Prinsessur, myndlistasýning og hið daglega veður.

Vitiði hvað ég á heimsins bestu fjölskyldu.  Haldiði ekki að börnin mín hafi haldið fund og ákveðið að skipta sér niður á daga við að gæta stelpnanna eftir leikskólann.  Svo mamma gæti slakað svolítið á.  Þau Júlli og Sigga saman vaktina, Tinna og Skafti aðra og svo Ingi Þór og Matta.  Je minn eini hvað þau eru yndæl við mig.  Einhversstaðar hef ég gert eitthvað rétt.

Takk elsku börnin mín öll sex.

Hér koma svo nokkrar myndir.

einhversstaðar þarna inn á milli svaf ég  Afi náttúrulega löngu flúin af hólmi.

En prinsessur þurfa sér fararmáta ekki satt, þær þurfa bæði burð og íburð

Afar eru mjög góð burðardýr.

áður en haldið var af stað varð auðvitað að gefa smáfuglunum. 

Og kúlan í morgunbirtunni.

Leikskólinn, þessi er fyrir Sigrúnu svo hún sjái hve mikill snjór er eiginlega ennþá á Suðureyri.

Þessi er dálítið ýkt á litinn til að þið sjáið hvernig snjórinn hefur runnið til í fjallinu og myndað skemmtilega skúlptúra.

Súgandafjörðurinn er fallegur svona hreinhvítur.

Og Ísafjörður skartar sínu fegursta líka.

Og svanurinn er kominn.

Þessar gæsir sungu dúett.

Úbbs óttaleg sleipa er þetta, maður dettur bara á hausinn.

Hvað varst þú annars að vilja væna ?

Það fiskast vel á þennan ... eða þannig.

 

en svo fór ég á myndasýningu, og ég verð að segja að ég varð alveg heilluð, ég hef séð miklu slakari sýningar í galleríum sunnanlands, meira að segja í listasafninu.

 

Hér ríkir sköpunargleðin alveg á fullu, skal ég segja ykkur.

Hrosshár úr hesthúsinu hjá Þórunni Birnu, m.a. þeim Unaði, Skírni og Stúf stendur þarna.

Þetta er einhvernveginn svo myndrænt og fallegt.

Mér finnst eiginlega að það ætti að sýna þessar myndir opinberlega til dæmis í Edinborgarhúsinu, svo fólki gefist kostur á að skoða þær.

Það er mikið lagt í sumar myndirnar.

Og litagleðin er takmarkalaus.

Ekki satt ?

Hér er mynd eftir Hönnu Sól.

Þetta glerlistaverk er líka eftir hana.

Sumar myndirnar eru teknaðar með kerti og svo er blek sett eftir á, og þá koma myndirnar í ljós, því kertið hrindir frá sér. 

Sannarlega margar frábærar myndir eftir frábæra krakka.

Og þá er að koma sér heim.

Næsts ætlum við að reyna að muna að taka snudduna út úr munninum

En vissuð þið að kettir á Ísafirði eru afburðargreindir ?  Þið getið spurt hana Matthildi Helga hún er sérstakur kattavinur, sérstaklega villikatta vinur.  En sem sagt þeir eru vel læsir eins og sést á þessu skilti.

Eigið annars gott kvöld og nótt.

Athugasemdir

[Linda litla, 14.4.2008 kl. 21:23]

Börnin okkar eru einmitt bestu listamennirnir okkar. Barnamyndir eru svo fallegar og það er hægt að sjá svo mikið úr þeim.

Takk fyrir mig Ásthildur og njóttu kvöldsins.

[Hulda Bergrós Stefánsdóttir, 14.4.2008 kl. 22:28]

Gott að eiga góða að  takk fyrir myndlistarsýninguna, góða nótt

[Ásthildur Cesil Þórðardóttir, 14.4.2008 kl. 22:31]

Já einmitt Linda mín, þau Eru bara svo sönn þessar elskur.

Elsku Helga mín, sumt þurfum við bara að læra að leiða hjá okkur. Ég segi eins og Milla, mundu öll fallegu kommentin og gleymdu hinu.  Knús á þig elskuleg.

Takk sömuleiðis Hulda mín.

[Laufey B Waage, 14.4.2008 kl. 23:34]

Börnin þín eiga líka góða að, þar sem þú ert.

Það er aldeilis allt á kafi hjá ykkur ennþá. 

[Sigrún Jónsdóttir, 15.4.2008 kl. 00:13]

Elsku Ásthildur, takk fyrir að hugsa til mín.  Snjórinn hlýtur að fara að víkja.  Ef ég man það rétt þá þurfti nú ekki marga daga af rigningu eða sól.  Þú ert heppin að hafa garðskálann í Kúlunni þinni og lengja þar með sumartímann.  Fjölskyldan æðisleg, enda kannski ekki við öðru að búast.

[Brynja skordal, 15.4.2008 kl. 00:23]

Vá Mikið eru þetta allt fallegar myndir yndislegar bara Ásthildur mín það er ekkert sem toppar að hafa svona yndislegan hóp í kringum sig og allir  hjálpast að hafið góða nótt í fallegu kúlunni ykkar

[Lilja Guðrún Þorvaldsdóttir, 15.4.2008 kl. 01:17]

 Það er ekkert skrítið þó að þú eigir góð börn og góða fjölskyldu.  Segir ekki einhversstaðar að "eftir höfðinu dansa limirnir" eða "afþví læra börnin að fyrir þeim er haft".  Og þarna sanna þessi tvö máltæki, að þau eru sannleikanum samkvæm. 

Mikill listamaður er hún Hanna Sól, stóra gula myndin er alveg mögnuð, og glerlistaverkið segir sína sögu, um fallega garðhúsið hennar ömmu.

[Jóhann Elíasson, 15.4.2008 kl. 08:29]

Ég er með öllu orðlaus.

[Dísa (IP-tala skráð) 15.4.2008 kl. 08:39]

Það yndislegasta sem til er eru góð börn sem maður hefur álpast til að hafa eitthvað gott fyrir og þau lært. Ég er oft búin að sjá að það er ekki sjálfgefið að þau geri eins, en þegar það gerist er það ómetanlegt.

Listaverkin eru líka frábær. Í verslunarmiðstöðinni sem ég versla mest eru listaverk sett upp á göngunum eftir leikskólabörnin og eru mörg frábær. Núna er ég búin að sjá eitt eftir litlu dúlluna mína.

En húrra fyrir börnunum þínum, þau sverja sig í ættina, ef hjálpast er að gengur allt.

[Ásthildur Cesil Þórðardóttir, 15.4.2008 kl. 09:23]

Takk öll sömul.  Það er meira en yndislegt að lesa svona falleg innlegg inn í daginn.  Takk fyrir mig.

Já Gréta mín, þetta er sakleysið í sinni tærustu mynd.

Takk Laufey mín, já það er eiginlega alveg heilmikill snjór, en það er samt farið af götunum sem betur fer.

Takk Sigrún mín.  Já það er komið vor í garðskálanum mínum, og hann framlengir svo sannarlega sumarið.

Brynja mín, ég er afskaplega hamingjusöm manneskja, og ég er líka svo glöð inn í mér þegar ég fæ svona frábæra samstöðu hjá mínu fólki.  Ég var ekki einu sini að væla neitt, get svo svarið það.  Þau fundu þetta altjörlega upp hjá sjálfum sér þessar elskur.

Takk fyrir þessi hlýju orð Lilja mín.  Jú einhversstaðar stendur það.  Og ef til vill gerir það mig ennþá glaðari að upplifa slíkt.  En tengdadæturnar fylgja þessu alveg og þær eru allar frábærar og yndislegar líka.   Já veistu ég var nefnilega að hugsa þetta sama með gulu myndina, hún er djúp, en samt svo einföld, og það er greinilegt að hún er með blómin í huga á glugganum. 

Segi það með þér Búkolla mín

Jóhann minn, ég tek þetta sem hrós

Þú segir satt Dísa mín, mesta auðlegð hverrar manneskju eru börnin og afkomendurnir.  Maður fær ekki mörg tækifæri í lífinu til að laga ef eitthvað fer úrskeiðis.  En það er samt alltaf leið sem er fær, ef viljinn er fyrir hendi.  Og allra best er að vera sjálfur góð fyrirmynd.  Já ég var einmitt að hugsa að þær ættu að setja þessa sýningu upp einhversstaðar þar sem fólk getur skoðað hana.  Hún er vel þess virði. 

Takk og knús á þig mín kæra.  

[Hrönn Sigurðardóttir, 15.4.2008 kl. 10:25]

[Jóhann Elíasson, 15.4.2008 kl. 10:28]

Auðvitað Ásthildur, þetta var ekki meint öðruvísi.

[Kidda (IP-tala skráð) 15.4.2008 kl. 11:01]

Þú ert svo rík að eiga þessi börn og barnabörn.

Þessar myndir sem krakkarnir gera eru sko alls ekki verri en þær sem ,,listamenn,, gera. Ef eitthvað er þá eru þær betri.

Knús í hamingjukúluna

[Guðborg Eyjólfsdóttir, 15.4.2008 kl. 11:06]

Æðinslegar myndir Ásthildur mín og jú það gott að eiga góða að  bið að heilsa á Ísafjörð

[Kristín Katla Árnadóttir, 15.4.2008 kl. 11:16]

Ég veit hvað þú átt góða fjölskyldu það er dásamlegt þú ert dásamleg líka börnin eru yndisleg.

[Ásthildur Cesil Þórðardóttir, 15.4.2008 kl. 11:27]

Knús á þig líka inn í daginn Hrönn mín.

 Takk Jóhann minn.

Einmitt það sem ég meina Kidda mín. Takk.

Skila kveðjunni út yfir pollinn Guðborg mín. 

Takk Katla mín.

[Steinunn Helga Sigurðardóttir, 15.4.2008 kl. 12:00]

frábæra myndir, og yndisleg börn. takk fyrir að deila þessu fallega lífi til okkar.

BlessiÞig

steina 

[Ásthildur Cesil Þórðardóttir, 15.4.2008 kl. 12:07]

Allir góðir vættir verndi þig líka dýravinurinn kæri

[Elín Katrín Rúnarsdóttir. , 15.4.2008 kl. 14:27]

Efsta myndin er svo yndislega notaleg eitthvað Amman týnd í rúminu sínu og afinn flúinn Sjálf sef ég í Queen sise rúmi ásamt bóndanum og 3 ára örverpinu og oftar en ekki er það ég sem enda inn í stofu.......samt svo dásamlegt eitthvað Myndlist barna segir manni svo margt..........og er oft mikið fallegri en myndir eftir fullorðna fólkið og fyrir utan það að þá kosta þær miklu minna.....oftast bara einn koss Eigðu góða rest af degi og bið að heilsa vestur

[Jóhanna Magnúsar- og Völudóttir , 15.4.2008 kl. 14:51]

Flott börnin þín!  Þú átt þetta nú kannski pínku skilið  ..

[Ásthildur Cesil Þórðardóttir, 15.4.2008 kl. 15:39]

Já Elín mín, þetta er dæmigert á mörgum heimilum trúi ég  Takk fyrir fallegt og hlýlegt innlegg.

Takk Jóhanna mín, ég vona það innst inni.

[Helga Magnúsdóttir, 15.4.2008 kl. 20:14]

Maður mátti svo sem vita það að þú ættir frábær börn sem standa með þér í gegnum þunnt og þykkt. Frábærar myndir hjá þér af listaverkum, börnum og náttúru.

[Eyrún Gísladóttir, 15.4.2008 kl. 21:59]

En hvað þú átt góð börn.

Dásamlegar myndirnar af dúlluni í kjól og með bangsa í snjónum.

[Karl Tómasson, 15.4.2008 kl. 23:13]

Þú ert nú meiri dugnaðar konan. Takk fyrir að deila þessum fallegu myndum af þér og þínum með okkur. Það er alltaf jafn gaman að koma í heimsókn til þín. Ég finn pönsulyktina.

Bestu kveðjur úr Mosó frá Kalla Tomm.

[G Antonia, 15.4.2008 kl. 23:41]

Algjör perla  bæði þú og þessi sæta með "dudduna". Mér finnst eins og myndirnar þínar breiði faðminn á móti manni, svo skemmtilegt að sjá. Ómissandi að kíkja hingað á þig Ásthildur Cesil mín, takk fyrir birtuna og ylinn sem þú gefur af þér - knús inn í nóttina

[Katrín, 15.4.2008 kl. 23:58]

Þú ert rík kæra vinkona

[Þórarinn Þ Gíslason (IP-tala skráð) 16.4.2008 kl. 04:05]

Sæl Ásthildur mín.

Frábær færsla og myndir,ég gæti alveg eins kannast við "GASSANN" með gæsinni.

Kveðja.

[Tiger, 16.4.2008 kl. 04:28]

  Ohhh... yndislegt og hugljúft að líta inn hjá þér Ásthildur mín. Manni líður alltaf svo vel eftir að hafa séð hlýjuna og hjartagæskuna sem skín úr öllu í kringum þig. Þú er sannarlega rík með allt þetta lið í kringum þig - en börnin og barnabörnin - sem og aðrir í kringum þig - eru svo mikið heppin og rík að eiga mömmu, ömmu og konu eins og þig!

Myndirnar þínar eru auðvitað yndislegar eins og alltaf. Auðvitað dásamlegar barnamyndirnar, en sýnir líka hjartagæskuna að gleyma ekki litlu snjó..typpunum. Allt í einu fannst mér ég vera kominn inn í glæsiheim fuglamyndanna hjá Maddy bloggvinkonu þegar ég sá gæsamyndirnar þínar - þær eru æðislegar- alveg brilljant!

Mikið knús á þig elskulegust og eigðu yndislega nótt og frábæran dag á morgun - sem og þá daga sem skottin þín hlaupa í skarðið hjá þér og létta undir.

[Ásthildur Cesil Þórðardóttir, 16.4.2008 kl. 09:19]

Takk öll sömul, svörin ykkar ylja mér.

Öll þau svörin ylja mér.

Ódáins á völlum.

dýrðar út í daginn fer

með djásn frá ykkur öllum.

Takk Helga M mín.

Já Eyrún hún er algjör krúttmoli þessi stelpa

Flott að þú segir pönnsulykt Kalli minn, því sú eldri er alltaf að biðja ömmu um að baka pönnsur

Takk GAntonía mín.  Gaman að heyra þetta.

Já Katrín mín, ég er rík, svo yndislega rík.

Hehehe Þói minn, þú varst nú dálítið Gassalegur hér á árum áður, og ert örugglega enn flottur.

Knús á þig líka TíCí minn, og þú ert alltaf jafn yndæll og gefandi, hvar sem þú berð þig niður í okkar samfélagi.  Hafðu það gott inn í daginn kæri vinur.

[Hjördís Inga Arnarsdóttir, 17.4.2008 kl. 00:50]

Get ekki annað en kommentað á þessa færslu. Lét  ramma svaka flott inn myndir eftir peyjana mína.Svo kom galleríseigandi í heimsókn og varð alveg dolfallinn vildi fá að vita hver væri listamaðurinn. Þeir voru þokkalega stoltir. Ég hef alltaf viljað hafa verkin krakkana upp á veggjum því þau eru myndasögur sem heilla.  Flott bloggið þitt bæði myndir og texti !Blómamyndirnar eru yndislegar og barnamyndirnar stórkostlegar svo er náttúran sem þú myndar ægifögur.  Á bara eftir að skoða norðurhornin tvö á landinu okkar.Stendur til bóta.

Takk fyrir þetta!

Kveðja "Kaupmannsfrúin í Kúlunni í Eyjum

[Ásthildur Cesil Þórðardóttir, 17.4.2008 kl. 01:14]

Gaman að heyra frá þér Hjördís, ég er með mynd að kúlunni þinni upp á vegg hjá mér, eins og reyndar fleiri kúluhús frá Einari Þorsteini "kúlukalli" eins og við köllum hann gjarnan.  Takk fyrir hlý orð og þú kíkir væntanlega við, ef þú átt leið um.