum undir bændur í strjálbýli og einnig auka vægi dýralækna.  En nei, það á að drepa það allt saman niður líka.  Landráðamaður er sá sem þannig hagar sér, að hann neyðir fólk til að flosna upp og fara.  Vei þeim sem veldur slíku.  Hann á ekki að fá leyfi til að fara með þau völd sem hann hefur.  Svona menn á að refsa grimmilega ef ekki fyrr þá í kosningum. 

Bændur það er ykkar að standa með dýralæknum í þessari baráttu, og láta ekki fara svona með landnúnaðinn.  Þetta frumvarp á að fá að deyja drottni sínum. 

Eða það er líka hægt að taka upp vopnin og berjast með okkur fyrir frjálsum Vestfjörðum.  Loka okkur af frá Íslandi og vera sjálfstæð.  Það er líka möguleiki.  Og sennilega sá raunhæfasti miðað við hvernig stjórnvöld fara með fjórðunginn.  Eða ætla menn endalaust að kyssa á vöndinn og láta taka sig ósmurt ?

Enginn aðstoð meira við kúabændur, þeir verða bara að lóga kúnni, því ekki kemur dýri alla leið frá Borgarnesi, enda hefur hann þá í nógu að snúast.  Eða ætla menn virkilega að ráða aðstoðardýralækna á fámennari staðina ?  Eða jafnvel bara einhvern bóndann í sveitinni, sem þykir liðtækur að hjálpa, þegar enginn lærður dýralæknir vill vinna í hjáverkum við að aðstoða. 

Eða hafa ráðamenn ef til vill EKKERT HUGSAÐ UM ÞAÐ HVERNIG ÞETTA ER Í PRAXIS, kæmi mér ekkert á óvart miðað við stjórnarhættina sem þeir viðhafa núna.   Svei því bara. 

Athugasemdir

[Kristín Katla Árnadóttir, 21.4.2008 kl. 11:20]

Það er ekkert gert neitt sambandi við landbúnaðinn eða í kvótakerfinu. Ég skil vel að fólk sé orðið þreytt á þessu öllu saman.

Knús

[Ásthildur Cesil Þórðardóttir, 21.4.2008 kl. 11:37]

Já það er mjög furðulegt hvað fólk er áhugalaust um þessa grundvallar undirstöðuatvinnuvegi okkar.  Knús á þig líka Katla mín.

[Jenný Anna Baldursdóttir, 21.4.2008 kl. 11:42]

Er algjörlega ekki inni í þessu máli en tek orð þín fyrir þessu og þetta hljómar vægast sagt fáránlega.

Kveðjur vestur

[Ásthildur Cesil Þórðardóttir, 21.4.2008 kl. 11:55]

Las um þetta bæði í mogganum og bændablaðinu.  En það er falið inn í greinum um innflutning á hráu kjöti.  En ég veit líka að dýralæknar hafa verið að funda um þetta, og þeir eru ekki hressir.  Ég vona að það heyrist í þeim fljótlega, og svo vil ég sjá bændurna og aðila sem málið er skylt hefja upp raust sína og mótmæla.  Þetta verður heldur enginn sparnaður, heldur jafnvel eitthvað dýrara, því þarna virðist mér vera verið að setja upp einn millilið í viðbót eða þessa 6 eða 8 yfirdýralækna, sem eiga að hafa málin á höndum sér, og svo eiga þeir að hafa einhverja undirmenn, ef ég skil þetta rétt.  En ég mun fjalla meira um málið seinna, þegar ég hef fengið nánari upplýsingar.  En þetta er alveg fáránleg ráðstöfun sýnist mér á öllu. 

[Dísa (IP-tala skráð) 21.4.2008 kl. 12:48]

Þetta er afturhvarf til fortíðar. Fyrir fjörutíu árum var þetta svona, enginn dýralæknir og ef fólk gat ekki bjargað sínum dýrum var bara að skjóta þau. Nema þeir sem voru eins og ég sem ekki gat snert byssu og setti kind sem fótbrotnaði í gips. Hún greri vel skinnið en endaði í sláturhúsinu um haustið þegar við fluttum. En það er ekki hægt að taka þjónustu af fólki sem það er búið að hafa, var annað meðan dýralæknar voru hálfgerðar "þjóðsögur" sem bara hafði frést af.

[Harpa (IP-tala skráð) 21.4.2008 kl. 12:54]

Er ekki dýralæknir í ríkisstjórninni?

[Gló Magnaða, 21.4.2008 kl. 13:04]

Djöfulls rugl er þetta.  Fækkum frekar þingmönnum þeir eru óþarflega margir.

[Ásthildur Cesil Þórðardóttir, 21.4.2008 kl. 13:45]

Þetta er alveg hræðilegt að fokka svona upp dýralækna þjónustunni í landinu.  Það er alveg hárrétt að auðvitað á ekki að fara mörg ár aftur í timann með þjónustuna.  Hvað ætli Evrópustaðallinn segir um þetta ? Það hlýtur að vera ólöglegt að hafa þetta svona. 

Í alvöru Dísa settirðu kindina í gifs  Þú ert frábær.

Og Gló sammála við höfum ekkert að gera með 63 kjána á þingi. 

Harpa jú það er dýralæknir í stjórninni, hann virðist nú ekki kippa sér upp við þetta samt, enda vanur annarskonar fésýslu

En mér finnst það þarft að ræða þetta mál, og almenningur á að þrýsta á um að þetta verði dregið til baka, það er ennþá tími til þess held ég.  Þetta er bara vitleysa, það geta allir séð sem hafa komið nálægt sveitamennsku og útkjálkum þessa lands.  Ég held að fyrring þessarar ríkistjórnar sé algjör.