Ég mótmæli.

Bloggvinur minn J. Einar Valur Bjarnason Maack vakti athygli mína á þessari frétt í Morgunblaðinu.  Ég vil láta í ljós andstyggð mína á þessari frétt, og svörum lögreglustjórans.  17. ára unglingur sem um ræðir kærir, og dregur svo kæruna til baka.  Það er ekki ljóst hvað átt hefur sér stað þarna, það var aldrei rannsakað en hún dæmd ósannindamannsekja af lögreglunni.  Ef í raun og veru samræði hefur átt sér stað án vilja stúlkunnar, þá er svar lögreglunnar nauðgun númer tvö.  Hvað er eiginlega að fólki að birta svona lagað.  Ætli barninu líði ekki nógu illa, þó landsmenn séu ekki að velta sér upp úr þessu.  Ég segi eins og Herbert í guðanna bænum a.m.k. minnkið skaðan með því að LOKA FYRIR BLOGGMÖGULEIKAN, hér er um að ræða barn eftir skilgreiningu laga.  Og munið að aðgát skal höfð í nærveru sálar.

Ekki var brotið á stúlkunni

Athugasemdir

[óli (IP-tala skráð) 16.4.2008 kl. 11:54]

Hún laug þessu! Það er koið á hreint. Þessi selpa á ekkert annað skylið enn refsingu fyrir það

[Ásthildur Cesil Þórðardóttir, 16.4.2008 kl. 12:00]

Það breytir ekki því að hún er bara 17 ára, og það á ekki að vera að fjalla svona um þetta opinberlega.  Stúlkan getur borið þess merki alla tíð.  Hún á að fá annarskonar refsingu, eins og tiltal, og sálfræðiþjónustu en ekki hróp í fjölmiðlum.

[Guðborg Eyjólfsdóttir, 16.4.2008 kl. 12:27]

Alveg sammála þér Ásthildur. En svo er aftur á móti annað mál,  þegar svona stelpur ljúga svona upp á menn þá er ekki bara mannorð stelpunnar í hættu heldur líka þess sem logið er upp á og það finnst mér refsivert

[Ásthildur Cesil Þórðardóttir, 16.4.2008 kl. 12:42]

Alveg sammála því Guðborg, málið er að þarna er ekki rétt farið að.  Í fyrsta lagi er ekki ljóst hvað gerðist, og svo hefði verið heppilegra að gefa stúlkunni alvarlegt tiltal og jafnvel skikka hana til að ræða við sálfræðing.  Leiða henni fyrir sjónir hve alvarlegt það er að gera svona.  En þetta er bara barn kjáni.  Og viðbrögð lögreglunnar forkastanleg.  þeir áttu bara að segja NO comment.

[Solla Guðjóns, 16.4.2008 kl. 13:41]

Hjartanlega sammála þér hérna.

[Tinni (IP-tala skráð) 16.4.2008 kl. 13:46]

Það er kannski rétt sem þið segið en hafa ber eitt í huga. Nauðgun er einn skelfilegasti atburður sem nokkur manneskja getur orðið fyrir og eru afleiðingar þess margsannaðar í lifandi dæmum.

EN

Að vera sakaður um nauðgun þegar það átti sér ekki stað er einnig hroðalegt því þjóðfélagið brennimerkir svoleiðis fólk (réttilega segja margir) og ekki auðvelt fyrir fólk að ná þeim stimpli af sér.

Persónulega finnst mér manneskja sem sakar aðra um nauðgun þegar slíkt átti sér ekki stað hafa sýnt ógeðfellda hegðun og ber að refsa á mjög grimman hátt.

[Anna Lilja, 16.4.2008 kl. 15:35]

Ég tel það augljóst að það átti sér eitthvað vafasamt stað þarna, fyrst stelpan kærir, er það ekki augljóst?

En hitt er ennþá óljósara og það er af hverju hún ákvað að draga kæruna til baka. Er það vegna þess að hún hefur ekki áhuga á að láta dómskerfið nauðga sér öðru sinni?

Kannski var hún sannfærð um að það tæki því ekki, kannski var henni hótað, kannski áleit hún svo að hún gæti ekki gengið í gegnum það. Kannski fyrirgaf hún stráknum. Hver veit?

Ég veit hins vegar það að það er ekki eðlilegt að dæma hana sem lygara frekar heldur en það er eðlilegt líta á það sem svo að sá ákærði sé saklaus. Það vitum við ekki og munum aldrei gera. 

Loka á svona umræður, takk fyrir. 

[Helga Magnúsdóttir, 16.4.2008 kl. 18:14]

Þetta er ömurleg umræða og lögreglan ætti ekki að gefa út neinar svona yfirlýsingar, er búin að segja að henni komi málið ekkert við og ætti að láta það nægja.

[Ásthildur Cesil Þórðardóttir, 16.4.2008 kl. 19:15]

Já einmitt, þeir áttu bara að segja að málið teldist upplýst og ekkert væri meira um það aðsegja.  En eins og Anna Lilja segir, þá veit enginn í raun og veru hvað gerðist.  Og ég er líka sammála Tinna að það að ljúga nauðgun upp á fólk er hræðilegt.  Þess vegna átti að láta fara fram læknisskoðun á stúlkunni, til að ganga úr skugga um hvort um nauðgun var að ræða eða ekki.  Eftir það, gat lögreglan ráðið hvað yrði um framhaldið.

En að sleppa þessu svona lausu, og trúa strax að hún hafi verið að ljúga, án þess að kanna það nánar bendir til að mínu mati, að lögregla tekur létt á málum sem þessum.  Það eru ekki góð skilaboð.