Mömmublogg, Tjarnarborg og hið daglega veður.

Jæja þá var annar í aðlögun á Tjarnarborg.  Við vöknuðum snemma fjölskyldan og fengum okkur morgunverð saman.  Veðrið er aðgerðarlítið en gott bara.

Notaleg stund í  morgunsárið.

En svo var haldið á Suðureyri til að fara á leikskólan Ásthildur er í aðlögun og gengur rosalega vel.

Jamm hún virkar ekki stór, en dugleg er hún.

Þessi ungi maður er kúabóndi, minnir að hann heiti Sverrir, flottur.

Þessi ungi maður heitir Gunnar og var eitthvað stúrinn yfir morgunmatnum.

en það rjátlaðist nú strax af honum, og hér er hann að hjálpa Sverri með kýrnar.

Hér er svo verið að hleypa út tuskudýrunum, þau þurfa að fara að leika sér við krakkana.

Annar stúrinn stubbur, mig minnir að hann heiti Stanislaw, vildi ekki borða heldur.

hann tók samt fljótt gleði sína, enda ekki annað hægt á þessum frábæra leikskóla, þar sem allir eru vinir og góðir hver við annan.

Hér eru Rakel og Mónika, Rakel situr, Mónika er dálítið abbó út í Ásthildi, eltir hana og reynir að klípa eða hrinda, en hún er skynsöm lítil stúlka og ég veit að þær verða góðir vinir.

Eins og sjá má fellur mín litla vel inn í hópinin og viðurkennir fóstrurnar sínar.

Hahahaha þau eldri hér eru að hlaupa fyrsta apríl.  Fóstrurnar sögðu þeim að það væri lítið folald í garðinum, og þau hlupu til að gá. 

Líka skottan mín.

Svo fóru þau í samverustund, þar sem er lesið fyrir þau og svo syngja þau.  Hver vill koma með mér heim í Kúluna mína, sagði Hanna Sól, þegar ég gekk framhjá

en það var meira að gerast í dag á leikskólanum, þessi unga fröken á nefnilega afmæli í dag, og hún fékk að velja veitingarnar, hún valdi poppkorn.  Þetta er Sara og hún er fimm ára í dag.

Hér er hún að fara með poppið inn í veislusalinn.  Aldeilis hróðug.

Hér er verið að undirbúa veisluna.

Já þau eru að verða spennt að bíða eftir að veislan hefjist.

Allir að setjast og bíða.

Já þau eru þæg og góð þessir krakkar.

Undirbúningurinn í hámarki.

en fyrst þarf að gera smá serimoníur, taka myndir af afmælisbarninu til að setja á heimasíðuna.

Svo þarf að tollera hana og auðvitað syngja afmælissöngin, hún á afmæli í dag hún á afmæli í dag.... hún á afmæli hún Sara, hún á afmæli í dag.

Þá var komið að því, allir fengu poppkorn, og það var nammi namm.  Það þarf ekki alltaf að vera eitthvað ríkulegt eða kostnaðarsamt til að gleðja litlar sálir, þetta einfalda er bara best, af því að því fylgir ekkert stress, bara gleði og ánægja.

Já þetta litla hversdagslega dugir alveg svo vel.  Það er bara að koma auga á það.

Þetta gerði alveg sama gagn og tertur eða ís.  Nema minna maus og sullumbull.

Við Ásthildur héldum svo heim á leið.  Hún var ekkert sérlega spennt að yfirgefa samkvæmið.  Enda þessi fína veisla í boði.  Hún reyndi því að banka á hurðina eftir að við vorum komnar út hehehe.. En svo fékk hún pelann sinn og sofnaði í bílnum á leiðinni heim, ég kom henni svo í vagninn sinn og þar sefur hún nú.  En á morgun fer vagninn hennar með, og síðan fær hún sennilega að vera allan tímann. 

Hér er svo hið daglega veður, tekin á Suðureyri í þetta skiptið.  

Eigiðið góðan dag, og takk fyrir mig.  Mér þykir rosalega vænt um svörin ykkar hér á undan og ævinlega.  Takk fyrir mig.

Athugasemdir

[Brynja skordal, 1.4.2008 kl. 13:40]

Mikið hefur þetta verið gaman og spennandi fyrir litlu Ásthildi það sést á myndunum fjör að lenda í Afmælisveislu og fá popp fallegar myndir hafið ljúfan og góðan dag

[Sunna Dóra Möller, 1.4.2008 kl. 13:54]

Rétt að kasta kveðju og þakka fyrir kveðjuna hjá mér ! Takk fyrir skemmtilegar myndir, þær eru sannarlega fullar af lífi !

[Sæþór Helgi Jensson, 1.4.2008 kl. 13:59]

já hvað er gaman hja ykkur hvar búið þið á landinu ?

takk fyrir að commenta á síðunni minni kveðja sæþór helgi. 

[Ásthildur Cesil Þórðardóttir, 1.4.2008 kl. 14:03]

Já Brynja mín hún fylgdist með öllu af áhuga.

Takk Sunna Dóra mín.

Við erum á Ísafirði Sæþór minn.

[Kristín Katla Árnadóttir, 1.4.2008 kl. 14:26]

Gaman af myndunum eins og vant er hjá þér Ásthildur mín

[Ásthildur Cesil Þórðardóttir, 1.4.2008 kl. 14:50]

Takk og knús Katla mín

[Huld S. Ringsted, 1.4.2008 kl. 15:02]

Alltaf gaman á leikskólanum, skemmtilegar myndir af fallegum börnum!

[Sigrún Jónsdóttir, 1.4.2008 kl. 15:02]

Vá, maður fékk "fjölmenningarsamfélagið" beint í æð með þessum myndum þínum Ásthildur.  Siggar og Gunnur ekki í meirihluta þarna.  Þetta virðist vera fallegt samfélag og öðrum til eftirbreytni.

Takk fyrir að fá að kíkja með þér "heim" í dag.

[Ásthildur Cesil Þórðardóttir, 1.4.2008 kl. 15:35]

Já Huld mín, og eins og Sigrún segir þetta er fjölmenningarfélag eins yndislegur og hann getur orðið.  Öll sem eitt bara börn

á Sigrún mín samfélagið okkar er skemmtilegt og fjölbreytilegt.  Knús á þig

Já Takk Gréta mín, hún unir sér vel og á örugglega eftir að líða vel þarna hjá kerlunum á Suðureyri. 

[Jenný Anna Baldursdóttir, 1.4.2008 kl. 15:52]

Takk fyrir þessar myndir.  Það er svo ljúft að koma á síðuna þína og rúlla í gegnum myndirnar.

Knús.

[Eyrún Gísladóttir, 1.4.2008 kl. 17:27]

æææ hvað þau eru miklar dúllur alltaf jafn veik fyrir litlum börnum

[Ásthildur Cesil Þórðardóttir, 1.4.2008 kl. 17:59]

Takk stelpur mínar.  Mín er ánægjan Jenný mín. 

Já börn eru frábær, þó stundum geti þau reynt á þolinmæðina, en þarf ekki að æfa hana eins og allt annað ?

það er að minnsta kosti til dauður tími í minni veröld.

[Ásdís Sigurðardóttir, 1.4.2008 kl. 18:32]

  Langar bara að senda smákveðju. Er að hressa mig við á smá blogg lestri.    takk fyrir mig síðustu daga elskan

[Ásthildur Cesil Þórðardóttir, 1.4.2008 kl. 18:42]

Gott mál elsku Ásdís mín að þú ert að lagast.  Knús á þig.

[Dísa (IP-tala skráð) 1.4.2008 kl. 18:42]

Einmitt, þolimæði er eitthvað sem lærist. Mér líst mjög vel á þennan leikskóla hann minnir mig á leikskólann sem Siggi minn var í hér í Reykjavík. Þar var bara ein deild með öllum aldurshópum og börnin aðeins 17, allir þekktu alla og voru eins og ein fjölskylda og stóru börnin hjálpuðu þeim litlu eins og á venjulegu heimili. Ekki flokkað í aldurshópa eins og oftast er núna. Honum fór líka eins og nöfnu þinni, eftir tveggja daga aðlögun neitaði hann að fara heim fyrr en hin. Tjarnarborg hljómar mjög vel í þinni lýsingu og er örugglega staður sem börn læra að umgangast alla eins. Börnum finnst allt eðlilegt sem er í kringum þau nema talað sé um annað.

Það var leikskóli hér í borg sem tók fötluð börn sem fengu ekki annars staðar inni og lengi var talað um að nú kæmi nýtt fatlað barn. Svo var hætt að tala um fötlun og eitt barnið sagði mömmu sinni að nú kæmu ekki lengur fötluð börn. Þegar mamman spurði í leikskólanum var henni sagt að víst kæmu ný fötluð börn, það væri bara hætt að benda á það. Nú var bara sagt að nýja barnið gæti ekki þetta eða ætti erfitt með hitt. Það var bara staðreynd fyrir börnunum, ekki fötlun. Þegar upp er staðið erum við misgóð í því sem við getum.

[Ásthildur Cesil Þórðardóttir, 1.4.2008 kl. 19:04]

Dísa mikið er það frábært þetta með "fötluðu" börnin.  Við erum öll eins hvernig sem útlitið er, þá erum við öll eins inni í okkur, alveg eins og við erum sömu stelpurnar og við vorum þegar við vorum í grunnskólanum og vorum að takast á við skólan, aðra nemendur og svo bara alla í kring um okkur. 

En við stóðum alltaf saman þú og ég, hvernig sem allt áraði.  Og það lýsir stundum bjart í endurminningunni, við vorum stundum kallaðar duflið og ankerið, en þegar upp var staðið, þá vorum við sigurvegaranir, vegna þess að við vorum sterkar meðan sumir skólafélagar okkur hlupu eftir vinsældum og útliti.  Ég bý að þessu ennþá, knús á þig elsku æskuvinkona mín.

[Linda litla, 1.4.2008 kl. 19:10]

Hæ hæ. Það er greinilega að það er stuð og gaman á þessum leikskóla, Ásthildur hlýtur að vera ánægð, gengur ekki vel með hana í aðlögun ? Þetta eru skemmtilegar myndir sem þú hefur tekið þarna hjá þeim, það er líka alltaf gaman að skoða myndirnar hjá þér, mér finnast eiginlega myndabloggin skemmtilegust. Fólk er svo spennandi myndefni, við erum svo misjöfn eins og við erum mörg, og eitthvað varið í okkur öll. Mér finnst ofsalega gaman að velta fólki fyrir mér.

Eigðu góðan dag Ásthildur og njóttu kvöldssins.

[Ásthildur Cesil Þórðardóttir, 1.4.2008 kl. 19:23]

Takk Linda mín, jú það gengur vonum framar með hana.  Og léttir mikið á mér með það. Takk sömuleiðis